Dagur - 06.07.1991, Qupperneq 19
Laugardagur 6. júlí 1991 - DAGUR - 19
Islenskt tónlistarsumar
Nú þann 17. júní síðastliðinn var
formlega hrundið af stað átaki í
þágu íslenskrar dægurtónlistar.
Eru það helstu hagsmunaaðilar
innan tónlistargeirans sem
standa fyrir þessu átaki. Er því
meðal annars ætlaö að auka
hlutdeild íslenskrar dægurtónlist-
ar á markaðinum um leið og
reynt er að dreifa útgáfu hennar
yfir lengri tíma á árinu, því eins
og kunnugt er hefur útgáfan nær
eingöngu miðast við jólahátíðina.
Sömuleiðis er ætlunin að
reyna að auka spilun íslenskrar
tónlistar á útvarpsstöðvunum. í
því sambandi tekur Rás tvö m.a.
virkan þátt í átakinu með því að
spila íslenska tónlist til jafns við
erlenda og reyndar var það á
Rás tvö sem átakið var formlega
hafið „í bláum skugga" eins og
það er kallað.
Hefur umsjónarmaður Popp-
síðunnar í sjálfu sér ekkert nema
gott um þetta aö segja. Það hefur
lengi verið staðreynd að íslensk
dægurtónlist hefur staðið höllum
fæti gagnvart hinni erlendu, sem
bókstaflega hefur flætt yfir. Á
þetta ekki hvað síst við um spilun
í útvarpi.
Hins vegar finnst manni ýmis-
legt við sumt að athuga í þeim
efnum. Til dæmis mætti að
ósekju spila minna Bubba
Morthens, átak fyrir vinsælasta
popptónlistarmann landsins er
með öllu óþarft, þó auðvitað eigi
hann að heyrast eins og aðrir.
(Nýja platan hans og Rúnars
með GCD verður til umfjöllunar
hér á Poppsíðunni innan
skamms).
En burtséð frá bollaleggingum
þá er ekki úr vegi að minnast á
nokkuð af því sem íslenska tón-
listarsumarið hefur upp á aö
bjóða. Nú þegar hafa þrjú af
stærri nöfnunum í poppinu sent
frá sér nýjar plötur. Er það nátt-
úrulega áðurnefnd plata Bubba
og Rúnars, sem út kom á þjóð-
hátíðardaginn, Stjórnin með sín
Tvö líf og svo strákarnir í Ný
Dönsk með Kirsuber.
Sálin hans Jóns míns er komin
á kreik á ný og á hún tvö lög
meðal annarra flytjenda á
Bandalögum 4 sem komin er út.
Síðan skein sól með Helga
Björnssyni í broddi fylkingar er
með plötu í burðarliðnum sem
kemur út bráðlega.
Talandi um safnplötuna
Bandalög 4 hér áðan, sem Stein-
ar hf. gefa út, þá er Skífan sömu-
leiðis með eina slíka þar sem hið
akureyrska Rokkband á eitt lag.
Kallast þetta lag Rokkbandsins
Nú er þaö byrjað, en platan Úr
ýmsum áttum.
Loks ber að geta Hússins, sem
er diskur gefinn út til styrktar
Krýsuvíkursamtökunum. Er það
Axel Einarsson sem stendur fyrir
útgáfunni, en hann stóð einmitt
líka fyrir söfnun til handa hungr-
uðum í Afríku hér um árið með
útgáfu lagsins Hjálpum þeim.
Af þessu má sjá að íslenska
tónlistarsumarið ætlar að verða
býsna blómlegt hvað útgáfuna
varðar. Það verður svo bara að
koma í Ijós hver árangurinn verð-
ur til lengri tíma litið.
Armored Saint:
Gæða rokksveit sem lifað
hefur tímana tvenna
Þau hundruð og þúsundir hljóm-
sveita og einstaklinga sem feta
veg tónlistarinnar í von um frægð
og frama reka sig oft á að það er
ekki tekið út með sældinni að ná
því takmarki.
Jafnvel þótt öllum hindrunum
virðist hafa verið rutt úr veginum
og vegurinn sýnst greiður, þá
hefur eitthvað ófyrirséð eða ör-
smátt orðið ásteytingarsteinn.
Eða eins og máltækið góða
segir: Ekki er soþið kálið þó í
ausuna sé komið.
Þetta hefur bandaríska þunga-
rokkshljómsveitin Armored Saint
fengið að reyna og það með
meiru. Er hljómsveitin upprunnin
frá borginni Pasadena í Kaliforn-
íu, en þar varð hún til árið 1981.
Skipuð þeim John Bush söngv-
ara, David Prichard á gítar, Phil
Sandoval sömuleiðis á gítar,
Joey Vera á bassa og Gonzo á
trommum, virtist hún stefna hrað-
byr í átt til frægðar með samning
við stórútgáfuna Chrysalis upp á
vasann og fyrstu plötuna March
of the Saint útkomna þremur bar-
áttumiklum árum seinna, 1984.
Blandaðist mönnum ekki hug-
ur um að hér væri á ferðinni virki-
lega hæfileikarík sveit, sem gæti
e.t.v. skipað sér á bekk með stór-
sveitunum bresku Judas Priest
og Iron Maiden, sem afgerandi
hljómsveit í hinu svokallaða
hefðbundna þungarokki. (Á
ensku Traditional Heavy Metal.)
En eins og áður segir þá eru
hlutirnir oft torsóttari en útlit er
fyrir. Vegna mikillar fyrirfram
bjartsýni var ekki talin þörf hjá
Armored Saint. Tíu ára erfiður ferill
að baki.
