Dagur - 06.12.1988, Qupperneq 4

c -■ flUí/i4Ö — í 19C«fffS29b ,3
4 - DAGUR - 6. desember 1988
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, S(MI: 24222
ÁSKRIFT KR. 800 Á MÁNUÐI
LAUSASÖLUVERÐ 70 KR.
GRUNNVERÐ DÁLKSENTIMETRA 530 KR.
RITSTJÓRI:
BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
BLAÐAMENN:
ANDRÉS PÉTURSSON (iþróttir),
ÁSLAUG MAGNÚSDÓTTIR, BJÖRN JÓHANN BJÖRNSSON
(Sauöárkróki vs. 95-5960), EGILL H. BRAGASON,
FRlMANN HILMARSSON (Blönduósi vs. 95-4070),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON
(Reykjavik vs. 91-17450, pósthólf 5452, 105 Reykjavík),
MARGRÉT ÞÓRA ÞÓRSDÓTTIR, ÓSKAR ÞÓR HALLDÓRSSON,
STEFÁN SÆMUNDSSON, VILBORG GUNNARSDÓTTIR,
LJÓSMYNDARAR: GUÐMUNDUR HRAFN BRYNJARSSON,
TÚMAS LÁRUS VILBERGSSON,
AUGLÝSINGASTJÓRI: FRÍMANN FRÍMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Niðurskurður kostnaðarliða
Neyðarástand er að skapast í undirstöðu-
atvinnugreinunum. Fyrir helgi var kynnt skýrsla um
afkomu 30 fyrirtækja í sjávarútvegi fyrstu níu mánuði
þessa árs og hún sýnir að ^taðan er miklu verri en
almennt var talið. Mikill fjöldi þessara fyrirtækja er
með svo afleita rekstrarstöðu að gjaldþrot eða nauða-
samningar virðast eina lausnin. Ef fram heldur sem
horfir stefnir atvinnugreinin í heild hraðbyri í nei-
kvæða eiginfjárstöðu og gjaldþrot.
Á sama tíma berast fréttir af því að þau fyrirtæki
sem rekin eru með hagnaði um þessar mundir - og það
umtalsverðum - séu peningastofnanir, svo sem
bankar, sparisjóðir, verðbréfafyrirtæki og fjárfesting-
arlánasjóðir. Þá er afkoma tryggingafélaganna með
miklum ágætum. Það er umhugsunarvert fyrir ráða-
menn þjóðarinnar og reyndar landsmenn alla hvílík
öfugþróun hefur átt sér stað í atvinnu- og efnahagslíf-
inu síðustu misserin. Þjónustustarfsemi af ýmsum
toga, sem aldrei getur orðið annað en aukabúgrein í
þjóðarbúskapnum, blómstrar á kostnað grundvallar-
atvinnuveganna. Augu manna eru nú smám saman að
opnast fyrir því að spilaborgin hrynur til grunna ef
undirstöðurnar bresta. Þær hafa sjaldan verið nær því
en nú.
Frekari efnahagsráðstafanir þola enga bið. Þær
mega þó ekki felast í því að gengið verði fellt einn
ganginn enn. Gengisfelling leysir ekki þann vanda
sem við er að etja nú. Gengið hefur þegar verið fellt
um 20% á árinu án þess að bæta stöðu útflutnings-
greinanna svo nokkru nemi. Öllum er þó ljóst að raun-
gengi krónunnar er allt of hátt, en það má lækka með
öðrum ráðum en gengisfellingu. Raungengi er ekkert
annað en samheiti yfir alla kostnaðarliði útflutnings
fyrirtækjanna. Þegar raungengið er of hátt þarf annað
hvort að auka tekjurnar eða lækka kostnaðinn. Tekj-
urnar verða' ekki auknar um sinn með öðrum ráðum en
gengisfellingu. Gengisfelling hefur verðbólguhvetj-
andi áhrif og hefur ekki komið að tilætluðum notum á
undanförnum árum. Síðari leiðin, þ.e. að lækka kostn-
aðinn, er því mun betri í stöðinni og reyndar sú eina
sem er fær.
