Dagur - 11.09.1986, Side 2

2 - DAGUR - 11. september 1986
_w'ðfa/ dagsins.
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 480 Á MÁNUÐI
LAUSASÖLUVERÐ 50 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
FRÉTTASTJÓRI:
GYLFI KRISTJÁNSSON
RITSTJÓRNARFULLTRÚI:
BRAGI V. BERGMANN
BLAÐAMENN:
ÁSLAUG MAGNÚSDÓTTIR, EGGERT TRYGGVASON,
GESTUR E. JÓNASSON, GESTUR KRISTINSSON
(Blönduósi vs. 95-4070 hs. 95-4368),
HELGA JÓNA SVEINSDÓTTIR, INGIBJÖRG MAGNÚSDÓTTIR
(Húsavík vs. 41585 hs. 41529), KRISTJÁN KRISTJÁNSSON,
MARGRÉT Þ. ÞÓRSDÓTTIR, RÚNAR ÞÓR BJÖRNSSON,
STEFÁN SÆMUNDSSON, ÞÓRHALLUR ÁSMUNDSSON
(Sauöárkróki vs. 95-5960 hs. 95-5729)
AUGLÝSINGASTJÓRI: FRÍMANN FRÍMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
leiðari._________________________
Uggvænleg
mannfjöldaspá
Nýtt vandamál hefur skotið upp kollinum í
velferðarþjóðfélögum heimsins á síðustu
árum. Á meðan þjóðir þriðja heimsins standa
frammi fyrir offjölgun og fátækt, lækkar fæð-
ingartíðnin ár frá ári í velferðarríkjunum. í
þessu er fólgin ákveðin mótsögn, því íbúar
velferðarríkja eru auðvitað betur í stakk búnir
til að sjá börnum sínum farborða en íbúar
þriðja heimsins. En slíkt sjónarmið er létt-
vægt talið.
íslendingar eru engir eftirbátar íbúa ann-
arra velferðarríkja hvað mannfjöldaþróun
varðar. Fyrir aldarfjórðungi eignaðist hver
kona hér á landi að jafnaði 4,2 börn á ævinni.
Nú er fæðingartíðnin komin niður í 1,9 börn á
ævi hverrar konu og með áframhaldandi þró-
un er ljóst að fækka mun í vísitölufjölskyld-
unni.
Samkvæmt nýrri mannfjöldaspá Hagstof-
unnar mun fólksfjölgun hérlendis stöðvast
algerlega í kringum árið 2020 en þá verða
íslendingar orðnir um 275 þúsund talsins.
Eftir það tekur íslendingum að fækka ef þró-
unin heldur áfram í sömu átt og nú stefnir.
Þessi spá er mjög uggvænleg og taka þarf
mið af þróuninni í tíma. Ef spáin gengur eftir
verður fjöldi aldraðra helmingi meiri árið 2020
en nú er. Það er mikil breyting á aðeins 34
árum. Margt þarf að breytast í samfélaginu til
þess að það verði í stakk búið að mæta þess-
ari þróun. Gera þarf átak í málefnum aldraðra
og stuðla að því með ýmsu móti að ellin verði
fólki léttbærari.
Það eru mikil tímamót í lífi hvers einstakl-
ings þegar hann verður að hverfa af vinnu-
markaðinum vegna aldurs og mörgum veitist
erfitt að sætta sig við þær breytingar sem því
eru samfara. Nauðsynlegt er að búa fólk bet-
ur undir lok starfsævinnar og auka fjölbreytni
og framboð tómstunda fyrir þennan aldurs-
hóp. Einnig mætti hugsa sér að komið yrði
upp vinnustöðum þar sem aldraðir gætu
stundað létta vinnu hluta úr degi, til þess að
umskiptin yrðu ekki eins mikil.
