Dagur - 23.09.1986, Blaðsíða 2

2 - DAGUR - 23. september 1986
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 480 Á MÁNUÐI
LAUSASÖLUVERÐ 50 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
FRÉTTASTJÓRI:
GYLFI KRISTJÁNSSON
RITSTJÓRNARFULLTRÚI:
BRAGI V. BERGMANN
BLAÐAMENN:
ÁSLAUG MAGNÚSDÓTTIR, EGGERT TRYGGVASON,
GESTUR E. JÓNASSON, GESTUR KRISTINSSON
(Blönduósi vs. 95-4070 hs. 95-4368),
HELGA JÓNA SVEINSDÓTTIR, INGIBJÖRG MAGNÚSDÓTTIR
(Húsavfk vs. 41585 hs. 41529), KRISTJÁN KRISTJÁNSSON,
MARGRÉT Þ. ÞÓRSDÓTTIR, RÚNAR ÞÓR BJÖRNSSON,
STEFÁN SÆMUNDSSON, ÞÓRHALLUR ÁSMUNDSSON
(Sauðárkróki vs. 95-5960 hs. 95-5729)
AUGLÝSINGASTJÓRI: FRÍMANN FRÍMANNSSON
ÚTBREIÐSLUSTJÓRI:
HAFDÍS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
leiðari.________________________________
Vilji fólksins
Hver stórviðburðurinn rekur nú annan í íslensku
knattspyrnulífi. Á dögunum léku hinir heimsfrægu
leikmenn í landsliði Frakklands á Laugardalsvelli í
Reykjavík og nú í vikunni mæta sovéskir snillingar
þar til leiks. Leikir þessir eru í Evrópukeppni lands-
liða og vekja athygli víða um heim. Má t.d. telja
víst að jafntefli íslands gegn Frakklandi á dögun-
um hafi vakið geysilega athygli erlendis, enda
annars vegar um að ræða smáþjóð og hins vegar
milljónaþjóð sem á Evrópumeistara í knattspyrnu
og heimsfræga knattspyrnusnillinga innan sinna
raða.
Það sýnir sig líka að áhugi er fyrir þessum leikj-
um. Þannig var landsleik íslands og Frakklands
sjónvarpað beint til Frakklands þar sem milljónir
manna gátu fylgst með atburðinum á þeim tíma er
hann átti sér stað. Maður skyldi því ætla sem svo
að áhugi væri fyrir því hjá íslenska sjónvarpinu að
sýna slíkan viðburð í beinni útsendingu, en það er
nú eitthvað annað.
Þegar landsleikur íslands og Frakklands stóð
yfir var m.a. viðtal í útvarpi við formann knatt-
spyrnuhreyfingarinnar á íslandi. Hann sagði þá að
nú væri hátíð, ekki bara hjá þeim sem væru á vell-
inum, heldur hjá öllum knattspyrnuáhugamönnum
á íslandi. En sjálfsagt er að vekja á því athygli hér
að þau hátíðahöld fóru þannig fram úti á lands-
byggðinni að menn hlustuðu á lýsingu af leiknum
í útvarpi á sama tíma og knattspyrnuáhugamenn í
Frakklandi sáu leikinn í beinni sjónvarpsútsend-
ingu.
Hér er þó sennilega fyrst og fremst við for-
ráðamenn Ríkisútvarpsins að sakast, og sennilega
myndu þeir ekki láta atvik sem þetta endurtaka
sig ef þeim væri ljós tónninn í fólki á landsbyggð-
inni og vilji þess að fá tækifæri til að sjá þessa
atburði í beinni útsendingu í sjónvarpi. Eftir því
sem næst verður komist er ekki áhugi á því hjá
forráðamönnum þessarar ríkisstofnunar að greiða
það verð sem knattspyrnuforustan setur upp fyrir
lýsingar af þessu tagi. Það sjónarmið knattspyrnu-
sambandsins að greiða þurfi vel fyrir efni sem
þetta er skiljanlegt, sennilega sætu einhverjir
heima sem færu á völlinn ef leikurinn væri ekki í
beinni sjónvarpsútsendingu og KSÍ yrði þar af leið-
andi fyrir tekjutapi. Það sem þarf að gerast er að
forráðamenn Ríkisútvarpsins geri sér grein fyrir
þessari staðreynd ef stofnunin ætlar sér að standa
undir nafni.
Nú í vikunni verður stórviðburður á Laugardals-
velli er ísland og Sovétríkin mætast í Evrópu-
keppninni. Verður fróðlegt að sjá hvort farið verður
að óskum þeirra fjölmörgu landsbyggðarmanna
sem hafa tjáð sig um þetta mál, og leikurinn sýnd-
ur landsmönnum í beinni útsendingu. gk-.
_viðtal dagsins.
Kristján Ármannsson oddviti á Kópaskeri:
„Náttúrlega hættum við
ekki tyrr en við fáum skip“
Kristján Ármannsson er
oddviti á Kópaskeri og fram-
kvæmdastjóri Sæbliks hf.
Kristján er kvæntur hrepp-
stjóranum á staðnum, Guð-
björgu Vignisdóttur, en hún
var fyrsta konan á landinu sem
skipuð var hreppstjóri. Krist-
ján og Guðbjörg eru frá Akur-
eyri og fluttust þau til Kópa-
skers fyrir 16 árum. Fyrst er
oddviti beðinn að segja frá
staðnum Kópaskeri:
„Þegar ég flutti til Kópaskers
1970 voru hér 85 íbúar, en þeir
eru tæplega 200 í dag. Þessi fjölg-
un var á mjög skömmum tíma,
frá 1970-1978. Síðan hefur íbúa-
talan staðið nokkuð í stað. Það
var einmitt ’78-’79 sem rækju-
veiðarnar brugðust fyrst í Öxar-
firði og samfara því byrjaði þessi
samdráttur í Íandbúnaðinum.