Chrysalis að eyða of miklu í að
auglýsa hljómsveitina upp, gæði
og góð umfjöllun myndi sjá um
að gera slíkt óþarft. En dæmið
gekk einfaldlega ekki svona auð-
veldlega upp, þvi miður. Að vísu
seldist March of the Saint það
mikið að hún kom Armored Saint
vel inn á kort þungarokksheims-
ins, en mikið meira var það ekki.
Hljómsveitin gaf út tvær aðrar
plötur undir merki Chrysalis, Del-
irious Nomad árið 1985 og Rais-
ing Fear árið 1987, sem þóttu á
margan hátt góðar, en juku ekki
hróður hennar af einhverjum
ástæðum.
Eftir útkomu Raising Fear taldi
Chrysalis fullreynt að meiru yrði
náð út úr Armored Saint og sagði
því upþ samningnum við hljóm-
sveitina. Var nú þessi efnilega
hljómsveit sem spáð hafði verið
svo miklu aftur komin á byrjunar-
reit á ferli sínum.
Hún fékk þó fljótlega nýjan
samning við fyrirtækið Metal
Blade, sem er eitt aðal óháða
fyrirtækið á þungarokkssviðinu í
Bandaríkjunum og^ sem Eiríkur
Hauksson og félagar í Artch eru
einmitt líka á mála hjá.
Tónleikaplatan Saints will
conquer kom út árið 1988 og svo
nú fyrir skömmu kom út fyrsta
hljóðversplata Armored Saint á
vegum Metal Blade, Symbols of
Salvation. En það leit reyndar
ekki út fyrir að sú þlata kæmi
nokkurn tímann út því gítar-
leikarinn Dave Prichard lést úr
hvítblæði snemma á síðasta ári.
Það var þvi spurning fyrir hina
meðlimina að hætta, en eftir
mikla íhugun ákváðu þeir að
halda áfram. Er sem sagt platan,
Symbols of Salvation, nú komin
út og svo kaldhæðnislegt sem
það nú er þá hefur hún vakið upp
sterk viðbrögð og hafa gagnrýn-
endur keppst við að hrósa henni
i hástert.
Hefur umsjónarmanni Popp-
síðunnar nú borist þessi plata og
getur hann ekki annað en tekið
undir með skrifurum erlendra
rokkblaða. Er Symbols of Salva-
tion með betri þungarokksplöt-
um, sem hann hefur heyrt lengi,
einstaklega vel heppnuð blanda
mikils krafts og melódískra lag-
lína.
Er nú ekki loku fyrir það skotið
að Armored Saint sé að öðlast
nýtt tækifæri til frægðar og
frama. Eru stóru útgáfurnar nú
aftur á höttunum eftir undirskrift-
um þeirrafélaga í hljómsveitinni.
Tíminn verður að leiða það í
Ijós hvort betur tekst til nú en í
fyrra skiþtið, en það er víst að
Armored Saint mun verðskulda
frægðina ef af verður.
Raftækjaverslun í fullum
rekstri til sölu eða leigu
Verslunin er í eigin húsnæði.
Góð viðskiptasambönd.
Áhugasamir leggi inn nafn og símanúmer á
afgreiðslu Dags merkt: Raftaeki.
DRAGd
blla& bíivélaviðgerðir^1^)
FJOLNISGOTU 2A - AKUREYRI - SIMI 22466
Bændurogbúalið
Fella heyvinnuvélar.
Fiat og Zetor dráttarvélar.
ELHO pökkunarvélar og áburðardreifarar.
Alö ámoksturstæki á flestar gerðir dráttarvéla.
Welger rúllubindivélar.
„Sólarfilma" rúllubaggaplast.
Silva rafgirðingarefni.
Þessi tæki eigum við á lager og til
afgreiðslu strax.
Verið velkomin.
Á söluskrá
Furulundur: 2ja herb. íbúð, laus strax.
Hrísalundur: 2ja herb. íbúð, laus fljótlega.
Brekkugata: 2ja herb. íbúð á jarðhæð, sér inngangur.
Gránufélagsgata: 3ja herb. íbúð í mjög góðu ástandi,
laus strax.
Einholt: 4ra herb. raðhúsaíbúð.
Arnarsíða: 150 fm. raðhúsaíbúð.
Bakkahlíð: 7 herb. íbúð á efri hæð í tvíbýlishúsi.
Lyngholt: 140 fm. efri hæð í tvíbýlishúsi ásamt ein-
staklingsíbúð í kjallara, bílskúr og geymslum.
Sunnuhlíð: Einbýlishús á einni hæð ásamt bílskúr.
Stekkjargerði 12: Einbýlishús á einni hæð ásamt
bílskúr, stærð 157,8 fm.
Kotárgerði: Einbýlishús ásamt innbyggðum bílskúr,
um 250 fm.
Reynilundur: 200 fm. einbýlishús á einni hæð með
bílskúr.
Vallartröð við Hrafnagil: Fokhelt 216 fm. einbýlishús
með bílskúr.
^ Fasteignasalan hf.,
Gránufélagsgötu 4, Akureyri.
Sími: 21878.
Opið frá kl. 10-12 og 13-17.
Traust þjónusta i 20 ar.
t
Ástkær eiginkona mín,
ÞÓRA SVEINSDÓTTIR,
Funafold 59, Reykjavík,
andaðist aðfaranótt 2. júlí
á Landspítalanum.
Útförin fer fram i Dómkirkjunni 9. júlí kl.
10.30.
Fyrir hönd barna okkar og annarra aðstandenda,
Hákon Hákonarson.