Dagur - 20.07.1987, Blaðsíða 3
20. júlí 1987 - DAGUR - 3
Kannski finnst mörgum þetta
veratilbreytingarlaust líf hér, lítið
að gerast. Það er að mörgu leyti
rétt en maður vinnur bara meira
fyrir vikið og þá er það við sjó-
mennsku eða störf sem tengjast
sjónum, það er ekki um fjöl-
breytt störf að velja hér. Svo get-
ur maður farið í land þegar mann
langar til að skemmta sér og það
gerum við annað slagið. T.d. fóru
nokkrir krakkar hérna á lands-
mótið á Húsavík á dögunum."
Þar með hoppaði Sigurður nið-
ur í lestina og tók til við að þvo,
enda eins gott að flýta sér í
aðgerðina. Blaðamaður dundaði
sér á meðan við að skoða færa-
vindur sem voru í bátnum og
greinilega voru nýjar. Þetta eru
nýjar íslenskar vindur sem eru
sjálfvirkar og mikil framför frá
þeim útbúnaði sem áður var í
bátum. Sigurður var spurður
nánar um þessar vindur þegar
lestarþvottinum var lokið.
„Við keyptum tvær nýjar vind-
ur í fyrra og tvær til viðbótar
núna í vor. Þetta eru vindur frá
DNG á Akureyri og hafa reynst
vel. Það er hægt að stilla þær á
marga vegu, t.d. hve mikill fisk-
þungi á að vera kominn á línuna
þegar dregið er upp og líka af hve
miklu dýpi á að draga. Það er
misjafnt á hve miklu dýpi veitt
er, getur farið allt upp í 100
faðma.
Það er létt verk fyrir okkur tvo
að anna þremur vindum, þessir
gömlu jaxlar voru stundúm einir
með tvær eða þrjár vindur hér í
gamla daga áður en þessi nýja
tækni kom til og þeir gátu annað
þessu öllu.“
- Hvernig gengur að selja
fiskinn?
„Við erum nú bara að byrja að
verka í saltfiskinn. Hann fer á
markað á Spáni, Portúgal og
Ítalíu en það fer bara eftir gæða-
flokkum. Við fáum ágætis verð
fyrir hann enda er þetta mikil
vinna við að ganga frá þessu.“
Og þar með kvöddum við
þennan geðþekka Grímseying og
töfðum hann ekki Iengur frá fisk-
vinnunni. JÓH
Mávafargan:
Hefur ekki fjölgað á
Akureyrarflugvelli
- segir Sverrir Vilhjálmsson,
flugumferðarstjóri
Það hefur víst ekki farið fram
hjá mörgum að fjöldi máva er
á Akureyri og nágrenni, flest-
um til sárrar gremju. Mávi
virðist hafa fjölgað mikið í
bænum undanfarin ár og sitja
nú í görðum fólks þar sem áður
var þröstur. Sumir hafa haft á
orði að mávurinn lesi auglýs-
ingar um knattspyrnuleiki því
þeir eru mættir á völlinn fyrstir
allra þegar leikir eru. Blaðið
hafði samband við Sverri Vil-
hjálmsson, flugumferðarstjóra
á Akureyrarflugvelli og spurði
hann hvort mávurinn væri ekki
til vandræða þar.
