Dagur - 05.02.1987, Blaðsíða 5

5. febrúar 1987 - ÐAGUR - 5.
dveljast í heilt ár á sjúkrahúsi.
Hún kærði sig lítið um heimsókn-
ir, sat bara og starði á vegginn.
Lísu fannst þetta ástand hrylli-
legt, hana langaði til að öskra en
gat það ekki. Oft fannst henni að
sjúkrahúsið gerði ekki neitt fyrir
móður sína. Um jólin fékk hún
að fara heim en þá tók ekki betra
við. Móðirin sat bara og ansaði
engum. Þegar Lísa sýndi henni
myndir af allri fjölskyldunni, sem
hún hafði látið innramma, varð
hún ekkert glöð og tautaði í barm
sér að hún vildi ekkert fremur en
deyja.
Lísa þjáist af sektarkennd
vegna móður sinnar. Stundum
finnst henni að hún hafi hafnað
móður sinni og minnist tilvika
þegar hún ansaði henni ekki eða
læsti sig inni á herberginu þegar
móðir hennar vildi tala við hana.
Um helgar langaði hana til að
fara burt frá öllu þessu. Hún
hugsaði oft með sér á þá leið að
mamma hennar hefði eyðilagt líf
sitt og allrar fjölskyldunnar.
Vinirnir hafa flestir snúið baki
við fjölskyldunni. Þegar Lísa
mætir þessu fólki á götu spyr það
.oft eftir mömmu hennar og
hvernig hún hafi þáð. Lísa vill
helst ekki svara þessum spurning-
um en stundum langar hana að
segja frá öílu-hvernig allt er að
tará í hundana. Faðir hennar lifir
í stöðugum ótta við að finna kon-
una sína liggjandi á gólfinu eftir
sjálfsmorðstilraun.
„Ég slappa frekar af í vinnunni
en heima,“ segir Lísa. „Ég held
að það þurfi að þvinga mömmu
til að sjá hlutina í raunsæju ljósi
og fá hana til að brjótast út úr
þessum vítahring sem hún er
komin í. t>að er eina leiðin. Mál-
ið er bara það að við þorum ekki
að gera neitt-því við vitum ekki
hvernig mamma bregst við.“
Heilbrigði
og vellíðan
- eftir Paavo Airola
Komin er út hjá Iðunni bókin
Heilbrigði og vellíðan eftir Dr.
Paavo Airola.
f kynningu forlagsins á bókinni
segir: Hér er fjallað um hvernig
fæðuval, fjörefni, fasta, lækn-
ingajurtir og -böð og ýmsar aðrar
óskaðlegar aðferðir stuðla að
bættri heilsu, lengri og betri líf-
dögum.
Fjallað er um flesta algengustu
sjúkdóma og kvilla í vestrænum
samfélögum og leiðir til að ráða
bót á þeim með lífrænum lækn-
ingaaðferðum.
Heilbrigði og vellíðan er ein
besta handbók um lífrænar
lækningar sem gefin hefur verið
út. Læknar, vísindamenn, nær-
ingarfræðingar og fjölmargir
áhugamenn hafa einróma lokið
lofsorði á hana og hún hefur hlot-
ið miklar vinsældir og víðtæka
útbreiðslu um allan heim.
Arngrímur Arngrímsson
þýddi.
Jesendahomið-
Baráttan gegn eyðni:
Ábyrgð í stað
ábyrgðarleysis
Reynir Yaldimarsson læknir
vill koma eftirfarandi á fram-
færi vegna lesendabréfs „Rétt
notkun á smokkum“ sem birt-
ist í blaðinu mánudaginn 2.
þessa mánaðar og sem innlegg
í umræðuna um eyðni sem nú
fer hátt í þjóðfélaginu.
„Að gefnu tilefni.
1) Útbreiðsluhraði ógnarsjúk-
dómsins eyðni hefur að mestu
byggst á léttúðugu kynlífi. Aðal-
áhættuhópar eru hommar, vænd-
iskonur og reglulegir viðskipta-
vinir þeirra. Þetta virðist vera
ómótmælanleg staðreynd. Afger-
andi, - ef eitthvað má kalla því
nafni með tilliti til varna, - er því
fyrst og fremst aukið aðhald í
kynlífi, ábyrgð einstaklinga í stað
ábyrgðarleysis. Er þetta afstaða
ráðamanna ýmissa þjóða, sem
tekið hafa upp baráttuna.
