Dagur - 18.03.1986, Síða 6

6 - DAGUR - 18. mars 1986
18. mars 1986 - DAGUR - 7
Hvernig litist þér á að hlaða
þér íbúðarhús úr froðuplast-
kubbum? Hugmyndin virðist
fráleit því allir vita að við
Islendingar þurfum sterk og
endingargóð hús og hús úr
froðuplasti uppfyllir tæplega
þær kröfur. En hvernig væri þá
að nota eingöngu froðuplast
við uppslátt á steinsteyptu
húsi? Eflaust þykir flestum
þetta jafn fráleitt og fyrri kost-
urinn sem ég nefndi, en
Sigurður Sigurðsson hjá S.S.
Byggi hyggst sýna fram á að
það sé hægt.
Reyndar ætlar hann að hlaða
húsið úr froðuplastkubbum frá
þýsku fyrirtæki sem hefur hannað
þá og þróað. Kubbarnir eru
þeirrar náttúru að þeir koma í
stað bæði einangrunar og upp-
sláttar. Með því að byggja hús
með þessu móti sparast því upp-
slátturinn.
Kubbarnir eru um 20 sm á
hæð en hægt er að fá þá í mis-
munandi lengdum og lögun að
öðru leyti og öll frávik frá bein-
um veggjum og 90 gráðu hornum
eru mun auðveldari í framkvæmd
með þessum kubbum en með
hefðbundnum aðferðum. Kubb-
arnir eru holir (sjá mynd) og þeg-
ar búið er að hlaða úr þcim eina
hæð, þá er steypunni rennt í, rétt
eins og um venjuleg mót væri að
ræða. Þar með losnar maður ekki
aðeins við uppslátt heldur líka
fráslátt og auki þess er einangr-
unin komin á sinn stað og húsið
er að mörgu leyti mun betur ein-
angrað með þessari aðferð en
þeim sem við þekkjum. Svo kall-
aðar kuidabrýr sem myndast þar
sem veggir og plötur koma út í
útvegg eru úr sögunni og auk
þess eru allir innveggir einangr-
aðir sem gefur betri hljóðein-
angrun.
Járnabindingu og allar lagnir
er hægt að leggja í inótin áður en
steypt er en einnig er hægt að
fella raflagnir o.fl inn í plastið
innan á veggjunum, líkt og nú er
gert. Utan á húsið er sett sérstakt
trefjaplastefni sem er smurt á
plastið, mottur úr sama efni lagð-
ar yfir og smurt aftur þar yfir og á
þetta efni að veita mjög mikið
veðrunarþol. Sigurður kveðst
reikna með því að innanhúss
verði veggir múrhúðaðir á hefð-
bundinn hátt.
Með þessari aðferð er steypan
Einangrun og
uppsláttur í senn
- S.S. Byggir hyggst reisa tilraunahús þar sem slegið er upp með kubbum úr froðuplasti
í veggjunum mun betur varin og
menn ættu ekki að þurfa að hafa
áhyggjur af veðrun eða steypu-
skemmdum, s.s. alkalískemmd-
um.
Sigurður sagði að í Þýskalandi
og í Luxemborg þar sem hann
kynntist þessari byggingaraðferð
séu byggð allt að 12 hæða hús
með þessari aðferð. Ég spurði
hann hvort athugað hefði verið
að hve miklu leyti þessi hús stæð-
ust íslenska byggingarstaðla.
„Það er búið að hlaða vegg iijá
Rannsóknarstofnun byggingar-
iðnaðarins fyrir sunnan og það er
verið að prufa þetta. Eftir fyrstu
fréttum ætti þetta að standast all-
ar okkar kröfur og meira að segja
er einangrun meiri en farið er
fram á í dag.“
- Hvað heldur þú að muni
miklu á verði einbýlishúsa sem
byggð væru með þessari aðferð
miðað við þær aðferðir sem við
þekkjum?
