Dagur - 05.03.1987, Blaðsíða 2

K 2^ö»ÓtiR ^^'márs-1987
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SÍMI: 24222
ÁSKRIFT KR. 480 Á MÁNUÐI
LAUSASÖLUVERÐ 50 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
BRAGI V. BERGMANN
BLAÐAMENN:
ÁSLAUG MAGNÚSDÓTTIR, EGGERT TRYGGVASON, EGILL BRAGASON,
GESTUR E. JÓNASSON, GESTUR KRISTINSSON
(Blönduósi vs. 95-4070 hs. 95-4368),
HELGA JÓNA SVEINSDÓTTIR, INGIBJÖRG MAGNÚSDÓTTIR
(Húsavík vs. 41585 hs. 41529), KRISTJÁN KRISTJÁNSSON,
RÚNAR ÞÓR BJÖRNSSON, STEFÁN SÆMUNDSSON,
ÞÓRHALLUR ÁSMUNDSSON (Sauöárkróki vs. 95-5960 hs. 95-5729)
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
leiðari._____________________________
B fyrir byggðastefnu
Jón Baldvin Hannibalsson formaður Alþýðu-
flokksins og Þorsteinn Pálsson formaður Sjálf-
stæðisflokksins hafa keppst við að biðla hvor
til annars í fjölmiðlum að undanförnu og ljóst
er að þeir stefna báðir að sama marki: Nýrri
viðreisnarstjórn eftir kosningar. Formaður
Sjálfstæðisflokksins viðurkenndi það í frétta-
tíma Sjónvarpsins í vikunni að flokkur hans
ætti mesta málefnalega samleið með Alþýðu-
flokki. Reyndar var sú staðreynd flestum
kunn, þótt Jón Baldvin Hannibalsson hafi
sent sjálfstæðismönnum tóninn endrum og
eins og þannig reynt að villa um fyrir kjósend-
um og telja þeim trú um að annað stjórnar-
mynstur en viðreisn sé hugsanlegt.
Skoðanakannanir hafa einnig sýnt að þess-
ir tveir flokkar róa á sömu atkvæðamið. Þegar
Sjálfstæðisflokkurinn tapar fylgi, bætir Al-
þýðuflokkurinn við sig og öfugt. Þorsteinn
Pálsson hefur ítrekað látið hafa eftir sér að
hann sé ekki ánægður með ríkisstjórnarsam-
starfið við framsóknarmenn síðustu mánuð-
ina. Hann segir að í þá sé kominn kosninga-
hugur sem lýsi sér í því að þeir „hlaupi út
undan sér í stjórnarsamstarfinu". Þegar haft
er í huga að Þorsteinn er þarna að vísa til
framgöngu Finns Ingólfssonar í málefnum
Lánasjóðs íslenskra námsmanna; Ingvars
Gíslasonar, Guðmundar Bjarnasonar og fleiri
í fræðslustjóramálinu á Alþingi og efasemda
Halldórs Ásgrímssonar um það frumvarp að
staðgreiðslukerfi skatta, sem lagt hefur verið
fram, eru ummæli Þorsteins einungis enn ein
staðfesting á því hversu breitt bil er á milli
stefnu þessara flokka. Það ættu kjósendur að
hafa í huga þegar gengið verður að kjörborð-
inu.
Byggðamálin eru í brennidepli og í apríl
ræðst það hvaða stefnu við kjósum að taka í
þeim málum. Þegar viðreisnarstjórnin fór frá
völdum árið 1971 var ástandið í byggðamál-
um hrikalegt. Síðan hefur verið unnið sleitu-
laust að því að efla byggðir landsins, með
Framsóknarflokkinn í broddi fyíkingar. Á síð-
ustu árum hefur heldur sigið á ógæfuhliðina
og nú er svo komið að nýrra skilgreininga er
þörf í byggðamálunum.
Vilji menn áframhaldandi byggðaröskun er
öruggast að veðja á viðreisnarstjórn. Vilji
menn hins vegar snúa þróuninni við veita
þeir Framsóknarflokknum fulltingi sitt. Það er
eina raunhæfa andsvarið við fyrirsjáanlegu
fóstbræðralagi Jóns Baldvins Hannibalssonar
og Þorsteins Pálssonar.
B - fyrir byggðastefnu. BB.
^viðtal dagsins.
„Deilan snýst um
byggðapólitíkina“
- segir Sverrir Thorstensen, sem gegnir embætti
fræðslustjóra til bráðabirgða
„Ég er Reykvíkingur og segi
yflrleitt að ég sé úr búð í
Reykjavík því ég er algjörlega
ættlaus maður. Eg flutti norð-
ur eftir að ég lauk kennara-
prófi árið 1971 og fór að kenna
við Stórutjarnaskóla sem þá
var verið að heíja starfsemi í
og hef verið þar síðan.“ Það er
Sverrir Thorstensen skóla-
stjóri Stórutjarnaskóla og
fræðslustjóri Norðurlands-
umdæmis eystra sem hér er
mættur í viðtal dagsins. Sverrir
kenndi við Stórutjarnaskóla til
1980 er hann tók við embætti
skólastjóra.
Það er víst óþarfi að fræða fólk
um þær deilur sem staðið hafa
yfir og standa enn milli skóla-
manna á Norðurlandi og Sverris
Hermannssonar, menntamála-
ráðherra síðan ráðherra rak
Sturlu Kristjánsson, fræðslu-
stjóra. Eftir að ráðherra hafði
rekið Sturlu var enginn fræðslu-
stjóri í umdæminu um hríð en
síðan féllst Sverrir Thorstensen á
að gegna því embætti til bráða-
birgða fram á vor. En nánar um
það síðar. Ég spyr Sverri fyrst
hvernig honum hafi líkað vistin í
sveitinni, borgarbarninu.
