Dagur - 31.08.1987, Side 12
Hafíð þið reynt okkar þjónustu?
^Pediomyndir^
Akureyri, mánudagur 31. ágúst 1987
Kartöflukílóið á 24 krónur:
Verðið má
ekki vera lægra
segir Jóhannes Geir Sigurgeirsson
Filman þín á skilið
það besta.
Hafnarstræti 98 - Akureyri Sími 96-23520.
„Á haustmánuðum og fram
undir áramót á að bjóða kart-
öflur á lægsta verði. Og þá í
trausti þess að mönnum takist
að ná upp aukinni neyslu og
auka þannig söluna. En það
hefur enginn gróða af því að
bjóða verðið niður úr öllu
valdi,“ sagði Jóhannes Geir
Sigurgeirsson kartöflubóndi á
Öngulsstöðum og stjórnarfor-
maður í Kjörlandi. Dæmi eru
um að kartöflubændur á Suð-
urlandi selji afurðir sínar á 20
krónur kílóið og talað hefur
verið um að verðstríð sé í upp-
siglingu. „Auðvitað vonar
maður að lægra verð þýði
meiri sölu, en ég er ekki farinn
að sjá það.“
Framleiðendum á Eyjafjarðar-
svæðinu eru borgaðar 24 krónur
fyrir kílóið af kartöflum og sagði
Jóhannes Geir að það verð mætti
ekki vera lægra. „Ef menn fara
að bjóða kartöflur niður úr öllu
valdi, jafnvel niður í 20 krónur til
kaupmanna, þá er alveg búið að
eyðileggja að hægt sé að byggja
upp einhverja markaðssetningu á
þessari vöru," sagði Jóhannes
Geir.
Hann sagði að einstakir fram-
leiðendur gætu haft tímabundinn
hag af að selja kartöflur á svo
lágu verði. en þegar til lengri
tíma væri litið myndu allir hljóta
skaða af. „Menn verða að ganga í
gegnum þetta í vetur og sjá til
hvort lært verður af reynslunni."
Kartöflurækt hefur heldur auk-
ist á undanförnum árum og þegar
við bætist toppspretta, „þá erum
við komnir með magn sem er
langt umfram það sem markaður-
inn tekur við. í sjálfu sér er ekk-
ert við því að gera þótt það gerist í
einstaka árum," sagði Jóhannes
Geir. „En hins vegar ef svo fvlgir
að það sem menn geta selt selji
þeir á spottprís og hendi afgangn-
um, þá er útlitið ekki vænlegt."
Bændur hafa gripið til þess að
henda töluverðu magni af kart-
öflum, en taldi Jóhannes Geir að
það væri ekki stórt hlutfall af
heildarframleiðslu síðasta hausts.
mþþ'
Lögreglan:
Hátíöarhöldin á Akureyri
fóru vel fram
Ekki er hagstætt að vinna hey eingöngu í svona poka því tjónið yrði stórfellt ef loft kæmist í þá. Mynd: tlv
Hey í plastpokum:
Verður líkast nýslegnu grasi
Um miðjan dag á laugardag,
var það óhugnanlega slys þeg-
ar skátar og björgunarsveitir
sýndu bjargsigskúnstir á húsi
við Ráðhústorg, að lína eins
mannanna slitnaði með þeim
afleiðingum að hann féll niður
um 4-5 metra. Að sögn rann-
sóknarlögreglunnar á Akur-
eyri, skarst línan sundur á þak-
brúninni en þessi maður mun
ekki hafa haft teppi undir lín-
unni eins og hinir. Manninum
líður eftir atvikum vel, og mun
betur horfa með meiðsl hans
en reikna hefði mátt með.
Að sögn lögreglunnar á Akur-
eyri var þetta að öðru leyti góð
helgi. Hátíðarhöldin fóru vel og
friðsamlega fram og ölvun ekki
meiri en búast mátti við.
Frá föstudagskvöldi urðu átta
árekstrar á Akureyri en engin
meiðsl urðu á fólki.
Á Siglufirði var rólegra en
búist var við á föstudagskvöld
eftir leik Leifturs frá Ólafsfirði og
KS á Siglufirði. Ólafsfirðingar
fóru beint heim eftir leik og fóru
dansleikir friðsamlega fram.
Á öðrum stöðum sem samband
var haft við, hafði helgin verið
með rólegasta móti, og engin
alvarleg óhöpp átt sér stað. VG
í»að hefur vakið athygli vegfar-
enda t.d. um Svalbarðsströnd,
að þar liggja á túnum hvítir
plastpokar sem í er hey. Dagur
hafði samband við Guðmund
Steindórsson búnaðarráðunaut
og fékk hann til þess að segja
frá þessari geymsluaðferð.
„Heyið er þurrkað örlítið,
bundið í bagga og smeygt í pok-
ana sem helst þarf að lofttæma.
Heyið geymist vel í pokunum, og
verður það nokkurn veginn eins
og það var þegar pokarnir eru
seinna opnaðir til gjafa. Heyið
verður líkara votheyi en þurrk-
uðu, jafnvel líkast grasinu eins og
það kemur af jörðu. Það má að
vísu alls ekki komast í þá loft á
geymslutímanum, og er það
helsta vandamálið t.d. í Noregi
þar sem þessi aðferð er talsvert
notuð, því þar hafa mýs átt til að
naga göt á pokana. Vegna þessa
er ekki hægt að nota þessa aðferð
eingöngu því um stórfellt tjón
yrði að ræða ef mýs kæmust í
pokana.“
Guðmundur sagði að þetta
væru sérstakir pokar sem notaðir
eru, bæði innfluttir og einnig hélt
hann að eitthvað væri farið að
framleiða þá innanlands. Hann
sagði að einnig væri töluvert
verkað í þá grænfóður. Tilraunir
með þessa aðferð hófust hér á
landi fyrir um þrem árum.
