Dagur - 16.07.1987, Side 5

16. júlí 1987 - DAGUR - 5
Utsalan hefst í kjallara Hrísalundar
fimmtudaginn 16. júlí.
Góðar vörur á alla fjölskylduna
á algjöru lágmarksveröi.
Herrar:
Sp ariskór.
v*nnusk ór.
Opnir suma
Buxur.
Bolir.
Skyrtur.
Peysur.
Sumarjakkar
Börn:
Skór.
Bolir.
Peysur.
úoggingga||ar
v'ndgallar.
Samfestingar
Buxur.
Skyrtur.
Bömur:
Skór, reimaðir
°9 óreimaðir.
Buxur.
Skyrtur.
Kjólar.
Peysur.
„Það er mfldll
byr með þessu“
- segir Sigurður P. Sigmundsson
framkvæmdastj óri
Fiskmarkaðar Norðurlands M.
Margir kannast eflaust við
nafnið Sigurður P. Sigmunds-
son. Maðurinn er þekktastur
fyrir árangur sinn í langlaupum
en hann á gildandi Islandsmet í
maraþonhlaupi, hálfmaraþoni
og svo einhverjum „óvenjuleg-
um vegalengdum“. Sigurður er
nú nýfluttur til Akureyrar en
hann hefur verið ráðinn fram-
kvæmdastjóri Fiskmarkaðar
Norðurlands hf. sem taka mun
til starfa í haust. Sigurður, sem
er þrítugur að aldri, er hér
mættur í viðtal um sjálfan sig,
og starfið, uppbyggingu og
rekstur fiskmarkaðar á Akur-
eyri.
Tekur því ekkí aö reima
fyrir styttri vegalengdir
„Ég er Skaftfellingur að uppruna
en tólf ára gamall fluttist ég til
Hafnarfjarðar. Mér finnst ég
vera heldur meiri Hafnfirðingur
en sveitamaður því þetta er orðið
svo langt síðan,“ segir Sigurður.
Að loknu stúdentsprófi fór
Sigurður til náms í hagfræði í
Edinborg og lauk því á fjórum
árum. „Eg fór út vegna þess að
mér fannst viðskiptafræðin hérna
heima of blönduð og vildi sér-
hæfa mig meira. Svo spiluðu
íþróttirnar mikið inní. Það er allt
annað að æfa erlendis og þarna
úti náði ég mínum besta árangri í
brautarhlaupum. Eftir að heim
kom sneri ég mér síðan frekar að
maraþoninu því af tvennu illu er
heldur skárra að æfa þau hér
heima. Maður þarf að geta æft
styttri hlaupin á brautum allt
árið.“
- Hvernig er það með
hlaupara. Finnst þeim gaman að
hlaupa?
„Mér finnst gaman að hlaupa í
skemmtilegu umhverfi þar sem
lítið er um bíla. Á fögrum sunnu-
dagsmorgni þá er fátt betra en að
hlaupa, það er viss upplifun,“
segir Sigurður. Núna æfir hann
þrisvar til fjórum sinnum í viku
og þegar um hægist ætla þeir að
hlaupa saman hann og annar
þekktur hlaupari sem nýfluttur er
í bæinn, Sigfús Jónsson bæjar-
stjóri. „Ætli við munum þá ekki
hlaupa svona 10 kílómetra til að
byrja með, okkur finnst ekki taka
því að reima skóna fyrir styttri
vegalengdir."
Mikill byr með þessu
Að námi loknu fluttist Sigurður
heim og settist að í Reykjavík.
Undanfarin fimm ár hefur hann
gegnt stöðu deildarstjóra fjárfest-
ingar- og rekstrarsviðs í sjávar-
útvegsráðuneytinu. „Það var
kominn tími til að breyta til því
að ef menn eru of lengi í stjórn-
kerfinu er hætta á að festast þar.
Það hefur hins vegar verið geysi-
lega góður skóli að vinna í ráðu-
neytinu. Sjávarútvegurinn er jú
stærsta atvinnugrein landsmanna
og þarna gafst mér kostur á að ná
góðri yfirsýn yfir það sem er að
gerast. Maður er þarna í eins
konar „centralstöð" sem tengir
allt saman,“ segir Sigurður.
En snúum okkur nú að starf-
inu. Sigurður hefur eins og áður
segir verið ráðinn framkvæmda-
stjóri Fiskmarkaðar Norðurlands
hf. en stefnt er að því að starfsemi
hans hefjist í byrjun september.
„Ég kom hér á vegum ráðuneyt-
isins rétt áður en umsóknarfrest-
ur um starfið rann út og þá notaði
ég tækifærið til að kynna mér
hvað um væri að ræða. Eftir þetta
hafði ég ekki nema sólarhring til
þess að ákveða mig en ég komst
að þeirri niðurstöðu að það væri
snjallt að breyta til, ekki aðeins
um starf heldur umhverfi líka.
Mér sýnist þetta hafa verið rétt
ákvörðun því mér hefur litist
mjög vel á mig hérna og auk þess
sem það er mjög góður andi yfir
þeim sem vinna að undirbúningi
þessa markaðar. Það er mikill
byr með þessu og ef þetta géngur
áfram eins og hingað til þá getur
þetta orðið gott fyrirtæki.
