Dagur - 19.12.1990, Síða 6

6 - DAGUR - Miðvikudagur 19. desember 1990
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, SlMI: 24222
ÁSKRIFT KR. 1000 Á MÁNUÐI
LAUSASÖLUVERÐ 90 KR.
GRUNNVERÐ DÁLKSENTIMETRA 725 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
JÓN HAUKUR BRYNJÓLFSSON (íþróttir),
SKÚLI BJÖRN GUNNARSSON (Sauöárkróki vs. 95-35960),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, ÓLI G. JÓHANNSSON,
ÓSKAR ÞÓR HALLDÓRSSON, STEFÁN SÆMUNDSSON,
ÞÓRÐUR INGIMARSSON, LJÓSMYNDARI: KJARTAN ÞORBJÖRNSSON
PRÓFARKALESTUR: SVAVAR OTTESEN
ÚTLITSHÖNNUN: RlKARÐUR B. JÓNASSON, ÞRÖSTUR HARALDSSON
AUGLÝSINGASTJÓRI: FRlMANN FRlMANNSSON
DREIFINGARSTJÓRI:
INGVELDUR JÓNSDÓTTIR, HEIMASlMI 22791
FRAMKVÆMDASTJÓRI: HÖRÐUR BLÖNDAL
PRENTUN: DAGSPRENT HF.
SÍMFAX: 96-27639
Veljum íslenskt!
Því verður ekki á móti mælt að jólin eru mikil
neysluhátíð. Meðan á hátíðinni stendur bera
flestir kræsingar á borð og gera óvenjuvel við
sig og sína í mat og drykk. Margir kaupa sér
ný föt í tilefni hátíðarinnar og flestir færa
hýbýli sín í hátíðarbúning, oft með nokkrum
tilkostnaði. Síðast en ekki síst hefur sá siður
fest í sessi að gefa gjafir í tilefni jólanna,
margar og oft á tíðum dýrar gjafir. Kostnaður-
inn við jólahaldið hefur þannig vaxið ár frá ári
og að margra mati er hann löngu kominn úr
öllum böndum. Ekki verður lagður dómur á
réttmæti þeirrar fullyrðingar hér. Hitt er ljóst
að íslendingar, líkt og flestar þjóðir hins
kristna heims, verja umtalsverðum fjárhæð-
um til þess að halda jólin hátíðleg. Við því er
lítið að segja, svo framarlega sem fólk gætir
hófs og gleymir ekki boðskap og mikilfengleik
sjálfrar hátíðarinnar í öllu veraldarvafstrinu.
Ýmsar venjur hafa skapast í tengslum við
jólaundirbúninginn. Ein þeirra er sú að þegar
jólainnkaupin standa sem hæst, hefja íslensk-
ir iðnrekendur eins konar „herferð" í þeim til-
gangi að fá þjóðina til að velja íslenskar vörur
fremur en erlendar. Tímasetningin er ósköp
eðlileg með hliðsjón af því sem að framan er
sagt; jólamánuðurinn er mesti annatími árs-
ins í verslunum. Óskandi er að sem flestir taki
vinsamlegum tilmælum iðnrekenda vel og
sjái sér hag í því að velja fremur íslenskt en
innflutt. Með því að kaupa íslenskar vörur
styrkjum við innlendu framleiðslufyrirtækin
og eflum þar með atvinnulíf um land allt.
Reynslan hefur sýnt að innlendar vörur eru í
flestum tilfellum ekkert síðri en innfluttar og
í mörgum tilfellum betri. Þá hafa verðkannan-
ir leitt í ljós að verðmunur íslenskra og inn-
fluttra vara er í flestum tilvikum lítill sem
enginn. Síðast en ekki síst er vert að hafa í
huga að með minnkandi innflutningi verður
vöruskiptajöfnuðurinn við útlönd hagstæðari
og þar með minnkar erlend skuldasöfnun
þjóðarinnar. Það er því æði margt sem mælir
með því að íslenskur almenningur fari að ráð-
um iðnrekenda og velji íslenskt. í raun er fátt
sem mælir á móti því.