2) Smokknum hefur áður verið
ætlað það hlutverk að hefta
útbreiðslu kynsjúkdóma. það
hefur brugðist ærið víða. Lek-
andi og syfilis blómstra enn í
heiminum, í smokka sem
smokkalausum löndum. Of mik-
ið traust á smokknum getur leitt
til afdrifaríkra tálvona. Rétt
notkun, - og vil ég ekki væna
notendur um þá glópsku að vilja
setja hann á hausinn á sér, - get-
ur auðveldlega brugðist. Áratug
hef ég starfað í tveimur erlendum
stórborgum á sjúkrahúsum, sem
mikil tengsl hafa við vændis-
kvenna„bransann.“ Lýsingar
m'afgra: þeirra á '„smokk, sem
brást“, gleymast mér ekki. Kunni
þær ekki til verka í þessum
efnum, kann það enginn.
Og að lokum: Þetta er alls ekki
svo skrítið."
Reynir Valdimarsson.
Undrandi
á forraða-
mönnum
Skagfirð-
ingabúðar
Lesandi á Sauðárkróki hafði
samband við blaðið og sagðist
vera undrandi á forráðamönn.um
Skagfirðingabúðar á Sauðár-
króki, að bæta ekki þjónustu sína
varðandi úrval á brauðum frá
Sauðárkróksbakaríi. Konan
sagði að iðulega vantaði margar
brauðtegundir í hillurnar á með-
an hægt væri að fá þær allar í
kjörbúðinni sem einnig væri rek-
in af kaupfélaginu. Konan sagði
marga vera undrandi á þeirri
ákvörðun að ætla að selja brauð
frá brauðgerðinni Krútti á
Blönduósi frá sérstökum diski og
mismuna þannig þessum tveimur
fyrirtækjum.
ÞORRABLÓT
Brottfluttir Saurbæjarhreppsbúar.
Þorrablót veröur haldið í Sólgarði laugardaginn 14. febrúar
n.k. kl. 21.00. Miðapantanir hjá Gillu í síma 23387 milli kl.
19 og 20.
>2™| Hestamenn -
Hestamenn
Árshátíð Hestamannfélagsins Léttis verður
í Alþýðuhúsinu laugardaginn 7. febrúar.
Húsið opnað kl. 20.00.
Borðhald hefst kl. 20.30 stundvíslega.
Heitur matur • Skemmtiatriði í léttum dúr
Hljómsveit Birgis Arasonar skemmtir.
Miðasala í Brauðgerð Kristjáns til fimmtudagskvölds.
Félagar fjölmennið og takið með ykkur gesti.
Einnig eru félagar í Funa og Þráni boðnir velkomnir.
Skemmtinefnd.
HRARIK
Rk. N RAFMAGNSVEITUR RÍKISINS
UTBOÐ
Rafmagnsveitur ríkisins óska eftir tilboðum í eftirfar-
andi:
RARIK-86020: Þrífasa dreifispennar 31,5-1600
kVA.
Opnunardagur: Fimmtudagur 12. mars 1987, kl.
14.00.
Tilboðum skal skila á skrifstofu Rafmagnsveitna
ríkisins, Laugavegi 118, 105 Reykjavík, fyrir opnun-
artíma og verða þau opnuð á sama stað að við-
stöddum þeim bjóðendum er þess óska.
Útboðsgögn verða seld á skrifstofu Rafmagnsveitna
ríkisins, Laugavegi 118, 105 Reykjavík, frá og með
fimmtudegi 5. febrúar 1987 og kosta kr. 200,- hvert
eintak.
Reykjavík 3. febrúar 1987,
RAFMAGNSVEITUR RÍKISINS.
Gunnar Hilmarsson:
I tilefni neitunar
um BB-framboð
Þar sem fyrir liggur neikvæður
úrskurður stjórnar Framsókn-
arflokksins varðandi beiðni
okkar sérframboðsmanna um
að bjóða fram undir merkjum
Framsóknarflokksins tel ég
rétt að þeir sem fylgjast með
þessu máli fái að lesa það bréf,
sem sent var stjórninni. Fylgir
það hér á eftir:
Ég vísa til afgreiðslu stjórnar
KFNE á ofangreindu erindi og
áskorana sex framsóknarfélaga
um hið sama.
Ég óskaði eftir því við formann
KFNE að þessum úrskurði yrði
vísað til stjórnar flokksins, sam-
kvæmt lögum hans, en hann neit-
aði því. Þegar ég þá sagðist gera
það sjálfur bað hann um frest til
að athuga málið, en tjáði mér
síðar að þetta myndi sent frá
stjórninni, ásamt ljósritum af
bréfum og bókunum. Þrátt fyrir
að slíkt bréf muni berast flokkn-
um tel ég rétt eftir samráð við
ýmsa forystumenn þessara félaga
að setja niður nokkrar athuga-
semdir varðandi málið.
