Dagur - 19.12.1984, Síða 12

12 - DAGUR - 19. desember 1984
Bændaskólinn á Hólum í Hjaltadal:
„Sporðbrautin“
nýtur vinsælda
Bændaskólinn á Hólum tók upp
kennslu í fiskeldi haustið 1981.
Nám í fiskeldi var í upphafi fellt,
sem valgrein, inn í hið almenna
búnaðarnám. Hefur það með
tímanum unnið sér fastari sess í
náminu, enda er æ fleirum ljós
nauðsyn þess að sinna menntun-
arþörf þeirra, sem óska eftir stað-
góðri þekkingu í fiskeldi.
Síðastliðið haust var svo á Hól-
um skrefið endanlega stigið til
fulls varðandi fiskeldisnám, og
þá tekin upp sérstök fiskeldis-
braut, sem að sinni hefur hlotið
nafnið sporðbraut. Er hún ætluð
þeim nemendum, sem hafa
áhuga á að mennta sig í fiskeld-
isfræðum, en margir hafa haft
samband við skólann með það í
huga.
Hér á eftir verður gerð tilraun
til þess að lýsa innihaldi sporð-
brautar við Bændaskólann á Hól-
um í stuttu máli. Til skýringar
skal þess getið að hver náms-
áfangi er metinn til eininga til
samræmis við einingar fram-
haldsskólanna og er námið allt
talið vera 68 einingar, en það
samsvarar tveggja vetra vinnu.
Kjarni
I kjarnanum eru þær almennu
námsgreinar, sem sameiginlegar
eru öllum nemendum skólans.
Par eru m.a. stærðfræði, efna-
fræði, tölvufræði og líffræði, þar
sem grunnur er lagður undir sér-
hæfða umfjöllun um fiskeldi. Þá
er í kjarna nokkru rúmi varið til
bóklegrar og verklegrar kennslu
í bútækni, þ.e. um vélar og tæki,
viðhald þeirra, og meðferð ým-
issa smíðaefna svo sem járns, trés
og gerviefna. Auk þess er fjallað
um almenna vinnufræði, ís-
lensku, veðurfræði, bókhald og
skattauppgjör og hagfræði. Þá er
ótafin umfjöllun um félagslega
uppbyggingu landbúnaðarins og
um almenna möguleika heimila
til heimaöflunar.
Verknám
Á annarri önn fiskeldisnámsins
er nemendum komið fyrir í verk-
þjálfun hjá fiskeldisstöðvum. Þar
dvelja nemendur um þriggja
mánaða skeið, og er ætlast til
þess að þeir gangi þar til allra al-
mennra verka, sem til falla, en
auk þess eru lögð fyrir þá ýmis
verkefni, bæði til þess að tryggja
það, að þeir kynnist öllum verk-
þáttum, sem unnir eru á fiskeldis-
stöð, svo og vegna hins, að þeir
afli sér upplýsinga, sem þeir vinni
síðan frekar með í verkefnum
komandi vetrar. Á meðan á verk-
námi stendur eru nemendurnir í
umsjá viðkomandi fiskeldis-
bónda, en skólinn hefur þó náið
eftirlit með því, hvernig verk-
námið fer fram.
Valgreinar
Nemendur geta valið tvo náms-
áfanga að eigin ósk. Reynt er að
bjóða upp á valgreinar í samræmi
við það, sem áhugi nemenda
stendur til. Þær valgreinar, sem
hafa haft hljómgrunn fram að
þessu eru loðdýrarækt og hrossa-
rækt, auk fiskræktar og fiskeldis.
Fiskeldisgreinar
Kennslu í fiskeldisgreinum má
gróflega skipta í þrjú svið. Þau
eru í fyrsta lagi eldistækni, þar
sem farið er í þær aðferðir sem
notaðar eru við fiskeldi, og út-
skýrður sá jjrundvöllur, sem þær
byggja á. I öðru lagi er um að
ræða líffræðisvið, þar sem gerð er
grein fyrir líffræði eldisdýranna,
lífsferlum og lífsmunstri, og þá
hvernig þau bregðast við mis-
jöfnum aðstæðum. Þriðja sviðið
sem um er fjallað varðar bygg-
ingarfræði og rekstur fiskeldis-
stöðva, sem er veigamikill þáttur
í fiskeldisnámi. Auk þessara
sviða er svo talsverðu rúmi eytt í
að fjalla um sjúkdóma, kynbætur
og fleira í þeim dúr, auk jjess sem
grein er gerð fyrir þeim skipu-
lagslega og lagalega ramma, sem
fiskeldi starfar innan.
Um námið
Fiskeldisnám á Hólum tekur tvo
vetur, sem hvorum um sig er
skipt í tvær annir. Fyrstu önnina
er höfuðáherslan lögð á kjarna-
greinarnar, jafnframt því sem
nemendur eru bæði bóklega og
verklega búnir undir verknám á
fiskibúi. Nemendur dvelja síðan
alla aðra önnina í verkþjálfun á
fiskibúi, ganga þar til daglegra
starfa, jafnframt því sem þeir
sinna verkefnum, sem skólinn
leggur fyrir þá. Seinni veturinn er
svo megináherslan lögð á þær
greinar sem tengjast fiskeldi
beint, en þær byggja að sjálf-
sögðu verulega á þeim grunni,
sem nemendur fá í kjarnagrein-
unum. Kennslan er bæði bókleg
og verkleg, og má telja að sé
verknámið meðtalið, þá sé á milli
40 og 50% námsins verklegt á
einn eða annan hátt.
