Dagur - 30.01.1992, Blaðsíða 5

Fimmtudagur 30. janúar 1992 - DAGUR - 5
Lesendahornið
Sviplítil verðlaunamerki SJALUNN
MÓÐI skrifar:
„Nýlega var efnt til samkeppni
um einkennismerki handa Eyja-
fjarðarsveit og þrennum verð-
launum heitið fyrir bestu hug-
myndir að áliti dómnefndar og
hreppsnefndar. Að lokum var
haldin sýning í Hrafnagilsskóla á
verðlaunamerkjunum og öðrum
innsendum hugmyndum (á annað
hundrað).
Ég fór á þessa sýningu, en varð
fyrir verulegum vonbrigðum með
verðlaunamerkin. Þau eru að
vísu allvel teiknuð og snoturlega
útfærð, en ákaflega fjarri því að
vera sérstaklega einkennandi fyr-
ir Eyjafjarðarsveit. Duga þá lítt
útskýringar höfundanna á tákn-
rænni þýðingu myndanna, sem
þeir virðast hafa látið fylgja hug-
myndum sínum. Varla verða þær
prentaðar eða hafðar með í hvert
sinn sem merki er notað.
Gallinn er sá, að verðlauna-
merkin skera sig mjög ógreini-
lega úr mörgum öðrum merkjum
sveitarfélaga, en eiga það samt
sammerkt með ýmsum þeirra, að
vera fremur sviplítil og lítt eftir-
minnileg. Hin blómlega Eyja-
fjarðarsveit hefði að mínum
dómi átt eitthvað betra skilið. Ég
er þó ekki frá því, að á meðal
innsendra hugmynda, sem hafn-
að var, hafi verið nokkur snjallari
og táknrænni merki.
Mér hefur raunar fundist, að
oft og einatt hafi ekki gætt nægi-
legs metnaðar og nægrar íhygli
við gerð sveitarfélagsmerkja af
þessu tagi og árangurinn því orð-
ið Iágkúrulegri en vert hefði
verið. Kannski er það þess vegna
sem félagsmálaráðuneytið ætlar
að fara að setja einhverjar
almennar reglur um gerð slíkra
merkja. Hefði maður þó freistast
til að halda, að Jóhanna ráðherra
hefði nóg annað á sinni könnu
þessa dagana. Reyndar er varla
við því að búast, að miðstýring
ein verði hér til bjargar fremur en
endranær.“
Fagna bókaútgáfurmi fyrir jólin
„Ég fagna því hve mikið var gefið
út af góðum bókum fyrir jólin og
hve ódýrar þær voru. Fólk getur
gefið bækur í jólagjöf og það er
gott fyrir íslenskt mál. Ekki veitir
okkur af að varðveita tungumál-
ið.
Ég hef verið að lesa tvær af
þeim bókum sem komu út fyrir
jólin, þ.e. Spillvirkja eftir Égil
Egilsson og Fyrirgefningu synd-
anna eftir Olaf Jóhann Olafsson.
Síðarnefndu bókina las ég mér til
mikillar ánægju. Þetta er geð-
þekk bók, Ijóðrænn stíll og í
heild finnst mér hún vel unnin. í
Spillvirkjum finnst mér afturá
móti gæta grunnhyggju af hálfu
höfundarins. Efnismeðferðin er
kæruleysisleg og það einkennir
hana. Á köflum finnst mér hún
smekklaus.
Þessar tvær bækur las ég í einu og
muninn á þeim hefði ég ekki séð
eins vel ef ég hefði ekki gert það.
Það er því kostur að hafa tvær
bækur í takinu í einu.“
Halldóra Briem
Hljómskólatónleikar
Ingibjörg Jónsdóttir hafði sam-
band við Dag og vildi kvarta yfir
umfjöllun um Hljómskólatón-
leika sem birtist í Degi 18. des.
sl.
„Þó mér finnist mjög hæpið að
skrifa listagagnrýni um svona
tónleika, fannst mér vanta að
minnst væri á hlut forskólans í
umfjöllunni.
Hins vegar langar mig að geta
þess að þetta framtak Hljómskól-
ans, að halda áðurnefnda tón-
leika var virkilega skemmtilegt."
Kristinn Þorleifsson:
Um pistlahöfunda
Pressimnar, rétt og rangt
Ég hef nú um nokkurt skeið
reynt að lesa dagblaðið á lands-
byggðinni nokkuð reglulega.
