Dagur - 06.11.1990, Blaðsíða 6

6 - DAGUR - Þriðjudagur 6. nóvember 1990
Nordlensku ostanieistararnir. Frá vinstri: Oddgeir Sigurjónsson frá KEA, Hclgi Ragnarsson, fulltrúi Hauks Páls-
sonar hjá KS, og Hermann Jóhannsson frá KÞ. Mynd: -bjb
íslenskir ostar gerðu það gott í Danmörku:
Skólaostur frá KEA
með fyrstu einkium
- alls sjö verðlaun til mjólkursamlaga á Norðurlandi
Sýningargestir skoða íslenska borðið í Herning og gæða sér á ostunum.
Hermann Jóhannsson, ostameistari hjá Mjólkursamlagi KÞ á Húsavík, tek-
ur hér við viðurkenningu.
Á blaðamannafundi í Osta- og
smjörsölunni síðastliðinn
fímmtudag voru kynntir ís-
lenskir verðlaunaostar af osta-
sýningu sem haldin var nýlega í
Danmörku. Islenskir ostagerð-
armenn hlutu 23 verðlaun, 12
gull og 11 silfur. Þar af komu 7
verðlaun í hlut norðlenskra
ostameistara, frá Húsavík,
Akureyri og Sauðárkróki.
Á ostasýningunni í Herning í
Danmörku vorú 900 ostasýni
lögð fyrir 40 dómara, þar af 64
sýni frá íslandi. Um þriðjungur
þeirra fór á verðlaunapall, sem
telst óvenju gott hlutfall.
íslensku ostarnir náðu enn-
freniur þeim glæsilega árangri að
hljóta fjórðu hæstu einkunn á
sýningunni. Sex íslensk ostasýni
fengu einkunnina 12,3 og var
skólaostur frá Mjólkursanilagi
KEA meðal þeirra. Hæstu eink-
unn á sýningunni hlaut danski
rjómaosturinn „anansring" með
13,3. Aðeins 10 ostasýni af 900
hlutu hærri einkunn en þeir ís-
lensku ostar sem komust lengst.
Þá hlutu allir íslensku silfur-
hafarnir einkunnina 11,8 og voru
aðeins hársbreidd frá gullinu, en
fyrstu verðlaun eru veitt fyrir
einkunnina 12 og þar yfir.
Verðlaunakeppnin fór þannig
fram að ostasýnin voru flokkuð
eftir tegundum. Gráðaostar voru
dæmdir saman, rjómaostar,
skorpuostar o.s.frv. Gefin var
einkunn fyrir útlit, lit, byggingu,
þéttleika, lykt og bragð og að
lokum gefin sjálfstæð einkunn
sem rcði úrslitum um verðlaun.
Auk mjólkursamlaganna á
Húsavík, Akureyri og Sauðár-
króki hlutu verðlaun smurosta-
gerð Osta- og smjörsölunnar sf.,
Mjólkurbú Flóamanna og Mjólk-
ursamlagið í Búðardal.
Vinningstölur laugardaginn
3. nóv. ’90
VINNINGAR FJÖLDI VINNINGSHAFA UPPHÆÐ Á HVERN VINNINGSHAFA
1. 5af 5 1 13.689.011
2. 9 151.668
3. 4af 5 414 5.687
4. 3af5 13.756 399
Heildarvinningsupphæð þessa viku:
22.897.085.-
UPPLÝSINGAR: SÍMSVARI 681511 - LUKKULÍNA 991002
„Verðum áfram
á framabraut“
Mjólkursamlag KEA á Akureyri
hlaut tvenn gullverðlaun og
tvenn silfurverðlaun. Gullverð-
laun lilaut KEA fyrir skólaostinn
og rjómamysuost og silfur fyrir
30% gráðaost og 45% gráðaost.
Oddgeir Sigurjónsson er osta-
meistari hjá KEA og var hann
viðstaddur á blaðamannafundin-
um. í samtali við Dag sagðist
hann vera ánægður með þann
árangur sem ostar frá KEA fengu
í Danmörku.
„Okkur hefur gengið vel á osta-
sýningum undanfarin ár og ætlum
að vera áfram á framabraut.
Hlutfallslega komum við jafnar
út á þessari dönsku sýningu en
áður, þeir ostar frá okkur sem
komust ekki á verðlaunapall voru
vel yfir ineðallagi þannig að gæð-
in voru jöfn og góð,“ sagði
Oddgeir.
Aðspurður um hvort árangur
sem þessi hefði einhver áhrif á
sölu ostanna sagði Oddgeir að
hann skilaði sér verulega inn í
sölumálin.
„Það hefur sýnt sig í gegnum
árin að ostaneysla er alltaf á upp-
leið. Ég tel að gæðin séu stór
þáttur í því. Islenskir fram-
leiðendur hafa verið að auka
gæði ostanna síðustu ár og meiri
áhersla er nú lögð á sölumálin,"
sagði Oddgeir að lokum í samtali
við Dag.
Góð kynning fyrir
íslenska osta
Mjólkursamiag KÞ á Húsavík
hlaut ein silfurverðlaun fyrir
Búra-ostinn. Hermann Jóhanns-
son, ostameistari hjá KÞ, var
staddur á blaðamannafundinum.
„Ostar frá KÞ hafa í öll skiptin
tekið þátt í sýningu sem þessari f
Danmörku og alltaf fengið ein-
hvcr verðlaun, oftast fyrir Búra,“
sagöi Hermann.
Hermann sagði að ef verðlauna-
ostarnir fengju góða kynningu
hér heima á íslandi myndi það
hafa áhrif á söluna.
„Einkum eru það sérostarnir
svokölluðu, sem eru ekki dags
daglega á borðum fólks, sem þarf
að kynna vel. Ég er ánægður nteð
árangur okkar á sýningunni. I
heildina var þetta góð kynning á
íslenskum ostum og Danirnir
voru mjög ánægðir rneð osta-
borðið frá íslandi," sagði Her-
mann að lokum.
Engin ný ostategund er í bí-
gerð hjá KÞ enda meiri áhersla
nú lögð á aðrar framleiðsluteg-
undir. En Herntann sagði að KÞ
tæki áfram þátt í slagnum eins og
allir aðrir. „Við verðum með á
ostasýningum meðan við fram-
leiðum ost,“ sagði Hermann að
lokum.
„Stefnum að betri
árangri næst“
Mjólkursamlag KS á Sauðár-
króki fékk gullverðlaun fyrir
26% Gouda ost og silfurverðlaun
fyrir Maribou kúmenost. Haukur
Pálsson ostameistari hjá KS sagði
í samtali við Dag að KS-ostarnir
hefðu fengið mun betri útkomu á
svipaðri sýningu í Danmörku
árið 1985. Þá fékk Maribou ostur
hæstu einkunn, eða 12,5 og sér-
stök heiðursverðlaun.
„Annars er ég ekkert óhress
með þennan árangur núna. Það
er mjög gott að fá eitt gull og eitt
silfur miðað við að hafa bara sent
fjögur ostasýni. Við stefnum bara
að betri árangri næst," sagði
Haukur.
Haukur komst ekki suður og
fyrir hans hönd tók Helgi Ragn-
arsson mjólkurfræðingur hjá KS
við þeim viðurkenningum sem
Haukur og aðrir ostameistarar
KS hlutu. -bjb
íslenska ustaborðið á sýningunni ■ Herning í Danmörku vakti athygli og ostasýnin fengu góða dóma og fjölmörg
verðlaun.