Dagur - 04.10.1985, Side 12

12 - DAGUR - 4. október 1985
kvennakjöc
„Launin
ekki í samræmi við þœr
kröfur
sem til okkar eru gerðar“
- Rœtt við Maríu Behrend starfsmannn í Síðuseli
María Behrend vinnur
á leikskóladeild á Síðu-
seli. Það hefur hún gert
síðan heimilið var tek-
ið í notkun í nóvember
fyrir fjórum árum.
Auk þess að vinna á
leikskólanum, sér hún
um rœstingar. Það tek-
ur um 2V2 klukkustund
að ræsta, samkvœmt
IKO kerfi. Mánaðar-
laun fyrir rœstingarnar
eru rétt rúmlega 7.000
krónur.
María er nýlega byrjuð að
vinna hálfan daginn, eftir hádeg-
ið, áður var hún í fullri vinnu,
auk ræstinganna.
„Ég er með 7 manna heimili,
þannig að þetta var nokkuð lang-
ur vinnudagur hjá mér,“ segir
María. „En starfsandinn hérna er
góður og það bjargar öilu.“
Byrjunarlaun ófaglærðs fólks
á leikskólum og dagheimilum eru.
16.401 króna á mánuði. Húsmóð-
urstörf eru metin til starfsaldurs-
hækkana, þannig að byrjunar-
laun þeirra sem stundað hafa
húsmóðurstörf í tvö ár eru 17.202
krónur á mánuði.
Ófaglærðu fólki á dagvistum er
boðið að sækja námskeið sem
veitir 12% hækkun launa. Um er
að ræða tvö námskeið, það fyrra
er fyrir áramótin og hið síðara
eftir áramót. Námskeiðin eru á
vegum Námsflokka Akureyrar.
„Við kostum okkur sjálfar á
námskeiðin og í vetur kostar
2.000 krónur á fyrra námskeiðið,
sem er að hefjast um þessar
mundir. Auðvitað sækjum við
allar þessi námskeið. Námskeiðin
fara fram á kvöldin og eru 20 tím-
ar hvert. Það er komið inn á
ýmsa hluti, en einkum þá er
snerta uppeldi barna, sálarfræði,
föndur og þess háttar. Einnig er
námskeið í skyndihjálp í seinna
námskeiðinu. Við þurfum að
vera við öllu búnar.“
Starfsaldurshækkanir eru eftir
2, 3, 5, 6, 7 og 15 ár. Eftir 15 ára
starf og að afloknum báðum
námskeiðunum eru launin 20.832
krónur á mánuði. En byrjunar-
laun hjá húsmóður með bæði
námskeiðin eru 19.023 krónur,
þannig að ekki er hægt að tala um
geysilega launahækkun eftir 15
ára starf.
„Við eigum möguleika á nokk-
urri yfirvinnu. Það eru gangandi
vaktir, sumir hætta kl. 17.15, aðr-
ir kl. 18 og enn aðrir kl. 18.15.
Við höfum einn yfirvinnutaxta og
það er 164,01 hjá þeim sem eru á
byrjunarlaunum, en 208,32 á
hæsta taxta.“
Um starfið segir María: „Við
reynum að láta börnunum líða
vel hjá okkur, að koma í veg fyrir
að þeim leiðist. Það eru 16 börn
á aldrinum tveggja til sex ára á
morgundeild, en 17 seinnipart-
inn. Það hefur komið vel út að
hafa deildina svona blandaða.
Stærri börnin taka tillit til yngri
barnanna og þau yngri læra af
þeim stóru.“
í stórum dráttum líður dagur
á leikskólanum þannig að börnin
eru inni fyrst á morgnana, fram
til kl. 9.30. Þá er kaffitími. Síðan
er samverustund, þar sem lesið er
og sungið. Um kl. 10.30 er farið
út og börnin eru úti þar til þau
eru sótt um hádegið. Þau börn
sem koma eftir hádegið byrja á
því að fara út og leika sér þar
fram til kl. 14.30. Þá koma þau
inn, þvo sér og fá að drekka. Síð-
an er samverustund og um kl. 17
fara þau fyrstu heim, sum eru til
kl. 18. Eftir samverustundina er
ýmist föndur eða frjáls leikur.
„Það getur verið mikið álag að
vinna á leikskóla. Það er mikil
ábyrgð fylgjandi því að vera með
svona mörg börn. Við erum tvær
á þessdri deild, ég og fóstra. Það
er oft meira andlegt álag en lík-
amlegt að vinna á leikskóla. Við
þurfum að vera í jafnvægi hvað
sem yfir dynur. Auðvitað er líka
um að ræða líkamlegt erfiði, við
þurfum að halda á yngstu börn-
unum og það þarf mikið að bogra
yfir þeim. Það þarf að klæða þau
úr og í og svo framvegis. Það er
sagt að vöðvabólga í herðum sé
atvinnusjúkdómur þeirra sem við
þetta vinna.