1. Allir frambjóðendur og stuðn-
ingsmenn til framboðs eru
flokksbundnir framsóknar-
menn úr öllum félögum
flokksins á Norðurlandi
eystra.
2. Það er með framtíðarsjón-
armið flokksins í huga seni við
sækjumst eftir að bjóða fram
undir merkjum hans. Þó að
við viljum áherslubreytingar
hjá flokknum, aðallega í
byggðamálum, breytir það
engu um. Hingað til höfum
við þolað skiptar skoðanir.
Verði algjör aðskilnaður nú
verður ekki hægt að sameina
þessi öfl eftir kosningar. Þetta
var raunar rætt á síðasta
stjórnarfundi KFNE þar sem
Guðmundur Bjarnason og
Jón Sigurðarson skýrðu aðal-
lega sjónarmið meirihlutans.
Það sorglegasta við þau var að
betra væri að hafa flokkinn
minni en samhentari.
3. Það er því ekki atkvæðamagn
í þessum kosningum sem
hvetur okkur til að óska eftir
listabókstöfunum BB. Mjög
skiptar skoðanir eru um það
og telja margir að annar lista-
bókstafur gæfi okkur fleiri at-
kvæði.
4. Við teljum einnig að með því
að neita okkur um listabók-
stafina BB, sé mjög líklegt að
verið sé að hafna þingsæti fyr-
ir Framsóknarflokkinn í kjör-
dæminu, þ.e. þegar úthlutað
verður 7. þingsætinu. Óþarfi
er að fara í talnaleik hér, en
það ga&ti vissulega verið um
hvern sem er að ræða, t.d.
Valgerði Sverrisdóttur.
5. Meirihluti stjórnar KFNE lít-
ur þannig á að fái sérframboð-
ið ekki listabókstafina BB,
samkvæmt þeirra úrskurði,
séu frambjóðendur þess ekki
lengur framsóknarmenn og
vísa þar til laga flokksins.
Staðfesti stjórn flokksins
þennan úrskurð, verður það
að vera öllum ljóst að hinir
mörgu flokksmenn og félög
sem skoruðu á þetta fólk til
framboðs, hljóta að líta á slík-
an úrskurð sem úrskurð gegn
sér. Ef flokkurinn víkur fram-
bjóðendum okkar úr flokkn-
um hljótum við að fylgja með.
Hversu óljúft sem það væri
eftir áratuga starf þar, þá yrði
það siðferðisleg skylda okkar.
Hvort félögin segja sig úr
kjördæmasambandinu eða við
úr félögunum verður tíminn
að leiða í ljós. En vonandi
kemur ekki til slíks úrskurðar
hjá stjórn flokksins.
Ég vil geta þess hér að í bréfi
stjórnar KFNÉ til þín, sem for-
maður las upp fyrir mig í símann,
er í lok fundar færð inn bókun
þar sem sagt er að ég hafi verið
farinn af fundi. Ég fór ekki fyrr
en búið var að slíta fundi. Hins
vegar má vera að fundur hafi ver-
ið settur aftur enda skiptir það
litlu máli.
Það eru líka fleiri kosningar en
kosningar til Alþingis. Kannski
ættu menn að líta á úrslit síðustu
sveitarstjórnarkosninga, t.d. á
Húsavík, Dalvík og Akureyri, og
spyrja sjálfa sig hvort meira megi
ganga á fylgi okkar en þar varð.
Ég mun ekki hafa þessar línur
öllu fleiri. Ég vonast til að stjórn
flokksins, líka ritari hans sem les
eflaust þessar línur, íhugi þessi
mál vel áður en hún fellir úr-
skurð. Það er eflaust notalegra
að vera í lygnu í litlum hópi, en
að láta napra vinda blása um sig í
stórum. En teljum við okkur eiga
erindi, viljum við breyta og bæta
þjóðfélagið ásamt því aö standa
vörð um það sem gott er, þá ger-
um við það ekki sem lítill
flokkur.
Norðurland eystra hefur á há-
tíðlegum stundum verið kallað
flaggskip Framsóknarflokksins,
enda hefur svo verið. Allir hinir
flokkarnir hafa bundið flaggskip
sín við Reykjavíkursvæðið. Við
skulum vona að svo fari ekki fyrir
okkur.
Með flokkskveðju,
Gunnar Hilmarsson,
varaformaður K.F.N.E.
Raufarhöfn.
P.S. Það leiðréttist hér með að
einn frambjóðenda er óflokks-
bundinn.