Dagur - 01.10.1985, Blaðsíða 1

68. árgangur Akureyri, þriðjudagur 1. október 1985 110. tölublað
rwwnwwwwy
Filman þín
áskiliöþaö
besta!
FILMUHÚSIÐ
Hafnarstræti 106- Sími 22771 - Pósthólf 198
gæðaframköllun
Filman inn fyrir
kl. 10.45.
Myndirnar tilbúnar
kl. 16.30.
Opiö á
laugardögum
frá kl. 9-12.
Her ma ta tint stotuskraut.
Mynd: KGA.
Þróunarfélag Islands:
Veröur Akureyrar-
bær ekki með?
I gær var framlengdur frestur
til að skila hlutafjárloforðum í
hið nýja Þróunarfélag Islands.
Ríkið leggur fram 100 milljónir
króna og gert ráð fyrir að
félög, fyrirtæki, stofnanir, ein-
staklingar leggi fram aðrar 100
milljónir. Vitað er að mikið
hefur gengið á meðal einka-
fyrirtækja í höfuðborginni og
ætlunin nánast að kaupa þessi
100 þúsund og fá undirtök í fé-
laginu. Það kemur til með að
hafa mikið fjármagn, því heim-
ild er fyrir því að það taki að
láni 500 milljónir króna er-
lendis með ríkisábyrgð.
Á fundi bæjarráðs Akureyrar í
síðustu viku var lagt fram
stofnskjal og drög að samþykkt-
um fyrir Þróunarfélagið. Bæjarr-
áð ákvað að taka ekki afstöðu til
þátttöku í félaginu að svo stöddu.
Þetta þýðir að bærinn hefði ekki
sent inn hlutafjárloforð fyrir
frestinn, sem átti að renna út í
gærkvöldi. Eins og áður sagði
hefur fresturinn til að tilkynna
þátttöku í félaginu nú verið
lengdur.
Leikfélag Akureyrar:
Neyöarástand
í leikhúsinu!
Nú eru 45 dagar þar til sýning-
ar eiga að hefjast hjá Leikfé-
lagi Akureyrar. Ljóst er að
mikilla framkvæmda er þörf
við Samkomuhúsið áður en
starfsemin getur orðið þar með
eðlilegum hætti.
Enn er miklu verki ólokið
varðandi neyðarútganga og
undankomuleiðir frá Samkomu-
húsinu ef eitthvað skyldi út af
bera. Árið 1983 hófust fram-
kvæmdir sem miðuðu að því að
stöðva framrás brekkunnar bak-
húss og auðvelda gönguleið í
kringum húsið. Þeim fram-
kvæmdum er enn ekki lokið og
ekkert var unnið þar í sumar.
í bókun leikhússnefndar frá
26. september sl. er lýst yfir
neyðarástandi vegna skorts á
geymslurými fyrir leiktjöld og
leikmuni. í neyð sinni bendir
nefndin á þá lausn að loka opnu
rými undir búningsherbergjum
vestan við Samkomuhúsið og
nota sem leiktjaldageymslu. En
við það lokast einn neyðarút-
gangur hússins og þá er algert
skilyrði að göngustígurinn í
brekkunni ofan við Samkomu-
húsið sé fullgerður og öllum fær.
Eins og sést á myndinni hér að
neðan er hann varla fær öðrum en
fuglinum fljúgandi. Þessi skortur
á geymslurými fyrir leiktjöld er
meginástæða þess að Leikfélag
Akureyrar getur einungis haft
eitt verkefni í gangi í einu.
En það er ljóst að gera þarf
ráðstafanir á næstunni til þess að
leysa þennan brýna vanda Leikfé-
lagsins og koma málum Sam-
komuhússins í viðunandi horf.
BB.
„Þangað liggur beinn og breiður vegur...,“ sagði skáldið. Mikið vantar upp
á að stígurinn bak við Samkomuhúsið sé fær gestum og ganeandi. 45 dagar
til stefnu... Mynd: KGA.
