Dagur - 23.11.1991, Page 22

22 - DAGUR - Laugardagur 23. nóvember 1991
Plannja^
þakstál með stíl
«1 BUKKRÁS HF.
Hjalteyrargötu 6,
símar 27770,26524, fax 27737.
Kvikmyndasíða
Jón Hjaltason
Þegar sköpimargáfuna þrýtur
Hollywood leitar til Evrópu eftir hugmyndum
Þægindi
skóeigandans
Skóþrepiö sem hlífir bakinu
þegar fariö er í skó, þeir
reimaöir eöa burstaöir.
Sannkallað þarfaþing í hverju
anddyri, hvort sem er á
heimilinu eða vinnustaðnum.
'
mmm
Sérlega nytsöm og
vönduð gjöf á aðeins
kr. 6.900,-
Skóþrepið
Póstkröfusími 95-35830
milli kl. 20-22.
Veljið íslenskt.
Hvað er til ráða þegar skáldaæð-
in þornar og nýjar hugmyndir
verða jafn fágætar og gull á ís-
landi? í Hollywood kvarta fram-
leiðendur undan lítilli andagift
rithöfunda. í neyð sinni verður
Hollywcod-stjórum litið yfir
hafið, einkum til Frakklands. Þar
hafa furðufuglar fengist við kvik-
myndagerð um langt árabil og
sumum tekist nokkuð vel upp.
En hvernig getur evrópsk kvik-
myndagerð hjálpað sjálfri Mekka
þessa dýra listforms? Svarið er
einfalt; mógúlarnir í Hollywood
kaupa hugmyndina og búa til
aðra kvikmynd eftir þeirri
evrópsku. Disney, Paramount,
Universal, Warner Bros og 20th
Century Fox eru öll komin með
klærnar í slíkar uppsuður. Vin-
sælar franskar myndir eins og
Mama, There’s a Man in Your
Bed, Life Is a Long Quiet River
og The Women Next Door hafa
allar gengið í endurnýjun lífdag-
anna vestan hafs.
Joel Schumacher, leikstjóri
Cousins, bandarísku útgáfunnar
af mynd franska leikstjórans
Jean-Charles Tacchella, segir
það stundum auðveldara að fá
kvikmyndaverin til að leggja pen-
inga í endurgerð vinsælla
evrópskra kvikmynda en í frum-
legt kvikmyndaverk. „Ég efast
um að Hollywood hefði litið við
handritinu að Cousins ef ekki
hefði verið búið að reyna á það í
Evrópu,“ segir Schumacher.
Uppsuðuhugmynd Hollywood
er í grundvellinum keimlík því
þegar íslenskar konur og karlar, í
minna mæli þó, skiptast á upp-
skriftum að dýrum rjómakökum.
Blandan hefur verið reynd og
fólki geðjast hún. Pví þá ekki að
reyna hana aftur?
Bandarískir bíófarar hafa oft-
ast ekki hugmynd um að kvik-
myndin sem þeir eru að horfa á
er endurgerð evrópsk bíómynd.
Fáum þeirra hefði til dæmis dott-
ið í hug að gamanmynd Paul
Mazursky's, Down and Out in
Beverly Hills (1986), væri banda-
rísk útgáfa af hinni sígildu
frönsku kvikmynd Boudu Sauvé
des Eaux sem Jean Renoir gerði
árið 1932. Eða þá að Three Men
and a Baby væri ekki annað en
eftiröpun Hollywood á Trois
Hommes et un Couffin eftir
Coline Serreau.
A yfirstandandi ári og því sein-
asta hefur Hollywood boðið í
endurgerð að minnsta kosti 20 til
30 evrópskra kvikmynda. Þar á
meðal má nefna Le Retour de
Martin Guerre, er byggir á sann-
sögulegum atburðum er áttu sér
stað 1542, og hina mögnuðu
Nikita. Warner Bros hefur keypt
kvikmyndaréttinn að báðum
þessum myndum. Disney hefur
verið að þreifa fyrir sér og boðið
í gamanmynd Alain Resnais frá
1980, Mon Oncle d’Amérique en
þar fór Gérard Depardieu með
aðalhlutverkið sem hann gerði
raunar líka í framannefndri Le
Retour de Martin Guerre.
Depardieu þarf þó ekki að vænta
þess að hann verði eftirsóttur fyr-
ir vikið í Bandaríkjunum því að
hvorki evrópskir leikarar eða
leikstjórar eru fluttir inn til
Hollywood með aðkeyptum
uppsuðum. Nýir menn eru fengn-
ir í störfin. Það er svo annar
handleggur að hinir evrópsku
kvikmyndagerðarmenn hafa
sumir haft vel upp úr því að selja
endurtökuréttinn að kvikmynd-
um sínum til Hollywood. Upp-
suðu-rétturinn að flestum
frönsku kvikmyndanna selst á 12-
50 milljónir íslenskra króna.
Spánverjinn Pedro Almodovar
fékk 60 milljónir fyrir uppskrift-
ina að Women on the Verge ofa
Nervous Breakdown. Franski
framleiðandinn Jean-Francois
Lepetit setti upp lága tryggingar-
fjárhæð gegn því að fá 5% af
væntanlegum hagnaði af Three
Men and a Baby. Innkoman varð
nálega 11 milljarðar íslenskra
I króna.