Hér áður fyrr þótti sumum á einhvern hátt
fínna að hampa erlendum varningi; ef til vill
vegna þess hve hér ríkti mikill haftabúskap-
ur, ekki síst í innflutningi. Nú eru breyttir tím-
ar og þetta sjónarmið heyrir því vonandi sög-
unni til. Dagur tekur undir hvatningarorð ís-
lenskra iðnrekenda og hvetur almenning til
að velja íslenskt fremur en innflutt fyrir þessi
jól. Reyndar þarf þessi þjóðlegi hugsunar-
háttur að ráða ríkjum allan ársins hring, ef vel
á að vera. BB.
B lesendahornið
Raunsætt mat, verum raunsæ
Mér var að berast blaðið Suður-
land í hendur. Þar kennir margra
hugtaka hjá Þorsteini formanni,
sem athugandi er, hvernig reynst
hafa Sunnlendingum. Þar má
nefna afl Sjálfstæðisflokksins,
orðheldni, breiður flokkur,
trúnað, djörfung, víðsýni, fast-
mótuð stefna, opinn hugur,
uniburðarlyndi o.fl. Sjálfstæðis-
flokkurir.n hefur lengi átt 1.
þingmann Sunnlendinga. Hann
hefur u.þ.b. 10 seinustu árin verið
formaður Sjálfstæðisflokksins,
stærsta flokks landsins. Fyrir
rúmum 6 árum var hann fjár-
málaráðherra og fyrir 3-4 árum
var hann forsætisráðherra. Það er
við vissar aðstæður, sem atvinnu-
líf á Suðurlandi hefur stórlega
látið á sjá. Byggingarfélagið As
hf., Hvolsvelli, kaupfélagið Þór á
Hellu, Entek hf., Hveragerði
o.fl. o.fl. hafa nánast orðið að
gefast upp vegna rangrar efna-
hags- og fjármálastefnu Sjálf-
stæðisflokksins. Hún hefur verið
ótrúlega mikið ráðandi sú stefna
hans, sem með árunum hefur
valdið því, að ólíklegustu burðar-
ásar atvinnulífs hafa farið hall-
oka. Nefna má á stöðum eins og
á Akranesi, Grundafirði, Patr-
eksfirði, Bolungarvík, Sauðár-
króki, Ólafsfirði, Seyðisfirði,
Reykjavík, Hafnarfirði, Keflavík
og víðar. Hin lamandi hönd
fjármagnskostnaðar, sem Sjálf-
stæðisflokkurinn þorði ekki að
taka afstöðu til, sbr. tillögur Egg-
erts Haukdal svo og lamandi
hönd verðbólgu, sem Sjálfstæðis-
flokkurinn réði alls ekki við hafa
riðið húsum, en nú allra seinustu
árin hefur málum verið breytt og
bjargað, þrátt fyrir andstöðu
Sj álfstæðisflokksins.
Hlutafjársjóður og atvinnu-
tryggingasjóður hafa gegnt sínu
hlutverki. Fyrirtæki eldheitra
sjálfstæðismanna í Bolungarvík
og á Ólafsfirði og miklu víðar
hafa jafnvel notað sér fyrirgreiðslu
sjóðanna, en ekki er þökkunum
fyrir að fara, heldur beinar yfir-
lýsingar þeirra um að sitji hin
versta ríkisstjórn, sbr. Einar K.
Guðfinnsson. Viðurkenning á
staðreyndum og þakkir fyrir stað-
festa og trausta stjórn er ekki fyr-
ir hendi. Það þarf að toga út úr
mönnum að viðurkenna það gíf-
urlega hagræði, sem miklu lægri
fjármagnskostnaður er. Forstjóri
Eimskips taldi það atriði allra
síðast upp, gat varla tekið sér það
í munn, þegar hann skýrði bætta
stöðu félagsins af því að það er
ríkisstjórninni að þakka og Sjálf-
stæðisflokkurinn kom þar hvergi
nærri. Sá flokkur er á engan hátt
aðili að bættum og betri þjóðar-
hag síðustu árin. Þjóðarsáttin,
lægri fjármagnskostnaður, hag-
stæður vöruskiptajöfnuður, betra
atvinnuástand o.fl. o.fl. sér nú
dagsins ljós. Lán jafnvel lækka
nú við hverja afborgun og er það
stórkostleg breyting.
