Dagur - 03.11.1986, Blaðsíða 2
fXI *£> A*ri
-1,
2 - DAGUR - 3. nóvember 1986
ÚTGEFANDI: ÚTGÁFUFÉLAG DAGS
SKRIFSTOFUFI:
STRANDGATA 31, PÓSTHÓLF 58, AKUREYRI
SfMI: 24222
ÁSKRIFT KR. 480 Á MÁNUÐI
LAUSASÖLUVERÐ 50 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
FRÉTTASTJÓRI:
GYLFI KRISTJÁNSSON
RITSTJÓRNARFULLTRÚI:
BRAGI V. BERGMANN
BLAÐAMENN:
ÁSLAUG MAGNÚSDÓTTIR, EGGERT TRYGGVASON, EGILL BRAGASON,
GESTUR E. JÓNASSON, GESTUR KRISTINSSON
(Blönduósi vs. 95-4070 hs. 95-4368),
HELGA JÓNA SVEINSDÓTTIR, INGIBJÖRG MAGNÚSDÓTTIR
(Húsavík vs. 41585 hs. 41529), KRISTJÁN KRISTJÁNSSON,
RÚNAR ÞÓR BJÖRNSSON, STEFÁN SÆMUNDSSON,
ÞÓRHALLUR ÁSMUNDSSON (Sauöárkróki vs. 95-5960 hs. 95-5729)
AUGLÝSINGASTJÓRI: FRfMANN FRfMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
leiðari.____________________________
Offramboð
á læknum
Nýlega var sagt frá því í fréttum að offramboð
væri að verða á tölvunarfræðingum. Mikill
áhugi hafi strax verið fyrir hendi þegar hægt
var að læra þetta fag í Háskóla íslands. Nú
getur hins vegar svo farið að þeir sem af
bjartsýni fóru í þetta nám geti ekki gengið að
störfum sem henta þekkingu þeirra.
Sama vandamál er komið upp á varðandi
lækna og hefur það raunar verið til staðar í
allmörg ár án þess að nokkuð væri að gert. í
grein sem ungur læknir skrifar í Morgunblað-
ið bendir hann á þetta mikla vandamál. Stað-
reyndin er sú að búið er að útskrifa allt of
marga lækna miðað við þörfina hér á landi.
Það hefur verið offramleiðsla á læknum.
í þessari grein kemur fram að næstu 10-15
árin verði ekki beinlínis þörf á að útskrifa
lækna frá læknadeild Háskóla íslands til að
fullnægja vöntun á læknum. Þá er bent á það
að nú eru um 300 læknar og fjölskyldur þeirra
starfandi eða við sérnám erlendis og munu
verða enn fleiri á næstu árum. Á sama tíma
eru nú um 700 starfandi læknar hér á landi.
Það er þegar orðið erfiðleikum bundið fyrir
læknakandidata að ljúka kandidatsárinu því
stöður fyrir þá eru ekki fyrir hendi. Þetta unga
fólk, sem gengið hefur í gegn um langt og
strangt nám með ærnum tilkostnaði, má
reikna með því að búa við atvinnuóvissu
næstu árin, jafnvel áratugina ef áfram verður
haldið að viðhalda offramboði frá læknadeild.
Fjöldi lækna með sérfræðinám að baki býr
nánast í útlegð erlendis, þar sem þeir fá ekki
störf við hæfi hér heima.
í áðurnefndri grein er bent á það að þeir
sem hagsmuna hafa að gæta, bæði lækna-
samtök, læknadeild, menntamálaráðuneyti,
heilbrigðisráðuneyti og fjármálaráðuneyti,
hafa látið reka á reiðanum, þjóðfélaginu öllu
til tjóns og ekki síst því unga fólki sem nú sér
fram á óöryggi í atvinnumálum sínum. Bent
hefur verið á þá leið að draga stórlega úr
fjölda nýnema í læknadeild en efla þess í stað
möguleika til sérnáms og þar með rannsókna
í læknisfræði. íslenskir læknar eru vel
menntaðir og unnt ætti að vera að efla sér-
nám þeirra hér á landi. Koma verður í veg fyr-
ir útflutning á menntafólki, en hugsa þess í
stað um að flytja inn þá sem þurfa á þekkingu
þeirra og þjónustu að halda. HS
^viðtal dagsins.
„Akureyringar sérstaklega
skemmtilegir kúnnar“
- „Þeir gera miklar kröfur og vilja fjölbreytni,"
segir Sigurkarl Aðalsteinsson, hárskeri
„Ég var ákveðinn í að fara að
íæra eitthvað, mamma talaði
við rakarann á Húsavík og
spurði hann hvort hann vildi
ekki taka nema, hann var til í
það og þar byrjaði ég. En það
var bara stuttur tími og ég fór
fljótlega til Reykjavíkur og
lærði á Rakarastofunni á
Klapparstíg,“ sagði Sigurkarl
Aðalsteinsson, hárskeri á
Rakarastofu Hafsteins í
Brekkugötu. Sigurkarl, sem er
Húsvíkingur, er nýkominn frá
Noregi, þar sem hann dvaldi í
2 Vz ár við hárskurð og keppni
á því sviði og ætlar að opna
eigin stofu í Glerárgötu um
miðjan nóvember.