Það hefur orðið fækkun í sveitar-
félaginu því Presthólahreppur
nær yfir sveitina báðum megin
Kópaskers. Kópasker var og er
fyrst og fremst þjónustumiðstöð
fyrir landbúnaðinn og það var
ekki fyrr en ’75-’76 sem rækju-
veiðar hófust í Öxarfirði, að sjáv-
arútvegur náði að hafa gildi fyrir
staðinn. Hér er allur þjónustu-
iðnaður fyrir landbúnaðinn,
trésmíðaverkstæði, vélaverk-
stæði og kjötiðja kaupfélagsins
fer vaxandi."
- Atvinnuástand hefur verið
slæmt hjá Sæbliki, en eru þau mál
ekki að lagast?
„Um miðjan ágúst var rækju-
vinnslan búin að vera hráefnis-
laus í ár. Þá fengum við á leigu
skip Þróunarstofnunar, Feng og
auk þess veiddi togarinn frá
Raufarhöfn fyrir okkur í ágúst.
Og svo eru komnir einir fjórir
bátar til veiðanna frá Þórshöfn,
Bakkafirði og Vopnafirði þannig
að við erum sæmilega settir núna,
en framtíðin er óljós ennþá.“
- Ertu bjartsýnn á framtíðina?
„Já, ég er það, vegna þess að
þessi staður hefur upp á ýmislegt
að bjóða. Þó stöðnun hafi orðið
núna þá held ég að margt sé já-
kvætt framundan. Náttúrlega
hættum við ekki fyrr en við fáum
skip og getum tryggt nokkuð
jafna hráefnisöflun. Við erum
með ýmsa hluti í athugun í sam-
bandi við smáiðnað, að
ógleymdu háhitasvæðinu í Öxar-
firði sem er ekki nema í 20 kíló-
metra fjarlægð. Þar eru auðvitað
miklir framtíðarmöguleikar í
fiskeldi og öllu sem því tengist.“
- Þú ert stjómarmaður í Selja-
laxi, er hafið tilraunaeldi á seiðum
hjá fyrirtækinu?
„Það er varla hægt að segja
það, þó er aðeins byrjað. Orku-
stofnun er orðin mjög áhugasöm
um þetta svæði og þeir hafa gert
áætlun til næstu tveggja ára um
að klára rannsóknir og bomn á
svæðinu, svo það er allt í gangi
með þau mál. í sambandi við
atvinnumálin á Kópaskeri má
geta þess að hér var mjög léleg
höfn þar til ’78-’80 að gerður var
grjótvamargarður sem breytti
aðstæðum algerlega. Síðastliðin
5-6 ár hefur ekkert fjármagn
fengist til hafnarframkvæmda en
það er mjög nauðsynlegt að
dýpka höfnina. Hún er þröng fyr-
ir strandferðaskip og brýnasta
málið í dag er að fá hana rýmk-
aða.“
- Er ekki samdráttur í land-
búnaði í sveitunum hér í kring?
„Jú, það má segja að hann hafi
verið gífurlegur. Þetta er ein-
göngu sauðfjárhérað og sam-
drátturinn hefur verið 25-30% á
síðustu 6-7 ámm. Svo bætist við
niðurskurðurinn í Kelduhverfi
núna. Loðdýrabú era tvö hér í
hreppnum og 2-3 í Öxarfirði.“
- Flytur fólk úr sveitunum til
Kópaskers?
„Hér hefur lítil fjölgun orðið
síðustu 2-3 árin, en ég hugsa að
það fari að breytast aftur. Þetta
stöðnunartímabil var afskaplega
erfitt. Skóla- og heilbrigðismál
eru sérstök á staðnum. Hér hefur
verið rekinn skóli sem byggður
var á ámnum ’78-’81 og þar
mundi ég segja að færi fram
merkilegt starf í svokölluðum
opnum skóla þar sem ekki er
skipt í bekkjardeildir. Að vfsu er
aðeins kennt í fyrstu 6 bekkjum
gmnnskóla, en síðan halda börn-
in áfram námi í Lundsskóla í
Öxarfirði.
Fyrir nokkru fengum við
lækni sem reyndar er heimamað-
ur. Kona hans er sálfræðingur og
er ráðin hér í hálft starf sem slíkur.
Þetta er tilraun til að tengja sam-
an þessa þætti heilbrigðisþjón-
ustu og við heimamenn sjáum að
þetta gengur mjög vel. Starf
þeirra hjóna í sambandi við
almenna heilsugæslu er mjög gott
og hefur vakið athygli.“
- Hafa þau fitjað upp á
nýjungum?
„Það má nefna námskeið sem
þau héldu til að hjálpa fólki til að
hætta að reykja. Þau heimsækja
skólana og starfa á Raufarhöfn,
en þar er læknislaust núna.
Einnig er læknirinn með móttöku
í Kelduhverfi einu sinni í viku.“
- Er gott að búa á Kópaskeri?
„Það er afskaplega gott og ég
held að hér séu miklir möguleik-
ar fyrir þá sem ekki hafa áhuga á
stórborgum.“ IM