Dagur - 27.09.1990, Qupperneq 7

- DAGUR - 7

á góðu verði.
Akureyri
og 24830
Hugleiðingar um
hestamennsku
íslenski hesturinn, sem á árum
áður var kallaður þarfasti
þjónninn, hefur fengið nýtt hlut-
verk í nútíma þjóðfélagi sem og
allir vita. Hesturinn okkar smái
kallar stöðugt á fleiri og fleiri og
nú má segja að ótrúlegur fjöldi
manna eyði stórum hluta tóm-
stunda sinna við að hirða hesta,
þjálfa hesta og njóta samvista við
hestinn á sem víðtækastan hátt.
Um land allt rísa upp hesthúsa-
hverfi á þéttbýlisstöðum, en hægt
er þó að fullyrða að þessi stóri
hópur hestamanna og -kvenna
nýtur ekki þess skilnings bæjar-
yfirvalda sem skyldi, nema í
Reykjavík þar sem yfirvöld borg-
arinnar hafa kappkostað að veita
þessu hestaáhugafólki alla þá
aðstoð og aðstöðu sem framast er
unnt.
Nú er svo komið til dæmis að
landsbyggðarfólkið, sem stundar
hestamennskuna, getur vart veitt
félögum sínum af Reykjavíkur-
svæðinu keppni í hestaíþróttum,
því aðstöðumunurinn er svo
mikill. f Reykjavík er reiðhöll og
hringvellir, sem eru nauðsyn þeg-
ar komið er út í harða keppni.
Vissulega er ekki allt hestaáhuga-
fólk innstillt á keppni og sýning-
ar, heldur njóta hesta sinna
árlangt, sumar sem vetur, til
útreiða. Petta fólk er víða í stór-
vandræðum. Tökum sem dæmi
Akureyri. Ofan Akureyrar eru
tvö hesthúsahverfi, þar sem
hundruð hesta eru fóðruð vetur-
langt. Frá þessum hverfum eru
fáar reiðgötur og svo fer vetur
eftir vetur að straumur hesta-
manna í reiðtúrum leggur leið
sína inn í bæinninn á göturnar í
úthverfunum þar sem snjónum er
ýtt af götum reglulega. Bæjaryfir-
völd á Akureyri sinna illa snjó-
mokstri á reiðleiðum hesta-
manna, og nú á haustdögum þeg-
ar fyrsti snjórinn er fallinn ættu
þau að setjast niður og huga að,
hvort hestamaðurinn á Akureyri
ætti ekki að sitja við sama borð
og skíðamaðurinn sein þarf að
komast til fjalla eða golfleikarinn
sem leggur leið sína á golfvöllinn,
hvað sem hann er nú að gera um
hávetur þegar allt er hulið snjó.
Síðastliðinn vetur urðu fimm slys
á hestafólki í umferðinni á Akur-
eyri, sem flest má rekja til að
hestafólk leitaði inn á snjóruddar
götur, hvar hægt var að hreyfa
hestana, þegar allar hefðbundnar
reiðleiðir voru lokaðar vegna
snjóa.
Alltaf minnkar það land sem
hestafólk hefur til ráðstöfunar.
Akureyrarbær þenst út og
spildur, sem hestafólkið hefur
not af, eru settar undir bygginga-
lóðir. Við þessu er ekkert að
segja, þetta er eðlilegur gangur
mála. A hinn bóginn vil ég nefna
að á tímum útivistar og ört vax-
andi líkamsræktar þar sem unnið
er að gerð útivistarsvæða þá
finnst mér rétt að gert sé ráð fyrir
hestamanninum og hestinum
hans.
Við hér á Akureyri eigum úti-
vistarparadís þar sem Kjarna-
skógur er. Á þessu svæði njóta
útivistarmenn staðarins í göngu-
ferðum og skokki. Því skyldi
hestamaðurinn ekki eiga rétt til
staðarins? Kjarnaskógur er sælu-
reitur, um það erum við sam-
mála. Gönguleiðir liggja um
skóginn, sem eru notaðar nokk-
uð mikið er mér sagt. Svo vill til
að ég hef gert mér nokkuð marg-
ar ferðir inn í Kjarnaskóg á síð-
astliðnu sumri til að byggja upp
sál og líkarna, þ.e. baráttan við
aukakílóin. Ég verð að segja sem
er að afar sjaldan hef ég hitt á
fólk sem er þar á göngu. Þetta
undrar mig á sama tíma sem
bæjaryfirvöld cru að leggja undir
sig ný svæði til norðurs og eyði-
leggja bújarðir þar scm hestafólk
hefur aðstöðu og lifibrauð sitt af
tamningu og umhirðu hrossa.
Væri ekki rétt að sinna því svæði
betur sem fyrir er heldur en vera
stöðugt í landvinningum?
Síðla sumars höfðum við
hestamenn spurnir af að nú ætti
að leggja Krossanesborgirnar
undir útivistarsvæði og öllu hag-
lendi yrði sagt upp. Þessar
aðgerðir miða uð sem og svo
margt að flæma hestamanninn úr
bæjarlandinu. Vissulega er
sjálfsagt, þegar grannt er skoðað,
að skipuleggja þetta svæði. Svæð-
ið býður upp á svo margt og gæti
orðið hrein perla sé rétt að mál-
um staðið. Ég vil beina því til
réttra yfirvalda, að þá þegar
svæðið í Krossanesborgum verð-
ur skipulagt, sé gert ráð fyrir
reiðleiðum hestamanna og jafn-
vel sé byggð upp mun umfangs-
meiri aðstaða á svæðinu, svo sem
Reiðskóli Akureyrar, þar sem
fólk getur fengið undirstöðu-
þekkingu í hestamennsku og
umhirðu hesta.
Víða úti í hinum stóra heimi,
þar sem hestamennska hefur
hlotið sess og virðingu, er gert
ráð fyrir reiðleiðum eftir stígum
hvar hestamaðurinn á griðastað.
Með réttu ættu slíkir stígar að
vera í Kjarnaskógi og Krossanes-
borgum, ef af því gæti orðið yrði
það Akureyrarbæ til stórsóma.
Óli G. Jóhannsson.
Á AKUREYRI
Almenn námskeið
Myndlistaskólans á Akureyri
3. oktober til 21. janúar.
Barna- og unglinganámskeið
Teiknun og málun.
1. fl. 5-6 ára. Einu sinni í viku.
2. fl. 6-7 ára. Einu sinni í viku.
3. fl. 6-8 ára. Tvisvar í viku.
4. fl. 8-9 ára. Einu sinni í viku.
5. fl. 9-10 ára. Einu sinni í viku.
6. fl. 11-12 ára: Einu sinni í viku.
Málun og litameöferö fyrir unglinga.
Byrjendanámskeið. Einu sinni í viku.
Framhaldsnámskeiö. Einu sinni í viku.
Kvöldnámskeið fyrir fullorðna
Teiknun.
Byrjendanámskeið. Tvisvar í viku.
Módelteiknun.
Byrjendanámskeið. Tvisvar í viku.
Framhaldsnámskeið. Tvisvar í viku.
Málun og litameðferð.
Byrjendanámskeið. Tvisvar í viku.
Framhaldsnámskeið. Tvisvar í viku.
Auglýsingagerð.
Byrjendanámskeið. Tvisvar í viku.
Skrift og leturgerð.
Byrjendanámskeið. Tvisvar í viku.
Allar nánari upplysingar og innritun
í síma 24958.
Skrifstofa skólans er opin kl. 13.00-18.00
virka daga.
Skólastjóri.