Dagur - 24.07.1985, Blaðsíða 7
24. júlí 1985 - DAGUR - 7
i byggist
Aæðum
uða. - Spjallað við 3 leikara
»á Magnús, Geir og Sigurð
Við sýnum herkvaðningu. Ef
valdhöfum dettur í hug að fara að
stríða er blásið í herlúðra og við
sýnum afleiðingar stríðs. Næstir
hjá okkur eru skylmingarþrælar
nútímans, eru hliðstæðir þeim sem
voru í Rómaveldi. Það er ennþá til
fólk sem vill horfa á fólk misþyrma
hvert öðru og borga jafnvel fyrir.
Við sýnum hvernig hetjan er
hyllt og að lokum það sem kallað er
utanaðkomandi ógn. Það er ógn
sem býr í okkur sjálfum. Það er
kannski óttinn við atómbombuna,
eða að við kaffærum okkur í
óþverra. Allir falla í valinn en eftir
standa Askur og Embla og upp-
hefst nú ein allsherjar upprisuhátíð
og allir sameinast um að taka til í
heiminum. Þrátt fyrir dapurleikann
er enn von, og þetta endar sem sagt
í einum allsherjar fagnaðarsöng.“
Og þar með var Þráinn rokinn.
- En strákar, er ekki erfitt að
skilja hvað fram fer þegar þetta er
á 5 tungumálum?
„Það eru svo til engin orð notuð
í verkinu, það er aðallega dans og
tónlist. Danir eru með nokkrar
setningar, en það er þýtt í leikskrá.
Skortur á tungumálakunnáttu á
því ekki að há neinum.“
- Var þetta ekki dýrt fyrir
ykkur? Hvernig var peninga aflað?
„Sjóðir og fyrirtæki í bænum
hafa styrkt okkur. Það gekk mjög
vel að safna fé. Það er öflugt for-
eldrafélag hjá Sögu, sem hjálpaði
okkur mikið. Við söfnuðum líka
peningum með skemmtun í Dyn-
heimum og á 17. júní. Það þurfti
hver þátttakandi að borga úr eigin
vasa 500 kr. danskar í þátttöku-
gjald auk gjaldeyris.“
- Hvað er framundan hjá Sögu?
„Við eigum 10 ára leikafmæli á .
næsta ári og við byrjum að æfa
söngleik í nóvember. Við ætlum að
reyna að fá Gulldrengina til sýning-
ar. Það vilja allir í hópnum halda
áfram og fullt af krökkum sem vilja
vera með.“ Þar með kvaddi ég
þessa hressu stráka. Það var margt
sem þurfti að gera fyrir kvöldið og
því ekki hægt að tefja þá lengur.
- HJS
Færeyingar hefja sýninguna á lífi. Það er mikil rukktónlist sem hljómsveitin
Plumm sér um að töfra fram.
Norðulandaþjóðirnar fimm samcinast í lokaatriðinu sem fjalar um dauðann.
Það er ekki Jesús sjálfur á krossinum, heldur sá sein getur gefið fólkinu nýja von og er því ekki æskilegur fyrir vald-
hafa. Ur atriði Islendinganna.