Dagur - 13.04.1991, Qupperneq 7
Laugardagur 13. apríl 1991 - DAGUR - 7
tónlist
Gjallandi lúðrar
Sunnudagin 7. apríl var efnt til
tónleika í íþróttahúsi Hafralækj-
arskóla. Þeir voru lokaatriði blás-
arasveitamóts, sem haldið var í
skólanum þessa helgi. Til mótsins
komu blásarasveitir Tónlistar-
skólans á Húsavík, Tónlistar-
skóla Eyjafjarðar, Tónlistarskól-
ans á Akureyri, sem sendi þrjár
blásarasveitir, og Tónlistarskól-
anna á Dalvík og Ólafsfirði, sem
sendu blásarasveit þá, sem er
samvinnuverkefni við skólana
tvo.
Til mótsins komu um eitt
hundrað og tíu nemendur. Skóla-
hljómsveitirnar fóru hver yfir þau
lög, sem þær höfðu að heiman,
en einnig voru myndaðar þrjár
hljómsveitir, þar sem saman
komu í fyrsta lagi þeir nemendur,
sem styttst voru komnir á hljóð-
færi sín, í öðru lagi þeir, sem
miðlungs langt höfðu náð, og
loks þeir, sem mesta færni höfðu
til að bera. Pessar þrjár hljóm-
sveitir æfðu hver sín lög. Loks
æfðu allir nemendurnir í einni
stórri hljómsveit tvö lög, sem
leikin voru í lok tónleikanna.
Blásarasveit Tónlistarskólans á
Húsavík reið á vaðið á tónleikun-
um. Stjórnandi hcnnar er Norman
Dennis. Hljómsveitin er ekki
fjölskipuð, en hún lék af.fjöri og
gleði og hreif áheyrendur með
sér.
Næst kom A-sveit Tónlistar-
skólans á Akureyri, en það er
byrjendasveit skólans. Stjórn-
andi hennar er Sveinn Sigur-
björnsson. Eins og vænta mátti
og eðlilegt er, voru verkefni A-
sveitarinnar af léttara taginu.
B-sveit Tónlistarskólans á
Akureyri lék næst undir stjórn
Inga Vaclavs. Hljómsveitin lék af
talsverðum þrótti og fjöri. Hún
fór lipurlega með verkefni sín og
lét vel að stjórn.
Hljómsveit tónlistarskólanna á
Dalvík og Ólafsfirði kom næst.
Stjórnandi hennar er Michael
Jacques. Útsetningar stjórnand-
ans fyrir hljómsveitina voru
skemmtilegar og nýstárlegar.
Hljómsveitin skilaði þeim þolan-
lega, en hún mun ekki hafa verið
fullskipuð.
C-sveit Tónlistarskólans á
Akureyri lék næst undir stjórn
Christophers Thorntons. Veru-
legur þróttur var í leik hljóm-
sveitarinnar, en hann var heldur
óagaður og spillti það talsvert
flutningi hennar.
Síðasta skólahljómsveitin var
svo Blásarasveit Tónlistarskóla
Eyjafjarðar, sem lék undir stjórn
Atía Guðlaugssonar. Hljómur
hljómsveitarinnar var nokkuð
góður, en flutningur hennar held-
ur þungur og stirðlegur.
Hljómsveitirnar þrjár, sem
myndaðar voru á mótinu, léku
næst hver af annarri. Norman
Dennis stjórnaði hljómsveit
þeirra nemenda, sem styttst voru
komnir, Michael Jacques mið-
hljómsveitinni og Atli Guðlaugs-
son þeirri síðustu. Leikur allra
þessara hljómsveita einkenndist
talsvert af þeim stutta tíma, sem
hafði verið til æfinga, og í sumum
tilfellum gætti þess einnig, að
verkefnin virtust vera í erfiðara
lagi fyrir hina ungu hljóðfæra-
leikara. Yfirleitt var árangurinn
þó dágóður miðað við kringum-
stæður.
Loks léku allir nemendurnir
saman undir stjórn Michaels
Jacques. Það var sannarlega
skemmtilegt að sjá öll þessi ung-
menni stilla saman hljóðfæri sín
til leiks og ekki síður ánægjulegt
að heyra, að þeim tókst það bæri-
lega þrátt fyrir skamman tíma til
undirbúnings.
Á tónleikunum lék hver hljóm-
sveit tvö til þrjú lög. Allar skipt-
ingar gengu afar lipurlega fyrir
sig og urðu tafir vegna þeirra afar
litlar. Engin ókyrrð skapaðist og
virtust allir þessir mörgu
nemendur una sér hið besta og
njóta samverunnar. Til þess
framar öðru eru mót af þessu tagi
haldin. Tónlistin er að sjálfsögðu
tilefni þess, að menn koma
saman, en kynnin, sem skapast,
samhygðin, sem myndast, og
samvinnan að tónlistinni eru
höfuðatriðin.
Fyrirhugað er að halda mót af
svipuðum toga að ári á sama
tíma, það er að segja um fyrstu
helgina eftir páska. Þá mun vera
ætlunin að víkka það svæði, sem
mótið nær til, og bjóða þátttöku
hljómsveitum af öllu Norður-
landi. Mótstaður hefur þegar ver-
ið ákveðinn og verður hann í
Hafralækjarskóla. Atli Guð-
laugsson, skóiastjóri Tónlistar-
skóla Eyjafjarðar, sem var tals-
maður mótshaldara, sagði það
von sína, að mót sem þetta gæti
orðið árlegur viðburður í starfi
tónlistarskólanna á Norðurlandi.
Óskandi er, að honum verði að
von sinm.
