Dagur - 20.05.1985, Blaðsíða 4

4 - DAGUR - 20. maí 1985
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR, 200 Á MÁNUÐI
LAUSASÖLUVERÐ 28 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
GlSLI SIGURGEIRSSON
BLAÐAMENN:
GYLFI KRISTJÁNSSON, MARGRÉT Þ. ÞÓRSDÓTTIR,
GESTUR E. JÓNASSON
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Dagblað
landsbyggðarinnar
Fyrsta dagblað á landsbyggðinni mun sjá dags-
ins ljós í haust, þegar útgáfudögum Dags verður
fjölgað í fimm á viku. Formleg ákvörðun um
þetta mál var tekin á aðalfundi blaðstjórnar
Dags um helgina, en undirbúningur þess hefur
staðið alllengi. Vart verður framhjá því litið að
um er að ræða sögulegan viðburð í íslenskum
blaðaheimi.
Á undanförnum árum hefur útgáfan smátt og
smátt verið að aukast, bæði hvað varðar fjölgun
útgáfudaga og blaðsíðufjölda. Stórt skref var
stigið þegar föstum útgáfudögum var fjölgað úr
tveimur í þrjá. Annað stórt skref verður stigið í
haust þegar útgáfudögum verður fjölgað úr
þremur í fimm.
Dagur hefur fyrst og fremst verið blað Norð-
lendinga og það mun eftir þessa breytingu fyrst
og fremst sinna málefnum þeirra, með öflugri
fréttaþjónustu og umfjöllun um hagsmunamál
þeirra og það sem efst er á baugi hverju sinni.
Vafalaust má búast við aukinni samkeppni frá
dagblöðunum úr Reykjavík, einkum DV og
Morgunblaðinu. Það er hins vegar trúa þeirra
sem að Degi standa að hann hafi og muni hafa
slíka sérstöðu, að vart verði hægt að bera Dag
saman við Reykjavíkurblöðin. Stefna Dags er sú
að blaðið verði óumdeilanlega sá fjölmiðill sem
best sinnir Norðlendingum og sjónarmiðum
landsbyggðarfólks og verður öll starfsemi og
efnisöflun miðuð við það.
Dagur mun beita kröftum sínum í enn ríkara
mæli að baráttu fyrir eflingu landsbyggðarinnar
í heild, sem með útflutningsframleiðslu sinni er
hornsteinn þeirrar velferðar sem menn vilja að
ríki í landinu. Árangur þess að vekja fólkið á
landsbyggðinni til umhugsunar um málefni þess
- benda á það sem miður hefur farið í byggða-
stefnunni, sem ætti að vera innbyggð í allt
stjórnkerfi landsins með sjálfvirkum hætti — hef-
ur þegar borið nokkurn árangur. Með öflugri fjöl-
miðli má vænta þess að sjálfsvitund lands-
byggðarfólks vakni enn frekar og jafnframt
skilningur þeirra sem mestu ráða um það hvern-
ig þessi mál þróast.
Dagur hefur einnig beitt sér fyrir samvinnu í
víðtækum skilningi þess orðs. Blaðið hefur stutt
samvinnuhreyfinguna, samvinnu byggðanna og
hvatt til samvinnu og samstarfs allra íbúa þessa
lands, með því að efla skilning þéttbýlis- og
dreifbýlisbúa á högum og þörfum hverra ann-
arra.
Dagur mun sem dagblað verða öflugur mál-
svari dreifbýlis og þeirra sjónarmiða að jafnrétti
skuli ríkja, burtséð frá búsetu. Hann mun berjast
gegn þeim öfgaskoðunum frjálshyggjunnar og
þeirra sem hafa misst öll tengsl við lífsbaráttuna
í landinu, að þeir sem afla gjaldeyristeknanna
séu ómagar á þjóðinni. Dagur væntir þess af les-
endum sínum, hvar í flokki sem þeir standa, að
þeir styðji þessa baráttu.
Ráðstefna um
lag ferðamála
Um helgina var haldin ráð
stefna um skipulag ferðamála
og um ferðamál á Norðurlandi
á vegum Ferðamálasamtaka
Norðurlands í samráði við
Fjórðungssamband Norðlend-
inga. Ráðstefnan var haldin í
Sjallanum á Akureyri og sóttu
hana um 60 manns víðs vegar
af Norðurlandi. Meginverkefni
ráðstefnunnar var kynning á
ferðamálum á Norðurlandi og
umfjöllun um frumvarp er nú
liggur fyrir Alþingi um skipu-
lag ferðamála í landinu.
Kolbeinn Sigurbjörnsson
formaður Ferðamálasamtaka
Norðurlands setti ráðstefnuna,
en ráðstefnustjóri var Áskell
Einarsson framkvæmdastjóri
Fjórðungssambands Norð-
lendinga.