Hins vegar er ekki ljóst hvaða áhrif þessar
þjóðfélagsbreytingar koma til með að hafa á
atvinnulíf landsmanna. Það verður tíminn að
leiða í ljós. En þessi mannfjöldaspá gefur
augljóslega til kynna að ástæða er til að grípa
til aðgerða til stuðnings barnafjölskyldum og
ungum foreldrum. Það þarf með einhverjum
ráðum að auka áhuga fólks á að hafa fleiri
börn á heimilum sínum. Núverandi þróun
þarf að stöðva. BB.
Njál Eiðsson þarf tæpast að
kynna Norðlendingum. Þessi
snjalli knattspyrnumaður var
um tíma ein styrkasta stoð KA
liðsins, auk þess sem hann hef-
ur bæði leikið með Val og
íslenska landsliðinu. Eftir að
síðasta keppnistímabili lauk
ákvað Njáll að hverfa frá KA
liðinu og hélt til Vopnafjarðar
þar sem hann gerðist leikmað-
ur og þjálfari hjá Einherja.
Liðið kom upp úr 3. deild í
fyrra og var fyrirfram ekki
búist við að nýliðarnir gerðu
neina stóra hluti í 2. deildinni.
Arangur þeirra í sumar hefur
hins vegar verið undraverður,
um tíma eygðu þeir m.a.
möguleikann á 1, deildar sæti,
og er það álit margra að Njáll
hafi átt þar stóran hlut að máli.
Njáll er í viðtali dagsins að
„Árangur liðs er aldrei
einum manni að þakka,“
- segir Njáli Eiðsson
þessu sinni og hann var fyrst
spurður hvort hann væri
ánægður með sumarið.
„Sumarið er búið að vera mjög
gott og mér hefur liðið vel.
Árangur liðsins hefur verið fram-
ar vonum og það spillir að sjálf-
sögðu ekki fyrir. Við áttum um
tíma möguleika á 1. deildar sæti
og ég held að enginn hafi átt von
á því í upphafi mótsins. Hins veg-
ar verð ég að játa að þegar maður
sér fram á að árangurinn hefði
getað verið betri þá er maður
örlítið svekktur svona undir
niðri. En það er að sjálfsögðu
engin ástæða til þess, Einherji
hefur aldrei náð svona langt áður
og það ættu allir að geta unað
glaðir við þennan árangur."
- Hvernig er með fólkið á
staðnum? Er það ekki ánægt?
„Ég hef nú ekkert kannað það
sérstaklega. Ég á þó ekki von á
öðru en að flestir a.m.k. séu það.
Maður heyrir hins vegar mun
meira talað um árangur liðsins
þegar maður er kominn lengra í
burtu.“
- Er þessi árangur þér að
þakka?
„Kannski að einhverju leyti en
árangur liðs er aldrei einum
manni að þakka, það er mikill
misskilningur. Parna hefur margt
hjálpast að, strákarnir hafa verið
mjög áhugasamir og duglegir,
æfingasókn var nánast 100%.
Þetta er mjög leikreynt lið, þeir
eru búnir að spila mjög lengi
saman þessir menn, enda eru
þetta allt heimamenn að mark-
manni og þjálfara undanskildum.
Þá má líka nefna að á undanförn-
um árum hafa þeir verið með
varnarmann sem þjálfara og
leikmann en nú fengu þeir miðju-
mann og það hefur kannski
hjálpað eitthvað til. Þetta leiddi
til þess að liðið fór að spila nýja
„taktík“ sem virðist eiga betur
við liðið. En allt tal um að þetta
sé eingöngu mér að þakka er
bara vitleysa."
- Heldurðu að Einherji hefði
átt erindi í 1. deild?
„Nei, ég held ekki. Það vantar
meiri mannskap til þess að liðið
gæti staðið sig í 1. deildinni."
- Er mikill uppgangur í knatt-
spyrnunni á Vopnafirði?