„Nú vil ég ekki fara út í miklar
fullyrðingar. Þess vegna vildi ég
byrja á að fá lóð og sýna fram á
þetta og reynslan verður svo að
skera úr um það hversu miklu
hagkvæmari þessi aðferð er.“
Sigurður sótti um 2 til 3 lóðir
við Brálund til að byggja
tilraunahús. Samkvæmt skipulagi
er ekki gert ráð fyrir húsum á
þessum stað heldur leiksvæði fyr-
ir börn. Hins vegar hefur ekkert
verið gert þarna til að börn gætu
leikið sér á þessum bletti og
sækja því börnin í hverfinu því
annað til leikja, t.d. í brekkkuna
sem er þarna rétt sunnan við, við
norðurenda golfvallarins. Því
taldi Sigurður eðlilegt að þarna
Að hlaða hús úr þessum kubbum er líkast því að
óyggja úr Legokubbum.
yrði úthlutað lóðum undir íbúðar-
hús en leikaðstaða fyrir börnin
yrði sett upp þar sem þau leika
sér, suður í brekkunni. íbúar
fjögurra aðliggjandi húsa við
Lerkilund sendu Skipulagsnefnd
bæjarins bréf þar sem fram kem-
ur að þeir séu „algjörlega andvíg-
ir öllum hugmyndum um bygg-
ingar á opnu leiksvæði vestan
Lerkilundar“. Skipulagsnefnd
samþykkti að hún teldi „ótíma-
bært að breyta aðalskipulagi til
úthlutunar lóða við Eikarlund/
Rauðu húsin þrjú teiknaði Sigurður inn á kortið og fór fram á að fá að byggja tilraunahús á
þessum lóðum. Því var hafnað þar sem skipulagið gerir ráð fyrir leiksvæði á þessum stað.
Brálund meðan unnið er að
endurskoðun aðalskipulags.“ Þar
með var sú hugmynd Sigurðar að
byggja á þessum stað úr sögunni
en honum var bent á að hann
gæti fengið lóð undir tvílyft hús
við suðurenda Aðalstrætis.
„Síðustu ár hefur verið boðið
upp á lítið annað en tvílyft hús.
Sjáðu bara allt Þorpið og svo á að
halda áfram þarna í Innbænum.
Fólk vill einnar hæðar einbýlis-
hús og raðhús. Og mér þykir hart
að þurfa að fara af stað með
svona tilraun þar sem allt er í
óvissu og þurfa að byggja inni á
Krókeyri þar sem ég stórefast um
að margir vilji kaupa'. Ég var
búinn að fá símhringingar frá
mönnum sem báðu mig að láta
sig vita ef ég færi af stað þarna
upp frá, þeir væru til í að kaupa,
en ég efast um að fólk komi
stökkvandi og vilji kaupa þessi
hús inni á Krókeyri."
Sigurður sagði að sér þætti það
nokkurt nýmæli að íbúar í næstu
húsum væru spurðir hvort þeim
væri sama þótt byggð yrðu ný
hús í nágrenninu. „Hins vegar
eru mýmörg dæmi um að íbúar
hafi mótmælt en ekki hhistað á
þá. Þegar raðhúsin við Háhlíð-
ina voru byggð var því mótmælt
af íbúum í kring. Það sama gerð-
ist þegar farið var að byggja við
elliheimilið, einn daginn var
leikskóla dembt niður á grænt
svæði á Eiðsvellinum gegn vilja
íbúanna í kring og þegar Innbæj-
arskipulagið var lagt fram mót-
mæltu íbúarnir því að fá ný hús í
hverfið.
Bæjaryfirvöld verða að átta sig
Sigurður Sigurðsson. Mynd: - KGA.
á því að það eru til menn sem
vilja byggja á góðum stöðum,
sbr. Hrafnabjörg og Jörvabyggð.
Þessir menn hefðu sennilega
haldið að sér höndum ef þeim
hefðu ekki boðist góðar lóðir og
bærinn hefur ekki efni á að
sleppa því að byggja á þessum
lóðum þar sem það kostar hann
lítið sem ekkert að bæta við
húsum."
- Heldur þú að ef í ljós kemur
að með þessari aðferð væri hægt
að lækka íbúðaverð um einhverja
tugi prósenta að það gæti orðið til
þess að laða hingað fólk?
„Jú, að vísu er það ekki nóg
því fólk þarf að hafa eitthvað að
gera og ég held að það þurfi að
fara að gera einhverja stóra hluti
í þeim efnum, en ég er ekki frá
því að ef ástand í atvinnumálum
lagast eitthvað þá sé þetta gott
tromp.“
Rafn Sigurðsson sem er búsett-
ur í Luxemborg hefur fengið
einkaumboð fyrir þessa plast-
kubba sem framleiddir eru í
Þýskalandi og hyggst hann flytja
heim og hefja innflutning og jafn-
vel framleiðslu á þessum
kubbum. Óvíst er hvort hann sest
að hér á Akureyri eða fyrir sunn-
an en líklega þætti flestum það
nokkur fengur ef hingað kæmi
verksmiðja sem framleiddi plast-
kubbana.
