Dagur - 09.08.1985, Blaðsíða 6

6'~- DAGUFT- 97ágúst 1985
Að fá flug-u í kollinn
— TJm flugnám hjá Flugskóla Akureyrar
A brautarendanum er
bensíngjöfin sett í
botn. Flugvélin fer ró-
lega af stað en er fljót
að ná hraða. Pegar
hraðamœlirinn sýnir 70
hnúta er togað í stýrið
og vélin er á lofti.
Klifrað Í2500fet, dreg-
ið úr bensíngjöf og
stýrinu ýtt varlegafram
þar til flughœðin er
jöfn. Stefnan sett á
Hrísey.
Tíðindamaður Dags fór í
kynningarflug hjá Flugskóla Ak-
ureyrar á sólfögrum ágúst-
morgni. Það væri ef til vill ráð að
læra á flugvél. Þeir eru reyndar
allmargir sem stunda það nám
hjá Flugskólanum þessa dagana,
15 Akureyringar og 5 Dalvík-
ingar, og auk þess fer kennari
reglulega til Húsavíkur, þar sem
10 heimamenn eru að læra flug.
Flugskólinn á eina kennsluflug-
vél, TF-SKA, sem er af gerðinni
Piper Tomahawk. Það er tvísæta,
sérstaklega hönnuð til kennslu-
flugs og hefur enda reynst mjög
vel til þeirra nota. Hún er knúin
112 hestafla mótor, sem getur
komið henni á allt að 160 km
hraða. Og flugþolið er um fjórar
og hálf klukkustund. Á næstunni
mun önnur slík vél bætast í
flotann, TF-JMF, sem hefur ver-
ið í viðgerð eftir óhapp í janúar
sl. Auk þess er einnig kennt á
TF-PIA, Piper Cherokee, ef á
þarf að halda.
Flugkennarinn ítrekaði að
flughæðin ætti að vera jöfn, og
benti á mæli í borðinu til árétt-
ingar, mæli sem sýnir hækkun
eða lækkun. Það reyndist neman-
um ekki allt of auðvelt að halda
jafnri hæð - flugvélin vildi hækka
sig. Þá var gripið til þess að
„trimma“ nefið niður; hjóli, stað-
. settu til hliðar við flugmannssæt-
ið, er snúið fram þar til ekki
þurfti að beita sjálfu stýrinu til að
halda hæðinni. Þar með lék allt í
lyndi og óhætt að fara að njóta
útsýnis sem er með eindæmum,
ekki skýhnoðri á himni og sólin í
akkorði. Eflaust mætti nota lýs-
ingarorð um fegurð, en þetta var
ekki einungis fegurð, eitthvað
meira. í talstöðinni heyrðum við
að Chieftain Flugfélags Norður-
lands var að fara í loftið inni á
Akureyri. Hún hafði fljótlega
dregið okkur uppi og æddi fram
úr. Yfir Hrísev var beygt og
stefnan sett á Ólafsfjarðarmúla.
Þeir sem fá þá flugu í kollinn
að læra á flugvél geta fengið að
fara í kynningarflug hjá Flugskól-
anum. Kennarinn fer með þá í
hálftíma flug, útskýrir það helsta
sem fólgið er í náminu, kynnir
þeim flugvélina og svarar fyrir-
spurnum. Og kynningarflugið er
ókeypis.
Þegar komið var fyrir Múlann
var beygt inn Ólafsfjörð. Yfir
bænum tekin sveigja út fjörðinn
aftur. Og nú skein sólin beint í
augun. Stefnan sett á Akureyri
Fyrsti áfanginn í flugnáminu er
sólópróf, sem gefur nemandan-
um réttindi til að fljúga einn, en
flugkennarinn þarf að veita sam-
þykki sitt fyrir hverju einu flugi
nemandans. Sólóprófið taka
menn yfirleitt eftir 20 flugtíma
með kennara. Næsta stig er
einkaflugmannsprófið. Til að ná
því þarf 40-50 flugtíma í viðbót,
og auk þess er bóklegt nám, sem
fer fram á kvöldnámskeiðum. Og
eitt slíkt námskeið hefst væntan-
lega á Húsavík um næstu mán-
aðamót og á Akureyri um mán-
aðamótin september-október.
