Dagur - 30.05.1991, Síða 5

tónlist
Fimmtudagur 30. maí 1991 - DAGUR - 5
?-
Björgvinsdagskrá
23. maí, fimmtudag, var flutt
dagskrá í minningu Björgvins
Guðmundssonar, tónskálds, í
Minjasafninu á Akureyri. í ár eru
liðin eitt hundrað ár frá fæðingu
Björgvins og var það eitt höfuð-
tilefni dagskrárinnar.
Aðstaða til samkomuhalds er
ekki eins góð og skyldi í minja-
safnshúsinu. Gestir sátu í stofu,
en undirleikari í annarri og komu
flytjendur fram í nokkuð víðar
dyr, sem voru á milli herbergj-
anna. Þröngt var um gesti og
stutt milli flytjenda og þeirra, en
sá kostur var þó við þessi
þrengsli, að mikil nánd varð á
milli flytjenda og njótenda, sem
að vissu leyti skapaði þægilega
stemningu.
Það væri mjög til athugunar
fyrir ráðamenn minjasafnsins á
Akureyri, að huga að því í
framtíð, hvort ekki væri unnt að
koma upp litlum sal í safninu eða
í tengslum við það, sem nýta
mætti til dagskrárflutnings, sem
tengdist safninu og starfsemi
þess. Vafalítið er, að slíkt mundi
mjög auka á vægi safnsins í
menningarlífi bæjarins. Slíkan
sal mætti einnig nýta til þess að
setja upp sérhæfðar sýningar til
dæmis yfir ferðamannatímann
eða í tengslum við heimsóknir
barna úr skólum bæjarins.
Dagskráin í minningu Björgvins
Guðmundssonar var vönduð og
vel flutt, enda góðir listamenn,
sem við sögu komu. Fyrstan ber
að telja Þráinn Karlsson, leikara,
sem las nokkra kafla úr ævi-
minningum Björgvins Guð-
mundssonar. Þráinn er magnaður
upplesari. Hann les af tilfinningu
en þó án tilgerðar og hefur á
valdi sínu áherslur og raddblæ,
sem hæfa. Helst mátti það að
finna, að Þráinn leit ekki svo oft
upp af blöðunum sem skyldi, en
augnasamband við áheyrendur er
mikið atriði í flutningi talaðs
máls.
Tveir söngvarar, Þuríður Bald-
ursdóttir, altsöngkona, og örn
Viðar Birgisson, fluttu einsöngs-
lög eftir Björgvin. Mörg þeirra
laga, sem flutt voru minnist
undirritaður ekki að hafa hlustað
á fyrr og er gott það framtak
listamannanna, að flytja þau lítt
kunnari og koma þeim þannig á
framfæri. Eitt er þó að mörgum
laganna í frágangi tónskáldsins,
en það er undirleikurinn, sem
iðulega gerir lögunum ekki það
gagn, sem skyldi. Hér mætti úr
bæta, ef góðir menn og hæfir
fjölluðu um.
Þuríður Baldursdóttir söng
Dags lít ég deyjandi roða við ljóð
Björns Halldórssonar, Sé ég
blikubólstra svarta við ljóð
Huldu og Tárið við ljóð Kristjáns
Jónssonar. Þuríður skilaði þess-
um verkum af miklu öryggi. Sér-
lega eftirtektarvert var, hve vel
henni tókst að túlka tilfinninga-
lega þætti laganna án þess að
ofgera.
Örn Viðar Birgisson söng Sólin
ei hverfur né sígur í kaf við ljóð
Steingríms Thorsteinssonar, í
rökkurró hún sefur við ljóð Guð-
mundar Guðmundssonar, Kvöld-
bæn við ljóð Sveinbjörns Egils-
sonar og Páls Jónssonar og
Svanaljóð við ljóð Böðvars
Bjarkans. Örn Viðar hefur fall-
ega og talsvert mikla rödd, sem
hann beitir af smekkvísi. Túlkun
hans innileg og sannfærandi.
Hins vegar kemur fyrir, að rödd-
in verður lítils háttar þvinguð í
hárri legu og fellur stöku sinnum
aftur í hálsinn.
Undirleikari með söngvurun-
um var Guðjón Pálsson, píanó-
leikari. Hann skilað sínu verki af
þeirri natni, sem honum er lagin
og studdi söngvarana í hvívetna.
Vel fór á því, að flytja dagskrá
sem þessa í húsnæði safnsins, en
þar er eitt herbergi helgað
Björgvin. Vonandi sjá forráða-
menn Minjasafnsins sér fært að
bjóða upp á frekara efni í svip-
uðum dúr tengdu gripum safnsins
þrátt fyrir það aðstöðuleysi, sem
safnið býr við sem stendur til
slíkra hluta.
Haukur Ágústsson.
myndlist
Forvitnileg sýning
Laugardaginn 25. maí opnaði
Sigtryggur Bjarni Baldvinsson
sýningu á verkum sínum í Gamla
Lundi á Akureyri. Sýningin
stendur til 2. júní.
Sigtryggur er ekki gamall í
hettunni í málaralistinni. f sýn-
ingu sinni í Gamla Lundi er hann
að stíga ein sín fyrstu spor á sýn-
ingarferlinum. Hann stundaði
nám í listamálum við Myndlista-
skólann á Akureyri, en hélt síðan
til Reykjavíkur. Þar nam hann
við Myndlista- og handíðaskóla
íslands og útskrifaðist úr málara-
deild vorið 1990.
Á sýningunni í Gamla Lundi
sýnir Sigtryggur Bjarni nítján
verk; þrettán myndir unnar í olíu
á striga og sex unnar í vatnslit.