„Ég veit nú ekki hvað ég á að
segja um það. Eins og ég sagði
áðan þá sýndu þessir strákar mik-
inn áhuga og ég get ekkert kvart-
að undan því. Það sem háir
knattspyrnunni þarna fyrst og
fremst er fólksfæðin. Það hefur
verið erfitt að manna yngri
flokka félagsins og menn óttast
að of fáir verði til að taka við af
þeim eldri þegar þeir hætta. Og
einmitt vegna þessa, hve fáir eru
þarna, er árangur liðsins ánægju-
legur.“
- Hvernig er að búa á Vopna-
firði?
„Það er í sjálfu sér ákaflega
gott að búa þarna. Þarna er gott
fólk og þarna er allt ákaflega
rólegt. Það sem er fyrst og fremst
ólíkt með þessum stað og Akur-
eyri eða Reykjavík er hvað allt er
þarna einangrað. Það er langt í
næstu staði og þú sérð ekkert
mikið annað en Vopnfirðingana.
Þetta er að vísu betra yfir sumar-
tímann en ég held að einangrunin
hljóti að vera helst til of mikil yfir
vetrartímann. Það sem ég sakn-
aði mest voru aðrir knattspyrnu-
leikir. Þegar þú ert t.d. á Ákur-
eyri þá er stutt að keyra á aðra
staði til að horfa á leiki en allt
slíkt er meira mál fyrir austan.
Maður er því orðinn þyrstur í fót-
bolta eftir sumarið."
- Þegar litið er á árangur
sumarsins þá mætti ætla að þú
fengir góð tilboð fyrir næsta ár.
Er það tilfellið?
„Það held ég ekki, ég hef
a.m.k. ekki fengið neitt ennþá.
Ég held ég megi segja að ég sé
ákaflegaiarðbundinn hvað þetta
snertir. Ég á ekki von á að það
verði neitt slegist um mig.“
- Ég hef heyrt að þú hafir
áhuga á að leika í 1. deildinni að
ári.
„Jæja, hefurðu heyrt það? Jú,
það er rétt að það hefur hvarflað
að mér. Hins vegar er ég ekki far-
inn að hugsa það af neinni
alvöru. Ég veit ekki hvort ég verð
á Vopnafirði annað árið í röð og
hef reyndar ekki hugmynd um
hvort þeir hafi nokkurn áhuga á
að fá mig þangað aftur. Ég á fá ár
eftir sem knattspyrnumaður og ef
ég ætla að spila aftur í 1. deild-
inni þá verð ég að fara að drífa í
því ef ég ætla að eiga einhverja
möguleika. Það er klárt að mað-
ur dettur niður við að spila í
neðri deildum. Það er mikill
munur á 1. og 2. deild og ég held
reyndar að hann sé meiri í ár en
oft áður, þ.e. ég held að önnur
deildin sé lakari í ár en hún var
t.d. í fyrra. En eins og ég segi þá
er ég ekki farinn að hugsa um
þetta af neinni alvöru þó svo 1.
deildin heilli mann.“
- Nú þekkir þú Akureyrarlið-
in vel síðan þú lékst með KA.
Hvað viltu segja um árangur
þeirra í sumar?
„Ef við tökum árangur Þórs þá
kemur hann nokkuð á óvart. Lið-
ið virkaði mjög sannfærandi í
fyrra og ég átti von á betri ár-
angri. Það er hins vegar eitthvað
að, hvað sem það nú er, en ég á
erfitt með að segja til um það,
enda hef ég ekki séð liðið leika í
sumar. Það eina sem maður veit
er það sem maður les í blöðun-
um.
KA liðið hefur hins vegar Ieik-
ið mjög vel í sumar. Ég er að
sjálfsögðu ánægður með árangur
þeirra KA-manna og við höfum
nú reyndar hjálpað þeim því þeir
náðu sex stigum af okkur en í
staðinn höfum við verið að reyta
stig af keppinautum þeirra. En
KA liðið hefur staðið sig vel og
ég tel að þeir hafi tvímælalaust
verið með sterkasta liðið í sumar.
Ég vil svo að lokum nota tækifær-
ið og óska KA og Völsungi til
hamingju með 1. deildar sætin.
Þetta eru lið sem voru vel að
þessu kornin." JHB