Dagur - 17.10.1990, Blaðsíða 2

2 - DAGUR - Miðvikudagur 17. október 1990
Akureyri:
fréftir
p-
Niðurskurður ríkisins tB hafiiarframkvæmda verður mikill
- segir Guðmundur Sigurbjörnsson, hafnarstjóri
Á fundi hafnarstjórnar Akur-
eyrar, sem haldinn var í byrjun
októbers, var samþykkt fjög-
urra ára framkvæmdaáætlun
fyrir 1991-1994. Inni í áætlun-
inni er 70 metra stálþilsbakki í
vöruhöfninni og dýpkun físki-
hafnarinnar svo og fyrirstöðu-
garður og 60 metra stálþils-
bakki í Krossanesi. Áætlaður
kostnaður framkvæmda er
131,5 milljónir króna, sem
skiptast misjafnt milli ára.
f samræmi við áætlunina og
áætlaða skuld ríkissjóðs um
næstu áramót, samþykkti hafnar-
stjórn að sækja um ríkisframlag
1991 að upphæð kr. 67.800.000
sem sundurliðast þannig:
a) Vegna framkvæmda 1991
55% af 46 m.kr. kr. 25.300.000
b) Áætlað vanveitt ríkisfram-
lag pr. 31.12. 1990 kr. 42.500.000
Samtals kr. 67.800.000
„Okkur ber að gera áætlun
sem þessa. Pað sem gerir okkur
erfitt fyrir er að við vitum aldrei
hvað kemur frá ríkinu fyrr en í
árslok og þá aðeins fyrir næsta
ár,“ sagði Guðmundur Sigur-
björnsson, hafnarstjóri á Akur-
eyri.
Að sögn Guðmundar á Akur-
eyrarbær í dag inni hjá ríkinu frá
síðustu áramótum 48,3 miljónir.
„Við framkvæmdum heldur minna
í ár en ráðgert var, af fram-
kvæmdum styrktum af ríkinu,
þannig að upphæðin lækkar niður
í 42.500.000 kr., áætlað. Reglan
hjá okkur hefur alltaf verið sú, að
fá skuldina greidda og ríkishlut-
ann í framkvæmdum næsta árs,
sem er fyrir 1991 kr. 25.300.000.
Síðan veit maður ekkert fyrr
en milli jóla og nýárs hver niður-
staðan er. Hvort við fáum 5, 10
eða 25 miljónir.
Niðurskurður ríkisins í ár til
hafnarframkvæmda verður mikill.
Vonbrigðin verða mikil, það er
mín vissa,“ sagði Guðmundur
Sigurbjörnsson, hafnarstjóri, að
lokum. ój
Dr. Ingjaldur Hannibalsson, framkvæmdastjóri Útflutningsráðs:
Óhjákvæmilegt að uppbygging atvinnu-
lífs byggist á frumkvæði heimamanna
í BÆNDATRYGGINGU
SJÓVÁ-ALMENNRA
SAMEINAST
EINKATRYGGINGAR
FJÖLSKYLDUNNAR OG
VÁTRYGGINGAR
SNIÐNAR AÐ ÞÖRFUM
LANDBÚNAÐARINS
SJÓVÁtiCTVLMENNAR
Aðalbyggðavandamál íslend-
inga er ekki tengt misvægi milli
höfuðborgarsvæðis og lands-
byggðar, heldur misvægi milli
Islands og umheimsins, sagði
dr. Ingjaldur Hannibalsson,
framkvæmdastjóri Útflutn-
ingsráðs Islands, á fundi
byggðanefndar forsætisráð-
herra í Borgarnesi á dögunum.
Dr. Ingjaldur benti á að rekstr-
arskilyrði útflutnings- og sam-
keppnisgreina hefðu verið ófull-
nægjandi á undanförnum árum
og vanda landsbyggðarinnar
mætti að nokkru rekja til þess því
að afkoma fyrirtækja í sjávarút-
vegi hefði verið óviðunandi.
Auka verði gjaldeyristekjur ís-
lendinga því takist það ekki megi
búast við umtalsverður flótti
fólks eigi sér stað frá landinu á
komandi árum.
Dr. Ingjaldur benti á að gjald-
eyristekjur íslendinga hafi aukist
að raunvirði um 28% á tímabil-
inu frá 1981 til 1989 á meðan
útflutningstekjur OECD ríkja
hafi að meðaltali aukist um
59,4% á sama tímabili. Hann
sagði að eitt af mikilvægustu
verkefnum á komandi árum sé að
auka gjaldeyristekjur því að öðr-
um kosti megi búast við umtals-
verðum fólksflótta frá landinu.