Allar myndir Sigtryggs Bjarna
bera vott natnislegum vinnu-
brögðum og umtalsverðu valdi á
tækni. í mörgum olíuverkanna
virðist hann vera að velta fyrir sér
hinu smáa og blæbrigðum þess.
Svo er til dæmis um myndirnar
Bláber, nr. 11, Eggjamynd, nr. 5,
og Skökk mynd af krækiberi, nr.
12. Þessar myndir eru laðandi í
yfirborðseinfaldleika sínum. Þá
eru samsettar myndir unnar í olíu
á sýningu Sigtryggs Bjarna. í
þessum verkum leikur hann að
samsetningu atriða á táknrænan
hátt, svo sem í myndunum
Handverk, nr. 3, og Blindar
endur, nr. 6. í ýmsum þessara
mynda er talsverður styrkur og
líkt og leit að tjáningarformi,
sem vekur forvitni um það, hvert
leið Sigtryggs Bjarna liggur næst
á listferlinum.
í mörgum olíuverkanna beitir
Sigtryggur nokkurs konar lág-
myndatækni, þar sem hann fellir
gifsafsteypur af til dæmis eplum
eða eggjum í myndflötinn eða á
rammann.
Yfir olíuverkum Sigtryggs
Bjarna á sýningunni í Gamla
Lundi er keimlíkur blær. Bak-
grunnur í myndfletinum hefur
ámóta svip í mörgum verkanna
og nær á stundum allt út á
rammann. Nokkur stirðleiki er í
mótun myndefnisins og því er
stífniblær á verkunum, sem að
hluta eykur kynngi þeirra, en
verkar líka nokkuð lýjandi, þeg-
ar svo margar myndir svipaðs
móts eru saman komnar á einni
sýningu. Litanotkun í olíumynd-
um Sigtryggs Bjarna er iðulega
talsvert sterk og ákveðin og gefur
hún verkunum á stundum sláandi
blæ.
Vatnslitamyndir Sigtryggs
Bjarna sýna, eins og olíuverkin,
að hann hefur talsvert vald á
miðlinum. Miklu meiri varkárni
virðist þó ríkja í meðferð vatns-
litanna og reyndar svo mikil, að
þau verk, sem unnin eru í þann
miðil, verka nálega sem upplituð
og ellidauf. Þó er á meðal þessara
verka það verk, sem mesta
athygli vakti hjá undirrituðum,
en það er verkið Tvöföld reykj-
andi sjálfsmynd, nr. 19. í því nær
listamaðurinn umtalsverðum
áhrifum á til þess að gera einfald-
an hátt.
Það eru verulega gaman að
sýningu Sigtryggs Bjarna í Gamla
Lundi. Hann slær á strengi, sem
reyndar eru ekki nýir, en sem þó
hljóma ekki ýkja oft. Því er sýn-
ing hans kærkomin og framtíð
listamannsins forvitnileg.
Haukur Ágústsson.
lesendahornið
Timabært að fá erlent bankaútibú á Akureyri
„Er ekki tímabært að setja á
stofn erlent bankaútibú hér á
Akureyri, sem gæti orðið mikil
lyftistöng í atvinnumálum
bæjarins og nágrannabyggða?
Eg held að lánastarfsemin í
landinu hefði gott af slíku
aðhaldi. Það mætti hugsa sér að
þetta erlenda bankaútibú gæti
orðið mikilvægur hlekkur í iðn-
aðaruppbyggingu á Norðurlandi.
Ég hef sérstaklega í huga að
endurreisa ullariðnaðinn eftir að
Gefjunn hætti. Ég tel ekki óeðli-
legt að norðlenskir bændur stofn-
uðu með sér hlutafélag og hann-
aðar yrðu vélar af íslenskum hug-
vitsmönnum til þess að aðskilja
þel frá togi, sem ekki hefur áður
verið gert hér. Þetta gæti orðið til
þess að bægja atvinnuleysisvof-
unni frá - sérstaklega hvað konur
varðar.
Akureyri var þekkt fyrir að
vera iðnaðarbær og ef rétt er
haldið á spilunum hefur hann alla
burði til þess að vera það áfram.
Ég vonast eftir svari sem fyrst.
Ein vel vakandi.
Grísará
Sími
96-31129.
VISA
Opið mánudaga-föstudaga 10-12 og 13-22
laugardaga og sunnudaga 10-12 og 13-19
Grenivík og nágrenni
Verðum með plöntusölu við útibú KEA
Grenivík föstudaginn 31. maí ki. 20.30.
Hlutabréf
Gengi hlutabréfa 30. maí 1991
Hlutafélag Kaupgengi Sölugengi
* Auðlind hf .. 0,995 1,047
Hf. Eimskipafélag íslands .. 5,47 5,70
Flugleiðir hf .. 2,31 2,41
Grandi hf .. 2,55 2,65
* Hlutabréfasjóðurinn hf .. 1,60 1,68
íslandsbanki hf .. 1,60 1,68
Olíufélagið hf .. 5,65 5,90
* Olíuverslun íslands hf .. 2,15 2,27
Skagstrendingur hf .. 4,70 4,90
Skeljungur hf .. 6,02 6,30
* Sæplast hf .. 7,10 7,41
Útgerðarfélag Akureyringa hf. .. 4,12 4,30
* Hlutabréí í þessum fyrirtækjum eru til sölu hjá okkur núna.
éájKAUPÞING
NORÐURLANDS HF
Ráðhústorgi 1 • Akureyri • Sími 96-24700
Munurinn er augljós!
Herradeild