Námi sínu Ijúka nemendur svo
með aðalverkefni, þar sem þeim
gefst kostur á að fjalla sérstak-
lega um það svið, eða þann þátt,
sem þeim er hugleiknastur.
Haust, 1984.
Þroskahjalp
Tímaritið Þroskahjalp 3. töiu-
blað 1984 er komið út. Útgef-
andi er Landssamtökin
Þroskahjáip.
í ritinu er að finna ýmsar grein-
ar, upplýsingar og fróðleik um
málefni fatlaðra.
Sem dæmi um efni má nefna:
Gyða Haraldsdóttir, skrifar um
„Cunningham námskeiðið" sem
er stðari hluti og nefnist Náms-
fundir fyrir foreldra. Fyrri hluti
greinarinnar birtist í 1. tölublaði
1984. Rögnvaldur Óðinsson
greinir frá nýstofnuðu félagi fatl-
aðra ungmenna og Dóra S.
Bjarnason og Ásgeir Sigurgestsr
son skýra frá því hvað PASS, en
það er aðferð til að meta þjón-
ustu við fatlaða, felur í sér. Frá-
sögn af málefnum fatlaðra á
Austfjörðum í grein sem nefnist
„ Að austan" og grein Jóns S. Alf-
onssonar sem hann byggir á er-
indi sínu sem hann flutti á Lands-
þingi Þroskahjálpar 1983 um:
Heimili - langtímavistun. Þá er
greint frá starfi Landssamtak-
anna Þroskahjálpar og norrænu
samstarfi um málefni fatlaðra.
Tímaritið Þroskahjálp, sem
kemur út fjórum sinnum á ári, er
sent áskrifendum og er til sölu á
skrifstofu samtakanna Nóatúni
17, 105 Reykjavík. Áskriftarsími
er 91-2990 í.
FGTH - Welcome to the
pleasuredome
Johnny King -
Country rock
Frumlega ófrumlegir
Þeir eru á allra vörum og svo sannar-
lega ekki að ástæðulausu. Frankie
goes to Hollywood flytur með sér
ferskan blæ og frumlegheit sem er
ekki amalegt á þessum síðustu og
verstu tímum stöðnunar og stein-
runa.
FGTH komu eins og hvítur storm-
sveipur inn í rokkið með hvert topp-
lagið á fætur öðru. Fyrst var það
„Relax“ og síðan hefur Liverpool-
hljómsveitin ekki látið staðar numið.
FGTH er í rauninni ótrúleg
þversögn. Þeir eru frumlegir með
því að vera ótrúlega ófrumlegir.
Rokkið þeirra er hvorki betra né
verra en gengur og gerist en „ímynd“
hljómsveitarinnar og uppátækin eru
sterk og á því fljóta þeir. Hommar í
leðurgöllum, kynferðisleg áreitni á
sviði og hæpnir textar hafa fleytt
FGTH fram hjá öllum skerjum. Eftir
„smellina“ þrjá eru FGTH nú komn-
ir fram með sína fyrstu plötu - tvöfalt
albúm - Welcome to the pleasure-
dome. Ég^vil rétt vekja athygli á því
að þar er að finna snyrtilega útsetn-
ingu á hinu frábæra íagi B. Spring-
steen, „Born to run“. Þetta er pott-
þétt rokkplata.
Á uppleið
Það er greinilega einlægur ásetningur
piltanna í Kizz að verða „heavy
metal“ hljómsveit og ég er ekki frá
því að það hafi þeim tekist með þess-
ari nýju plötu.
Á það hefur áður verið minnst á
þessum vettvangi að þungarokks-
taktar Kizz hafa ekki verið sérstak-
lega sanhfærandi á undanförnum
árum. Að þessu sinni er hljómsveitin
þyngri en nokkru sinni fyrr en það er
galli að grípandi lög á borð við „Lick
it up“ vantar. En Kizz eiga allt gott
skilið fyrir þessa plötu. Spilið hana
hátt.
önnur hafa ekki þótt meira en svona
la la. En sjónvarpsauglýsingin selur
þessa plötu og eins nýtur hún þess að
þeir sem ekki vita hvað þeir eiga að
gefa í jólagjöf, grípa hana um leið og
þeir versla í matinn.
Dínamít nefnist önnur safnplata frá
Steinum og miðað við vinsældir
Endurfunda og gæði, ætti þessi plata
að seljast í tugþúsundum eintaka. En
því er víst ekki að heilsa og Endur-
fundir hafa vinninginn.
Á Dínamít eru flest nýjustu lögin
sem Steinar hafa innan sinna vé-
banda. Þarna eru flest nýjustu topp-
lögin og flytjendur eins og Culture
Club, Wham, Cyndi Lauper og
Stranglers tryggja gæðin.
