Dagur - 04.11.1985, Blaðsíða 2

2 - DAGUR - 4. nóvember 1985
IMuE
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SÍMI: 24222
ÁSKRIFT KR. 360 Á MÁNUÐI
LAUSASÖLUVERÐ 35 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
GfSLI SIGURGEIRSSON
FRÉTTASTJÓRI:
GYLFI KRISTJÁNSSON
BLAÐAMENN:
ÁSLAUG MAGNÚSDÓTTIR, BRAGI V. BERGMANN,
GESTUR E. JÓNASSON, INGIBJÖRG MAGNÚSDÓTTIR (Húsavík),
YNGVI KJARTANSSON, KRISTJÁN G. ARNGRÍMSSON,
KRISTJÁN KRISTJÁNSSON, MARGRÉT Þ. ÞÓRSDÓTTIR,
AUGLÝSINGASTJÓRI: FRlMANN FRÍMANNSSON
ÚTBREIÐSLUSTJÓRI:
HAFDÍS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Ueiðari.____________________________
Ójöfnuöurinn
gleymist ekki
Við upphaf þess Alþingis sem nú situr má
segja að ríkisstjórnin hafi staðið á tímamót-
um. Vandamálin sem yfirskyggðu öll önnur
við upphaf kjörtímabilsins, óðaverðbólga og
hætta á atvinnuleysi, virðast nú ekki sama
ógnunin og þá. Því ætti nú að vera betra
svigrúm en oftast áður til að líta lengra fram
í tímann og móta heildstæða efnahagsstefnu
til nokkurra ára.
Því hefur ríkisstjórnin nú lagt fram stefnu-
mótandi áætlun til tveggja ára. Mikilvægustu
viðfangsefnin verða þau, að auka þjóðartekj-
urnar og stöðva vöxt erlendra skulda. Eftir
sem áður verður þó að hafa tvö meginmark-
mið stjórnarsáttmálans í hávegum, þ.e. að
halda verðbólgunni í skefjum og draga úr
henni sem frekast er kostur og tryggja næga
atvinnu.
Ef takast á að stöðva erlenda skuldasöfnun
og koma á betra jafnvægi í efnahagsmálun-
um, með því að draga úr viðskiptahaUa og
verðbólgu, verða þjóðartekjurnar að aukast.
Ef ekki tekst að auka þær verður ofangreind-
um markmiðum ekki náð nema með enn frek-
ari rýrnun lífskjara almennings. Raunar má
almenningur alls ekki við því að lífskjörin
versni. Því verður að koma til aukning á þjóð-
artekjum.
Að vísu sýnist manni eitt gleymast 1 annars
ágætri þjóðhagsspá og áætlun ríkisstjórnar-
innar, sem ekki er lítilvægt; Sá ójöfnuður sem
sífellt eykst hér á landi, einkum vegna mis-
munandi lánskjara í tengslum við húsnæðis-
mál, sem er nánast kynslóðabundið mál. Það
má ekki gleymast að nokkuð stór hluti mið-
aldra íslendinga og þar yfir hefur hagnast og
beinlínis orðið ríkur vegna hins óeðlilega
ástands sem skapaðist á verðbólguárunum.
Yngra fólk er nú að súpa seyðið af þessu
ástandi. Það býr margt hvert við þrúgandi
byrði vegna húsnæðisskulda, eða sér ekki
fram á það að geta orðið „venjulegur íslend-
ingur", og eignast eigið húsnæði. Þetta hefur
lamandi áhrif á allan framkvæmdavilja og erf-
itt verður að byggja vöxt þjóðarframleiðslu og
sóknarhug í framfaraátt á einstaklingum sem
afleiðingar verðbólgunnar hafa lamað.
Það er mjög brýnt að þjóðin öll standi sam-
an í því að þau markmið sem sett hafa verið
náist. Takist það ekki mun óréttlætið aukast
enn frekar og bilið milli ríkra og snauðra vaxa.
_v/'ófa/ dagsina
Skiptinemarnir Sandra Spielman og Lee Lipton.
„Frábært að vera hér“
- spjallað við skiptinemana Lee Lipton og Söndru Spielman
Hingað á ritstjórn komu í síð-
ustu viku skiptinemar tveir.
