Dagur - 08.09.1990, Blaðsíða 20

Háskólinn á Akureyri:
Sjávarlífifræðin felld
út á þessari önn
- vegna aðgerða náttúrufræðinga
Aðgerðir Félags íslenskra nátt-
úrufræðinga vegna bráða-
birgðalaga ríkisstjórnarinnar
hafa umtalsverð áhrif á starf-
semi sjávarútvegsdeildar
Háskólans á Akureyri. Vegna
þeirra fást ekki stundakennar-
ar til að kenna sjávarlíffræði,
sem er stærsti kúrsinn á annarri
önn námsins.
Jón Þórðarson, brautarstjóri
sjávarútvegsdeildar, segir að
þetta sé mjög bagalegt og ljóst sé
að sjávarlíffræðin, sem óneitan-
lega er ein af mikilvægari grein-
um í náminu, verður ekki kennd
á þessari önn. „Þetta kemur mjög
illa við okkur, því sjávarlíffræðin
átti að vera stærsta fagið,“ segir
Jón.
Jón segir að ætlunin hafi verið
að starfsmenn Hafrannsókna-
stofnunar í Reykjavík skiptu
með sér kennslu í sjávarlíffræði á
þessari önn og m.a. hafi verið
búið að ganga frá því að nokkrar
kennslustundir yrðu um borð í
rannsóknaskipi stofnunarinnar,
Árna Friðrikssyni, í nóvember.
óþh
Hólar í Hjaltadal:
Bændaskólimi
hefst á mánudaginn
Bændaskólinn á Hólum í
Hjaltadal hefst nk. mánudag,
þegar nemendur í efri deild
koma til náms. Neðri deilin
byrjar aftur á móti ekki fyrr en
8. október og þá verður skól-
inn settur.
Góð aðsókn er að Bændaskól-
anum eins og vanalega að sögn
Valgeirs Bjarnasonar, yfir-
kennara. í efri deildina eru
skráðir 24 nemendur og rúmlega
20 í þá neðri. Eitthvað var um
það að vísa þyrfti fólki frá og
sagði Valgeir að nú væri farið aö
gera meiri kröfur til þess að
nemendur væru búnir með eitt ár
í framhaldsskóla áður en þeir
kæmu þarna inn, en hingað til
hefur grunnskólaprófið verið lát-
ið nægja.
Engar nýjungar eru fyrirhug-
aðar í skólastarfinu nema aukin
áhersla verður lögð á hrossarækt
og fiskeldi og þá sérstaklega
hrossaræktina. SBG
Helgarveðrið:
Stormur og rigning!
Helgarspá Veðurstofu Islands
er ekki mjög uppörvandi,
hvorki fyrir Norðurland né
önnur spásvæði. Mjög djúp
lægð nálgast nú landið og hún
fer væntanlega yfir það með
roki og rigningu.
í dag er gert ráð fyrir þurru
veðri fyrri hluta dags á Norður-
landi en síðan fer að rigna undir
kvöldið með suðvestan átt.
„Spáin á sunnudag er hörmu-
leg og má lýsa henni með örfáum
orðum: Sunnan stormur og rign-
ing um allt land,“ sagði veður-
fræðingur hjá Veðurstofunni.
Á mánudag og þriðjudag er
gert ráð fyrir suðvestan átt með
skúraveðri. SS
Á leið í skólann.
Mynd: Golli
Hraðfrystihús
Ólafsijarðar:
Mikill skortur
á starfsfólki
- vantar 15-20 manns
I næstu viku má gera ráð fyrir
að vanti um fimmtán til tut-
tugu manns til starfa í frystingu
og rækjuvinnslu Hraðfrysti-
húss Ólafsfjarðar hf.
Jóhann Guðmundsson, fram-
kvæmdastjóri HÓ hf., segir að
fjöldi skólakrakka hafi starfað
hjá fyrirtækinu í sumar, einkum í
rækjuvinnslunni, en þeir séu
flestir þessa dagana að setjast á
skólabekki. Jóhann segir að til
þessa hafi verið auglýst eftir fólki
heima í Ólafsfirði, en enn án
sýnilegs árangurs. Ef ekki rætist
úr allra næstu daga segir hann
hugsanlegt að auglýsa eftir fólki
syðra, eða jafnvel að leita út fyrir
landsteinana.
Nóg hefur verið að gera í sum-
ar í Hraðfrystihúsi Ólafsfjarðar,
bæði í frystingu og rækjuvinnslu,
og ekki er annað sjáanlegt en að
nóg hráefni verði til áramóta.
Samkvæmt upplýsingum Dags
mun hluthafafundur í HÓ taka
afstöðu til tilboðs Gunnars Þór
Magnússonar, sem hann gerði í
frystihúsið á dögunum, þann 19.
september nk. óþh
Mjög gott verð fæst fyrir sjófrystar sjávarafurðir um þessar mundir:
Miklar verðhækkanir á stuttum
tíma geta stórskaðað markaði
- segir Þorsteinn Már Baldvinsson, framkvæmdastjóri Samherja hf.
„Verð á sjófrystum afurðum er
mjög gott í dag og það má
segja að það sé verið að borga
gott verð fyrir góða vöru,“
sagði Þorsteinn Már Baldvins-
son framkvæmdastjóri Sam-
herja í samtali við blaðið.