Haukur Ágústsson.
leiklist
r-
99
Tímamótaverk
66
„Tímamótaverk" er það heiti,
sem sjónleikur sá hlaut, sem
Hilmir Jóhannsson á Sauðár-
króki skrifaði fyrir Leikfélag
Sauðárkróks í tilefni af fimmtíu
ára afmæli félagsins. Verkið er
því sannarlega réttnefnt, því að
vissulega eru það tímamót á ferli
leikfélags að fylla fimmtíu ár í
starfi sínu.
{ leikskrá segir, að „leikritið
gerist hjá leikfélagi úti á landi,
sem á bráðlega fimmtíu ára
afmæli. En eins og gerist eru fáir
virkir í félaginu og peningamálin
í ólestri". f þessari tilvitnun kem-
ur fram rammi leikritsins. Inn í
hann fléttar Hilmir Jóhannsson
atriði, sem gerast þegar halda á
aðalfund í félaginu, en hann fer
talsvert úr böndunum. Margt í
persónulegum aðstæðum félag-
anna jafnt í nútíð sem samtíð er
dregið fram og einnig atriði, sem
snerta samstarf þeirra, valdatog
og fleiri þætti, sem upp koma í
félagsskap.
Hilmir Jóhannsson hefur gott
lag á að setja saman texta, sem
leikur lipurlega á vörum flytj-
enda. Skyn hans á hið skoplega
er sívakandi og honum tekst oft
að kitla hláturtaugar áhorfenda
svo um munar jafnt í texta sínum
sem spaugilegri atburðarás. Úr
verður léttur farsi, sem er þó eng-
an veginn efnislaus, heldur felur í
sér talsverða umfjöllun um og
jafnvel ádeilu á þá aðstöðu og
þau viðhorf, sem áhugamenn í
leiklist búa við víða.
Leikstjóri Tímamótaverks er
Elsa Jónsdóttir á Sauðárkróki.
Elsa hefur greinilega haft á marg-
an veg gott vald á verki sínu.
Uppsetning hennar gengur lipur-
lega fyrir sig. Lítið er um daufleg
atriði. Rennslið ersamfellt, stöð-
ur leikenda yfirleitt góðar og
textaflutningur almennt skýr og
greinilegur. Útfærsla einstakra
atriða er á stundum stórgóð, svo
sem „rapp-atriðis“ ungliðans
Gunna, sem flutt er af Skúla B.
Gunnarssyni af þrótti og fjöri.
Hilmir Jóhannsson, höfundur
verksins, leikur Ella, leiktjalda-
smið leikfélagsins og meðstjórn-
anda. Hilmir gerir þessari skop-
leg persónu góð skil og vekur
iðulega verulega kátínu í túlkun
sinni. Ágústa Ingólfsdóttir fer
með hlutverk Katrínar, gjaldker-
ans í félaginu. Henni tekst vel að
túlka þessa persónu, sem „borgar
bara reikningana", en virðist að
öðru leyti ekki mikið vita um
það, hvernig fjárhagurinn
stendur. Lalli Alla, ritari félags-
ins, er leikinn af Sverri Valgarðs-
syni. Hann er fjörlegur í hlut-
verki mannsins, sem vill gera
stóra hluti - það er að segja láta
gera þá - en ber fyrir sig tíma-
leysi, þegar til hans sjálfs er Ieit-
að.
Dóra, meðstjórnandi, er leikin
af Sólveigu Jónasdóttur og Anna,
kaffikerling, af Helgu Hannes-
dóttur. Þessar persónur eru hinar
sístarfandi kjölfestur félagsins,
sem hella upp á kaffið, taka tii og
vinna þau störf, sem enginn tekur
eftir að unnin eru en allir finna að
vinna þarf, ef þeim er ekki sinnt.
Sólveig og Helga valda hlutverk-
um sínum vel, en þó skortir á
stundum nokkra snerpu í túlkun
Helgu.
Baldur, formaður félagsins,
sem telur sig að mestu ómissandi,
er leikinn af Þorleifi H. Óskars-
syni og Elsa Jónsdóttir leikur
Fjólu, konu hans, sem er síspyrj-
andi eftir honum og ævinlega að
ráðskast með hitt og þetta.
Samspil hjónanna er skoplegt frá
höfundarins hendi. Þorleifur og
Elsa gera hlutverkum sínum
bærileg skil, en nokkuð skortir á
að þau nái því flugi, sem efni
virðist vera til.
Fjóra ungliða í félaginu þau
Höllu, Ingu, Gunna og Jóa leika
Regína Gunnarsdóttir, Guðný
Axelsdóttir, Skúli B. Gunnars-
son og Páll Friðriksson. Öll fara
lipurlega með hlutverk sín og
lífga verulega upp á sýninguna.
Tímamótverk er talsvert gott
leikverk. Það er ekki gallalaust.
Til dæmis hefði verið æskilegt að
nokkur atriði verksins hefðu ver-
ið endurunnin og skerpt sér í lagi
í þeim hluta þess, sem kemur eft-
ir hlé.
Verkið er engan veginn stað-
bundið, heldur ætti það að geta
átt erindi á svið hvarvetna á land-
inu. Af því er greinilegt, að
Hilmi Jóhannssyni lætur vel að
skrifa fyrir leiksvið, enda hefur
hann gert mikið af því, þó ekki
hafi ýkja hátt farið til þessa. Von-
andi verður þetta verk upphaf
þess, að hann taki að gefa sig að
leikritun af alvöru. Það verður
seint of mikið af léttum, gaman-
sömum stykkjum, ekki síst af
þeirri tegundinni, sem jafnframt
felur í sér nokkurn boðskap eða
ádrepu, eins og Tímamótaverk
einmitt gerir.
Haukur Ágústsson.
ýlsöUtnm
lattgardag
opið»a"8atdX
*ERR,i««°
255,9