En við erum heppnar á þessari
deild, hér er góð vinnuaðstaða.
Þetta er nýtt, bjart og rúmgott
húsnæði. Við höfum góða setu-
stofu og einnig er hér sturta fyrir
starfsfólkið, auk þess sem sturta
er fyrir börnin þegar á þarf að
halda.“
María segir að fyrir hverja viku
fái hver deild tvo tíma til undir-
búnings starfinu næstu viku.
Reynt er að hafa fræðslusam-
verustundir þar sem ákveðin mál
eru tekin fýrir. Nú síðast var
fjallað um líkamann og tilfinn-
ingarnar. Næst á að taka haustið
fyrir. Börnin fá að fara í réttir og
þau eru búin að fara inn í Kjarna-
skóg þar sem þau tíndu lauf og
seinna í vetur munu þau föndra
með það sem tínt var. Reiknaði
María með að á eftir haustinu
yrði farið í umferðarfræðslu.
Verkefni eru fengin hjá Umferð-
arráði og lögregluþjónn kemur í
heimsókn og sýnir myndir og
fleira.
Að lokum sagði María: „Þessu
starfi fylgir mikil ábyrgð og enn
meiri þegar við höfum enga
fóstru með okkur á deildinni. Við
vinnum sömu störfin og þær, en
þær bera ábyrgð á deildinni. Ég
tel að við fáum ekki laun í sam-
ræmi við þá vinnu sem við leggj-
um á okkur og þær kröfur sem
gerðar eru til okkar. Því auðvitað
vilja jú allir að börnunum líði vel
á leikskólanum og gera kröfur til
þess að svo sé.“ - mþþ.
^vísnaþáttuL.
Hannes Bjarnason prestur að Ríp
þótti frábæt kennimaður, en níð-
skælinn í meira lagi er hann greip til
hagmælskunnar sem var ríkuleg.
Vinnukona sem þótti hvimleið, bað
séra Hannes um prestseðil (með-
mæli), er hún fór frá Ríp. Konan
var ekki læs. Neytti klerkur þess og
reit: w
Svarta Gunna svört á kinn,
sú fór burtu héðan.
í hana helli andskotinn
eldi og biki að neðan.
Hlýlegri voru að vísu stökur þær er
Hannes rétti að annarri vinnukonu,
er hvarf úr vistinni. Var hún orðin
klerki helst til kær:
Glæðist tregi, en gleðin dvín,
gengur ei að vilja.
Sárt þó megi sakna þín,
samt hér vegir skilja.
Allir hljóti eymd og baga
- undan skil ég mig -
hver einn sá um sína daga,
sem að elskar þig.
Séra Hannes gisti að Hólum er hann jarðsöng tvær dætur Ben- edikts prófasts. Árla morguns vaknaði hann við háreysti hænsna við gluggann og þá kvað klerkur: Bragi Jónsson frá Hoftúnum hafði gaman af að skjóta glettnum vísum að ungum stúlkum og að kveða um þær. Hér er sýnishorn:
Hissa er ég á hljóðunum, þá hænsnin taka að umrótast. í gömlu vítisglóðunum grenja þau nú sem ákafast. Meyjan sat við menntabál, má svo frá því greina, lærði tíu tungumál, en töfraði enga sveina.
Gísli Konráðsson fræðimaður orti meðal annars þetta um séra Hannes: Við mig held ég vífin hér vildu tala fleira, ætti ég bara undir mér ofurlítið meira.
Hannes prestur vanda vann vísna prýði dýra, ekki brestur anda þann yrkis smíði dýra. Hamingjan þér forði frá föllum ástarslysa. Pú ert alltafá að sjá eins og falleg kisa.
Um séra Hannes á Ríp, orti Hall- grímur Jónsson læknir: Lærður Hannes hygginn, ör, hleypa kann úr sagnavör, brags til anna frétt með fjör fjalars sanna gylltur knör. Merkileg er mærin ung, mikið oft er hennar skap. Annað dró hún auga í pung, en með hinum tittling drap.
Jón
Bjarnason
frá Garðsvík
skrifar
(Hér mun átt við Reykjavík):
Víkursælu vífin þrá,
vel er margir gylla.
Meydóm sínum meyjum á
mörgum helst þar illa.
Margt er við þig mikilsvert,
mærin ástargjarna.
Samt í mínum augum ert
aðeins reikistjarna.
Hólmfríður Jónasdóttir frá Hof-
dölum kvað þessa frábæru morgun-
vísu:
Nóttin greiðir skarlatsský
skyggðum upp úr legi,
speglar bláum bárum í
brún af nýjum degi.