Dagur - 10.02.1986, Blaðsíða 2

2 - DAGUR - 10. febrúar 1986
DA6UR
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 420 Á MÁNUÐI
LAUSASÖLUVERÐ 40 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
GlSLI SIGURGEIRSSON
FRÉTTASTJÓRI:
GYLFI KRISTJÁNSSON
BLAÐAMENN:
ÁSLAUG MAGNÚSDÓTTIR, BRAGI V. BERGMANN,
GESTUR E. JÓNASSON, GESTUR KRISTINSSON (Blönduósi),
INGIBJÓRG MAGNÚSDÓTTIR (Húsavik), YNGVI KJARTANSSON,
KRISTJÁN G. ARNGRlMSSON, KRISTJÁN KRISTJÁNSSON,
MARGRÉT Þ. ÞÓRSDÓTTIR,
AUGLÝSINGASTJÓRI: FRlMANN FRÍMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
leiðarí__________________________
Hvers eiga nemendur
að gjalda?
Þrátt fyrir yfirlýsingar bæði menntamálaráð-
herra og fjármálaráðherra þess efnis, að sá
launamunur sem er á milli grunnskóla-
kennara eftir því hvort þeir eru félagar í Hinu
íslenska kennarafélagi eða Kennarasambandi
íslands verði leiðréttur, neyðast grunnskóla-
kennarar til að grípa til aðgerða til að knýja á
um leiðréttingu. Kennarar í þessum félögum
eru með sömu menntun og sömu starfs-
reynslu. Þeir kenna hlið við hlið og því er í
hæsta máta óeðlilegt að laun þeirra séu ekki
þau sömu, en nú munar 5%.
Það er nauðsynlegt að þetta verði leiðrétt.
Ábyrgðin á því að svo verði gert hvílir á Sverri
Hermannssyni og Þorsteini Pálssyni. Þeir
bera ábyrgð á því að grunnskólanemendur
verða af kennslu vegna þess að kennarar eru
neyddir til að grípa til ólöglegra aðgerða.
En raunar er þetta aðeins lítill hluti af
vandamálinu. Laun kennara almennt eru svo
lág að ekki er viðunandi. Afleiðingin er ógn-
vænleg. Nú eru tæplega 77% grunnskóla-
kennara á landinu með kennsluréttindi.
Lægst fer þetta hlutfall niður í 50% og rösk-
lega það í þremur fræðsluumdæmum, þ.e. á
Vestfjörðum, Norðurlandi vestra og á Aust-
fjörðum. Það er látið viðgangast að uppalend-
ur og uppfræðarar landsins séu réttindalausir
til kennslustarfa. Réttindalausir kennarar eru
nú hátt í fjórðungur þeirra sem annast þessi
vandasömu störf. Þeim fer fjölgandi ár frá ári
og eru nú yfir sjö hundruð talsins sem ekki
hafa þá sérmenntun sem krafist er.
Hvers eiga nemendur að gjalda?
Frumkvæði að engu
gert
Nú er unnið að framleiðslu á mjög fullkomnu
tæki til vélstjórakennslu fyrir Verkmennta-
skólann á Akureyri, svokölluðum vélarúms-
hermi. Þetta mál virðist nú í höfn eftir tölu-
verða baráttu framsýnna skólamanna og full-
trúa Akureyrarbæjar. Ekki var annað vitað en
að Verkmenntaskólinn einn myndi ráða yfir
slíku tæki hérlendis, enda talið að eitt slíkt
tæki annaði þörfinni.
En það er eins og við manninn mælt. Vél-
skólinn í Reykjavík mátti ekki minni vera og
nú hefur verið ákveðið að kaupa annan slíkan
hermi fyrir hann. Ríkið borgar hann allan en
60% kaupverð hermisins sem fer í Verk-
menntaskólann á Akureyri. Frumkvæði
norðanmanna er að engu gert og keypt tvö
dýr tæki í stað eins.
_viðtal dagsins.
Ljósmynd: IM.
„Hannfervoðalega
illa með konur“
- Oktavía Stefánsdóttir leikstjóri í viðtali dagsins
Fyrir þrem vikum hóf Leikfé-
lag Húsavíkur æfingar á Enda-
spretti eftir Peter Ustinof.
Leikstjóri er Oktavía Stefáns-
dóttir, Húsvíkingum að góðu
kunn því fyrir rúmu ári leik-
stýrði hún Gúmmí-Tarzan
hjá Ieikfélaginu.