Kæru ungu kjósendur. Verkin
tala núna. Þið getið raunverulega
staðreynt ástandið. Hin ýmsu
hugtök Sjálfstæðisflokksins hafa
ekki dugað. Það þarf að segja til
um það hver vaxtabyrðin verður,
hverjar atvinnuhorfur verða, það
skiptir máli. íslandsbanki hf.
hækkaði vexti og reynir að verja
það með oddi og egg, en það var
Ragnar Önundarson hjá þeim
banka, sem gaf einu réttu skýr-
inguna á vaxtahækkuninni. Hún
var sú, að eftirspurn eftir fjár-
magni hafi verið svo mikil í byrj-
un október sl. Hvað þýðir þetta?
Jú, yfirstjórn bankans brást illi-
lega, hún lét undan, óstjórn réði
ríkjum. í stað þess að draga úr
útlánum og hafa samstöðu um
Iægri vexti var framfylgt útlána-
aukningu og vaxtahækkun skellt
á. í þessum banka eru líklega
95% ráðamanna úr Sjálfstæðis-
flokknum. Þó að varði þjóðarhag
er samt reynt að spilla fyrir. Von-
andi tekst Birgi Isleifi og Davíð
ekki að skemma fyrir eða útiloka
nýtt álver. Trúið varlega hugtök-
um Sjálfstæðisflokksins. Það er
enginn vandi að vera borgar-
stjóri, þegar tekjur borgarinnar
eru eins og gullnáma. Gífurleg
heitavatnssala, ótrúleg fasteigna-
gjöld m.a. af eignum, sem þjóna
öllu landinu, stærsti útsvarsmark-
aður landsins og svo öll aðstöðu-
gjöldin, sem eru þráfaldlega af
atvinnurekstri, sem nær til alls
landsins. Það verður breytt staða
hjá Davíð, þegar hann verður
fjármálaráðherra í tómum ríkis-
sjóði. Þá verður skorið niður,
samneysla minnkuð og það harðn-
ar á dalnum. Verum raunsæ,
veljum ekki Sjálfstæðisflokkinn
strax aftur. Hann þarf að þrosk-
ast meira og láta alveg af þeirri
stefnu, sem orsakað vandræðin
1985-1988. Hann réði 85% af
fjárlögum í stjórninni 1983-1987.
Það eru of fá ár síðan hann var
við völd. Hann þyrfti að bíða
dálítið lengur, breytast aftur í
raunsærri flokk h'kan því, sem
var t.d. árið 1965. Flokkur stór-
ættanna og lögfræðinganna (6 lög-
fræðingar í 7 efstu sætunum í
Reykjavík) er ekki nógu breiður
og víðsýnn til þess að fá traust
strax aftur.
Framsóknarflokkurinn styður
einkaframtakið af fullum þunga í
hvaða formi, sem það birtist.
Öflugast er einkaframtakið, þeg-
ar það í samvinnurekstri eflir
byggð og bæi. Hve það er miklu
hagstæðara að styðja það heldur
en ættarveldi Sjálfstæðisflokks-
ins. Fullvalda þjóð í frjálsu landi,
frelsið og manndóminn best. Lát-
um Sjálfstæðisflokkinn bíða leng-
ur og þroskast.
Kári.
Sjorivarpsvísir Stöðvar 2 berst of seint
íbúi á Brekkunni á Akureyri
hafði samband við Dag og vildi
vekja athygli á slæmum útburði á
Sjónvarpsvísi Stöðvar 2.
„Útburður á sjónvarpsvfsi hef-
ur verið í ólagi allt þetta ár og
Raunir áskrifanda Dags:
Óboðnirlesendur
rífa auglýsingar
úr blaðinu
Kona í Síðuhverfi hringdi:
„Nú keyrir fyrst um þverbak.