„Jú, jú, þeir eru það og það er
mikið af þeim. Mér finnst þeim
hins vegar ekkert hafa fjölgað
hér undanfarin ár og ég er búinn
að starfa hér síðan 1960 og mér
finnst þetta vera mjög svipað,
fugl sækir alltaf á flugvelli. Það
eru viss tímabil sem mávurinn
veldur meiri vandamálum en
annars. Aðalbölið er frá miðjum
júlí og fram í miðjan ágúst en þá
eru ungarnir að verða fleygir og
eru hér um allt.“
Aðspurður sagði Sverrir að
mávurinn gæti skapað hættu og
það væri reynt að hrekja hann af
flugbrautinni þegar flugvélar
væru að lenda. „Jú, við reynum
að fækka mávinum, við skjótum
svolítið af honum en það þýðir
bara ekkert, þetta er svo mikill
fjöldi.“
Sagði Sverrir að flugmenn
kvörtuðu undan mávinum og
bentu þeim á ef þeir sæju dauðan
fugl. Fyrir tveimur árum lenti
fugl í hreyfli vélar í eigu Flug-
félags Norðurlands og skemmdist
hann mjög mikið, en slys hafa
aldrei orðið af völdum fugls á
Akureyrarflugvelli og verður
vonandi svo áfram. HJS
Nyjar rófur að
koma í verslanir
- „Upptaka hófst óvenju snemma,“
segir Eiríkur Hreiðarsson garðyrkjubóndi
„Eg byrjaöi að taka upp róf-
jur fyrir viku og þær rófur
sem plantað var út í vor eru
orðnar vel sprottnar. Þetta er
óvenjusnemmt enda hefur
veðurfarið í vor verið
hagstætt,“ sagði Eiríkur
Hreiðarsson, garðyrkjubóndi á
Grísará í Hrafnagilshreppi í
samtali við Dag.
Rófurnar hafa aðallega farið á
markað í Reykjavík en einnig í
verslanir á Akureyri. Eiríkur
sagði að búðirnar ættu enn inn-
fluttar rófur og rófur frá því í
fyrra og væru því tregar til að
taka mikið af nýjum rófum til að
byrja með. Uppskeran í fyrra var
15-20 tonn og átti hann von á að
uppskeran í ár gæti orðið minni
þar sem svo snemma væri byrjað
að taka upp. Verð á kílói af róf-
um út úr búð er um 100 kr. en
framleiðandi fær um 60 kr. í sinn
vasa þegar kostnaður hefur verið
dreginn frá.
Eiríkur sagði að sér sýndist
aðrar tegundir spretta nokkuð
vel en seinna í þessum mánuði og
í þeim næsta verður farið að taka
upp kál og gulrætur en uppskeru-
tímabilið stendur fram í október.
Sölufyrirkomulag á grænmeti
hefur verið gagnrýnt af garð-
yrkjubændum, einkum fyrir það
hve mikið af innfluttu grænmeti
er á markaði þegar uppskerutím-
inn hefst innanlands. „Það gerð-
ist t.d. í fyrra að innflutt kál var á
markaði hér fram í september en
þá var uppskerutímabil á káli
löngu hafið hér heima. Þetta get-
ur skipt miklu máli varðandi hver
afkoma bænda verður,“ sagði
Eiríkur Hreiðarsson. JOH
Loðnuverksmiðjur:
Afkasta fimmföldum
hámarksafla vertíðar á ári
- aðalfundur félags fiskimjölsframleiðenda ályktar
að loðnuverð sé ekki frjálst
Nýlega var haldinn aðalfundur
Félags íslenskra flskimjöls-
framleiðenda þar sem meðal
annars var samþykkt ályktun
þess efnis að á meðan eigendur
íslcnskra Ioðnuskipa gætu selt
afla sinn erlendis, ef þeim lík-
aði ekki verð hér heima, þá
væri loðnuverð í rauninni ekki
frjálst.
íslenskum loðnumjölsverk-
smiðjum er sem stendur óheimilt
að kaupa loðnu af erlendum
fiskiskipum og setja þær fram þá
skýlausu kröfu að fá að sitja við
sama borð og erlendir samkeppn-
isaðilar.
Að sögn Jóns Reynis Magnús-
sonar, sem á fundinum var
endurkjörinn formaður félagsins,
framkvæmdastjóra Síldarverk-
smiðja ríkisins, hefur undanfarin
ár hallað mjög undan fæti í
rekstri fiskimjölsverksmiðja. Á
síðasta ári v'ar tugmilljón króna
halli á rekstri SR og taldi Jón að
svipaða sögu mætti segja af
einkaverksmiðjunum.
„Ef litið er á árin frá 1970 þá
hefur verð á loðnuafurðum,
reiknað í „raundollurum" farið
mjög niður á við,“ sagði Jón í
samtali við Dag.
