Dagur - 14.08.1986, Blaðsíða 12
* Diskettur
+ Skjásíur
+ Ýmsar rekstrarvörur
Tölvutæki sf.
Gránufélagsgötu 4, 2. hæð • Akureyri • Sími 96-26155
Þjónustugjald í
Hraðbankanum *■
- ef tekið er út eða millifært
Bankarnir auka sífellt þjón-
ustu sína og það nýjasta í þeim
efnum er Hraðbankinn, sem
nokkrir bankar og sparisjóðir
hafa sameinast um. Eflaust er
þetta til hagræðingar fyrir
marga, en það sem fólk hefur
kannski ekki athugað, er að
Akureyri:
Endur-
bætur við
Höepfners-
biyggju
„Bryggjan var orðin hættuleg
þannig að hún var fjarlægð og
ákveðið var að reyna að lappa
upp á svæðið þarna og þá sér-
staklega með þarfir siglinga-
mannanna í huga,“ sagði Guð-
mundur Sigurbjörnsson hafn-
arstjóri um framkvæmdir sem
nú standa yfír þar sem gamla
Höepfnersbryggjan stóð til
skamms tíma.
Guðmundur sagðist ekki
reikna með að sett yrði ný
bryggja í stað þeirrar gömlu að
þessu sinni en sá möguleiki væri
fyrir hendi síðar. „Við erum bún-
ir að koma þarna upp grjót-
hleðslu og eigum svo eftir að
keyra í þetta betra efni, bæði
ofan á grjótið og eins til að
hækka þar fyrir aftan. Þá er hugs-
anlegt að þetta verði malbikað í
haust. Síðan á að laga lendingu
siglingamannanna í fjörunni
þarna sunnan við,“ sagði Guð-
mundur Sigurbjörnsson. JHB
„Sjoppufóður“:
100% munur
á hæsta og
lægsta verði
I síðustu viku gerði Neytenda-
félags Akureyrar og nágrennis
verðkönnun á ýmsum vöruteg-
undum í 9 sjoppum á Akur-
eyri, Dalvík og í Vaglaskógi. í
Ijós kom að mikill verðmunur
er á einstaka vörutegundum
eftir því hvar þær eru keyptar.
Ef keyptur er hamborgari með
sósu, lauk, osti og ananas, kostar
hann 105 krónur í Glerárstöðinni
v/ Tryggvabraut en 100 krónum
meira eða 205 krónur í Esso-nest-
inu aðeins neðar við Tryggva-
brautina. Mismunurinn er
95,24%. Mesti verðmunurinn er
þó á minnstu vörutegundinni,
súkkulaðikúlum. Á þeim er
helmings munur eftir því hvar
þær eru keyptar. 2 krónur (200
gamlar krónur!) kostar stykkið
þar sem verðið er hæst.
Verðkönnun Neytendafélags
Akureyrar og nágrennis verður
birt í heild í blaðinu á morgun.
BB.
borga þarf fyrir hluta af þessari
þjónustu.
Dagur kannaði verð fyrir þessa
þjónustu hjá bönkunum á Akur-
eyri og kom í ljós að ef verið er
að athuga stöðu á reikningi eða
leggja inn pening, þarf ekki að
borga fyrir það. Ef hins vegar er
verið að taka út, millifæra eða
skuldfæra á reikning vegna gíró-,
seðla, kostar hver færsla 10 kr. Ef
t.d. eru teknar út 1000 kr. af
reikningi bætast sjálfkrafa 10 kr.
við úttektina. Ef ávísanareikn-
ingur og hraðbankinn eru bornir
saman, kemur í ljós að hægt er að
taka út 10 sinnum úr hraðbank-
anum fyrir 100 kr., en í ávísana-
hefti eru 25 blöð og því hægt að
taka út 25 sinnum fyrir sömu
upphæð. í tölvubanka Iðnaðar-
bankans kostar hins vegar ekki
neitt, hvort sem verið er að
leggja inn eða taka út fé.
Einnig var athugað verð á ávís-
anaheftum og innheimtukostnaður
við innistæðulausar ávísanir.
Ávísanahefti kosta 100 kr. í öll-
um bönkunum á Akureyri, nema
Iðnaðarbankanum, en þar kosta
þau 120 kr. Innheimtukostnaður
vegna innistæðulausrar ávísunar
er mjög mismunandi. Alþýðu-
bankinri er þar lægstur með 150
kr., þá Landsbankinn með 175
kr., Utvegsbankinn með 176 kr.
en Búnaðarbankinn og Iðnaðar-
bankinn eru með hæstan inn-
heimtukostnað, eða 200 kr.
-HJS
Vandvirknin verður að vera mikil, þegar gömul friðlýst hús eru lagfærð. Svo er að sjá að hún sé í lagi hér.
Endurbætur á MA
Fyrir skömmu var hafíst
handa við viðgerðir á húsi
Menntaskólans á Akureyri.
Húsið sem er orðið 82 ára
gamalt hefur þó staðið sig
með prýði og má furðulegt
heita að ekki hafi verið þörf á
viðgerð sem þessari fyrr.