Fjármagnskostnaður er sá þáttur í rekstri fyrirtækja
sem verst hefur leikið þau að undanförnu. Hann þarf
að lækka með öllum tiltækum ráðum. Einnig er ljóst að
launakostnaður er allt of hár. í skýrslu frá Þjóðhags-
stofnun kemur fram að hlutfall launa af þjóðartekjum
er áætlað 72,3% á íslandi í ár, en á Norðurlöndum og í
Bretlandi er þetta hlutfall 61-67%. Þennan kostnað
þarf að lækka. Þá er ekki átt við að lækka þurfi lægstu
laun ellegar þau laun sem greidd eru samkvæmt kjara-
samningum. Hins vegar þarf að skera niður yfirborg-
anirnar, sem víða eru ótrúlega miklar. Undirstöðu-
atvinnuvegirnir standa einfaldlega ekki undir þeim.
Kjaraskerðing er því óumflýjanleg.
Rétt er að undirstrika það að þær aðgerðir, sem
grípa þarf til hjá fiskvinnslu- og útgerðarfyrirtækjum,
eru ekki síður nauðsynlegar í öðrum atvinnurekstri.
Þær eru einungis brýnni hjá útflutningsfyrirtækjum,
þar sem þau hafa ekki getað velt kostnaðinum út í
verðlagið. Sérhvert fyrirtæki í landinu þarf að skera
niður rekstrarkostnaðinn. Sá niðurskurður er víða
hafinn. BB.
i
viðtal dagsins
Sem kunnugt er eignaðist
Ungmennafélagið Tindastóll
lið í úrvalsdeild.körfuboltans
í fyrsta skipti nú í vetur í
sögu félagsins. Árangur liðs-
ins það sem af er, 3 sigrar af
16 leikjum, verður að teljast
ágætur, svo ekki sé minnst á
þá leiki sem tapast hafa
naumlega. Valur Ingimund-
arson, hinn leikreyndi og
þekkti körfuboltamaður úr
Njarðvíkunum, þjálfar
Tindastól og leikur jafnframt
með liðinu. Blaðamaður
Dags fór á stúfana fyrir helgi
og leitaði Val uppi til að fá
hann í smá spjall. Valur
Valur Ingimundarson þjálfari og leikmaður Tindastóls í körfubolta við máln-
ingarvinnu sína.
„Á alveg eins von á því
að vera héma áfram, en..
44
- rætt við málarann, landsliðsmanninn í körfubolta,
þjálfara og leikmann Tindastóls, Val Ingimundarson
fannst, eftir ekki mikla leit,
þar sem hann var við vinnu
sína hjá málarameisturunum
Þórarni Thorlacius og
Alberti Þórðarsyni Sauðár-
króki. Valur var truflaður
við málningarvinnu sína og
fékkst hann til að svara
nokkrum spurningum. Fyrst
var hann spurður um árang-
ur liðsins það sem af er vetri.
»Ég er ekkert óskaplega
svekktur yfir honum, miðað við
hvernig sumir leikir hafa farið.
Við höfum verið mjög nálægt
sigri í sex leikjum, tapað með 3-4
stiga mun. Gæfan hefur ekki ver-
ið okkur hliðholl það sem af er.
Ég er náttúrlega ekkert ánægður
með þetta, heldur ekki óánægð-
ur, svona mitt á milli.“
- Hvað er það sem þér hefur
helst fundist vanta upp á hjá lið-
inu?
„Það sem oft hefur gert útslag-
ið er lokakaflarnir í leikjunum.
Við höfum mikið keyrt leikina
bara á sjö mönnum, þannig að
það hefur verið komin þreyta í
menn undir lokin og við misst
dampinn."
- Hver finnst þér hafa verið
besti leikurinn hjá ykkur?
„Tvímælalaust leikurinn gegn
Keflavík hérna heima, þegar við
unnum þá með níu stigum. Ég
átti ekki von á að við myndum
sigra í þeim leik. Við erum búnir
að eiga mjög góða leiki, þó að við
höfum ekki náð að vinna. Það
sem okkur vantar svo mikið er
meiri hæð í liðið, við erum með
langminnsta liðið í deildinni og
það munar rosalega mikið um
það.“
- Með hvaða leiki hefur þú
orðið fyrir mestum vonbrigðum?
„Allir leikirnir þrír fyrir sunn-
an á Suðurnesjunum hafa verið
mjög lélegir hjá okkur. Við náð-
um okkur aldrei á strik í þeim
leikjum, einnig í leikjunum
hérna heima á móti IR og
Grindavík. Það voru leikir sem
við áttum alveg eins að geta
unnið, en okkur vantaði allan
vilja í bæði skiptin.“
- Þú sagðir að lítil hæð liðsins
væri helsti veikleikinn. Hvað
með styrkleika liðsins?
