Dagur - 29.04.1985, Blaðsíða 4

•YHÍIAr’ .. Í’OOÍ-
4 - DAGUR - 29. apríl 1985
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI:. 24222
ÁSKRIFT KR. 200 Á MÁNUÐI
LAUSASÖLUVERÐ 28 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
GlSLI SIGURGEIRSSON
BLAÐAMENN:
EIRlKUR ST. EIRlKSSON OG GYLFI KRISTJÁNSSON
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDÍS FREYJA RÖGNVALDSDÓTTIR, HEIMASlMI: 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Málefnafesta
í stjórnmálaályktun miðstjórnar Framsóknar-
flokksins segir að höfuðviðfangsefni íslenskra
stjórnmála sé að varðveita frjálst velferðar-
þjóðfélag á íslandi, þar sem manngildið er
metið ofar auðgildinu og þjóðfélagslegt rétt-
læti ríkir. Þessi stefnumið aðgreina Fram-
sóknarflokkinn meira en flest annað frá Sjálf-
stæðisflokknum, sem í auknum mæli aðhyllist
frjálshyggju- og auðmagnskenning-ar. Sú að-
greining er ítrekuð, en í framhaldi af þessu
segir í ályktuninni:
„Fundurinn varar sterklega við blindri trú
á öfgakenndar kennisetningar frjálshyggju
og sósíalisma. Oftrú á eitt rekstrarform í at-
vinnulífinu er andstætt grundvallaratriðum í
stefnu Framsóknarflokksins. Flokkurinn mun
standa vörð um meginstoðir blandaðs hag-
kerfis sem felst í heilbrigðu einkaframtaki,
öflugum samvinnufélögum og hagkvæmum
opinberum rekstri þar sem hans er þörf. “
í stjórnmálaályktun miðstjórnar Framsókn-
arflokksins er síðan tekið á nokkrum þeim
málum sem ofarlega eru í þjóðmálaumræð-
unni í dag og þar segir m.a. um kjaramálin:
„Framsóknarflokkurinn telur mikilvægara
en nokkru sinni fyrr að með samráði aðila
vinnumarkaðarins og ríkisvaldsins takist að
jafna launakjör og aðstöðu fólksins í landinu.
Sérstaka áherslu leggur flokkurinn á að bæta
kjör þeirra, sem við lökust lífskjör búa.
Flokkurinn telur að þróun vaxtamála hafi
farið úr böndum. Fundurinn telur því brýnt,
bæði vegna einstaklinga og atvinnulífs að
vaxtastefnan verði endurskoðuð með hóflega
raunvexti að markmiði.
Á mörgum sviðum leika nýir straumar um
þjóðlífið. Á miðstjórnarfundi á Akureyri á síð-
asta ári lagði Framsóknarflokkurinn pólitísk-
an grunn að þeirri nýsköpun sem nú er að
hefjast í atvinnumálum íslendinga. Þar ber
hæst tillögur um að 500 milljónum króna af
ríkisfé verði varið til nýsköpunar. “
Þá segir í ályktuninni að meira en tímabært
sé að taka næstu skref til aðstoðar fyrirtækjum
sem teljast til nýsköpunar í atvinnulífi og
selja á erlendan markað. Meðal þess sem
gera þurfi er að fella niður aðflutningsgjöld
og söluskatt af stofnkostnaði, fella niður
tekjuskatt í 5 ár, fella niður söluskatt og verð-
jöfnunargjald á raforku, hvatt verði til aukinn-
ar rannsóknar- og þróunarstarfsemi fyrirtækja
með beinum skattafrádrætti og/eða mótfram-
lagi úr ríkissjóði, leitað verði leiða til að örva
samvinnu innlendra og erlendra fyrirtækja,
komið á fót samkeppnis- og útflutningslána-
kerfi og endurskoða lög um ríkisábyrgð þann-
ig að því kerfi megi beita til hvatningar ný-
sköpunar í atvinnulífinu.
Málefnafesta og beinar tillögur til úrbóta
einkenna stjórnmálastefnu Framsóknar-
flokksins.
