Dagur - 28.04.1987, Blaðsíða 2

2 - DAGUR - 28. apríl 1987
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SÍMI: 24222
ÁSKRIFT KR. 530 Á MÁNUÐI
LAUSASÖLUVERÐ 50 KR.
RITSTJÓRI OG ÁBYRGÐARMAÐUR:
HERMANN SVEINBJÓRNSSON
RITSTJÓRNARFULLTRÚI:
BRAGI V. BERGMANN
BLAÐAMENN:
ÁSLAUG MAGNÚSDÓTTIR, EGGERT TRYGGVASON, EGILL BRAGASON,
GESTUR KRISTINSSON (Blönduósi vs. 95-4070 hs. 95-4368),
HELGA JÓNA SVEINSDÓTTIR, INGIBJÖRG MAGNÚSDÓTTIR
(Húsavík vs. 41585 hs. 41529), KRISTJÁN KRISTJÁNSSON,
RÚNAR ÞÚR BJÖRNSSON, STEFÁN SÆMUNDSSON,
ÞÓRHALLUR ÁSMUNDSSON (Sauöárkróki vs. 95-5960 hs. 95-5729)
AUGLÝSINGASTJÓRI: FRÍMANN FRlMANNSSON
ÚTBREIÐSLUSTJÓRI:
HAFDÍS FREYJA RÖGNVALDSDÓTTIR, HEIMASIMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
leiðari.__________________________________
Reynt verði að
ná sáttum
Úrslit kosninganna í Norðurlandskjördæmi eystra
urðu önnur en skoðanakannanir höfðu gefið vís-
bendingu um. Stefáni Valgeirssyni, Samtökum um
jafnrétti og félagshyggju, hafði almennt ekki verið
spáð því gengi að hann næði á þing, en raunin varð
svo sannarlega önnur. Stefán hlaut glæsilega
kosningu og fékk 1892 atkvæði, eða 12,1%. Það er
athyglisvert að J-listinn fékk aðeins um einu prós-
enti minna fylgi en Alþýðubandalagið og rúmum
tveimur prósentum minna en Alþýðuflokkurinn.
Þetta er mikill persónulegur sigur fyrir Stefán
Valgeirsson.
Þrátt fyrir klofningsframboð náði Framsóknar-
flokkurinn í kjördæminu ágætis árangri undir for-
ystu Guðmundar Bjarnasonar. Flokkurinn er
ennþá stærstur í kjördæminu og á þar af leiðandi
fyrsta þingmanninn, en einnig fimmta þingmann
kjördæmisins, sem er Valgerður Sverrisdóttir. Þar
með hefur kona bæst í þingflokk Framsóknar-
flokksins og er það vel, þó konur hefðu að ósekju
mátt vera þar fleiri.
Kvennalistinn fékk uppbótarþingmanninn í kjör-
dæminu, Málmfríði Sigurðardóttur, en gengi hans
á suðvesturhorninu á þar mestan þátt í máli.
Kvennalistinn fékk ekki nema 6,3% fylgi og innan
við eitt þúsund atkvæði.
Alþýðuflokkurinn bætti við sig verulegu fylgi frá
síðustu alþingiskosningum, fékk 2229 atkvæði en
hafði í kosningunum 1983 tæplega 1100 atkvæði.
Fylgi A-listans jókst úr 9,1% í 14,3%, sem er ívið
lakara en fylgi hans á landsvísu. Engu að síður
verður þetta að teljast mjög viðunandi árangur.
Alþýðubandalagið tapaði fylgi í Norðurlands-
kjördæmi eystra, fékk nú 13,1% og 2052 atkvæði,
en hafði áður 14,3%. Gengi Alþýðubandalagsins
almennt í þessum kosningum var slæmt og hefði
mátt ætla annað, þar sem flokkurinn hefur verið í
stjórnarandstöðu og gagnrýnt margt í störfum
þeirrar ríkisstjórnar sem nú fer frá.