Kvikmyndaklúbbur Akureyrar:
Glæsilegt í vetrarbyrjun
Það er greinilegt að stjórnendur
Kvikmyndaklúbbs Akureyrar
bera mikinn metnað í brjósti. í
byrjun vetrar bjóða þeir Akur-
eyringum að sjá þrjú listaverk
kvikmyndasögunnar. í dag
klukkan 17 verður Ay Carmela,
hin háðska ádeila Spánverjans
Saura á fasista um allan heim,
frumsýnd í Borgarbíói. Ay
Carmela verður aftur á dagskrá
fimmtudaginn 28. nóvember kl.
18.30.
Á morgun, sunnudag, kl. 17,
verður Óskarsverðlaunamyndin
Vegur vonar (Reise Der
Hoffnung) sýnd, leikstjóri er
Xavier Koller en í myndinni gerir
hann hina eilífu leit mannsins að
betri veröld að yrkisefni.
Á mánudaginn (25. nóv.) mun
Gérard Depardieu í gervi Cyrano
de Bergerac heimsækja bæjarbúa
öðru sinni. Nálega 70 Akureyr-
ingar sáu frumsýningu þessarar
stórkostlegu kvikmyndar á
sunnudaginn var. Mörg orð
mætti hafa um túlkun Depardieu,
enn fleiri um sjónarsviðið og þó
allra flest um söguna. Um þetta
BÓNUSSKÓR
NOVEMBERTILBOÐ
Á KULDASKÓM

Loöfóöraðir kuldaskór
meö riffluöum sóla
st. 36-41 - Verö aðeins kr. 2990,-
SKÓHÚSID
Verslunarmiðslöðinni Kaupangi, sími 27019
allt vísa ég til kvikmyndarýni er
birtist vonandi í sama tölublaði
Dags og þessi kvikmyndasíða.
Cyrano verður í þriðja sinnið
bíó á laugardaginn 30.
nóvember.
Val Kilmer í hlutverki Jim Morrisons.
Val Kflmer
- leikarinn með indíánablóð í æðum
í viðtali við breska blaðið Film
Review kvaðst Val Kilmer hafa
verið kominn á fremsta hlunn að
luetta kvikmyndaleik þegar
Oliver Stone bauð honum hlut-
verk Jim Morrisons í The Doors.
Kilmer, sem var orðinn þreyttur
á Mammonsdýrkun Hollywood,
endurskoðaði afstöðu sína til
kvikmynda og sagði já við tilboði
leikstjórans. Það freistaði hans
að vinna með Stone sem er kunn-
ur fyrir að ná öllu því besta úl úr
leikaraliði sínu. Þannig atvikaðist
það að leikarinn sem er þekktur
fyrir hlutverk hins ískalda og til-
finningalitla flugmanns úr Top
Gun og ævintýramannsins í
Willow svo eitthvað sé nefnt
gerðist poppstjarna og fíkniefna-
neytandi - aðeins þó á hvíta
tjaldinu.
„Það var stundum óþægilegt að
vinna að þessari kvikmynd“, rifj-
ar Kilmer upp. „Eftir því sem ég
kynntist Morrison betur því ljós-
ara varð rnér hversu líkan smekk
við höfðum, þá meina ég á sviði
bókmennta og tónlistar. Fíkni-
efnanotkunin tengdi okkur hins
vegar ekki á neinn hátt saman.
Kvikmyndin gerir heldur ekkert
til að bregða ljóma á fíkniefna-
neyslu Morrisons og þá ekki ég
heldur. Tilfinning okkar fyrir ein-
stökum lögum var ótrúlega lík.
Eitt sinn var verið að taka upp
lag fyrir kvikmyndina, lag sem
mér líkaði ekki alls kostar. Þegar
upptökunni lauk tautaði ég fyrir
munni mér eitthvað á þá leið að
þetta væri ómögulegt, nánast lag-
leysa. Upptökumaðurinn, sem
hafði einnig unnið að upptöku
lagsins fyrir The Doors, kallaði
þá í mig og bað mig að hætta að
apa eftir Morrison. Ég hafði þá
sagt það sama um sönglagið og
Morrison forðum - en ég var alls
ekki að leika heldur komu orðin
frá hjartanu."
En nú hefur Kilmer lagt hljóm-
sveitina The Doors og Jim
Morrison að baki. Hann hefur
snúið sér að nýjum viðfangsefn-
um. Kvikmyndirnar munu enn
um sinn fá að njóta hæfileika
hans því að í Thunder Heart,
mynd er Michael Apted leikstýr-
ir, leikur Kilmer kynblending af
Sioux-kynþætti. Þetta hlutverk
stendur ekki ýkja fjarri Ieikaran-
um því að í æðum hans rennur
blóð Cherokee-manna. Indíáni
sögunnar, sem er á snærum FBI,
er sendur inn á verndarnýlendur
Siouxa að leysa morðmál. Þar
lendir hann í sálarkreppu, hvor-
um skal þjóna, bleikskinnum eða
rauðskinnum? Framleiðandi
Thunder Heart er Robert De
Niro en þetta er jafnframt fyrsta
kvikmyndin er hann framleiðir.