- Um hvað fjallar Endasprett-
ur.
„Það segir frá lífshlaupi
manns, Sams að nafni, við kynn-
umst honum og lífsviðhorfi hans
á fjórum aldursskeiðum. Þegar
hann er áttræður, sextugur, fer-
tugur og tvítugur, og á sama hátt
kynnumst við eiginkonu hans,
Stellu.
Fjórar persónur leika Sam,
það er greint frá sambandi hans
við foreldra sína, hvaða áhrif þau
hafa haft á hann og síðar á fram-
komu hans við son sinn, Tom.
Það endurtekur sig alltaf sama
sagan. Þetta er gert á kaldhæðinn
hátt, með djúpri alvöru og kitl-
andi fyndni.
Sumir segja að þetta sé gaman-
leikur, mér finnst þetta vera há-
dramatískt á köflum, en alltaf er
undiralda af hæðni eða kímni,
sem gerir leikritin hans svo
skemmtileg.
Ég hef heyrt að Ustinof hafi
verið nýgenginn í gegnum skilnað
þegar hann samdi verkið og feng-
ið útrás fyrir sársauka sinn með
því að niðurlægja konumyndina
en upphefja karlmenn með alveg
sérstökum karlrembuhætti í því.“
- Heldur þú að verkið sé að
hluta sjálfsævisaga?
„Ég býst við að hann styðjist
við sína reynslu eins og hann sér
hana fyrir sér frá kaldhæðnisleg-
um punkti."
- Algjör karlremba, hvernig
finnst þér að stjórna þannig leik-
riti?
„Hann fer voðalega illa með
konur. Það er allt í lagi að leik-
stýra verkinu, en maður getur
orðið töluvert reiður annað
slagið, sem kona, því ég er svolít-
il rauðsokka í mér. En ég verð að
taka tillit til þess að þetta er hans
skoðun þó ég sé ekki sammála
honum.“
- Hvenær verður frumsýnt og
hvað eru mörg hlutverk?
„Frumsýning verður laugar-
daginn 1. mars. Það eru 13 hlut-
verk í leiknum og með þau fara
12 leikendur. Hlutverk eru álíka
að stærð, eitt burðarhlutverk er í
verkinu, Sam áttræður og hann
leikur Ingimundur Jónsson.“
- Hvernig er að setja upp verk
sem hleypur svona til og frá í
tímanum, er ekki erfitt með bún-
inga?
„Karlmennirnir eru ekki svo
mikið vandamál, ég hef ákveðið
þá sem persónur og liti, en í
kvenfatnaðinum mun ég fylgja
stil hvers tíma.“
- Þú leikstýrir, sérð um bún-
inga og fleira?
„Ég hanna búninga, geri riss af
sviðinu og vel liti í lýsingu. Þegar
maður er leikstjóri í áhuga-
leikhúsum sér maður í raun um
allt, ef ekki er sviðshönnuður á
staðnum. En það er indælt fólk
sem vinnur hér hjá félaginu við
tæknihliðina.“
- Þú hefur unnið hér áður,
hvernig líkar þér á Húsavík?
„Ég setti upp Gúmmí-Tarzan
og það var alveg stórkostlegt. Ég
kann mjög vel við mig hér og
þegar ég kom hingað núna fannst
mér ég komin heim. Vonandi á
ég eftir að koma oft hingað hvort
heldur til að vinna eða prívat, hér
hef ég eignast góða kunningja.
Hér er mikið af hæfileikafólki og
það besta er að það hugsar eins
og atvinnufólk að mínum dómi.
Það leggur sig virkilega fram
og það er ekki að leika sér, það
vinnur virkilega. Það er sérstak-
lega gott fyrir leikstjóra að vinna
með svona fólki.
En þó maður vilji alltaf að
áhugafólk sé sem líkast atvinnu-
fólki þá er eitt sem það má ekki
missa og það er áhugamanns-
áhuginn, því atvinnumennskan
vill stundum verða svolítið eins
og fólk sé að fara í fisk. Það er
ráðið og verður oft að taka að sér
hlutverk sem þvf líkar ekki við.
Hér kemur fólk og vinnur sín
hlutverk af því það hefur áhuga
á leikritinu og ætlar að vera með.
Það er það sem gefur áhuga-
mannaleikhúsi alveg sérstakan
ljórna." IM
Arðbær
auglysingíódýrum
auglýsingamiðli
. iM®
Ahnfamikill auglýsingamiðill