Dagur - 23.09.1986, Blaðsíða 8

8 - DAGUR - 23. september 1986
Um daginn var sagt frá því að óskilamunir hjá lögreglunni
væru boðnir upp eða þeim hent. Eitt slíkt uppboð var haldið
við lögreglustöðina á laugardaginn, en einnig var um að ræða
uppboð á eigum Skipaþjónustunnar hf. að Tryggvabraut 10.
Blaðamaður slóst í hóp um 50-100 áhugasamra kaupenda og
hófst atgangurinn í bflskúr lögreglunnar.
Uppboð hjá lögreglu:
Atgangurinn hófst í kjallara lög-
reglustöðvarinnar og hér hefur
Ólafur Ásgeirsson reiðhjólastell á
loft.
Reiðhjól á 100 krónur
og sjónvarp á 14 þúsund!
Þarna er stemmningin býsna rafmögnuð. Margir komu aðeins af forvitni en fóru skyndilega að bjóða í hlutina.
Fyrst voru boðin upp ein átta
reiðhjól og fóru þau á 100-1500
krónur, sem þykir ekki mikið.
Næst á dagskrá voru tjald, vara-
dekk, ísskápur og sjónvarp. Þó-
nokkur slagur var um sjónvarpið
sem fór loks á 14.000 krónur. Á
planinu fyrir utan voru nokkrir
bílar sem höfðu lifað sitt fegursta
og fóru þeir á 3-6000 kr. Einn
seldist þó á 60.000, enda árgerð
1978 af Audi.
Því næst hélt hersingin niður í
Skipaþjónustuna þar sem í boði
voru 134 númer. Þar var aðallega
um að ræða veiðarfæri, fatnað og
annað tengt sjómennsku. Þessu
var bróðurlega skipt niður í kassa
og fóru þeir flestir á 1500-2500
krónur, allt eftir því hve girnilega
lýsingin á innihaldi kassanna
hljómaði. Þá var í boði ýmis
skrifstofubúnaður, hreinlætisvör-
ur o.fl. Stundum var innihald
kassanna það sama, t.d. fóru 24
sjampóglös á 800 kr. í einum
kassa og síðar á 1100 kr. í öðrum.
Enda færðist fólk í aukana og
ákafinn smitandi.
Ekki leikur vafi á því að margir
hafi gert góð kaup, en áhættan er
nokkur, þvi hlutirnir voru seldir
„í því ástandi sem þeir eru og
engin ábyrgð tekin á hugsanleg-
um göllum,“ eins og Sigurður
Eiríksson uppboðshaldari orðaði
það. En fólk virtist skemmta sér
vel og sögðust margir hafa komið
gagngert í þeim tilgangi. SS
Sigurður Eiríksson mundar hamar-
inn og horfír á sjónvarpið sem menn
buðu óspart í.
Ólafur Ásgeirsson og Broddi Broddason sýna fólki varadekk af lögreglu-
bifreið. Leikar fóru svo að kollegi þeirra festi kaup á dekkinu.
Það var þröng á þingi í kringum bflana sem boðnir voru upp. Enda sjálfsagt að sparka dulítið í dekkin áður en mað-
ur fer að bjóða í bflinn.
Óli Ásgeirs tekur fram að þessi dekk geta fylgt stellinu ef vill. Eins og sjá má
ríkir mikil kátína á uppboðinu og margt var látið fjúka.