Dagur - 23.01.1990, Blaðsíða 5

Þriðjudagur 23. janúar 1990 - DAGUR - 5
kvikmyndorýni
T Umsjón: Jón Hjaltason
Indiana Joncs og pabbi ganili í kröggum, Harrison Ford og Sean Connery.
Indiana Jones og
síðasta krossferðin
Á sunnudaginn byrjaði Borgarbíó að
sýna: Indiana Joncs og síðasta krossferð-
in (Indiana Jones And Thc Last Crus-
ade.)
Leikstjóri: Steven Spielberg.
Ilclstu leikendur: Harrison Ford og Sean
Connery.
1989.
Það er ekki einleikið hvað ævin-
týrið er hugstætt Hollywood-
stjórunum um þessar mundir,
einmitt þegar ég hélt að kynlífið
væri að taka völdin. Fram á svið-
ið geisast Munchausen barónn og
Leðurblökumaðurinn, sem báðir
eiga sér nokkuð langa sögu að
baki. Indiana-Jones er yngri en
þessir báðir en ekki minna
þekktur.
Hönd í hönd við fyrrverandi
James Bond, Sean Connery, er
Indi, Harrison Ford, kominn á
kreik í þriðja sinnið á æviferli
sínum. Draugar fortíðar elta
hann uppi og æðisgengið kapp-
hlaup hefst við nasista Hitlers.
Fyrstu verðlaun eru eilíft líf.
Með ódauðleikann á leiðar-
enda flýgur Indi heimshorna á
milli, bjargar föður sínum í leið-
inni, ersvikinn í tryggðum, kem-
ur þó aftur niður á báða fætur -
og allir vita hvernig ævintýri
enda. Að vísu verður Indi að
sætta sig við að fá enga drauma-
dís í lokin.
Ég man svo langt að myndir
eins og Indiana-Jones voru kall-
aðar barnamyndir og sýndar
klukkan þrjú á sunnudögum.
Ævintýrið er stórkostlegt og Indi
ntikil hetja. Engir örðugleikar
eru svo stórir að hann fái ekki
yfirstigið þá. Hvorki bálandi haf
né brennandi eldur. svo ég minn-
ist nú ekki á lítilræði eins og byssu-
kúlur, fá bugað karlmennið.
Hann kann ráð við öllu, veit allt
og getur allt. Indi er hin sanna
barnahetja sem gefur svarið,
jafnvel áður en spurt er.
Á sunnudaginn hóf Borgarbíó sýningar
á: Úlkaslaranum (Roadhouse).
Aðalhlutvcrk: Palrick Swayze.
Enn einu sinni gerir Hollywood
gælur við þann besta. Að þessu
sinni er það útkastarinn Dalton
sem Patrick Swayze leikur, hinn
þekkti hjartaknúsari úr Dirty
Dnnzing.
f upphafi myndar er Dalton við
starfa sinn á sæntilega útlítandi
skemmtistað þegar til hans kem-
ur miðaldra maður og býður hon-
um vinnu. Unt er að ræða útkast-
arastarf á sorastað sem sá mið-
aldra á. Dalton þekkist boðið,
mest vegna þess að í því felst ögr-
un og þó nokkur hætta. Síðan er
ekki að sökum að spyrja, Dalton
kemur eins og kúrekahetjan
forðum í smástaðinn þar sem
einn vondur maður ræður öllu.
Hann lætur hendur standa fram
úr ermum og það sverfur til stáls
með honum og vonda mannin-
um. Jafnframt kynnist hinn harð-
svíraði Dalton ástinni.
Það er ekki ofsögum sagt að
Útkastarinn er heldur þunnur
þrettándi. Swayze er jafn sann-
færandi í elskhugahlutverkinu og
hann er lítið sannfærandi sem
bardagamaðurinn. í og með er
þetta vegna kunnáttuleysis í bar-
'dagalistum og réttum líkams-
burði en einnig vegna persónu-
sköpunarinnar sjálfrar sent hand-
ritshöfundur og leikstjóri bera
ekki síður ábyrgð á en leikarinn.
Sú karlmennskuímynd, sem þess-
ir þrír freista að draga upp í
j Útkastaranum er jafn forvitnileg
1 og hún er erfið fyrir okkur karla.
Dalton leitar þangað sem vand-
ræðin er að finna. Hann yfirgefur
nokkuð svo þægilegt starf fyrir
annað sem er greinilega lífs-
hættulegt. Hann kippir sér ekki
upp við sár sem þarf þó að saurna
átta spor í. Og eins og það sé
ekki nóg að bíta á jaxlinn á leið-
inni til læknis þá neitar hinn hug-
prúði Dalton allri dcyfingu á
meðan á saumaskapnum stendur.
Dalton er maður fáorður en að
sama skapi girnilegur í augum
kvenna. Hann á þunga hugat-
raun að bera, enda margt á dag-
ana drifið í starfinu. Enginn
skyldi þó halda útkastarann
venjulegan slagsmálahund, ónei
hann er háskólagenginn og gott
ef ekki með gráðu í heimspeki.
Og svo segið þið kvenntenn að
ykkar staða sé erfið, hvað má þá
segja um þessa karlmennsku-
íntynd sem við karlarnir berum á
bakinu og þurfum sífellt að
rembast við að falla inn í?
Bílaklúbbur
Akureyrar
Fundur í Dynheimum þriðjud. 23. jan. kl. 20.00.
Fundarefni:
ískross, árshátíö og video.
Stjórnin.
Fombílaahugamenn
Fundur í Dynheimum miðvikudaginn 24. jan. kl.
20.00.
Allir velkomnir.
Fornbíladeild Bílaklúbbs Akureyrar.

AKUREYRARBÆR
Auglýsing um lausar
íbúðarhúsalóðir í
Síðuhverfi
Lausar eru til umsóknar lóðir í Síðuhverfi.
Um er að ræða lóðir fyrir einbýlishús á einni hæð,
einni hæð með risi og tvær hæðir. Einnig tvær
raðhúsalóðir, fyrir raðhús á einni hæð með risi og
tveggja hæða raðhús.
Nánari upplýsingar um lóðirnar og umsóknar-
eyðublöð er hægt að fá hjá embætti byggingar-
fulltrúa Geislagötu 9, Akureyri.
Byggingarfulltrúi Akureyrar.
vsk.'f£>
Kynning
á virðisaukaskatti
Kynningin um virðisaukaskatt sem fresta varð
síðastliðinn laugardag verður haldin
miðvikudaginn 24. janúar 1990
að Hótel KEA og hefst kl. 16.00.
DAGSKRÁ:
Kl. 16.00 Almennt um virðisaukaskatt:
Ólafur Nilsson, löggiltur endurskoöandi.
Kl. 16.45 Umræðuhópar:
Verslun og þjónusta:
Arnar Árnason, löggiltur endurskoðandi,
Valtýr Hreiðarsson, viðskiptafræöingur.
Útgerð og fiskvinnsla:
Björgólfur Jóhannsson, löggiltur endurskoöandi,
Ingólfur Hauksson, löggiltur endurskoöandi.
Iðnaður:
Þorsteinn Kjartansson, löggiltur endurskoöandi,
Baldur Guövinsson, viöskiptafræöingur.
Kl. 18.00 Kaffihlé.
Kl. 18.30 Fyrirspurnir.
Kl. 19.00 Áætluð dagskrárlok.
Endurskoðun Akureyri hf.
Glerárgötu 24, Akureyri.
Sími 96-26600 • Símfax 96-26601.
Gleymið ekki
að gefa smáfuglunum.