í Norðurlandskjördæmi eystra, eins og annars
staðar á landinu, tapar Sjálfstæðisflokkurinn veru-
legu fylgi, fer úr 30,2% í 20,9% og missir einn
mann. Sjálfstæðisflokkurinn hefur tapað þessu
fylgi til fleiri en Borgaraflokksins, sem fékk sáralít-
ið fylgi í Norðurlandi eystra eða aðeins 3,6%.
í kjölfar úrslita kosninganna í Norðurlandskjör-
dæmi eystra velta menn því nú mjög fyrir sér hver
framtíð Stefáns Valgeirssonar og framsóknar-
manna í kjördæminu verður. Það hlýtur að verða
meginkrafa allra sanngjarnra stuðningsmanna
bæði J-listans og B-listans, sem verið hafa dyggir
stuðningsmenn Framsóknarflokksins í gegnum
árin, að reynt verði með öllum ráðum að ná sáttum
og sameina alla samvinnu- og félagshyggjumenn í
kjördæminu á nýjan leik. HS
Úlrik Ólason er skólastjóri
Tónlistarskóla Húsavíkur, org-
anisti við Húsavíkurkirkju og
stjórnandi kirkjukórsins. Auk
þess er hann stjórnandi karla-
kórsins Hreims sem nú í vik-
unni heldur þrenna tónleika til
styrktar Noregsferð kórsins í
sumar. Það hefur verið mikið
að gera hjá Úlrik að undan-
förnu. Á sumardaginn fyrsta
flutti Húsavíkurkórinn stórt
verk undir stjórn Úlriks, það
var messa eftir Antonín Dvor-
ák fyrir kór, einsöngvarakvart-
ett og orgel. Tónleikarnir voru
fjölsóttir og í lok þeirra var
flytjendum og stjórnanda inni-
lega fagnað.
- Úlrik er þetta stærsta verk
sem kórinn hefur flutt?
„Þetta er langstærsta verk sem
kórinn hefur flutt og stærsta
verkefnið sem hann hefur tekið
fyrir, hann flutti messu eftir Moz-
art fyrir nokkrum árum en hún
var helmingi styttri og þá vorum
við einnig með nokkur lög á efn-
isskránni en nú var messan eina
verkið sem flutt var.“
- Er ekki í mikið ráðist að
taka svona verkefni fyrir?
„Jú og ég er alveg hissa hvað
fólkið hefur enst vel og staðið
með mér við þetta. Við hófum
æfingar í lok janúar, þetta eru
fjórar raddir og hver rödd var
æfð fyrir sig í byrjun. Hólmfríður
Benediktsdóttir æfði sópran og
alt raddirnar en ég æfði tenór og
bassaraddirnar. Samæfingar hóf-
ust í febrúarlok, síðan höfum við
æft tvisvar í viku og stundum
oftar. Milli 40 og 50 manns eru í
kórnum, þetta eru tveir hópar,
annars vegar fólkið sem syngur í
kirkjukórnum og einnig fólk sem
ekki tekur þátt í kirkjusöngnum.
Að stofni til er þetta sama fólkið
sem fór í söngferð til Noregs í
fyrra undir nafninu Húsavíkur-
kórinn.“
- Ætlið þið að flytja verkið á
fleiri tónleikum?
„Það er lítið að vera búin að
æfa verkið í allan vetur og flytja
það bara einu sinni, ef við berum
okkur saman við leikfélag sem
æfir verk í sex vikur og sýnir það
síðan 30-40 sinnum. Til að geta
flutt þetta verk þurfum við helst
stórt og gott pípuorgel en þau eru
ekki til í hverju samkomuhúsi.
Við getum flutt verkið á Akur-
eyri og í Reykjavík og erum að
hugsa um það.“
- Nú ert þú m.a. skólastjóri,
organisti og stjórnandi tveggja
kóra, hvernig endist þér sólar-
hringurinn til að sinna öllum
þessum verkefnum?
viðtal dagsins.