Hann benti einnig á að atvinnu-
starfsemi myndi fara fram þar
sem frumkvæði væri til staðar.
Óhjákvæmilegt væri að uppbygg-
ing atvinnulífs á landsbyggðinni
byggðist á frumkvæði heima-
manna. Hann sagði nauðsynlegt
að atvinnustarfsemin byggðist á
grundvelli landkosta, þekkingar,
mannafla og aðstæðna og taldi að
landsbyggðin ætti mikla mögu-
leika í því sambandi, hvort sem
um væri að ræða starfsemi í sjáv-
arútvegi, iðnaði eða ferðaþjón-
ustu.
Dr. Ingjaldur sagði að með
auknu samstarfi íslands við Evr-
ópulönd, með auknu frelsi á
flutningi vara, þjónustu og fjár-
magns verði enn mikilvægara en
áður að ákvarðanir byggist á hag-
kvæmni. Hann ræddi nokkuð um
framtíð okkar í væntanlegum
samskiptum við Evrópubanda-
lagið og sagði síðan að ekki væri
rétt að leggja sérstaka áherslu á
uppbyggingu gjaldeyrisskapandi
fyrirtækja á völdum landsvæðum,
heldur yrði einfaldlega að byggja
þau upp þar sem þekking, land-
kostir og mannafli væru til
staðar. ÞI
Húsavík:
Tuttugu sláturtíöum
lokíö í nýja húsinu
Slátrun lauk í sláturhúsi Kaup-
félags Þingeyinga á Húsavík
11. okt og hafði þá verið slátr-
að rúmlega 41 þúsund fjár í
haust, en sláturtíðin hófst 11.
sept. Vænleiki fjárins var með
því besta sem verið hefur síðan
sláturhúsið tók til starfa, og
var meðalvigt dilka rúmlega 15
kg-
Það tíðkast að starfsfólkinu sé
gerður dagamunur síðasta daginn
í sláturhúsinu; að það sé kvatt
með smáveislu. Þetta var tuttug-
asta sláturtíðin síðan húsið var
tekið í notkun 16. sept. 1971. Var
þessa minnst með því að fyrrver-
andi sláturhússtjórum og fyrrver-
andi og núverandi kaupfélags-
stjóra var boðið í kveðjuveisl-
una.
Þorgeir Hlöðversson, slátur-
hússtjóri, ávarpaði gesti og sagði
fréttir frá sláturtíðinni. Hafði hann
orð á því að mikill vænleiki fjár-
ins væri ekki það æskilegasta fyrir
markaðinn í dag. Þakkaði hann
starfsfólki vel unnin störf og þá
sérstaklega elskunum sínum í
eldhúsinu.
Finnur Kristjánsson, fyrrver-
andi kaupfélagsstjóri, rakti í
fáum orðum byggingarsögu slát-
urhússins og undirbúning
hennar. En á sínum tíma var ráð-
ist í ferðalög til Nýja-Sjálands,
Ástralíu og Noregs til að skoða
ný og fullkomin sláturhús og fá
fyrirmyndir að búnaði hússins.
Árkitekt var Sigurður Einarsson.
Finnur sagði að Gunnar Maríus-
son á Húsavík hefði átt fyrstu
lömbin sem slátrað var í nýja
húsinu.
Hreiðar Karlsson, kaupfélags-
stjóri, sagði að starfsemi í húsinu
hefði gengið vel og það hefði ver-
ið ánægjulegt að taka á móti hópi
skandinavískra dýralækna í
haust, sem talið hefðu að húsið
stæði í fremstu röð hvað tækni og
búnað varðaði. Hreiðar þakkaði
starfsfólki og sagði verkunina og
vinnubrögðin í haust með mikl-
um ágætum.
Þorgeir er fjórði sláturhús-
stjórinn sem starfar í þessu slát-
urhúsi. Benóný Arnórsson og
Baldvin Baldursson mættu í slát-
urtíðaafmælið en Jóhannes Þór-
arinsson var staddur í Reykjavík
þennan dag. IM
verandi sláturhússtjóri, Þorgeir Hlöðversson sláturhússtjóri, Benóný
Arnórsson fyrrverandi sláturhússtjóri og Hreiðar Karlsson kaupfélagsstjóri.
Á myndina vantar einn sláturhússtjóranna fyrrverandi Jóhannes Þórarins-
son.
Sláturhússtjóri með elskunum sínum í eldhúsinu.