„Það er sama við hvern ég hef
talað vegna þessa máls, allir virð-
ast vilja allt fyrir mann gera en
enginn gerir neitt. Málin stranda
bara í einhvtrjum nefndum hjá
kerfisköllum sem því miður virð-
ast ráða allt of miklu í þessu
bæjarfélagi," sagði Sigurður og
kvaðst ekki vita hvert framhald
yrði á áformum sínum um bygg-
ingu tilraunahúss með ofan-
greindri aðferð. -yk.
Þverskurður af húsi skv. teikningu frá fram-
leiðendum kubbanna.
Þessi þrjú hús eru öll
byggð með þeirri aðferð
sem lýst er hér í opnunni.
norðlensk fyrirtæki
„Hálfgert glópalán að
komast í þetta“
- segir Þórarinn Kristjánsson, framkvæmdastjóri Gúmmívinnslunnar hf.
Á Rangárvöílum á Akureyri er
rekið athyglisvert fyrirtæki
sem hefur sérhæft sig í endur-
vinnslu á úrgangi. Fyrirtækið
heitir Gúmmívinnslan og eins
og nafnið bendir til er öll starf-
semi þess tengd gúmmíi og
framleiðslu úr þvj.
Hráefnið er gúmmí sem sorfið
er utan af hjólbörðum við sóln-
ingu og notar Gúmmívinnslan
bæði það gúmmí sem til fellur þar
og gúmmí frá sólningarverkstæð-
um í Reykjavík.
Fyrsta hlutverk Gúmmívinnsl-
unnar var að sóla hjólbarða og er
notuð við það svokölluð kald-
sólningaraðferð. Gúmmívinnslan
komst í samband við sænskt fyrir-
tæki, JLP products, og þaðan
kemur uppskriftin að því hvernig
steypa má ýmsa hluti úr gúmmí-
svarfi. Að sögn Þórarins Krist-
jánssonar, framkvæmdastjóra og
aðaleiganda Gúmmívinnslunnar
fær hann ekki einu sinni að vita í
hverju galdurinn er fólginn, held-
ur flytur hann inn tilbúin þau
bindiefni sem nauðsynleg eru til
að svarfið loði nægilega vel
saman.
Fyrsta framleiðslan sem farið
var af stað með tilraunir á í
Gúmmívinnslunni var millibobb-
ingar fyrir sjávarútveginn og eru
þeir nú orðnir fullþróuð vara, að
sögn Þórarins, sem reynst hefur
vel og er sala á henni komin á
fullt skrið.
í vetur var svo hafin tilrauna-
framleiðsla á gúmmímottum úr
þessu sama cfni og eru þær ætlað-
ar undir stórgripi að standa á og
önnur stærð af sömu mottum hef-
ur verið framleidd undir fólk sem
stendur við vinnu sína, s.s. í
frystihúsum. Þess má geta að þar
sem Gúmmívinnslan er til húsa
var áður fjós Tilraunastöðvar
ríkisins og Þórarinn sagði að það
færi náttúrlega vel á því að fram-
leiða mottur undir kýrnar í gamla
fjósinu.
Þessa dagana er svo að hefjast
framleiðsla á gúmmíhnöllum
undir umferðarrör sem notuð eru
til að merkja staði þar sem ekki
má aka o.fl. „Við höfum flutt
Þar sem áður var ijós er nú nýtísku cndurvinnsluiðnaður.
Myndir: KGA
þessi umferðarrör inn frá sam-
starfsfyrirtæki okkar í Svíþjóð en
nú ætlum við að steypa hnallana
eða fæturna sjálfir," sagði Þórar-
inn.
Það mun vera mjög fátítt að
við endurvinnslu á úrgangsefnum
takist að ná hlutfalli úrgangsins í
nýrri framleiðslu upp í jafn hátt
hlutfall og raunin er hjá Gúmmí-
vinnslunni en á milli 80 og 90% af
hráefninu í framleiðsluvörum
fyrirtækisins er gúmmísvarf af
hjólbörðum. „Ég veit satt að
segja ekki til þess að það séu
nema tvö til þrjú fyrirtæki í heim-
inum sem eru í þessari endur-
vinnslu í hjólbarðagúmmíi og
hálfgert glópalán á okkur að við
skyldum komast í þetta,“ sagði
Þórarinn að lokum. -yk.
Motturnar eru til í mismunandi stærðum eftir því hvort þær eru ætlaðar undir
kýr eða menn.
Gúmmívinnslan kaupir gúmmísalla frá sólningarvcrkstæðum fyrir sunnan og
flytur hann norður í gámum.