„Ég kann alveg prýðilega við
mig. Já, ég kann ágætlega við
skólastjórastarfið, það hefur þó
sína kosti og galla. Þetta er allt í
lagi. Annars finnst mér þegar ég
er búinn að vera skólastjóri þetta
lengi, að kennslan sé alla jafna
skemmtilegri. Ég kenni reyndar
14 tíma og hef gaman af því. En
öll þessi pappírsvinna, símhring-
ingar og þar fram eftir götunum
getur verið býsna þreytandi.“
- Er mikið verk að stjórna
Stórutjarnaskóla, hvað er hann
fjölmennur?
„Það eru ekki nerna 80
nemendur, en þetta er mikil
vinna vegna þess að við erum
með heimavist og það er því mik-
il viðvera. Ef ve! á að vera þarf
maður að vera við allan sólar-
hringinn."
- Nú ert þú í vinnu á tveimur
stöðum, hvernig skiptirðu þessu?
„Þetta er leyst þannig að ég er
um 2Vi dag í viku á Akureyri og
afganginn af vikunni á Stóru-:
tjörnum. Það hittist svo vel á að
það voru annaskipti hjá okkur í
skólanum um það leyti sem þetta
var ákveðið og við gátum örlítið
hagrætt stundatöflunni hjá mér.
Ég geri ekkert þann tíma sem ég
er fyrir austan annað en að sjá
um kennsluna og afgreiða erindi,
bréf og skýrslur um helgar. Síðan
er kennari sem sér um þetta dag-
lega kvabb.“
- Var erfitt að taka þá ákvörð-
un að taka að þér að gegna emb-i
ætti fræðslustjóra, þó ekki væri
nema til skamms tíma?
„Nei, það var ekkert óskaplega
erfitt því ég fékk ekki nema
nokkrar mínútur til að hugsa mig
um. Þetta gekk þannig fyrir sig
að fræðsluráð lagði á það áherslu
að það yrði heimamaður sem
tæki þetta að sér meðan þetta
ástand varir. Við lítum enn svo á
að þetta sé bráðabirgðaástand.
Þá var um það að ræða að það
væri aðili sem annaðhvort væri í
fræðsluráði eða tengdur því. Ég
hef verið í fræðsluráði sem
áheyrnarfulltrúi kennara og hef
því fylgst með störfum ráðsins og
setið fundi þess í V/i ár.“
- Hvert er starfssvið fræðslu-
stjóra?
„Fræðslustjóri starfar eftir
reglugerð um fræðslustjóra og
þar er tíundað nijög nákvæmlega
hvert skuli vera starfssvið hans.
Það má segja að fræðslustjóri sé
annars vegar fulltrúi mennta-
málaráðuneytisins gagnvart
skólahaldi á svæðinu og hins veg-
ar er hann fulltrúi skólanna eða
sveitarfélaganna gagnvart ráðu-
neytinu. Hann er nokkurs konar
tengiliður. Fræðslustjóri sér um
að skólahald fari fram með eðli-
legum hætti, gerir áætlanir fyrir
skólana, hann þarf að samþykkja
áætlanir skólanna um kennslu-
magn, akstur, heimavistakennslu
og í rauninni allt sem snýr að
starfseminni í skólunum."
- Er þetta embætti þá nauð-
synlegt að þínu mati?
„Já, það er mikið starf og
nauðsynlegt sem fræðslustjóri
leysir af hendi. Það er mjög
mikilvægt að hafa fræðsluskrif-
stofurnar úti í umdæmunum því
það er löng leið að þurfa að sækja
allt beint til Reykjavíkur. Því
miður þá virðist vera að í þessu
frumvarpi til laga um grunnskóla
sem ráðherra lagði fram núna, sé
hlutverk fræðslustjórans mjög
þynnt út og hann er nánast ekki
skilgreindur. Við erum svolítið
hrædd um að það sé tilhneiging
til að leggja niður fræðsluskrif-
stofurnar og það yrði verulegt
skref aftur á bak.“
- Er vitað hvert framhaldið
verður hér í umdæminu?
„Nei. Ég var ráðinn í þetta til
1. apríl, sú dagsetning var sett
vegna þess að umsóknarfrestur-
inn átti að renna út 15. febrúar,
en hann hefur verið framlengdur
til 1. apríl og staðan verður því
ekki veitt fyrr en í apríl. Ég get
hins vegar ekki verið lengur en
fram að páskum. Þá fer að líða
að skólalokum hjá okkur í Stóru-
tjarnaskóla, samræmdu prófin
hjá 9. bekk eru eftir páska og við
Ijúkum skóla í kringum 10. maí.“
- Er ennþá hiti í mönnum?
„Já, ég held að það sé alveg
ljóst. Fræðslustjóramálið er að-
eins angi af miklu stærra máli
sem er hreinlega spurningin um
tilveru dreifbýlisins. Það virðist
vera ansi sterk tilhneiging til að
draga fjármagn úr dreifbýlinu í
þéttbýlið og m.a. er þetta nýja
grunnskólafrumvarp angi af því
öllu saman. Mér skilst að það sé
ýmislegt fleira á leiðinni.
Stjórnmálamennirnir segja
núna að þessi deilumál séu komin
í ákveðinn farveg og það var
þeirra að snúa þessu upp í
pólitík. Núna eru menn farnir að
snúa þessu upp í einkamál
Sturlu, en það er ekki svo einfalt
því málið er niiklu stærra. Það er
byggðapólitíkin sem verið er að
berjast uni.“ -HJS