„Hey þetta er mjög gott að
nota t.d. fyrst á haustin þegar
skepnurnar, sérstaklega kýrnar
eru að koma inn, á meðan verið
er að venja þær við fóðurbreyt-
ingarnar."
VG
Hátíðarfundur bæjarstjórnar:
Samþykkt
bæjarins og
Á hátíðarfundi bæjarstjórnar á
laugardaginn var afgreidd til-
laga að samþykkt um stjórn
Akureyrarbæjar og fundar-
sköp bæjarstjórnar og einnig
tillaga að samþykkt um skjald-
armerki Akureyrar. Báðar
tillögurnar voru samþykktar
með ellefu atkvæðum.
Fyrri tillagan var tekin til síðari
Jón Ólafur Sigfússon um L.H. og landsmót hestamanna 1990:
Formaður L.H. kominn í rökþrot
- „Fjárhagsafkoman öruggari á Vindheimamelum“ - segir Leifur Jóhannesson
„Landsmót hefur aldrei verið
haldið á Melgerðismelum og
enginn veit hversu fjölmennt
slíkt mót gæti orðið,“ sagði
Jón Olafur Sigfússon, formað-
ur Léttis, en í nýjasta tölublaði
Eiðfaxa kemur fram I viðtali
við formann Landssambands
hestamanna að fleiri áhorf-
endur komi á landsmót á Vind-
heimamelum en Melgerðis-
melum. _
í greininni í Eiðfaxa segir Leif-
ur Jóhannesson, formaður LH,
að stjórnin hafi framkvæmt
könnun meðal hestamannafélág-
anna á Norðurlandi varðandi
næsta landsmótsstað. Meirihlut-
inn mælti með Vindheimamel-
um. Ákvörðun var tekin 6. júlí
um að mótið skyldi haldið þar.
Leifur bendir einnig á að tvö
fyrri landsmót á Vindheimamel-
um hafi þótt takast mjög vel.
Miklu máli skipti að fjárhagsleg
afkoma mótsins sé sem best, og
það kunni að hafa ráðið afstöðu
meirihluta félaganna á Norður-
landi að rekstur mótsins yrði
öruggari á Vindheimamelum,
þeir séu líka meira miðsvæðis og
fleiri áhorfendur komi þangað.
Stjórn LH sé ekki bundin við að
fara eftir samþykktum sem séu
„gerðar einhvers staðar úti í bæ
eða uppi í sveit,“ og er þar átt við
Varmahlíðarsamþykktina. Hvað
varðar þá hugmynd eyfirskra
hestamanna að segja sig úr LH
þá veki það undrun sína ef Ey-
firðingar hafi ekki þann félags-
þroska til að bera að sætta sig við
lýðræðislega niðurstöðu.
Jón Ólafur Sigfússon sagði um
þetta: „Að segja að aðrir hafi
ekki nægan félagsþroska er göm-
ul lumma sem menn nota gjarnan
þegar þeir eru komnir í rökþrot.
Stjórn LH hefur ekki meiri fé-
lagsþroska en það að þeir eru
ekki búnir að tilkynna félögunum
ákvörðun sína um næsta lands-
mótsstað þótt langt sé liðið síðan
sú ákvörðun var tekin. Óvissa
ríkir um hvort stjórnarmenn sjái
sér fært að koma norður og ræða
við okkur í kvöld á Hótel KEA,
þar sem við fundum um áfram-
haldandi vcru okkar í LH. Það
að Vindheimamelar séu meira
miðsvæðis er út í hött, sömuleiðis
að Varmahlíðarsamþykktin sé
ekki bindandi. Könnun stjórnar
LH var að mínu mati hálmstrá
sem þeir gripu til að skýla sér á
bak við því þeir hafa slæma sam-
visku og eru að reyna að verða
sér úti um hlífiskjöld.“ EHB
um stjórn
fundarsköp
umræðu á fundinum og tók Sig-
fús Jónsson einn til máls. Hann
sagði m.a.: „Gamla samþykktin
um stjórn Akureyrarbæjar var
gerð á 100 ára afmæli bæjarins
29. ágúst 1962. Hún var gerð á
grundvelli sveitarstjórnarlaga
sem höfðu verið sett árið áður,
eða 1961.
Eins og kunnugt er setti
alþingi á síðastliðnu ári ný sveit-
arstjórnarlög og bæjarstjórn
Akureyrar, ásamt embættis-
mönnum, hefur undanfarna mán-
uði unnið að því að gera nýja
samþykkt um stjórn bæjarins og
fundarsköp á grundvelli nýju lag-
anna. Fyrri umræða um tillögu að
samþykktunum fór fram í bæjar-
stjórn 11. ágúst síðastliðinn. Á
þtfím fundi var tillögunni vísað til
seinni umræðu og einnig til
bæjarráðs. Bæjarráð hefur fjallað
um samþykktina nú á milli bæjar-
stjórnarfunda og bæjarráð hefur
gert tillögu um 5 breytingar á
samþykktinni frá síðasta bæjar-
stjórnarfundi."
Sigfús gerði grein fyrir breyt-
ingunum sem bæjarráð lagði til
og var tillagan síðan borin undir
bæjarstjórn og samþykkt sam-
hljóða. Síðan bar Sigfús upp til-
lögu að samþykkt um skjaldar-
merki Akureyrar og var hún einn-
ig samþykkt samhljóða. í sam-
þykktinni eru ákvæði um liti
merkisins og reglur um notkun.
SS