Dagur - 05.02.1987, Side 8

8 - DAGUR - 5. febrúar 1987
Sundlaug Húsavíkur:______
Sveinn Rúnar Arason:
„Þekki hvert einasta
bam í bænum“
Sundlaug Húsavíkur.
Jónas Gunnlaugsson:
„Hef aldrei
lært að synda“
Ég ætlaði að mæta nógu
snemma að Sundlaug Húsavík-
ur til að vera á undan fyrsta
gestinum þennan morgun en
það tókst ekki. Þó ég kæmi sjö
mínútum fyrir sjö, og ekki ætti
að opna laugina fyrr en sjö,
voru samt fyrstu gestirnir þeg-
ar farnir að synda. Sigríður
Böðvarsdóttir sundlaugarvörð-
ur var á vakt, hún mætti
snemma og leyfði fólkinu að
komast í laugina um leið og
það birtist þó hinn auglýsti
opnunartími væri ekki kom-
inn. Þó mér tækist ekki að
vakna á undan þessu morgun-
hressa fólki einn einasta morg-
un þá lauk ég samt erindinu
sem var að spjalla við nokkra
þá sem stunda morgunsundið
reglulega. Það voru níu manns
sem mættu í laugina um sjö-
leytið þennan morgun en alls
komu 29 á tímabilinu frá sjö til
níu, en á þeim tíma er laugin
opin á virkum dögum. Þess má
geta að sundlaugin á Húsavík
er sú fimmta í röðinni á land-
inu hvað varðar góða aðsókn
miðað við fólksfjölda.
Sveinn Rúnar Arason hefur
verið sundlaugarstjóri síðan í
júní 1982. Hefur þú alltaf haft
mikinn áhuga á sundi?
„Nei, en áður en ég hóf störf
hérna fór ég alltaf í sund einu
sinni í viku, yfirleitt á föstudög-
um, þá fór ég í gufu og gaf mér
góðan tíma, var hér oft í eina tvo
tíma. En ég hef ekki haft mikinn
áhuga á sundi, finnst þó gott að
fara og synda 2-300 metra og 800
metra ef það liggur vel á mér.“
- Syndir þú daglega núna?
„Að jafnaði syndi ég annan
hvern dag og aldrei minna en tvö
hundruð metra, en mér finnst
meira gaman að stunda badmint-
on og fótbolta, tek þátt í old boys
tímunum einu sinni í viku.“
- Er gaman að vinna við sund-
laugina?
„Það er að mörgu leyti gaman,
maður kynnist svo mörgu fólki.
Til dæmis þekki ég hvert einasta
barn í bænum með nafni, það
kemur til af því að þegar börnin
koma í skólasund þarf ég að
merkja við nöfnin á þeim sem
mæta.“
- Nú er margt fólk sem stund-
ar sundið reglulega, tekurðu eftir
að það sé sérstaklega hresst og
frískt?
„Mér finnst það yfirleitt vera
vel á sig komið og því líða vel. Ef
ég mundi hætta að vinna við
sundlaugina reikna ég með að ég
yrði einn af þessum föstu
kúnnum. Maður hefur svo gott af
þessu þó maður reyni ekki mikið
á sig í sundinu sem slíku, en að
fara í bað, heitan pott og teygja á
sér held ég að sé hverjum manni
nauðsynlegt."
- Nú hefur húsnæði sundlaug-
arinnar verið tekið mikið í gegn
síðan þú tókst til starfa, segðu
mér svolítið frá þessum breyting-
um.
„Meiri hlutinn af efri hæðinni
hefur verið endurnýjaður,
stærsta verkefnið var að taka
sturtuklefana í gegn og eftir
þennan vetur má segja að búið
verði að yfirfara allt í húsinu. Það
hefur orðið aðsóknaraukning,
1981 komu rúmlega 22 þúsund
manns í laugina en 1984 var
metaðsókn, aukningin var 97%.