Teljum fjarskipta-
markaðinn henta betur
Möguleikarnir eru óendanlegir.
Það er þess vegna hægt að hugsa
sér útflutning. Það er einnig hægt
að auka hefðbundna uppboðs-
starfsemi með tímanum,“ segir
Sigurður, en fyrst um sinn er ætl-
unin að vera nær eingöngu með
svokallaðan fjarskiptamarkað.
„Norðurland er stórt svæði og
langt á milli hafna og því teljum
við fjarskiptamarkaðinn henta
betur. Við ætlum hins vegar að
byrja með lítinn gólfmarkað þeg-
ar starfsemin er komin af stað.“
Nokkur óvissa var ríkjandi um
það hvaða fjarskiptatækni yrði
notuð á markaðinum en nú hefur
stefnan verið sett á að uppboðin
fari fram í gegnum tölvur. í mið-
stöðinni við Strandgötu verður
þá tekið við upplýsingum frá
útgerðaraðilum, um aflasamsetn-
ingu, stærð, aldur afla og fleira.
Fiskverkendur um Norðurland
verða síðan tengdir miðstöðinni
og sjá hvað er í boði. Innan ein-
hvers ákveðins tíma geta þessir
aðilar tilkynnt að þeir ætli að
taka þátt í uppboðinu. Hug-
myndin er að uppboðið fari fram
þannig að bjóðendur „kúpla“ sig
út eftir því sem verðið hækkar,
þar til einn stendur eftir sem
kaupandi. „Þetta er ekki fullmót-
að enn og til dæmis er ekki ljóst
hvernig þetta kerfi hentar smærri
aðilum sem ekki hafa yfir tölvu-
kerfi að ráða. Þetta er þó senni-
lega eina leiðin því símakerfið
hér setur okkur þær skorður að
ekki er hægt að halda „símaráð-
stefnur" með fleiri en sjö aðilum.
Þegar símakerfið verður öflugra
í framtíðinni er hins vegar ekkert
því til fyrirstöðu að við getum
selt afla skips sem gert er út frá
Vestmannaeyjum, kaupanda í
Grindavík, svo dæmi sé tekið,“
segir Sigurður.
Tryggara
greiðslufyrirkomulag
og hreinni verömyndun
- En hvaða áhrif hefur svona
fiskmarkaður á útgerð, fiskverk-
un og fiskverð?
„í fyrsta lagi er ljóst að allt
greiðslufyrirkomulag verður
tryggara og hraðvirkara. Áður en
menn bjóða í aflann þurfa þeir að
leggja fram greiðslutryggingu í
viðskiptabanka sínum. Markað-
Á fjarskiptamörkuðum er fisk-
ur seldur óséður og þær raddir
hafa hcyrst að hætta sé á að menn
gefi rangar upplýsingar um gæði
og samsetningu afla.
„Við leggjum auðvitað talsvert
mikið traust á seljendur með
þessum hætti. Ég tel að það muni
fljótt koma fram í tilboðum ef
menn treysta ekki viðkomandi
seljanda. Ef um rangar upplýs-
ingar verður að ræða þá á sá selj-
andi ekki auðvelt með að selja
aftur inn á markaðinn. Þannig að
ég hef ekki áhyggjur af þessu
atriði."
Ekki bara fyrir botnfísk
Ef vel gengur er að sögn Sigurðar
stefnt að því að hafa uppboð á
hverjum degi. Á þessu stigi er
hins vegar ekki hægt að spá neinu
um það um hvaða magn verður
að ræða. „Við erum ekki endi-
lega að miða þennan markað ein-
göngu við botnfisk. Við getum
þess vegna boðið upp loðnu,
rækju, grásleppuhrogn og fleiri
tegundir. Það á eftir að skýrast af
viðræðum við alla aðila hvað
þetta verður umfangsmikið."
Haustið 1989 verður fram-
kvæmdum við nýja fiskihöfn á
svæðinu norðan Utgerðarfélags-
ins nær lokið og þar myndast tals-i
vert afhafnasvæði. Er það fram-
tíðarsvæði fyrir fiskmarkað?
„Það er hugsanlegt ef við för-
um út í rekstur á stórum gólf-
markaði að hann verði reistur
þar. En það er auðvitað bara
seinni tíma mál og um þetta hef-
ur ekkert verið rætt. Mögu-
leikarnir eru miklir og ég er
bjartsýnn á framtíðina," sagði
Sigurður að lokum. ET
„Það hefur verið geysilega góður skóli að vinna í ráðuneytinu.“ Mynd: gt
urinn ábyrgist þannig að seljend-
ur fái greitt fyrir aflann eftir viku-
tíma eða svo í stað þess að nú
kemur fyrir að greiðslur eru
dregnar. í öðru lagi er líklegt að
vinnslur sérhæfi sig meira en nú
er og bjóði aðeins í þá tegund
eða stærð sem þeim hentar að
vinna.
Hvað fiskverð snertir þá vænti
ég þess að þetta geri alla verð-
myndun hreinni. Ef menn vilja
borga hátt verð fyrir góðan þorsk
þá gera þeir það í stað þess sem
verið hefur þegar um alls konar
yfirborganir er að ræða. Fiskverð
er nú frjálst til haustsins og mér
finnst líklegt að svo verði áfram.“