Sigurður Jóhannesson, forseti
bæjarstjórnar Akureyrar, var
inntur álits á þessu máli: „Við
vildum með þessari afgreiðslu
okkar láta koma fram mótmæli
við því að stjórnvöld skuli ekki
treysta sér til þess að taka af
skarið, en ákveða þess í stað að
stofnunin skuli staðsett í Reykja-
vík,“ sagði Sigurður.
„Miðað við þær umræður sem
hafa orðið um nauðsyn þess að
flytja stofnanir út fyrir höfuð-
borgina, og þá sérstaklega þessa
stofnun sem er ný, þá þótti það
mjög koma til greina að stofnun-
inni yrði valinn staður utan
Reykjavíkursvæðisins, t.d. á Ak-
ureyri. Þau drög sem nú liggja
fyrir gera hins vegar ráð fyrir að
stofnunin verði í Reykjavík og
við erum fyrst og fremst að mót-
mæla því með þessari afstöðu
okkar,.“ sagði Sigurður Jóhannes-
son. Bæjarstjórn Akureyrar mun
fjalla um málið á fundi sínum í
dag. HS/gk.
Siglfirðingar
vilja slátra
- héldu fund með þingmönnum
kjördæmisins í morgun
Sauðfjáreigendur á Sigluflrði
hafa fullan hug á að slátra sínu
fé í sláturhúsi Sameignarfélags
fjáreigenda á Siglufirði þrátt
fyrir að ráðherra hafi synjað
þeim um undanþágu til slátr-
unar, að fenginni umsögn yfir-
dýralæknis.
„Ég sé ekki að menn megi ekki
slátra fé sínu í húsi sem þeir eiga,
til þess að fá sinn mat,“ sagði
Ólafur Jóhannsson, einn stjórn-
armanna í Sameignarfélagi fjár-
eigenda á Siglufirði.
Vegna þessa máls var haldinn
fundur með þingmönnum kjör-
dæmisins klukkan 10.30 í
morgun, en þeir eru á Siglufirði í
dag, m.a. til þess að funda með
bæjarstjórn. Á þingmannafund-
inum skýrist væntanlega staðan í
þessari deilu sem að sögn Ólafs
er kominn í þannig hnút að hann
verði ekki leystur heldur verði að
höggva á hann. -yk.
Ekið á
Ijósastaur
Ekið var á ljósastaur á Hörg-
árbraut norðan Glerár í gærdag.
Mun ökumaðurinn hafa misst
vald á bifreiðinni með þeim af-
leiðingum að hún hafnaði á Ijósa-
staurnum. Skemmdist bifreiðin
mikið og var óökufær eftir.
Fjárdráttur og skjalafals?
„Ein af þessum
kjaftasögum“
- segir forsvarsmaður fyrirtækisins
Samkvæmt heimildum sem
Dagur telur áreiðanlegar hefur
starfsmaður vel þekkts fyrir-
tækis á Akureyri gerst sekur
um að falsa skjöl og draga sér
fé úr rekstri fyrirtækisins.
Sömu heimildir segja að upp-
hæð sú sem hér um ræðir skipti
nokkrum hundruðum þúsunda
króna. Þegar Dagur hafði sam-
band við rannsóknarlögregluna
á Akureyri vegna þessa máls
fengust þær upplýsingar að málið
hefði ekki verið kært þangað.
Dagur hafði í gærkvöld sam-
band við forsvarsmann fyrir-
tækisins sem hér um ræðir, en
hann sagði þetta tilhæfulaust með
öllu. „Þetta er bara ein af þessum
kjaftasögum sem ganga um bæ-
inn öðru hverju," sagði hann og
vildi ekki tjá sig frekar urn málið.
BB.
D
Áskriftarverð að Degi verður kr.
360,00 frá 1. október og dálksm.
í auglýsingum kr. 260,00.