Byrjað er á viðgerðum á þaki
hússins en síðan er ætlunin að
vinna allt húsið eftir því sem
fjárveitingar leyfa. Gamla
skólahúsið er friðlýst og því
mega viðgerðir þessar ekki
breyta neinu um útlit hússins
þannig að vandvirknin er fyrsta
boðorð smiðanna að sögn Skúla
Flosasonar húsvarðar.
Ýmsar minni háttar viðgerðir
hafa verið gerðar á húsinu frá
upphafi og þá hefur það komið
fyrir að upprunalegum hlutum
hefur verið breytt. Nú stendur
hins vegar til að endursmíða allt
það sem breytt hefur verið og
reyna að færa húsið í sitt upphaf-
lega form. í þessum breytingum
er haft samráð við Þorstein
Gunnarsson arkitekt en hann
hefur sérhæft sig í gömlum
húsum.
Að sögn Skúla þá mun þetta
einungis vera upphafið á miklu
verki en viðgerðum þessum mun
ekki ljúka nú í haust. Um aðrar
framkvæmdir sagði Skúli að til
stæði að fara í endurnýjun her-
bergja á heimavist og verður það
verk hugsanlega unnið að hluta
til í vetur.
Löndun úr Þórði Jónassyni á Krossanesi.
„Eg get ekki kvartað“
- segir skipstjórinn á Þórði Jónassyni
„Ég get ekki kvartað, þessi túr
gekk sinn vanagang,“ sagði
Hörður Björnsson, skipstjóri á
Þórði Jónassyni, þegar hann
var spurður um fyrsta veiðitúr-
inn eftir breytingarnar sem
skipið hafði gengið undir.
„Við þurftum að vísu að fara
allt of langt. Við fórum norður
undir 72. gráðu, en það er rétt
norðvestur af Jan Mayen, svo að
við fórum tæpar 400 sjómílur frá
bryggjunni," sagði Hörður. Breyt-
ingarnar á skipinu voru aðallega
þær að skipt var um aðalvél,
ljósavél og það var lengt um 6V2
metra. „Breytingarnar tókust vel
og lofa góðu um framhaldið. Við
höfum verið að lagfæra ýmislegt
smávægilegt, sem skiljanlegt er,
en ég býst við að við förum aftur
út seint í kvöld,“ sagði Hörður að
lokum. -SÓL
Loönan:
10 þús. tonn á Raufar-
höfn og Krossanes
i eru komin til okkar 5373 að vinna þetta jafn óðum,“
„Það eru komin til okkar 5373
tonn af loðnu,“ sagði Páll
Arnason hjá sfldarverksmiðj-
unum á Raufarhöfn er við
höfðum samband við hann í
gær. „Við erum tiltölulega
ánægðir og búumst við góðri
vertíð.“
Verksmiðjan á Raufarhöfn var
sett í gang sama dag og fyrsta
Ioðnan barst á land, en það var
22. júlí. Þá kom Gísli Árni RE
með fyrsta farminn af loðnu til
Raufarhafnar. Síðan hefur verið
nær stöðug löndun. Páll sagði að
búið yrði að bræða það sem er
eftir í þróm verksmiðjunnar í
kvöld og vissi hann ekki til þess
að nein skip væru á leiðinni til
þeirra.
Starfsmenn í verksmiðjunni
eru um 40 og er unnið á vöktum
allan sólarhringinn.
Á Krossanesi fengust þær upp-
lýsingar að þangað væru komin
um 3800 tonn af loðnu. Þórður
Jónasson EA landaði fyrsta farmi
sínum í gær eftir miklar breyting-
ar á skipinu. Var hann með 700
tonn. Hörður Hermannsson
verksmiðjustjóri sagði að búist
væri við Súlunni EA í dag, en
ekki væri vitað hve mikið magn
hún væri með. „Enda tökum við
ekki við meiru í bili, því það þarf
að vinna þetta jafn óðum,“ sagði
hann. Er hann var spurður hvort
um góða loðnu væri að ræða
sagði hann, „það er ekki svo gott
að átta sig á því þegar þetta er
komið í súpu eftir allar þessar sigl-
ingar af miðunum," -gej
Skjálfandafljót:
Ný brú
Þessa dagana er aö hefjast
smíði á brú yfír Skjálfanda-
fljót, rétt við þann stað sem
Rjúpnabrekkukvísl og
Hraunkvísl koma saman ofan
við fossinn Gjallanda.
Það er skagfirski brúarsmið-
urinn Gísli Gísiason sem mun
stjórna smíðinni og er fyrirhug-
aö að þetta verði stálbitabrú á
grjótbúkkum.
Brúin kemur til með að
brcyta miklu fyrir ferðamenn
því Rjúpnabrekkukvíslin hefur
verið hættulegur farartálmi á
leiðinni i Gæsavötn, t.d.
drukknuðu þar 3 Japanir í
fyrra. Ferðamannastraumur á
þessum slóðum hefur aukist
mjög á síðustu árum og má
reikna með að hann aukist enn
frekar með tilkomu þessarar
brúar. JHB