Forystusveit
Ef þig vantar virkilega þunga rokk-
plötu sem rífur í hlustirnar og gerir
heiðarlega tilraun til þess að sprengja
þakið af húsinu, kemur aðeins ein ti!
greina - Powerslave með Iron
Maiden.
Hafi þeir Járnfrúarmenn einhvern
tímann verið f stuði þá eru þeir það
nú á þessari nýju plötu. Brjáluð
keyrsla alla plötuna og það heyrist í
gegn (þó þetta sé stúdíóplata) að
Iron Maiden hljóta að vera fantagóð-
ir á sviði. Miðað við þessa plötu eru
Dio léttrokkaðir og svo nefnd séu
fleiri dæmi, gætu Kizz allt eins tekið
að sér aftansöng. í fjarveru AC/DC
frá hljómplötumarkaðinum hefur
Iron Maiden náð óskoraðri forystu.
Að vísu hef ég ekki heyrt nýju Deep
Purple-plötuna en mikið má hún
vera góð ef hún slær „Powerslave“
við.
NB: Það eru hvorki fleiri né færri
en 51.20 mínútur af þyngsta rokki
sem til er, á þessari plötu.
Safnplötur
Endurfundir nefnist safnplata frá
Steinum sem greinilega ætlar að
verða söluhæsta jólaplatan í ár. Er
Dagur kannaði söluna nú í vikubyrj-
un í verslunum á Akureyri, var alls
staðar það sama uppi á teningnum.
Endurfundir á toppnum. Nú er vart
hægt að segja með nokkrum sann-
færingarkrafti að Endurfundir sé
virkilega góð safnplata. Mörg lag-
anna eru komin til ára sinna og
Kizz - Animalize
Fjölbreytt kántrýrokk
Húsvíkingurinn geðþekki, Jón Vík-
ingsson öðru nafni Johnny King, hef-
ur sent frá sér sína fyrstu plötu.
Nefnist hún Country rock og er það
réttnefni því á plötunni fyrirfinnast
flest öll kántrýrokk-stílbrigði sem
þrífast norðan Klettafjalla.
Það er rétt að taka það fram að
þeir eiga fátt sameiginlegt, Hallbjörn
og Johnny King ef miðað er við þessa
plötu. Hallbjörn er ballöðukóngur-
inn á meðan Johnny er rokkari fram
í fingurgóma. T.d. er margt á þessari
plötu sem ekki er ósvipað því sem
David Bowie -
Tonight
Limahl - Don’t suppose
Brimkló gerði á kántrýárum sínum.
Country rock er annars plata sem að
mörgu leyti kemur verulega á óvart.
Hún býr yfir fjölbreyttum lögum,
smekklegar útsetningar Snorra Guð-
varðarsonar eru lagbætandi og hljóð-
færaleikur er góður. JK mætti að
sönnu vera betri söngvari og sum lag-
anna mættu vera betri en þrátt fyrir
allt á hann hrós skilið fyrir þessa
plötu. Ég er t.d. ekki frá því að lagið
„Maður og hestur" eigi eftir að gera
það gott.
Umslagið er hroðalegt. Hugmynd-
in er að vísu góð en hvíti liturinn...
Röng mynd
Flestir Skonrokk-aðdáendur muna
sennilega eftir ævintýralaginu
„Never ending story“ úr samnefndri
kvikmynd. Flytjandi lagsins er
náungi sem nefnist Limahl en það er
m.a. að finna á fyrstu sólóplötu hans,
Don’t suppose.
Það er best að taka það fram strax
að „Never ending story“ sem er eftir
nýja súperhöfundinn Giorio
Moroder, gefur alranga mynd af
þessari plötu. Afgangurinn er nefni-
lega fremur litlaus og fellur algjör-
lega í skuggann af þessu skemmtilega
lagi. Limahl þessi á því takmarkaða
framtíð fyrirsér, þ.e.a.s. ef Moroder
verður honum ekki innan handar í
framtíðinni.
Undirmálsplata
Nokkuð er um liðið síðan David
Bowie sendi plötuna Tonight frá sér.
Venjulega hefur nýrri plötu frá
Bowie verið tekið með ótrúlegri
hrifningu gagnrýnenda en að þessu
sinni horfa málin öðruvísi við.
Tonight er létt skemmtiplata og
Bowie bregður jafnvel fyrir sig
reggae-takti í tveim lögum. Ekki
virkar það þó sannfærandi og
Tonight er að mínu mati undirmáls-
plata frá Bowie. Hafa ber þó í huga
að miklar kröfur eru jafnan gerðar til
þessa meistara rokksins. Helsta
skýringin á dapri útkomu að þessu
sinni er sú að ég held að Bowie hafi
kastað til höndum. Aðeins fjögur ný
lög eru á plötunni en afgangurinn
frá árunum 1962 til 1977. í sjálfu sér
er það ekki ellihrumleiki sem háir
þeim heldur almennur slappleiki.
Iggy Pop er stórtækur í textagerð
á þessari plötu en þar fara ekki sam-
an magn og gæði.
Iron Maiden -
Powerslave