Dagur - 14.08.1986, Blaðsíða 2
2 - DAGUR - 14. ágúst 1986
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SÍMI: 24222
ÁSKRIFT KR. 420 Á MÁNUÐI
LAUSASÖLUVERÐ 40 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
FRÉTTASTJÓRI:
GYLFI KRISTJÁNSSON
RITSTJÓRNARFULLTRÚI:
BRAGI V. BERGMANN
BLAÐAMENN:
ÁSLAUG MAGNÚSDÓTTIR, GESTUR E. JÓNASSON,
GESTUR KRISTINSSON (Blönduósi vs. 95-4070 hs. 95-4368),
HELGA JÓNA SVEINSDÓTTIR, INGIBJÖRG MAGNÚSDÓTTIR
(Húsavík vs. 41585 hs. 41529), RÚNAR ÞÓR BJÓRNSSON,
KRISTJÁN KRISTJÁNSSON, MARGRÉT Þ. ÞÓRSDÓTTIR,
ÞÓRHALLUR ÁSMUNDSSON (Sauöárkróki vs. 95-5960 hs. 95-5729)
AUGLÝSINGASTJÓRI: FRÍMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Ueiðari____________________________
Allir eiga að hafa
jafna möguleika
til náms
Nefnd sem menntamálaráðherra skipaði á
síðasta ári til að gera tillögur um fjárlaga- og
þróunaráætlun fyrir Háskóla íslands næstu
fjögur árin hefur nú skilað áliti. í skýrslu
nefndarinnar er lagt til að kennsla á há-
skólastigi hefjist á Akureyri haustið 1987 og
er mjög brýnt að því máli verði fylgt eftir af
einurð og hvergi slakað á. Þá er lagt til að
Háskólinn fái aukið húsnæði til ráðstöfunar
svo og að dregið verði úr kennsluálagi og
stöðugildum fjölgað.
Háskólanum hefur löngum verið þröngur
stakkur skorinn, hvort sem litið er á fjár-
hagshliðina ellegar húsakostinn. Síðustu ár
hefur þeim stöðugt fjölgað sem stunda nám
á háskólastigi en fjárveitingar til Háskólans
hafa ekki aukist að sama skapi. Þessi vandi
endurspeglast einnig í mjög erfiðri stöðu
Lánasjóðs íslenskra námsmanna. í skýrslu
nefndarinnar eru settar fram margvíslegar
tillögur um fjármögnunarleiðir og eru marg-
ar þeirra góðra gjalda verðar. Það vekur
hins vegar athygli að í skýrslunni er sú hug-
mynd viðruð að tekin verði upp kennslu-
gjöld við Háskóla íslands. Þótt ekki hafi
náðst samstaða um þessa hugmynd í nefnd-
inni er full ástæða til að vara við henni. Víða
erlendis tíðkast það að láta nemendur
greiða svo og svo há námsgjöld til að fá inn-
göngu í skóla. Á íslandi hefur hins vegar
alltaf verið gengið út frá því að allir hefðu
jafna möguleika til náms, óháð þjóðfélags-
stöðu og efnahag. Menntunin er ekki ókeyp-
is, en hún er kostuð sameiginlega af skatt-
greiðendum þessa lands og vafalaust er
mikill meirihluti þjóðarinnar hlynntur því að
svo verði áfram.
Það eru einkum þau öfl sem kenna sig við
frjálshyggju sem hampa gjaldtökuhug-
myndum á borð við þessa. Efst á þeirra
stefnuskrá er að afnema samneyslu á öllum
sviðum og láta hvern og einn greiða hlutina
fullu verði. í sumum tilfellum eru slík sjón-
armið réttlætanleg en alls ekki þegar um
menntun eða heilbrigðisþjónustu er að
ræða. Vonandi fá slíkar hugmyndir aldrei
hljómgrunn hér á landi og víst er að fram-
sóknarmenn munu ekki styðja þær. BB.
-j/iðtal dagsine
I mörg hom að líta
- Spjallað við Árna H. Helgason landvörð á tjaldstæðinu
í Mývatnssveit
„Landverðir eiga að hafa
stjórn á hlutunum, þeir sjá um
að ekki sé tjaldað þar sem ekki
má tjalda, við höfum umsjón
með ruslamálum á tjaldstæð-
inu, tínum rusl á svæðinu og
tæmum ruslatunnur. Annars
er þetta ákaflega fjölbreytt
starf og skemmtilegt,“ sagði
Árni H. Helgason landvörður
á tjaldstæðinu í Mývatnssveit.
Við hittum Árna í bækistöðv-
um landvarðanna, nýlegu húsi
og vistlegu. Hann var til í að
segja okkur undan og ofan af
starfi sínu, ferðamálum og
ýmsu er þessu tengist.