„Það sem er jákvæðast við lið-
ið er að í því er mjög góður andi,
góður mórall. Það er mjög vel
staðið á bak við liðið, bæði hjá
stjórn deildarinnar og áhorfend-
um. Það er svolítið erfitt að segja
um körfuboltastyrk liðsins, það
er auðvitað mjög mikil barátta í
leikmönnum."
- Nú ert þú búinn að spila
lengi í úrvalsdeild körfuboltans.
Hvernig finnst þér sá körfubolti
sem hefur verið sýndur í deild-
inni í vetur?
„Breiddin í flestum liðum er
orðin mun meiri heldur en var,
einnig eru komnir stærri leik-
menn. Körfuboltinn hefur verið
svipaður og mörg undanfarin ár,
hvorki betri né verri. Tindastóll
er ekkert að koma inn í deildina
þegar hún hefur verið eitthvað
slakari en áður, alls ekki.“
- Hvernig finnst þér dómgæsl-
an hafa verið í vetur?
„Það er ekki annað hægt að
segja en að hún hafi verið
slök. Það eru auðvitað komnir
margir nýir inn í þetta og það er
svo mikið misræmi í dómgæsl-
unni. Það eru hlutir í þessum leik
sem þú mátt gera, en ekki í þeim
næsta. Misræmið er alveg rosa-
legt og það bara bitnar á liðun-
um, þú getur ekkert stílað upp á
gera einhvern hlut því að þú get-
ur fengið dæmt á þig í einum leik
og síðan ekki í þeim næsta. Það
stendur nú til að fá útlending eftir
áramót til að dæma leiki og halda
námskeið og segja mönnum til.
Það verður vonandi til bóta.“
- Nú er það stigalægsta liðið
sem fellur beint í 1. deild og það
næst stigalægsta leikur við næst-
efsta lið 1. deildar um sæti í
úrvalsdeild. Er einhver von á að
Tindastóll verði þarna á meðal?
„Nei, það er engin von á því.
Við vonum að við vinnum fleiri
leiki eftir áramót, upp á síðkastið
hefur verið mikil þreyta í liðinu,
leikjaprógrammið er stíft og það
eru mikið til sömu mennirnir sem
spila. En mér líst mjög vel á það
keppnisfyrirkomulag sem komið
var á í vetur í deildinni."
- Nú hefur þú æft af kappi
með landsliðinu. Hver verða
verkefni þess í þessum mánuði?
„Við förum út núna 9. desem-
ber nk. til London og spilum þar
tvo leiki. Svo förum við til Möltu
og spilum þar á 8 liða móti, frá
12. til 21. desember. Ég hef mætt
á allar æfingar landsliðsins í
vetur, einu sinni í viku, og hef
því oft þurft að fljúga suður.
Þetta hefur verið svolítið þreyt-
andi, æfingarnar hafa verið á
föstudagskvöldum, svo flogið eld-
snemma á laugardagsmorgnum
úr Reykjavík norður á Akureyri,
keyrt síðan hingað á Krókinn og
verið mættur á æfingu með Tinda-
stól kl. 2 um daginn.“
- Nú er Tindastóll með 6 stig í
deildinni. Hvað verður liðið með
mörg stig þegar upp er staðið?
„Alla vega önnur sex stig. Við
stefnum á sigur gegn ÍS og Þór og
síðan er ekkert hægt að segja til
um aðra leiki. Best væri auðvitað
að ná 20 stigum úr þeim 10 leikj-
um sem eftir eru, það þýðir ekk-
ert annað en að stefna á það.“
- Svona að lokum Valur, ertu
ánægður á Króknum?
„Já, já, það er ágætt að vera
hérna, alla vega upp á körfubolta
að gera, enda er ég eingöngu
hérna út af honum. Það er mikill
áhugi hérna fyrir körfunni, búin
að vera mjög góð aðsókn á leiki
en það hefði verið skemmtilegra
að geta unnið fleiri leiki á heima-
vellinum, en það kemur allt. Lið
eins og Tindastóll, þar sem ekki
eru margir leikmenn sem hafa
spilað í úrvalsdeildinni, festir sig
ekki í sessi á einu ári, það þarf að
öðlast meiri reynslu og bara
kynnast deildinni. Ef leikmenn
æfa af krafti, og ekki síður yfir.
sumarið, þá verður gjörbreytt lið
næsta ár. Ég á alveg eins von á
því að vera hérna áfram, en ekki
sem þjálfari.“ -bjb