Miðstjórnarfundur Framsóknarflokksins:
Tillögur í
húsnæðismálum
Um leið og vísað er til stefnu
Framsóknarflokksins í húsnæðis-
málum leggur miðstjórnarfundur
haldinn 19.-21. apríl 1985
áherslu á eftirfarandi:
Umbætur í tíð nú-
verandi ríkisstjórnar
Sérstök athygli er vakin á nokkr-
um mikilvægustu umbótum sem
framkvæmdar hafa verið í hús-
næðismálum í tíð núverandi fé-
lagsmálaráðherra, Alexanders
Stefánssonar:
1. Samþykkt hefur verið ný
húsnæðislöggjöf sem felur í
sér margþættar endurbætur
á eldri löggjöf og ýmsar nýj-
ungar í húsnæðismálum.
2. Ríkissjóði er nú skylt að
leggja fram eigi lægri fjár-
hæð en 40% af samþykktri
útlánaáætlun Byggingasjóðs
ríkisins viðkomandi ár.
3. Lánstími húsnæðislána hefur
verið lengdur verulega.
Lánstími nýbyggingalána
var Iengdur úr 26 í 31 ár.
Lán til kaupa á eldra hús-
næði voru lengd úr 15 í 21
ár.
4. Húsnæðislánin hækkuðu um
50% frá ársbyrjun 1984.
5. Veitt voru 50% viðbótarlán
til þeirra sem fengu lán árin
1982 og 1983.
6. Biðtími útborgunar á lánum
til þeirra sem eru að eignast
sína fyrstu íbúð hefur verið
styttur um helming.
7. Lán til þeirra sem eru að
byggja í fyrsta sinn eru nú
greidd út í tvennu lagi en
voru áður greidd í þremur
áföngum.
8. Á árinu 1983 fór fram
skuldbreyting á lánum þeirra
sem áttu í erfiðleikum vegna
skammtímalána í bönkum
og sparisjóðum. Lánstíminn
var lengdur og mörg smærri
lán voru sameinuð í eitt.
9. Á árinu 1983 var fólki gefinn
kostur á 25% frestun á
greiðslum af húsnæðislánum
ársins 1983.
10. Komið hefur verið á ráð-
gjafaþjónustu fyrir húsbyggj-
endur í greiðsluerfiðleikum.
Ráðgjafaþjónustan hefur
veitt viðbótarlán og skuld-
breytt lánum.
11. Utborguð lán úr Bygginga-
sjóði ríkisins hækkuðu milli
áranna 1983-84 um rúmlega
124% eða 84% hækkun mið-
að við fast verðlag.
Brýnustu verkefni í
húsnæðismálum
Framsóknarflokkurinn telur
brýnt að leggja nú þegar áherslu
á eftirfarandi:
1. Til viðbótar þeirri ráðgjöf sem
nú er fyrir hendi, skal veita
fyrirbyggjandi ráðgjöf. Áður
en fólk kaupir eða byggir íbúð
geti það fengið upplýsingar og
ráðgjöf til að auðvelda rétta
ákvörðunartöku. Ráðgjafa-
þjónustan verði veitt um allt
land.
2. Tryggja þarf að greiðslubyrði
af lánum aukist ekki frá því
sem hún er þegar lán eru
tekin. í því skyni ber tafar-
laust að samþykkja frumvarp
félagsmálaráðherra um
greiðslujöfnun vegna mis-
gengis lánskjara og launa.
3. Tekinn verði upp fastur
skattafrádráttur fyrir hús-
byggjendur og kaupendur.
4. Lán til þeirra sem kaupa hús-
næði í fyrsta sinn hækki veru-
lega frá því sem nú er. Veitt
verði tvisvar sinnum fullt lán
til öflunar eigin húsnæðis.
Lýst er stuðningi við reglur
um stærðarmörk íbúða sem
félagsmálaráðherra hefur ný-
lega samþykkt.
5. Almenningi verði gefinn kost-
ur á að stofna sérstaka bundna
sparireikninga með skattaaf-
slætti við innlánsstofnanir, í
þeim tilgangi að það fé sem
þannig sparast, verði notað til
öflunar eigin íbúðarhúsnæðis.
Innlánsstofnunum verði gert
skyit að ráðstafa hluta af því
fé sem þannig sparast til Bygg-
ingasjóðs ríkisins.