Sigfríður Þorsteinsdóttir for-
seti bæjarstjórnar flutti stutt
ávarp en að því loknu hófst kynn-
ing á Ferðamálasamtökum Norð-
urlands og kynnti Kolbeinn Sig-
urbjörnsson aðdraganda að
stofnun samtakanna. Meginverk-
efni samtakanna hefur verið
endurútgáfa á ferðamálabækl-
ingnum „Northern Iceland" en
sá bæklingur er nú prentaður á
Akureyri. Ferðamálasamtökin
hafa einnig haft með höndum
gerð videóspóla um hina ýmsu
landshluta á Norðurlandi.
Fulltrúar ferðamálafélaga og
nefnda á ýmsum stöðum á Norð-
urlandi kynntu síðan starfsemi
sína. Fyrstur talaði Gunnar
Karlsson formaður Ferðamála-
félags Akureyrar og sagði hann
félagið hafa beitt sér fyrir marg-
víslegum verkefnum, m.a. leng-
ingu flugbrautar, endurbótum á
tjaldstæði, aukningu á hótelrými
og upplýsingastarfsemi fyrir
ferðamenn.
Viðar Ottesen formaður
Ferðamálanefndar Siglufjarðar
sagði nefndina hafa unnið að
endurbótum á tjaldstæði, merk-
ingu gönguleiða og opnun
Skarðsvegar. Frá Ferðamála-
nefnd Sauðárkróks talaði Árni
Ragnarsson og sagði hann að
ekki væri um virkt ferðamálafé-
lag að ræða, en það stæði von-
andi til bóta. Bæklingar hafa ver-
ið gefnir út um Skagafjörð þar
sem hestaleigur eru tilgreindar.
Hallbjörn Hjartarson frá Ferða-
málafélagi Húnvetninga sagði
megináhersluna hafa verið iagða
á útgáfu ferðamálabæklings um
Húnavatnssýslur og væri útgáfan
nú komin á lokastig. Björn
Hólmgeirsson frá Ferðamálafé-
lagi Húsavíkur sagði að félagið
hefði m.a. beitt sér fyrir leiðsögu-
mannanámskeiði um Suður-Þing-
eyjarsýslu.
Arnaldur Bjarnason frá Ferða-
málafélagi Mývetninga sagði
megintilgang með starfsemi fé-
lagsins vera eflingu ferðamanna-
þjónustu, náttúruvernd, útgáfu
ferðamálabæklings og fleira.
Ólafur Steinar Valdemarsson
ráðuneytisstjóri í samgöngumála-
ráðuneytinu kynnti frumvarp um
skipulag ferðamála sem nú liggur
fyrir Alþingi og gerði hann grein
fyrir breytingum sem fyrirhugað-
ar eru frá núverandi lögum.
Sigfús Erlingsson fram-
kvæmdastjóri markaðssviðs Flug-
leiða hafði framsögu um ferða-
markaðinn. Kynnti hann skipu-
lag ferðamarkaðar og nýjar leiðir
í markaðsöflun. Kom Sigfús inn
á þá erfiðleika sem við eigum við
að etja vegna stutts ferðamanna-
tímabils hér á landi.
Kjartan Lárusson formaður
Ferðamálaráðs hafði framsögu
um starfsemi Ferðamálaráðs og
nýjungar á sviði ferðamála.
Stærsta málið kvað hann vera
landkynningarmál, en einnig
væru öryggismál mikið til um-
ræðu í kjölfar slysa sem hér
hefðu orðið sl. sumar. Mennta-
mál leiðsögumanna, ráðstefnu-
mál og útgáfa bæklinga eru einn-
ig til umræðu í Ferðamálaráði.
Hvað nýjungar í ferðamálum
varðar þá hefur lengi verið unnið
að því að lengja ferðamanna-
tímabilið og hefur eitthvað áunn-
ist í þeim efnum og má þar nefna
að boðið er upp á skíðagöngu-
ferðir inn á hálendið sem Frakkar
sækja mikið í.
skipu-
- og ferðamál
á Norðurlandi
Eftir hádegisverðarhlé skiptu
ráðstefnugestir sér í starfshópa,
annars vcgar starfshóp um ferða-
málafélög og kynningarstarfsemi
og hins vegar um frumvarp til
laga um skipulag ferðamála.
Síðari hópurinn samþykkti að
leggja til nokkrar breytingartil-
lögur við frumvarpið og var eftir-
farandi samþykkt gerð að lokum:
Fundurinn telur að Ferðaskrif-
stofa ríkisins hafi gengið óeðli-
lega langt í samkeppni sinni við
aðila sem veita þjónustu allt árið.
Lýsir fundurinn ánægju sinni
með það ákvæði laganna að
Ferðaskrifstofa ríkisins stofni
ekki til óeðlilegrar samkeppni við
nærliggjandi hótel og veitinga-
staði.
Þá lýsti fundurinn ánægju sinni
með ákvörðun um skipulagningu
námskeiða fyrir fólk í ferðaþjón-
ustu og vonast til að þar sé kom-
inn grunnurinn að ferðamála-
skóla íslands og um leið beinir
ráðstefnan því til ráðherra að
hlutast til um að kannaðir verði
möguleikar á því að finna honum
stað á Norðurlandi.