Úlrik Ólason með Ingvari Þórarinssyni, formanni Kirkjukórs Húsavíkur.
Úlrik Ólason skólastjóri, organisti
r og kórstjóri:
„Eg á mjög
sjaldan fríkvöld“
„Hann endist mér furðanlega
vel en ég á mjög sjaldan fríkvöld.
Ég er búinn að vinna svona í
nokkur ár og er orðinn vanur
þessu. Þetta er ekki svo erfitt
þegar maður er alltaf að skipta
um stað og verkefni, það veitir
vissa hvíld að fara úr einu í
annað. Þetta er fjölbreytt starf en
þetta væri erfiðara ef öll störfin
væru nákvæmlega sama eðlis.
Það hefur veitt mér einna
mesta ánægju að spila undir fyrir
Rangárbræður, við höfum ferð-
ast vítt og breitt um héruð og þeir
hafa sungið á ýmiss konar
skemmtunum. Þeir eru afbragðs-
skemmtilegir menn og það er
gaman að vera með þeim. Við
gáfum út plötu fyrir jólin og
henni var mjög vel tekið.“
framhald.
- Fékkstu snemma áhuga fyrir
tónlist?
„Faðir minn keypti lítið raf-
magnsorgel þegar ég var átta eða
níu ára. Hann kunni aðeins að
spila, átti gamlan orgelskóla og
fór yfir fyrstu blaðsíðurnar með
• EittstórtEF
Þá eru kosningarnar að baki
með öllu því brambolti sem
þeim fylgja. Sumir unnu og
aðrir töpuðu, rétt eins og
gengur. Þótt kosningaúrslit
liggi nú fyrir, þá er alltaf gam-
an að skoða hvað hefði getað
gerst, ef úrslitin hefðu orðið
örlítið öðruvísi, eða þannig.
Skýrasta dæmið um hversu
lítið hefði þurft að breytast til
að bylta endanlegri útkomu,
eru atkvæðin 7 sem Alþýðu-
flokkinn skorti til að fá upp-
bótarþingmann á Austur-
landi. Ef A-listinn hefði feng-
ið 7 atkvæðum meira í því
kjördæmi, hefði það reyndar
ekki þýtt neinar breytingar á
þingmannatölu fiokkanna, en
haft verulegar breytingar í för
með sér hvað varðar sam-
setningu fjögurra þingflokka.
# Þingmanna-
„hlass“
Þessi 7 viðbótaratkvæði
hefðu sem sagt skilað Guð-
mundi Einarssyni inn sem
uppbótarþingmanni A-lista á
Austurlandi á kostnað Jóns
Sæmundar Sigurjónssonar
uppbótarþingmanns krata í
Norðurlandskjördæmi
vestra, sem hefði þá ekki náð
inn á þing. Egill Jónsson
uppbótarmaður Sjálfstæðis-
fiokksins á Austurlandi hefði
dottið út en Björn Dagbjarts-
son á D-lista í Norðurlands-
kjördæmi eystra komist inn á
þing í hans stað. Þá hefði
Málmfríður Sigurðardóttir
Kvennalistakona í sama kjör-
dæmi dottið út en Anna
Ólafsdóttir Björnsson, V-lista
á Reykjanesi farið inn í
staðinn. En þá hefði Hregg-
viður Jónsson á S-lista á
Reykjanesi dottið út, en
Andrés Magnússon S-lista á
Norðurlandi vestra komist á
þing í staðinn! Og þar með
hefði hringnum verið lokað.
7 atkvæði hefðu sem sagt í
þessu tilfelli haft 8 breytingar
í för með sér í fjórum kjör-
dæmum landsins og ráðið
atvinnu áttmenninganna
næstu fjögur árin. Þarna
sannast enn einu sinni hið
fornkveðna um iitlu þúfuna
og þunga hlassið...