Á ráðstefnu sem FÍF hélt í
maímánuði í samvinnu við Rann-
sóknarstofnun fiskiðnaðarins,
hélt Jón erindi um stöðu þessa
iðnaðar. í erindi sínu bar Jón
saman afkastagetu íslenskra
fiskimjölsverksmiðja og þann
afla sem kemur að landi á vertíð.
Á síðustu vertíð voru veidd um
það bil milljón tonn af loðnu og
að hans mati er ekki hægt að
búast við að hann verði öllu meiri
á einni vertíð. Þennan afla segir
Jón Reynir að hinar 22 verk-
smiðjur sem nú eru í landinu geti
unnið á 75 dögum þannig að
afkastageta þeirra á einu ári er
um 5 milljónir tonna. í framhaldi
af þessu hefur Jón Reynir sett
fram þá skoðun sína að verk-
smiðjunum megi fækka úr 22 í 6!
Á öðrum Norðurlöndum hefur
fiskimjölsverksmiðjum fækkað í
svipuðu hlutfalli og þarna er tal-
að um en þó gengur rekstur
þeirra erfiðlega. ET
Póstur og simi:
Ljósleiöari milli Akur-
eyrar og Reykjavíkur
- lokið við lagningu strengsins á næsta ári
A næsta ári mega Akureyring-
ar búast við að auðveldara
verði að ná símasambandi við
höfuðborgarsvæðið og aðra
landshluta. Þá er ráðgert að
lokið verði við lagningu ljós-
leiðarastrengs milli Akureyrar
og Reykjavíkur en á þessu ári
verður lokið við lagningu hluta
hans.
Ljósleiðarinn sem verið er að
leggja milli Akraness og Borgar-
ness er fyrsti áfangi í nýju stafrænu
sambandi milli Reykjavíkur og
Akureyrar. í sumar verður einnig
lagður ljósleiðari milli Blönduóss
og Sauðarkróks og ef tími og
peningar leyfa verður einnig lagt
frá Sauðárkróki í Varmahlíð.
Að sögn Birgis Sigurjónssonar,
yfirmanns sambandsdeilda Pósts
og síma kemur þessi strengur til
með að auka símaumferðarget-
una til muna. í ljósleiðastrengj-
unum sem verið er að leggja eru
sex ljósleiðarar en tveir slíkir geta
flutt 2000 talrásir eða fjórar sjón-
varpsrásir með þeim búnaði sem
nú er fáanlegur. Með nýjum bún-
aði verður hægt að margfalda
flutningsgetuna á sama streng.
í ár er gert ráð fyrir að leggja
ljósleiðara frá Egilsstöðum til
Reyðarfjarðar en ekki vitað
hvenær lagningu strengsins kring-
um landið verður lokið en sam-
kvæmt upplýsingum Birgis Sigur-
jónssonar verður það örugglega
ekki fyrr en eftir 1990. JÓH
Hafnarstjórn:
Níu aðilum
verði úthlutað
lóðum
- fyrir verbúðir
Hafnarstjórn Akureyrar hefur
mælt með því við byggingar-
nefnd að þeim níu aðilum sem
sóttu um lóðir fyrir verbúðir í
Sandgerðisbót verði úthlutað
þeim.
Hafnarstjórnin hefur látið
teikna 140 fermetra hús sem í
verða níu pláss, 8-27,5 fermetrar
að stærð. Byggingin verður alger-
lega fjármögnuð af útgerðaraðil-
unum sem flestir hafa útgerðina
sem aukastarf.
Þessa dagana er verið að keyra
burðarlag í götuna við Bótina og
þegar hún hefur verið malbikuð
geta framkvæmdir við verbúðirn-
ar farið af stað.
í framtíðinni er gert ráð fyrir
að byggðar verði fimm aðrar
sams konar lengjur og sú sem rís
í sumar en töluverð eftirspurn er
hjá bátaeigendum eftir aðstöðu.
ET
Útgerðarmenn, skipstjórar
Gúmmíbátaþjónusta Norðuriands
veröur lokuö frá 29. júlí til 25. ágúst.
Ragnar B. Ragnarsson.
Nýja rafmagnsnuddtækið
er komið
Takið eftir: Lagar vöðvabólgu.
NUDDSTOFAN
Höfðahlíð 1, sími 25610.