Dagur - 26.10.1984, Blaðsíða 5

26. október 1984 - DAGUR - 5
Matreiðsluwe™1
’ ruer alltaf <
yftrborgaoir
„Vaktavinnan getur verið
leiðigjörn til lengdar, en ég
held mér sé óhœtt að segja
að matreiðslan sé skemmti-
legt starf, “ segir Rúnar
Gylfason yfirmatreiðslu-
maður á Hótel KEA á
Akureyri.
Rúnar lærði matreiðslu á árun-
um 1972-1976 á Hótel KEA.
Hann hefur starfað þar síðan að
því undanskildu að í 8 mánuði
var hann háseti á sjó og í eitt
sumar rak hann Eddu-hótel að
Skógum undir Eyjafjöllum. Rún-
ar varð yfirmatreiðslumaður á
Hótel KEA árið 1982.
- Hvaða undirbúnings-
menntun þarf fyrir nám í mat-
reiðslu?
„Það þarf almenna gagnfræða-
menntun eða próf úr 9. bekk
grunnskóla til að geta hafið
nám.“
- Hvernig fer námið fram?
„Námstíminn er fjögur ár, og
þar af er verið í fagskóla þrjú
árin, fjóra mánuði í senn. Lært er
í Hótel- og veitingaskóla íslands
sem hefur aðsetur í Reykjavík.
Að öðru leyti ganga nemarnir til
starfa í eldhúsinu, þeir fara strax
í matreiðsluna, að vísu í hina
auðveldari hluti til að byrja með
og svo er það misjafnt eftir ein-
staklingum hversu duglegir þeir
eru og fljótir að komast inn í
flóknari hluti. Sumir koma að-
eins til þess að læra að nafninu
til, aðrir eru mjög áhugasamir og
verða auðvitað betri fagmenn."
- Geta nemar fengið námslán?
„Mér er ekki kunnugt um það,
enda eru nemar á launum á með-
an þeir eru í náminu, bæði á
vinnustað og eins á meðan þeir
eru í skólanum."
- Hvernig eru atvinnumögu-
leikar að námi loknu?
„Peir eru mjög góðir. Þróunin
hefur verið sú að undanförnu að
matsölustöðum hefur fjölgað
mjög og allir virðast þeir þrífast
vel. Matreiðslumenn vinna víða,
á hótelum og veitingastöðum, í
mötuneytum heimavistarskóla, í
veitingamiðstöðvum, á sjó og áfr-
am mætti telja. Það er algjör
undantekning ef matreiðslumað-
ur sést auglýsa eftir vinnu í dag.“
- Hvernig eru launamálin?
„Taxtinn hjá matreiðslu-
mönnum er ekki til að hrópa
húrra fyrir, fremur en taxtar ann-
arra iðnaðarmanna. Ég hef grun
um að það sé nokkuð mikið um
yfirborganir í þessu starfi, og
menn geta því haft nokkuð góðar
tekjur.“
- Er starftið áhugavert og gef-
andi?
„Vaktavinnan sem víða við-
gengst getur að sjálfsögðu verið
þreytandi. Menn vinna langan
vinnudag, en upp á móti kemur
að það eru góð frí á milli. Mér
finnst vinnan skemmtileg og gef-
andi en það er sjálfsagt hægt að
láta sér leiðast í eldhúsinu eins og
á öðrum vinnustöðum ef menn
eru á þeim buxunum.“
- Hvað með möguleika á
framhaldsnámi?
„Það er ekki um neitt að ræða
svoleiðis hér á landi eftir að
menn eru búnir með Hótel- og
veitingaskólann. Sumir hafa farið
erlendis til frekara náms á svo-
kallaða hótelskóla og fara þá þar
í almennt nám um hótelrekstur.“
- Hvers vegna valdir þú þér
þetta starf?
„Ég gerði það eiginlega ekki
sjálfur. Ég var 16 ára þegar ég
byrjaði að læra og það kom aðal-
lega til af því að móðir mín hafði
á tilfinningunni að þetta myndi
henta mér, og ér er svo sem ekki
að kvarta yfir þessu.“
- Hvað finnst þér skemmtileg-
ast við starfið?
„Það er alltaf virkilega gaman
að elda mat og sérstaklega þegar
árangurinn er góður. Mér per-
sónulega finnst mest gaman að
fást við eitthvað nýtt, prófa mig
áfram í sambandi við veislumat
og þess háttar. Og sem betur fer
eru alltaf einhverjar tilraunir í
gangi."
- Eldar þú heima hjá þér?
„Já, ég geri það vissulega, og
það sem meira er, ég vaska oftar
upp.“ gk-.
Húsið er opið hópum (stórum og
smáum), eftir samkomulagi
hvenær sem er í vikunni.
Aðstaða fyrir: Fundahöld, fyrirlestra,
sýningar, tónleika,
kaffi, máltíðir (með léttvíni).
Upplýsingar og pantanir í símum 24490 og 22644.
Gallajakkar
Gallabuxur
Khakibuxur 4 ntir.
Flauelsbuxur
stórkostlegt
úrval nýkomið.
Mjög gott
verð.
Póstsendum.
Hafnarstræti 99-101.
Dansleikur
fyrsta vetrardag
*
Hljómsveitin Portó leikur fyrir dansi.
V
Glæsilegt kvöldverðartilboð.
Matur framreiddur frá kl. 19.00.
Aðeins örfá sæti laus fyrir matargesti.
☆
Kristján Guðmundsson og lítil kammersveit leika létt lög
fyrir matargesti.
HÓTEL KEA
Borðapantanir
teknarf
síma 22200.
AKUREYRI
Félag málmiðnaðarmanna Akureyri
Fundarboð
Félag málmiðnaðarmanna Akureyri heldur
félagsfund þriðjudaginn 30. þ.m. kl. 20.30 að
Hótel KEA.
Fundarefni:
1. Inntaka nýrra félaga.
2. Kosning fulltrúa á 35. þing ASÍ.
3. Kjarasamningarnir.
4. Önnur mál.
Stjórnin.