Dagur - 06.07.1988, Page 1

71. árgangur Akureyri, miðvikudagur 6. júlí 1988 124. tölublað
Jón Hallur Pétursson:
„Fásinna að
taka dýr lán“
1,5 milljón kr. húsnæðislán hækkar um
673 þús. kr. á einu ári
„Eg álít að fólk hafi ekki gert
sér grein fyrir því hversu dýrt
lánsfjármagn er í dag, og það
er alger fásinna að taka dýr lán
til að fjármagna ótímabæra
Grímsey:
Bátar í sund-
laugarróðri
Sjómenn í Grímsey héldu í
róður síðastliðinn sunnudag og
var tilgangurinn að afla fé til
sundlaugarbyggingar í eynni,
en bygging hennar hefur staðið
um nokkurra ára skeið. Alls
tóku 14 bátar þátt í róðrinum,
flestir heimabátar, en einnig
nokkrir aðkomubátar.
Garðar Ólason hjá fiskverkun-
inni Sigurbirni sf. sagði að afli
hefði verið heldur tregur á sunnu-
daginn. Fengu bátarnir samtals
um 4 tonn og var aflinn saltaður
hjá Sigurbirni. Ekki er enn kom-
ið í ljós hversu mikið fé rennur til
byggingarinnar eftir róðurinn, en
í sams konar róðri sem farinn var
fyrir ári söfnuðust tæplega 300
þúsund krónur. Það eru Kiwanis-
menn í eynni sem fengu hug-
myndina að sundlaugarróðrinum
og var sá á sunnudaginn þriðji í
röðinni.
Ekkert hefur verið unnið við
sundlaugarbygginguna í Grímsey
undanfarið og ekki fyrirsjáanlegt
hvenær henni lýkur. mþþ
bfla, heimilistæki og aðra
neyslu,“ sagði Jón Hallur Pét-
ursson hjá Kaupþingi Norður-
lands, þegar hann var spurður
álits á eyðslulánum, en ■ vax-
andi verðbólgu er dýrt að taka
lán.
Þessa dagana er mikið rætt um
vaxandi verðbólgu og afleiðingar
hennar. Gengið hefur verið frá
kjarasamningum og þeir bundnir
til langs tima þannig að ekki er
að vænta neinna kauphækkana
að ráði næstu mánuði. Ef litið er
til kjarasamninga þá er algengt
að samið hafi verið um 12 til 14%
launahækkanir á þessu ári. Hins
vegar spá flestir a.m.k. 40 prós-
enta verðbólgu á árinu þannig að
kjaraskerðing getur orðið um-
talsverð.
Sé tekið dæmi af 1,5 milljóna
kr. skuld við Byggingarsjóð ríkis-
ins þá hækkar skuldin um
673.500 þúsund krónur á einu ári
í 40% verðbólgu með vöxtum.
Af slíku láni eru greiddir 3,5%
vextir og er vaxtaupphæðin kr.
73.500 á ári. Ef lánið er hins veg-
ar bankalán með 9,5% vöxtum
þá éru vextir af því kr. 199.500 á
einu ári fyrir utan verðtryggingu.
Að vísu kemur á móti að fast-
eignaverð helst í hendur við
verðbólgu þegar til lengri tíma er
litið, að sögn kunnugra, en þó er
mönnum minnisstæður sá tími
þegar fasteignaverð á Akureyri
hækkaði næstum ekkert í tvö ár
þrátt fyrir verðbólgu og hækk-
andi fasteignaverð í Reykjavík.
EHB
Skyldi vera leikin knattspyrna hér á bæ?
Mynd: GB
Sauðárkrókur:
Gífurleg ásókn í
verkamannabústaði
- 35 umsóknir bárust um 9 íbúðir
Stjórn verkamannabústaða á
Sauðárkróki afgreiddi á fundi
sínum sl. þriðjudag umsóknir
um 9 verkamannabústaði.
Mikil ásókn hefur greinilega
verið í bústaðina því alls bárust
35 umsóknir. Á fundinum var
9 aðilum úthlutað íbúðum af
þeim 35 sem sóttu um. Á þessu
má sjá að mikil þörf er fyrir
íbúðarhúsnæði á Sauðárkróki
um þessar mundir.
Af þessum 35 umsóknum sóttu
7 um endurúthlutaða 4ra her-
bergja íbúð, 12 sóttu um fjórar
2ja herbergja fbúðir og 16
umsóknir bárust í fjórar 3ja her-
bergja íbúðir. Að sögn Hilmis
Jóhannessonar formanns stjórnar
verkamannabústaða var sótt um
til Húsnæðisstofnunar að byggja
14 verkamannabústaði, en leyfi
fékkst fyrir 8 að þessu sinni.