„Það hefur verið skortur á fiski
í Englandi og víðast hvar í heim-
inum er umframeftirspurn eftir
fiski. Þess vegna er hættan alltaf
sú að við hreinlega sprengjum
markaði. Við höfum ákveðna
ábyrgð gagnvart okkar viðskipta-
vinum en miklar verðhækkanir á
stuttum tíma, geta að sjálfsögðu
stórskaðað okkar markaði."
Þorsteinn Már sagði ennfrem-
ur að fiskverðið hafi verið of lágt
en bæði og hann og fleiri væru
hræddir við mjög örar hækkanir á
stuttum tíma.
„Það er eins og það tilheyri í
sjávarútvegi ýmsar sveiflur og
kannski er ein ástæðan fyrir því
sú, að markaðsstarfið hefur ekki
verið sterka hlið okkar íslend-
inga. — Og það má jafnframt
spyrja sig þeirrar spurningar
varðandi þessar miklu hækkanir,
hvort skammtímasjónarmið hafi
um leið skaðað langtímahags-
muni,“ sagði Þorsteinn Már
Baldvinsson. -KK
Landssamband hestamannafélaga:
Ársþing á Húsavík í haust
- spenna í lofti en vona að menn komi sér saman,
segir Stefán Haraldsson
Arsþing Landssambands hesta-
mannafélaga verður haldið að
Hótel Húsavík 26.-27. okt. nk.
Búist er við 128 fulltrúum til
setu á þinginu og alls um 200
gestum í sambandi við þing-
haldið. Fundað verður á föstu-
dag og laugardag en síðan lýk-
ur þinginu með árshátíð á Iaug-
ardagskvöld. Formaður lands-
sambandsins er fæddur og
uppalinn Húsvíkingur, Kári
Arnórsson. Þetta er í annað
skipti sem þingið er haldið á
Húsavík en þar var haldið slíkt
þing hestamannafélaga fyrir 10
árum.
,Það er líklegt að þetta verði
dálítið fjörugt þing. Það er
ágreiningur meðal hestamanna
og spenna í loftinu. Ég vona þó
að menn komist að samkomulagi
og verði málefnalegir," sagði
Stefán Haraldsson, forsvarsmað-
ur hestamannafélagsins Grana á
Húsavík er Dagur spurði hann
hvort hasar yrði á þinginu.
„Að mínu áliti munu tveir
málaflokkar verða mest ræddir á
þinginu. Annars vegar óánægja
manna eftir landsmótið í sumar
með kynbótadóma á hrossum
sínum og ágreiningur um dóma,
og hins vegar sú óeining sem ver-
ið hefur meðal hestamanna og
varð til þess að Eyfirðingar gengu
úr sambandinu á sínum tíma.
Tvær nefndir hafa verið að störf-
um og tillögur þeirra verða lagð-
ar fyrir þetta þing. Önnur hefur
fjallað um framtíðarskipulag
stórmótahalds á vegum hesta-
manna en hin hefur fjallað um
innra skipulag á vegum lands-
sambandsins. Ég hef trú á því að
þessi mál verði mjög mikið í
umræðu og að Eyfirðingar geri
sér vonir um að hlutum verði
þannig fyrir komið að þeir geti
sætt sig við þá.
Það verður líklega hart deilt en
ég vona að menn komi sér saman
um málin,“ sagði Stefán. IM
Verðkönnun á skólavörum á Akureyri:

sem NAN tók ekki með
Neytendafélag Akureyrar og
nágrennis kannaöi nýverið
verö á algengum skólavörum
« verslunum á Akureyri.
Niðurstöðurnar birtust í Degi
sl. þriðjudag og hafa margir
haft þær til hliðsjónar við
kaup á þessum vörum, en það
vekur athygli að verslanir
sem selja skólavörur virðast
ekki allar hafa setið við sama
borð í verðkönnuninni.
Kannað var verð á ritföngum,
stílabókum, blöðum og almenn-
urn skólavörum í Bókabúð Jón-
asar, Bókabúðinni Eddu, Bók-
vali, Möppudýrinu svo og í
Hagkaupum. Hins vegar var
verð á þessum vörum hvorki
kannað í AB-búðinni í Kaup-
angi né KEA.
Samkvæmt þeim upplýsing-
um sem Dagur liefur fengið eru
þær vörur sem könnunin náði til
seldar í kjallara Kjörmarkaðar
KEA í Hrísalundi, bæði eldri
vörur úr Vöruhúsinu og nýjar.
Þá selur AB-búðin einnig
ritföng, pappír og alntennar
skólavörur.
Kári Guðmann í AB-búðinni
sagðist í samtali við Dag telja
að þessi mistök hefðu haft veru-
leg áhrif á sölu á skólavörum í
versluninni, enda vissi hann
dæmi þess að kennarar hefðu
Ijósritað verðkönnunina og
drcift henni til nemenda. Þar
var AB-búðina hvergi að finna
og straumurinn lá því til þeirra
verslana sem komu vel út í
könnuninni.
Ekki náðist í talsmann Neyt-
endafélagsins í gær en Kári
sagðist hafa íengið þær skýring-
ar að AB-búðin hefði einfald-
lega gleymst. SS