6. Fjármögnun hins opinbera
húsnæðiskerfis verði tekin til
endurskoðunar. M.a. verði
lögð áhersla á að tryggja hæfi-
legt fjárstreymi frá lífeyris-
sjóðum og innlánsstofnunum
með reglubundnum verð-
bréfakaupum þeirra af bygg-
ingasjóðunum.
Framtíðarmarkmið
- Ný viðhorf
Framsóknarflokkurinn leggur
áherslu á ný viðhorf í húsnæðis-
málum. í framtíðarstefnumörkun
verði áhersla lögð á eftirtalin
atriði:
1. Lagður verði meiri þungi á
„húsnýtingastefnu" meðal
annars með hærri lánum til
kaupa á eldra húsnæði.
2. Könnuð verði hagkvæmni í
stofnun sérstaks húsnæðis-
banka, er taki yfir sem flesta
þætti húsnæðismála, þ.á m.
Byggingasjóð ríkisins, Bygg-
ingasjóð verkamanna og
Veðdeild Landsbanka
íslands.
3. Framsóknarflokkurinn vill
stuðla að því að sem flestir
geti búið í eigin húsnæði af
hæfilegri stærð. Húsnæðis-
málum þeirra sem ekki vilja
eða hafa fjármagnslegt bol-
magn til þess að byggja eða
kaupa húsnæði, þarf að
sinna betur. Gera þarf öflugt
átak í byggingu ódýrra leigu-
íbúða. Bygging félagslegra
íbúða hefur ekki náð að
fylgja eftir örum breytingum
þjóðfélagsins. Pví þarf að
auka verulega byggingu fé-
lagslegra íbúða fyrir aldr-
aða, fólk í langskólanámi,
öryrkja o.fl.
4. Styðja þarf betur bygginga-
samvinnufélögin sem eru í
raun tengiliður milli al-
mennra íbúðabygginga og
félagslegra bygginga. Bygg-
ingasamvinnufélög byggja
ódýrustu íbúðirnar á mark-
aðinum í dag. Auka þarf
verulega lánveitingar til
þeirra sem þannig vilja leysa
húsnæðismál sín.
5. Sveitarfélögum ber að taka
tillit til mikillar eftirspurnar
eftir minni íbúðum strax á
skipulagsstigi. Minni íbúðir
henta vel ungu fólki sem er
að hefja búskap, svo og öldr-
uðum. Leysa þarf þá þörf
sem skapast hefur fyrir íbúð-
ir af þessari stærð.
6. Byggingasjóði verkamanna
þarf að styðja en æskilegt
væri að fara þar inn á nýjar
brautir m.a. með því að
kaupa eldri íbúðir á almenn-
um fasteignamarkaði inn í
félagslega íbúðakerfið.
7. Vinna þarf markvisst að því
að útborgun í fasteignavið-
skiptum lækki verulega frá
því sem nú er. Er greiðslu-
jöfnunarleiðin álitlegur kost-
ur í þessu efni og mun án efa
stuðla að slíku.
8. Endurskoða verður reglur
um veðhæfni eigna. Sú við-
miðun við brunabótamat,
sem notuð er almennt í dag
tekur ekki mið af markaðs-
aðstæðum og er því vafa-
- söm.
9. Endurskoða þarf lög um
fasteignasölu með það fyrir
augum að bæta þjónustu
fasteignasala, auka ábyrgð
þeirra, bæta upplýsingamiðl-
un þeirra og veita viðskipta-
mönnum þeirra meira ör-
ygg'-
10. Viðskiptabankar veiti bygg-
ingariðnaðinum aukin fram-
kvæmdalán.
11. Lögð verði áhersla á nýjung-
ar í byggingariðnaði er gætu
leitt til aukinnar hagkvæmni
og lækkunar byggingarkostn-
aðar. Aðilum sem vinna að
slíku verði veittur styrkur
eða hagkvæm lán úr hús-
næðiskerfinu.
Aukin áhersla verði lögð á
leiðir til þess að lækka bygg-
ingarkostnað, meðal annars
með lækkun aðflutnings-
gjalda á byggingarefni og
lækkun launaskatts og að-
stöðugjalds.