„Það á að sækja um fyrir næsta
ár fyrir 1. ágúst nk. til Húsnæðis-
stofnunar og stjórnin hefur ekki
ákveðið hvað sótt verður um
mikið. Það er alveg ljóst, sam-
kvæmt þessum umsóknum sem
bárust núna, að við munum taka
Norðurglugginn hf. á Akureyri:
Gallerí Glugganum lokað
- reynt verður að finna ódýrara húsnæði
mið af þeim, a.m.k. munum við
fá þær 6 íbúðir sem við fengum
ekki við síðustu umsókn. Það er
mikil eftirspurn eftir húsnæði,
aðkomufólk hringir mikið og
spyr eftir lausu leiguhúsnæði og
við verðum að geta brugðist við
þessari miklu eftirspurn,“ sagði
Hilmir.
Aðspurður um ástæðuna fyrir
mikilli eftirspurn í verkamanna-
bústaði sagði Hilmir að hann
hefði á tilfinningunni að fólk beri
ákveðinn ótta til þess að fara að
byggja eða kaupa á frjálsum
markaði. Við útborgun á verka-
mannabústöðunum eru greidd
15% af verði íbúðarinnar og mis-
munurinn, 85%, fenginn að láni
úr Byggingarsjóði verkamanna til
43ja ára. Verð þeirra íbúða sem
nú var úthlutað er 4,5 milljónir
fyrir 3ja herbergja íbúð og 3,2
milljónir fyrir 2ja herbergja íbúð.
-bjb
Nú stendur yfir í Gallerí
Glugganum á Akureyri, sýning
Margrétar Jónsdóttur og Rósu
Krístínar á keramik og textíl.
Sýning þeirra Margrétar og
Rósu stendur til sunnudagsins
10. júlí.
Sýning þessi er jafnframt síð-
asta sýningin í Glugganum en
honum verður lokað og galleríið
lagt niður að lokinni sýningunni.
Að sögn Rósu Kristínar mynd-
listarkonu átti Gallerí Glugginn
að verða tilraun sem gerð yrði í
eitt ár, en galleríið hóf starfsemi
síðastliðið haust. Fastur starfs-
maður var ráðinn, sett voru mjög
metnaðarfull markmið og að
jafnaði voru um tvær sýningar í
mánuði allt þetta tímabil. Á
þessu tímabili hafa margir af
þekktustu og bestu myndlistar-
mönnum þjóðarinnar sýnt í gall-
eríinu og undirtektir bæjarbúa
hafa verið framar vonum. Rósa
Kristín segir að aðstandendur
gallerísins séu sammála um að
þessi tilraun hafi heppnast í meg-
indráttum. Það hafi aðallega
tvennt brugðist; annars vegar var
ekki nægileg sala í myndverkum,
þótt hún hafi verið nærri því sem
áætlað var og hins vegar kynning
og umfjöllun fjölmiðla á gallerí-
inu. Rósa telur mikla eftirsjá
vera í Glugganum. „Ég efast um
að annar staður finnist í bænum
sem er jafn glæsilegur listsýning-
arsalur og Glugginn er.“
Guðmundur Ármann mynd-
listarmaður sem sæti á í stjórn
Norðurgluggans hf. tók í svipað-
an streng og Rósa Kristín. Hann
segir að það taki tíma fyrir gallerí
af þessari tegund að festa sig í
sessi, tilraunin hafi heppnast,
hún fékk mjóg góðar undirtektir
hjá listamönnum og hjá flestum
öðrum en fjölmiðlum. „Það er
mjög alvarlegt því gallerí sem vill
standa undir nafni, er ekkert
alvöru gallerí nema að fá reglu-
lega umfjöllun um þær sýningar
þar eru.“
Guðmundur segir hlutafélagið
Norðurgluggann halda áfram og
markmiðið nú er að finna annað
ódýrara húsnæði fyrir sýningar-
starfsemi. kjó
Sláttur hafinn
í Þistilfirði
Sláttur er haflnn í Þistilflrði.
Þeir Svalbarðsbændur hófu
slátt á þriðjudaginn var.
Á mánudagskvöld kynnti Páll
Bergþórsson bændum hvenær
heppilegast væri að hefja slátt á
mismunandi stöðum landsins og
þar kom fram að best væri að
byrja að slá á tímabilinu frá 7.-9.
júlí á Norðausturlandi. Bændur á
Svalbarði hófu slátt heldur fyrr
en kort Páls segir fyrir um. Eins
konar heimasæta á Svalbarði
sagði í samtali við blaðið að tún
væru mjög þurr í Þistilfirði og
gæti það að einhverju leyti sett
strik í reikninginn hvað heyfeng
varðar. Ekki er þó enn útséð um
að til vandræða horfi. mþþ
Það verður sjónarsviptir að Giugganum.