Að mínu mati má fyrst og fremst
rekja þetta til þess að aðstaðan
hafði lagast. í fyrra komu 41.623
gestir í laugina, það var færra en
árið áður enda var laugarkerið
tekið í gegn í fyrrasumar og laug-
in því lokuð í 16 daga í júni, en
þá er aðsókn mjög góð. Renni-
< braut var sett upp í júlí og það var
framkvæmd sem unga fólkið var
ánægt með.
í gufubaðinu hefur verið
venjulegur saunarafmagnsofn en
nú vona ég að ég fái að setja upp
búnað til að fá gufu úr heita vatn-
inu. Á neðri hæðinni er verið að
vinna við að gera búningsklefa
fyrir íþróttavöllinn og áætlað er
að sú framkvæmd kosti eina og
hálfa milljón króna. í raun hefði
ekki veitt af að sundlaugin hefði
fengið að hafa neðri hæðina líka
og þar hefði þá verið gufubaðið,
sólbekkirnir og þrektæki. En
bygging nýja íþróttahússins veld-
ur því að aðrir hlutir eru látnir
sitja á hakanum og það var ódýr-
ara að útbúa búningsklefa í sund-
laugarhúsinu heldur en að byggja
nýtt hús fyrir þá. Ég bar fram þá
tillögu að sett yrði upp lítil barna-
laug við sundlaugina en það mál
er í biðstöðu vegna þess að ekki
er ljóst hvort þessi sundlaug
verður notuð til frambúðar eða
hvort ný sundlaug verður byggð
við íþróttahúsið.
Ég er fylgjandi því að ný laug
verði byggð og álít að þá myndi
aðsókn að sundlauginni aukast
um 30-40%. Þá gætu börnin líka
farið í skólasundið á morgnana
en nú er það haft eftir hádegi, þá
eru krakkarnir oft búnir í skólan-
um en eiga eftir þetta helvítis
sund af því afr laugin er á öðrum
stað í bænum. Það mundi virka
miklu jákvæðara á þau að geta
sótt sundkennsluna um leið og
þau fara í aðra tíma í skólanum.
Eins og aðsóknin að lauginni
er núna þá koma helmingi fleiri
fullorðnir en börn í sundið. “ IM
Jónas Gunnlaugsson varð átt-
ræður í janúar en hann fer í
sund tvisvar á dag alla virka
daga og er alltaf mættur klukk-
an sjö á morgnana. Jónas
stundar einnig leikfímiæfingar
á slánum við laugina og er fím-
ari en flestir þeir sem eru
helmingi yngri.
- Jónas, þú ert manna hress-
astur hérna í lauginni.
„Ekki segi ég það nú en það
eru ekki margir hérna á mínum
aldri.“
- Þú ferð í sund á hverjum
degi.
„Þegar ég er heima fer ég alltaf
klukkan sjö á morgnana og flesta
virka daga fer ég aftur klukkan
fimm á daginn en um helgar fer
ég einu sinni á dag.“
- Er langt síðan þú fórst að
stunda sund?
„Það er ekki langt síðan ég fór
að stunda sund svona fyrir
alvöru, það var þegar ég hætti
alveg að vinna fyrir tveimur
árum, áður fór ég yfirleitt einu
sinni á dag. Sundið hefur þau
áhrif að mér finnst ég miklu lið-
ugri í skrokknum, ég stirðna miklu
minna og mér er léttara um. Það
háir mér þó núna að ég hef verið
ofurlítið slæmur af lungnaþani
svo að ég mæðist."
- Syndir þú mikið?
„Nei, ég syndi nú ekki mikið
núna oftast svona um 400 metra,
en á sumrin þegar veðrið er gott
er ég oft hérna í tvo tíma í einu,
ligg í sólbaði og fer í laugina á
milli."
- Svo stundarðu leikfimi
hérna.
„Já, nokkrar þrekraunir. Það
er eins með þær, það er ákaflega
gott að teygja á líkamanum. Það
er vafalaust hollt fyrir alla að fara
í sund.“
- Finnst þér skemmtilegur
félagsskapur hérna?
„Já, það er margt spjallað í
heita pottinum en ég heyri það
Sveinn Rúnar Arason forstöðumaður sundlaugarínnar.
! heita pottinum.