Þar er kennd flugeðlisfræði, sigl-
ingafræði, veðurfræði, vélfræði
og flugreglur. Einnig er kennd
lágmarksblindflugsþekking og
einnig eru radaraðflugsæfingar.
Yfirleitt geta nemendur lokið
einkaflugmannsprófi á einu og
hálfu til tveim árum. Það er þó
breytilegt því nemendur ráða
námshraða sínum. í sumar hafa
11 einstaklingar lokið sólóprófi
og 5 hafa náð einkaflugmanns-
réttindum. Þá hefur einn tekið
kennarapróf, og einn atvinnu-
flugmannspróf á vegum skólans.
Þegar við komum inn yfir Ak-
ureyri var Fokker Friendship að
taka í loftið. Flugturni var til-
kynnt að Kristján Alfreð (tveir
síðustu stafirnir í einkennisstafa-
röð vélarinnar standa fyrir þessi
mannanöfn) æskti lendingar-
heimildar, sem var auðsótt mál.
Þá var dregið úr bensíngjöf, og
gripið í handfang sem minnir
helst á handbremsu í bíl. Það
setti „flapsa“ á, nokkuð sem eyk-
ur mjög lyftikraft vængjanna og
gerir hægflug bærilegt. Síðan var
reynt að halda stefnu á brautar-
miðju, en tíðindamanni Dags
virtist flest annað lagið. Kennar-
inn kom til skjalanna og stefnan
var leiðrétt. Ytt varlega á stýrið
og brautin æddi á móti okkur.
Toga stýrið að, nefið lyftist -
heldur mikið, ýtt á stýrið - svo
voru hjólin komin með grip á
brautinni. Og við ókum flugvél-
inni á stæði.
Það sem mörgum dettur fyrst í
hug þegar minnst er á flugnám,
er verðið. Nú kostar hver flug-
tími 2.400 krónur, hægt er að fá
11 tíma kort og þá er einungis
borgað fyrir tíu tíma. En það er
ýmislegt sem fólgið er í verðinu.
Bensínkostnaður, trygging á
flugvélinni einn mánuð kostar
álíka og bifreiðariðgjald fyrir
heilt ár (ríflega það), svo eitt-
hvað sé nefnt. Nemendur hjá
Flugskóla Akureyrar eru á öllum
aldri, nýlega lauk fimmtugur
maður einkaflugmannsprófi,
yngsti nemandinn er 17 ára, sem
er lágmarksaldur. Flugskólinn er
í eigu Flugfélags Norðurlands,
yfirkennari er Baldvin Birgisson
en auk hans starfar Sigurbjörn
Arngrímsson við flugkennsluna.
Prófdómari er Torfi Gunnlaugs-
son yfirflugstjóri hjá FN.
Eftir kynnisflugið hefur tíð-
indamaður Dags lagst í alvarlega
þanka um að hefja flugnám, og
skorar á þá sem eru „hálfvolgir“
að prófa. Það er gaman, þó ekki
værí vegna annars. - KGA
1 2 3 4 5 í 7 19 10 11 12 13 14
Mynd af mælaborði Piper Tomahawk. Helstu mælar eru þcssir:
I. Klukka. 2. Miðunarstöð. 3. Hraðamælir. 4. Halla- og beygjumælir.
5. Gervisjóndeildarhringur. 9. Hæðarmælir. 10. Stig- og fallmælir.
II. og 12. Siglingatæki. 13. Talstöðvar. 16. Stýri. 23. Bensíngjöf.
28. Bensínmælar. 34. Flapsastýri. (Trimmið sést ekki á myndinni, en er
rétt vinstra megin við flapsastýrið.)
í kennsluflugi á TF-PIA, nemandinn, Valur Arnþórsson, situr í flugstjóra-
sætinu vinstra megin, hægra megin situr Sigurbjörn kennari.
Áður en lagt er í flug þarf að athuga hvort ekki sé allt eins og
það á að vera. Hér athugar Ármann Benjamínsson flugnemi
flapsa vélarinnar. Með honum er Sigurbjörn Arngrímsson
flugkennari.
Er ekki örugglega nóg bensín? Bensíntankarnir eru tveir,
einn í hvorum væng.
Þá er að athuga olíuna og bæta á ef þarf. Flugvélinni er mjög
vel við haldið, sennilega betur en nokkurri annarri kennslu-
vél á landinu. Um það sjá flugvirkjar Flugfélags Norður-
lands. Myndir: KGA