Dagur - 09.08.1985, Blaðsíða 16

msm Akureyri, föstudagur 9. ágúst 1985 Erum ávaUt með nýja rétti (SMJQUfl [y&jnJ) á hetgarseðti Smiðjunnar

Siglufjörður:
Framkvæmdir
hafnar við
íþróttahús og
grasvöll
Opnuð hafa verið tilboð í upp-
steypu á sökklum nýs íþrótta-
húss á Siglufirði og var tilboði
Bergs hf. tekið, en svo sem
kunnugt er stendur til að reisa
límtréshús yfir siglfirska
íþróttaiðkendur.
Einnig er verið að undirbúa
gerð grasvallar við íþróttamið-
stöðina að Hóli og á að ryðja burt
þeim jarðvegi sem fyrir er á þeim
stað þar sem knattspyrnuvöllur-
inn verður. Ekki er ljóst hvenær
grasvöllurinn kemst í gagnið og
veltur það á fjárveitingum bæjar-
yfirvalda en ef nægilegt fjármagn
fæst væri hægt að ljúka fram-
kvæmdum við hann á næsta
sumri og þá gætu siglfirskir knatt-
spyrnumenn farið að leika sína
heimaleiki á grasi sumarið 1987.
-yk.
Er hráefni í 20 þús-
und mokkakápur hent?
Er hugsanlegt að íslendingar
hendi gærum sem nægðu sem
hráefni í 20 þúsund mokkakáp-
ur? Ljótt er ef satt væri, en ef
tU vill er þetta ekki svo fjarri
lagi. Skýringin er sú að vegna
galla sem koma fram í gæru-
vinnslu hér á landi má ætla að
mikið glatist af hráefninu.
Þetta þurfa ekki að vera miklir
gallar í hverri gæru fyrir sig, en
safnast þegar saman kemur.

III
Amaro á Akureyrí færði hjónunum Jóhönnu Birgisdóttur og Halldóri Halldórssyni sérhannaðan þríburavagn í síð-
ustu viku, en þau hjónin eignuðust þríbura í júní síðastliðnum. „Þetta er bara eins og að kevra strætisvagn," sagði
Halldór, en á myndinni sjást foreldramir á gönguferð með þríburana. Mynd: KGA
Ef gert er ráð fyrir að 900 þús-
und gærur leggist til á hverjú
hausti og að eitt ferfet tapist af
hverri vegna galla, sem ekki mun
vera óalgengt, þá samsvarar það
900 þúsund ferfetum eða 98 þús-
und fermetrum, en hver gæra er
að jafnaði 7 ferfet. Þetta er hrá-
efni sem að flatarmáli jafngildir
hátt í 13 knattspyrnuvöllum og
myndi nægja til að sauma úr um
20 þúsund mokkakápur.
Þessar upplýsingar koma með-
al annars fram í kynningarmynd
sem myndbandafyrirtækið Sam-
ver á Akureyri hefur gert fyrir
Iðnaðardeild Sambandsins um
meðferð á gærum. Þar er lögð
áhersla á það að hver sepi sem fer
í úrkast vegna galla, t.d. rangrar
fláningar, geti skipt verulegu
máli þegar saman safnast. Fjallað
er um þetta mál í leiðara blaðsins
í dag. HS
Stórsigur
Vasks
Vaskur hóf baráttuna í úrslita-
keppni 4. deildar með góðum
sigri á Sindra frá Hornafirði, á
Akureyrarverlli í gærkvöld.
Þegar flautað var til leiksloka
hafði Vaskur skorað sex mörk,
en Sindramenn einungis eitt.
Mörk Vasks skoruðu Valdimar
Júlíusson 3, Tómas Karlsson 2 og
Jónas Baldursson 1. - KGA
Þorskkvóti Ólafsfirðinga búinn - fiskvinnslufólk atvinnulaust:
Fiskvinnsluhúsum lokað?
Á Ólafsfirði hefur því sem
næst öll fiskvinnsla lagst niður
og er ekki fyrirsjáanleg vinna
hjá fiskvinnslufólki nema við
verkun á u.þ.b. tveim togara-
förmum af skrapfiski það sem
eftir er ársins.
Að sögn Ágústs Sigurlaugsson-
ar formanns Ólafsfjarðardeildar
Einingar eru nú um 130 manns á
atvinnuleysisskrá á Ólafsfirði og
þeim kemur til með að fjölga eft-
ir helgina. Flestöllu starfsfólki
Hraðfrystihúss Ólafsfjarðar og
Hraðfrystihúss Magnúsar Gamal-
íelssonar hefur verið sagt upp
störfum og um helgina bætist í
hópinn starfsfólk Fiskverkunar
Sigvalda Þorleifssonar.
Togararnir Ólafur Bekkur og
Sólbergið eiga eftir af kvóta sem
samsvarar einum túr á skrapi
hvor og bátar eru búnir með sína
kvóta. Ágúst sagði að sér þætti
það skrýtið að á sama tíma og at-
vinna legst niður í heilu byggðar-
lagi vegna hráefnisskorts sé verið
að flytja út misgóðan fisk í gám-
um til útlanda frá öðrum stöðum
þar sem vinnuaflsskortur er ríkj-
andi. „Það hlýtur að vera hægt að
stjórna þessu betur,“ sagði hann.
-yk.
Ekki er spáin glæsileg fyr-
ir Norðuriand um helgina.
Það er reiknað með norð-
austanátt með þokusúld
og kulda við strendurnar,
en eitthvað þurrara veðri
inn tii landsins. Ekki er
séð fyrir endann á þessu
veðurfari að sögn veður-
fræðingsins, það léttir í
fyrsta lagi til á mánudag
eða þriðjudag.
Glæsilegt úrval
af bamafatnaði
á alla aldurshópa.
Póstsendum.
Opið á laugardögum kl. 10-12.