Ég bý í fjölbýlishúsi og hef oft
orðið fyrir því að bréfum og
blöðum er stolið úr póstkassan-
um og ég veit að fleiri þekkja
þetta vandamál. Mér blöskraði
hins vegar meira en nokkru sinni
þegar ég ætlaði að sækja Dag í
póstkassann fyrir skömmu. Blað-
ið var reyndar á sínum stað að
þessu sinni en ég sá strax að það
hafði verið plokkað upp úr kass-
anum og látið aftur á sinn stað.
Ég lét þetta gott heita og fór að
fletta Degi en brátt rak mig í
rogastans. Búið var að rífa hálfa
blaðsíðu úr blaðinu og greinilegt
að hinn óboðni lesandi hafði
þarna krækt sér í auglýsingu sem
hann hafði hug á að skoða nánar.
Það má vera að margir vilji sjá
auglýsingarnar í Degi en mér
finnst of langt gengið þegar menn
stela blöðum frá áskrifendum,
rífa auglýsingar úr og voga sér að
skila afgangnum."
hann hefur ekki borist fyrr en um
5.-6. hvers mánaðar, sem er rrijög
bagalegt fyrir áhugasama sjón-
varpsáhorfendur. Ég hef ítrekað
haft samband við Sjónvarp Akur-
eyri en það hefur ekki orðið
bragarbót á. Ég óska því eftir
skýringum og úrbótum."
Bjarni Hafþór Helgason sjón-
varpsstjóri Eyfirska sjónvarpsfé-
lagsins hafði þetta um málið að
segja:
„Dreifing á Sjónvarpsvísi var
sérstaklega boðin út og hefur ver-
ið í liöndum íþróttafélagsins
Þórs. Við höfum orðið varir við
það stöku sinnum, að einstaka
áskrifendur hafa kvartað yfir því
að fá ekki Sjónvarpsvísinn á rétt-
um tíma og höfum við vísað því
alfarið til Þórs. Við höfum jafn-
framt lagt á það áherslu við félag-
ið að slíkt komi ekki fyrir en því
miður er þetta mál ekki í okkar
höndum að öðru leyti.“
Bcncdikt Guðmundsson Þórsari
sagði að ástæðan fyrir þessu væri
fyrst og fremst sú, að félagið
fengi Sjónvarpsvísinn aldrei
norður fyrir enn á síðustu
stundu, þ.e. um mánaðamót.
„Það tekur okkurlagmark einn
og hálfan dag að koma útburði af
stað eftir að við fáum vísinn í
hendur, því það er ýmislegt sem
þarf að gera áður en hægt er bera
út. Síðan þarf að hringja í
útburðarfólkið og það stendur
kannski ekki alltaf þannig á spori
hjá öllum að þeir komi undir
eins. Það getur því tekið allt að
þrjá til fjóra daga að koma blað-
inu til allra áskrifenda í bænum.
Það eru á milli 30 og 40 félagar
sem sjá um útburðinn og eins og
alltaf í svo stórum hópi, eru
„trassar" inn á milli. Sem betur
fer eru þessi mál víðast í góðu
lagi en þar sem svo er ekki, þurf-
um við að grípa inn í og koma
hlutunum í lag.“
Kvikmyndavikan:
Léleg aðsókn
Akureyringa
Listunnandi hafði samband við
Dag og vildi kvarta yfir Akureyr-
ingum, vegna lítils áhuga þeirra á
frönsku kvikmyndavikunni sem
haldin var í Borgarbíói í síðustu
viku.
„Akureyringar eru alltaf að
kvarta yfir því að lítið sem ekkert
sé gert í menningarmálum í
bænum. Svo þegar boðið er hér
upp á mjög góðar franskar
myndir, láta þeir ekki sjá sig. Ég
sá mjög góða mynd á kvikmynda-
vikunni en varð alveg gáttaður
yfir því að sjá aðeins um 10
manns í salnum.“