- Hvernig er nám hárskera
uppbyggt?
„Það er bæði verklegt og
bóklegt, en það er alltaf verið að
breyta þessu og ég er ekki alveg
viss um hvernig þetta er núna,
ætli það séu ekki 2 vetur í bók-
legu og og 2 ár verklegt."
- Hvernig kom það til að þú
fórst til Noregs?
„Ég tók þátt í íslandsmóti fyrir
nokkrum árum og lenti þar í öðru
sæti fyrir klippingu og í fjórða
sæti samanlagt. Það varð til þess
að ég fékk áhuga á að keppa og
læra eitthvað virkilega mikið. Ég
þekkti mann í Noregi sem er
stendur mjög framarlega í
keppnum, hann hefur orðið Nor-
egsmeistari 6 sinnum, Norður-
landameistari, Evrópumeistari
og verið framarlega í heimsmeist-
arakeppnum. Ég lærði geysilega
mikið af honum. Ég lærði líka af
núverandi Norðurlandameistara.
Hann er búinn að vera Noregs-
meistari síðast liðin 3 ár og hann
kenndi mér nokkur kvöld. Ég fór
líka yfir til Danmerkur og vann
þar í 6 mánuði hjá mjög færum
manni. Hann reddaði mér æfing-
um með danska landsliðinu eina
helgi, en þeir eru einmitt núver-
andi heimsmeistarar."
- Er það mjög ólíkt sem þú
gerir í keppni og því sem þú gerir
fyrir viðskiptavini þína á stofu?
„Það sem er gert í keppni er í
rauninni list. En þú lærir að vinna
með hár eins og þú gerir daglega
f vinnunni. Þeir sem eru góðir í
keppni eru líka góðir á stofu.“
- Er mikil undirbúningsvinna
fyrir keppni?
„Já, alveg rosaleg vinna og
erfið. Maður er einn á kvöldin,
ásamt módeli langan tíma fyrir
keppni að æfa.“
- Er mikið atriði að vera
fljótur?
„Já, það er mikilvægt atriði og
hraðinn kemur með æfingu. En
þetta er mest tækni og þú lærir að
bjarga þér út úr hvaða vandræð-
um sem er.“
- Geturðu sagt eitthvað frá
þessum keppnum sem þú tókst
þátt í?
„1984 tók ég þátt í keppni sem
heitir Kanmesterskapet og varð
þá í 2. sæti. Það er keppni sem
þessi maður er með sem ég vann
hjá í Noregi. Hann er með á milli
40 og 50 starfsmenn og 3 stofur.
1985 tók ég þátt í mörgum
keppnum hjá þessum manni og
vann þær allar. Það ár fékk ég
líka sérstakan heiðursbikar frá
honum fyrir að vera besti starfs-
maður stofanna."
Sigurkarl hefur hendur í hári viðskiptavinar.
■— Eru Norðmenn góðir hár-
skerar?
„Já, þeir standa mjög framar-
lega. Þeir standa sérstaklega
framarlega í dömufaginu og ég
lagði mikla áherslu á að læra
það.“
- Eru Norðmenn fremri
íslendingum á þessu sviði?
„í keppnum standa þeir
framar, já, en ekki að öðru leyti.
íslenskir kúnnar eru miklu kröfu-
harðari og skemmtilegri en þeir
norsku. Akureyringar eru sér-
staklega skemmtilegir. Þeir gera
miklar kröfur, vilja fjölbreytni og
vilja breyta miklu. Ég kem beint
frá Noregi og finn því mikinn
mun, en ég býst við að Reykvík-
ingar séu svipaðir og Akureyring-
ar. En mér finnst geysilega gam-
an að vinna hérna.“
- En hvers vegna komstu tii
Akureyrar. Eru ekki meiri mögu-
leikar fyrir þig í Reykjavík?
„Það er mikil samkeppni þar
og reyndar hér líka. Mig langaði
til að komast sem næst heima-
stöðvunum, en mér finnst Húsa-
vík heldur lítill staður. Ef ég færi
í svo lítinn bæ myndi ég alveg
staðna, þess vegna valdi ég Akur-
eyri.“
- Ekkert hræddur við að
staðna hér?
„Nei, ég ætla mér að fylgjast
vel með. Ég þekki orðið mjög
marga erlendis í gegnum þessar
keppnir sem ég hef tekið þátt í,
ekki bara í Noregi og Danmörku
heldur úti um allan heim. Ég ætla
að fara með reglulegu millibili út
og kynna mér það nýjasta.“
- Hefur verið nóg að gera síð-
an þú komst?
„Já, meira en nóg. Ég hef alltaf
heyrt að Akureyringar væru seinir
að taka við sér en ég hef alveg
þveröfuga reynslu, það hafa allir
tekið mér mjög vel hvert sem ég
hef þurft að leita."
- Að lokum, hefurðu ein-
hverjar nýjungar í huga varðandi
stofuna þína?
„Já, mig langar til þess. Mig
Iangar til að geta sinnt þeim sem
koma inn af götunni, ekki vera
með langan biðtíma, sem er svo
algengt hér.“ -HJS