Dagur - 19.12.1984, Síða 2

2 - DAGUR - 19. desember 1984
- segir Smári
Sigurðsson
formaður
Hjálparsveita skáta
um flugeldasöluna
„Við byrjum að selja flugelda
fyrsta virka dag eftir jólin og
það er opið hjá okkur til kl. 4
á gamlársdag. Undanfarin ár
höfum við verið í Alþýðuhús-
inu, en nú í ár verðum við í
eigin húsnæði sem við
keyptum á síðastliðnu ári og
höfum innréttað og tekið í
notkun. Þar verður aðalútsal-
an, en einnig verðum við með
flugeldasölu á hefðbundnum
stöðum við verslunarmið-
stöðvar. Sunnudaginn fyrir
áramótin verðum við fram í
Vín.“ Það er Smári Sigurðs-
son formaður Hjálparsveitar
skáta á Akureyri sem er í
Viðtali Dags-ins og hann ætl-
ar að fræða okkur um flug-
elda og flugeldasölu.
„Við erum löngu byrjaðir að
vinna að þessu, þetta er allt
unnið ári fyrirfram. Það eru
gerðar pantanir um miðjan
janúar, við pöntum flugelda í
gegnum Landssamband Hjálp-
arsveita skáta en þeir eru
stærstu innflytjendur flugelda á
landinu. Við fáum vörur frá
Bretlandi, Kína, Þýskalandi og
svo erum við líka með íslenskar
vörur. Það er alltaf dálítil
áhætta að panta svona löngu
fyrirfram, við vitum aldrei
hversu mikið selst.“
- Eru einhverjar tískusveifl-
ur í flugeldakaupum?
„Ja, svokallaðar „airbom“
hafa verið mjög vinsælar undan-
farin ár, en nú er búið að banna
þær. Þetta voru sprengjur sem
skotið var upp í loftið með ægi-
legum hvelli, ég held að hávað-
inn hafi aðallega valdið því að
þær voru bannaðar. Annars eru
fjölskyldupakkarnir alltaf
vinsælastir, þar er eitthvað við
allra hæfi, bæði fyrir fullorðna
og börn og svo er veittur 25%
afsláttur er slíkir kassar eru
keyptir.“
- Verðið þið með einhverjar
nýjar vörur?
„Já, við fáum töluvert af nýj-
um vörum í ár, það má nefna 1
og Vi tommu tívolíbombu, það
er svona míníútgáfa af bombun-
um sem við erum með í sýning-
unum. Við verðum með nýja ís-
lenska flugelda. Við höfum
reyndar alla tíð verið með ís-
lenska flugelda en þeir hafa
bara ekki selst vel. Það hefur
háð þeim að umbúðirnar hafa
verið litlausar, en litadýrð um-
búðanna hefur alltaf mikið að
segja í sölu. Núna eru íslensku
flugeldarnir með myndum af
stjórnmálamönnum utan á, svo
fólk getur keypt Steingrím eða
Svavar og skotið upp um ára-
mótin."
- Hvernig er það, eru ís-
lensku flugeldarnir samkeppnis-
hæfir við aðra innflutta?
„íslenskir flugeldar eru alveg
ágætir, en hafa verið dálítið
dýrir og ekki geta keppt við t.d.
kínverska í verði, en þeir eru
örugglega betri að mörgu leyti.
íslensku flugeldarnir hækka til-
tölulega minna en aðrir núna,
þeir kosta eitthvað um 150
krónur. Fólk hefur ekki verið
ginnkeypt fyrir þessum flugeld-
um vegna lélegra umbúða.“
- 150 krónur segirðu, er það
algengt verð á flugeldum?
„Þú getur fengið flugelda frá
7 krónum og uppúr, en almennt
má segja að það sé um 150-200
krónur. Fjölskyldupakkarnir
eru til í 4 stærðum og kosta frá
650 krónum upp í 2.000 krónur
sá stærsti."
- Er þetta ekki talsvert fé
sem þið fáið með þessari flug-
eldasölu?
„Við gefum ekki upp neina
tölu, en það er óhætt að segja
að um töluverðar upphæðir er
að ræða. Þetta er nú líka dýrt í
innkaupum og það má koma
fram að þetta er nánast eina
fjáröflunarleið hjálparsveit-
anna.“
- Þið gerið pantanir í janúar,
er ekki erfitt að áætla hversu
mikið kemur til með að seljast
að ári?
„Jú vissulega. Veðrið skiptir
miklu máli fyrir söluna, ef veðr-
ið er vont er nánast engin sala,
en við höfum verið heppnir með
veður og selt svo að segja upp
það sem við höfum pantað. Við
reynum frekar að hafa of mikið,
svo að allir fái eitthvað og það
hefur gengið vel, en því er samt
ekki að leyna að sala á flugeld-
um hefur minnkað verulega
undanfarin ár.“
- Er þetta ekki hættulegt
sport að skjóta upp flugeldum?
Með góðum mat þarfgóðan drykk
veljið því
Smári Sigurðsson.
„Það er alltaf viss hætta fyrir
hendi, en ef menn fara eftir
leiðbeiningum á flugeldunum
þá á allt að vera í lagi. Það skiptir
mjög miklu máli að hafa sterka
og góða undirstöðu, Kiwanis-
menn eru að selja sérhönnuð
statív sem mætti benda fólki á
að kaupa. Nú, ef menn skjóta
utandyra því sem skjóta á þar
og halda ekki á því sem ekki á
að halda á, þá á allt að ganga
slysalaust." - mþþ
Enn um jólasveina
í göngugötunni
Ingimar Eydal skrifar:
Aðdáandi jólasveinsins sér
ástæðu til að skrifa lesendahorni
Dags vegna svonefndra KEA-
jólasveina, og hefur margt að
gera athugasemdir um, þeir
kunni aðeins 2-3 lög, tali ekki við
börnin, kunni ekki sögur, þekki
ekki heiðurshjónin Grýlu og
Leppalúða o.fl. Sá sem þessar
línur ritar hafði þá ánægju að
vinna með ungu fólki úr röðum
skáta að undirbúningi og fram-
kvæmd þess sem upp á var boðið
á svölum Vöruhúss KEA sunnu-
daginn 9. des. Þeir sem að þessu
unnu voru sammála um að of oft
hefði verið boðið upp á sýningar
eins og aðdáandi lýsir. Því settu
þeir saman dagskrá sem byggð
var á sögu og söngvum. í sögunni
blandaðist saman grín og alvara
og var í henni uppruna og for-
eldrum jólasveina gerð ítarleg
skil og lag sungið tileinkað þeim
heiðurshjónum. Alls voru sungin
13 lög með milli 20 og 30 vísum
og lögð var á það mikil áhersla að
kunna bæði texta og sögu. Á síð-
ustu stundu var þó ákveðið að til
öryggis skyldu drög af sögunni
standa á nótnapúltum á svölun-
um. 5 lög sungu börnin með svo
og jólasálminn sem sunginn var í
lokin.
Það kann að virðast út í hött að
vera að svara öðrum eins firrum
og aðdáandinn fór með en vegna
þeirra sem ekki voru viðstaddir
finnst mér rétt að skýra frá hvað
þarna fór í raun fram.