Þeir dvelja báðir hér á Akur-
eyri og ætla að vera hér í tæpt
eitt ár. Komu í ágúst sl. og eru
því búnir að vera hér í um tvo
mánuði. Nú, það er ekki úr
vegi að segja hvað þeir heita,
þessir galvösku skiptinemar.
Það er hann Lee Lipton 17 ára
strákur sem heima á í New
York í Bandaríkjunum og
Sandra Spielman, en hún er 16
ára og er frá Wiscosin einnig í
Bandaríkjunum.
„í vetur er ég á málabraut
Menntaskólans,“ segir Sandra,
en Lee segist vera í undirbún-
ingsdeild Verkmenntaskólans.
Þau verða í skólanum í vetur, en
næsta sumar ætla þau kannski að
fá sér einhverja vinnu.
- Að sjálfsögðu spurði ég
sígildrar spurningar um hvað þau
hafi vitað um ísland áður en þau
komu hingað.
„Það var nú ekki mikið,“ segja
þau. „Eiginlega ekki neitt,“ segir
Lee. En svo fer Sandra að rifja
upp: „Jú, ég vissi að Reykjavík
j var höfuðborgin og svo vissi ég
| líka að heimskautsbaugurinn lá í
; gegnum Grímsey." Þau segjast
j ekki hafa lært neitt um ísland í
I landafræðinni sinni í skólanum.
- Vilduð þið helst af öllu
koma hingað til íslands, eða
völduð þið önnur lönd á undan?
„Ég valdi Skandinaviu, mér
var alveg sama hvaða land yrði
fyrir valinu. En er mjög ánægður
að vera hér,“ sagði Lee. „Ég
valdi írland númer eitt, en ísland
var í þriðja sæti hjá mér. Nei, ég
er ekkert spæld að hafa ekki farið
til írlands. Mér finnst frábært að
vera hérna,“ segir Sandra.
Þau Sandra og Lee koma hing-
að á vegum skiptinemasamtak-
anna AFS, en að sögn Hrannar
Pétursdóttur sem kom hingað
með þeim og var okkur öllum til
halds og trausts, þá er AFS orðið
nokkuð öflugt félag hér á Akur-
eyri. Um 20-30 manns eru mjög
virkir félagar og að auki er fjöld-
inn allur af stuðningsfélögum. í
fyrra dvöldu hér á Akureyri 4
skiptinemar og 7 krakkar héðan
dvöldu erlendis sem skiptinemar.
í ár eru 4 akureyrskir krakkar
sem skiptinemar erlendis, en hér
á Akureyri dvelja tveir skipti-
nemar, þau Sandra og Lee.
- Er þá ekki komið að annarri
sígildri? Hvemig gengur ykkur að
læra íslenskuna?
Þau brosa bæði, gott ef ekki
bregður fyrir smá grettu. „Það
gengur hægt,“ segir Lee. Bætir
því svo við að kennari hans í
Verkmenntaskólanum sé mjög
hjálpsamur. „En mér finnst ís-
lenskan mjög erfið.“
„Mér finnst ekkert mjög erfitt
að læra orðin, sum eru lík ensk-
um orðum, en málfræðin er mjög
erfið,“ segir Sandra. Sandra seg-
ist mikið hafa lært af tveggja ára
strák sem er á heimili hennar hér.
- Hvað gerið þið þegar þið
eruð ekki í skólanum?
»Ég er í Myndlistaskólanum
að læra módelteikningu og svo er
ég líka að læra á þverflautu í
Tónlistarskólanum," segir
Sandra. Segist svo líka fara
stundum í bíó og í H-100. Lee er
skíðamaður og æfir með skíða-
fólki hér á Akureyri. „Svo fer ég
líka stundum í bíó og H-100.“
Þau eru sammála um að hér á
Akureyri sé nóg að gera og finn-
ast skemmtanir síður en svo fá-
breyttar.
Þegar Lee kemur aftur heim til
sín, til New York ætlar hann að
læra að verða flugmaður, en
Sandra ætlar að læra innanhúss-
arkitektúr.
En þetta sögðu þau að lokum:
„Það er alls ekki eins kalt
hérna og við bjuggumst við. í
rauninni er bara mjög gott veður
hérna.“ - mþþ