Hefur oft glatt mig hversu hófsam-
lega er þar tekið á málum, sér-
staklega hafa kurteislegar og
málefnalegar greinar Braga Berg-
mann heillað mig. Þess vegna
þótti mér leiðinlegt að lesa fjöl-
miðlagrein Þrastar Haraldssonar
frá því á laugardaginn var
(25.1.). Þar er þessi fyrrum
starfsmaður Þjóðviljans -
ánægjulegt að hann er nú kominn
í öruggari vist - að skrifa um fjöl-
miðla.
Þegar Þröstur hefur fjallað
nokkuð um Tíma og Þjóðvilja
beinir hann talinu að helgarblað-
inu Pressunni. Þar segir hann að
hinn nýi ergandi blaðsins, Friðrik
Friðriksson, sé nú að fylla blaðið
af frjálshyggjupennum. Hið rétta
er að blaðið hefur ráðið fimm
fasta pistlahöfunda. Þeir eru Már
Guðmundsson, fyrrverandi efna-
hagsráðgjafi Olafs Ragnars
Grímssonar; Óli Kárason, fram-
kvæmdastjóri; Mörður Árnason,
fyrrverandi upplýsingafulltrúi
Ólafs Ragnars Grímssonar;
Hreinn Loftsson, aðstoðarmaður
forsætisráðherra og Guðmundur
Andri Thorsson, rithöfundur.
Vona ég að ég geri engum upp
skoðanir eða skoðanaleysi þegar
ég fullyrði að a.m.k. þrír þessara
fimm manna hafa aldrei í Sjálf-
stæðisflokknum verið, hvað þá
frjálshyggjumenn.
Ég vona að Dagur hafi rúm
undir þessa leiðréttingu um leið
Heimildarmynd um
Jón Sigurðsson forseta
Saga Film hefur ákveðið að
gera leikna heimildarmynd um
Jón Sigurðsson forseta.
Jón starfaði lengst af í Kaup-
mannahöfn við skjalavörslu og
ritstörf, auk þess að vera helsti
baráttumaður íslendinga í frelsis-
baráttunni. Jón var forseti
Alþingis þau þing sem hann sat á
árunum 1845-1879. Hann var auk
þess forseti Hafnardeildar Bók-
menntafélagsins. Jón Sigurðsson
lést í Kaupmannahöfn 1879 og
var jarðsettur í Reykjavík.
Vandað verður til myndarinn-
ar eins og kostur er og hefur
Guðmundur Magnússon sagn-
fræðingur verið ráðinn að verk-
efninu og er undirbúningur að
handritsgerð þegar hafinn.
Umsjón með sjónvarpsgerð hef-
ur Björn G. Björnsson. Fyrirhug-
uð er samvinna við íslenska og
danska sjónvarpið. Áætlað er að
myndin verði tiíbúin til sýningar í
sjónvarpi 1994 á 50 ára afmæli
lýðveldisins.
og ég vona að þessu blaði muni í
auknum mæli takast að greina á
milli þess sem er satt og þess er
það vildi gjarnan að væri satt.
Kristinn Þorleifsson.
Höfundur cr Reykvíkingur.
Föstudagur og laugardagur
Stjómin,
Sigga og Grétar
Húsið opnað kl. 23.00
Kjallarinn:
Fyrirtækj akeppni
í karaoke kl. 22.00
✓
Islandsmeistarinn í karaoke
* *
Ottar Ottarsson syngur
Skráning í keppnina í síma 22770
Rúnar Þór og félagar í
Kjallaranum föstudag,
laugardag og sunnudag
Einingabréf
Skammtímabréf
Tveir góðir kostir til að ávaxta fé
Ejningabréf henta þeim sem vilja ávaxta sitt fé til lengri tíma, en
vilja jafnframt geta losaö þaö meö skömmum fyrirvara.
Skammtímabréf henta þeim sem eru meö laust fé í skamman
tíma, 1-6 mánuöi og þau eru einnig laus með skömmum fyrirvara.
Ávöxtun sl. 12 mánuði
Raunávöxtun Nafnávöxtun
6,9%
5,0%
6,9%
6,1%
Einingabréf 1
Einingabréf 2
Einingabréf 3
Skammtímabréf
15,1%
13,0%
13,0%
14,2%
KAUPÞ/NG
NORÐURLANDS HF
Ráðhústorgi 1, 600 Akureyri, sími 96-24700, fax 96-11235.