Þetta er fyrsta sumarið sem
Árni vinnur sem landvörður í
Mývatnssveit. Hann sagðist hafa
farið á námskeið sem haldið var á
vegum Náttúruverndarráðs, en
það var haldið bæði á Akureyri
og í Mývatnssveit og stóð yfir í
fjórar helgar auk þess sem haldið
var sérstakt námskeið í skyndi-
hjálp, meðferð áttavita og ýmis-
legu fleiru sem starfinu fylgir.
„Þetta var ákaflega fróðlegt
námskeið og góður undirbúning-
ur fyrir þetta starf,“ sagði Árni.
F>ar sem hann er í miðju kafi að
segja okkur frá námskeiðunum
koma ítalir inn í húsið og „mi ni
faintro. . . dadada,“ sem eftir
nokkra stund var búið að þýða á
þann veg að þá vanhagaði um
raksápu. Si si og málið leyst.
Árni sagði að 28% aukning
hefði orðið á nýtingu tjaldstæðis-
ins í júní miðað við júní í fyrra.
„Petta fór rólega af stað hjá
okkur, en núna undanfarið hefur
verið stöðugur og mikill straumur
fólks hérna og á stundum má
segja að tala tjaldstæðisgesta hafi
verið tvöfaldur íbúðafjöldi sveit-
arfélagsins.
Það er algengt að hér séu á
þriðja hundrað tjöld. Um versl-
unarmannahelgar eru hér mest
um fjögur hundruð tjöld. Það get-
ur oft verið í ýmsu að snúast þeg-
ar svona margt fólk er hér saman
komið. En þetta er rólegt fólk
sem hér er og engin vandamál í
kringum það.“
í sumar hefur verið unnið að
endurbótum á tjaldstæðinu.
Byggt var hús fyrir sturtur, sal-
erni fyrir fatlaða og aðstöðu fyrir
landverðina sem jafnframt er
upplýsingamiðstöð. Þangað leita
mjög margir að sögn Árna og eru
spurningarnar sem fram eru
bornar margvíslegar, „sumar
hreint ótrúlegar." Vakt er á tjald-
stæðinu allan sólarhringinn.
Miklar jarðvegsbætur hafa verið
unnar á tjaldstæðinu og í sumar
er búið að gera stalla sem auka
rýmið mjög. Árni sagði að
útlendingar væru í miklum meiri-
hluta gesta tjaldstæðisins. „Hing-
að koma alls konar týpur, allt frá
puttalingum sem eru rétt með
tjaldið sitt og svefnpokann og
upp í fólk með vel útbúna
trukka. Mann undrar það oft
hversu margir útlendingar kom-
ast fyrir í einu litlu tjaldi. Það er
allt annar bragur yfir íslending-
um á ferðalagi. Þeir eru með stór
tjöld, vilja hafa sitt einbýlishús."
Árni lauk stúdentsprófi frá
málabraut Menntaskólans á
Akureyri árið 1983. „Jú, það er
æskilegra að kunna dálítið fyrir
sér f tungumálum. Við verðum að
kunna enskuna nokkuð vel og
eitthvað í Norðurlandamálum.
Þýskuna verðum við að skilja
nokkurn veginn og það er einnig
gott að kunna frönsku. En auð-
vitað kemur alltaf upp eitthvert
mál sem maður er ekki alveg klár
í. Það eru helst ítalirnir sem erf-
iðast er að skilja, en þeir tala yfir-
leitt litla ensku.“
Árni sagði að langmest væri
um Þjóðverja og Frakka, bæði á
skipulögðum ferðalögum og eins
á eigin vegum. Tiltölulega fáir
Bandaríkjamenn eru á ferðinni,
eins væru Norðmenn og Finnar
ekki margir. „Það hefur varla
sést Finni hérna í sumar. En það
er dálítið um Dani. Það er dálítið
skrýtið með Danina. Þeir eru
næstum allir búnir að gefast upp
á að tala dönsku að fyrra bragði.
Eru kannski búnir að vera á ferð-
inni hérna í hálfan mánuð og
enginn viljað tala við þá dönsk-
una. Það liggur við þeir verði
steinhissa þegar við tölum móð-
urmálið við þá.
í eina tíð var alltaf talað um að
Þjóðverjar væru fremur leiðin-
legir ferðamenn, en mín reynsla
er sú að þeir eru alls ekki óliprir.
Mér finnst Frakkarnir erfiðari
viðureignar. Það getur oft verið
býsna erfitt að koma þeim í skiln-
ing um þær reglur sem hér ríkja,
en Mývatn er verndað svæði og
hvergi má tjalda nema á merkt-
um tjaldstæðum. Það kemur oft
fyrir að við þurfum að benda
fólki á það. Helst eru það reynd-
ar íslendingarnir sem eiga erfitt
með að sætta sig við að búið er að
setja þessar reglur sem banna
þeim að tjalda hvar sem þeim
dettur í hug.
En þetta er skemmtilegt starf,
þó það geti oft verið erfitt. Það er
í mörg horn að líta. Við verðum
að hafa vakandi auga með að allt
fari vel fram og allt sé í lagi,“
sagði landvörðurinn Árni að
lokum. -mþþ