Fundurinn telur brýnt að sett
verði ákvæði um starfsemi ferða-
málafulltrúa í hverjum lands-
hluta sem starfi á svipuðum
grunni og iðnráðgjafar hafa gert.
Kolbeinn Sigurbjörnsson for-
maður ferðamálasamtakanna
sagði í samtali við Dag að lokinni
ráðstefnunni að sveitar-
stjórnarmenn væru orðnir mjög
áfram um að koma ferðamálum í
gott horf og væri skilningur
þeirra á þessum málum mikilvæg-
ur. Sagði hann það mjög mikil-
vægt að tekið yrði tiilit til sam-
þykktar fundarins um að fá
ferðamálafulltrúa í hvern lands-
fjórðung sem yfirumsjón hefði
með ferðamálum í viðkomandi
fjórðungi.
„Ég er harla ánægður með ráð-
stefnuna,“ sagði Kolbeinn „að fá
60 manns þegar veður er svona
gott og bein útsending í sjónvarp-
inu frá ensku knattspyrnunni,
þetta sýnir að verulegur áhugi er
á þessum málum á Norðurlandi."
- mþþ
Kveðjuorð
4= Aðalsteinn
Einarsson
fyrrverandi aðalféhirðir
F. 2. maí 1906 - D. 8. maí 1985.
Þann 17. maí var til moldar bor-
inn Aðalsteinn Einarsson, fyrr-
verandi aðalféhirðir Kaupfélags
Eyfirðinga, en hann lést að heim-
ili sínu Helgamagrastræti 24, Ak-
ureyri 8. maí sl.
Áðalsteinn fæddist að Eyrar-
landi í Öngulsstaðahreppi þann
2. maí 1906 og var því 79 ára þeg-
ar hann lést. Hann var sonur
hjónanna Einars Árnasonar
bónda og alþingismanns á Eyrar-
landi og Margrétar Eiríksdóttur
sem ættuð var úr Fljótum.
Einar faðir Aðalsteins var for-
maður stjórnar Kaupfélags Ey-
firðinga á árunum 1918-1947 og
starfaði mikið að málefnum fé-
lagsins og tengdist Aðalsteinn
því snemma starfi Kaupfélags
Eyfirðinga og samvinnuhugsjón-
inni enda var hann mikill sam-
vinnumaður og áhugamaður um
samvinnumál.
Aðalsteinn hóf störf hjá Kaup-
félagi Eyfirðinga 1. október 1933
og voru honum fljótt falin ýmis
trúnaðarstörf. Á árinu 1945 tók
hann við starfi aðalféhirðis og
gegndi því þar til hann lét af
störfum fyrir aldurs sakir 1976 og
hafði hann þá starfað hjá félaginu
samfleytt í 43 ár.
Öll störf Aðalsteins einkennd-
ust af einstakri prúðmennsku og
miklum trúnaði við þá fjölmörgu
félagsmenn og viðskiptavini fé-
lagsins, sem tengdust hinum dag-
legu störfum hans. Viðmót hans
var ætíð glaðlegt og með mikilli
lipurð en ákveðni reyndi hann að
leysa vandamál þess fjölda fólks
sem til hans leitaði. Það var finn-
anlegt í öllum kynnum og sam-
starfi við Aðalstein að þar fór
maður sem vildi veg samvinnu-
hugsjónarinnar og Kaupfélags
Eyfirðinga sem mestan og öll
störf hans miðuðu að þessu marki
og verða því störf hans að mál-
efnum samvinnufólks á félags-
svæði Kaupfélags Eyfirðinga
seint fullþökkuð.
Hinn 6. júlí 1940 kvæntist
Aðalsteinn eftirlifandi eiginkonu
sinni Ólöfu Friðriksdóttur frá
Önundarfirði. Þau eignuðust
fimm börn og eru fjögur þeirra á
lífi, Einar, Margrét, Erlingur og
Gylfi en Gunnar lést fyrir all-
mörgum árum, langt fyrir aldur
fram.
Aðalsteinn og Ólöf áttu fagurt
heimili að Helgamagrastræti 24
og þar áttu börnin sín uppvaxtar-
ár. Einn sonanna Erlingur býr
nú með fjölskyldu sinni hér í bæ
en hin, Einar, Margrét og Gylfi og
fjölskyldur þeirra búa í Reykja-
vík.
Á þessari saknaðarstundu,
þegar Aðalsteinn Einarsson er
horfinn til hins eilífa austurs,
sendi ég frú Ólöfu og öilum ást-
vinum þeirra hjóna mínar dýpstu
samúðarkveðjur og bið þeim
huggunar Guðs, en ég veit
að trúarvissa hinnar eftirlifandi
eiginkonu mun veita henni og
fjölskyldunni allri styrk til að
lækna þá sorg sem ástvinamissir
ætíð hlýtur að vera.
Valur Arnþórsson.