Dagur - 25.06.1992, Qupperneq 4

4 - DAGUR - Fimmtudagur 25. júní 1992
ÚTGEFANDI: DAGSPRENT HF.
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 96-24222
ÁSKRIFT KR. 1200 Á MÁNUÐI
LAUSASÖLUVERÐ KR. 110
GRUNNVERÐ DÁLKSENTIMNETRA 765 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
BLAÐAMENN:
INGIBJÖRG MAGNÚSDÓTTIR (Húsavík vs. 96-41585),
JÓHANN ÓLAFUR HALLDÓRSSON, JÓN HAUKUR BRYNJÓLFSSON (íþróttir),
ÓLI G. JÓHANNSSON, ÓSKAR ÞÓR HALLDÓRSSON,
SKÚLI BJÖRN GUNNARSSON (Sauöárkróki vs. 95-35960, fax 95-36130),
STEFÁN SÆMUNDSSON, ÞÓRÐUR INGIMARSSON
LJÓSMYNDARI: KJARTAN ÞORBJÖRNSSON
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON, ÞRÖSTUR HARALDSSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
HAFDÍS FREYJA RÖGNVALDSDÓTTIR, HEIMASÍMI 25689
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
SÍMFAX: 96-27639
Dyntótt veðurfar
Það er stundum sagt að ísland sé á mörkum hins
byggilega heims og er þá vísað til hinna hrikalegu
náttúruafla sem öðru hverju gera vart við sig.
Landsmenn eru sjálfsagt ekki tilbúnir til að sam-
þykkja að landið þeirra sé óbyggilegt heldur telja
það þvert á móti gjöfult og ríkt af nýtanlegum
auðlindum. Hins vegar dettur engum í hug að
neita því að veðurguðirnir svonefndu setja daglegt
líf íslendinga oft og tíðum úr skorðum.
Síðustu daga höfum við fengið enn eina stað-
festingu þess hve íslenskt veðurfar er óútreiknan-
legt og dyntótt. Eftir nokkurra vikna tímabil sólar
og blíðu brast skyndilega á með fárviðri í lok síð-
ustu viku. Það mældist 11 vindstig í verstu hryðj-
unum og olli gífurlegum gróðurskemmdum víða á
Norðurlandi. Tæpri viku síðar tók við eitthvert
mesta kuldakast sem sögur fara af á þessum
árstíma.
Svo kalt var í veðri aðfaranótt síðastliðins mið-
vikudags að snjóa tók í byggð á Siglfirði, Ólafsfirði
og víðar og fjallvegir víða um land tepptust. Á
þessari stundu er ekki gott að segja hversu miklu
tjóni hið síðbúna vetrarveður hefur valdið á gróðri
en þó má búast við að tjónið sé umtalsvert. í annan
stað er ljóst að svo kalt júníveður er ekki vel til
þess fallið að örva straum erlendra ferðamanna til
landsins. Þrátt fyrir það láta landsmenn sér fátt
um veðrabrigðin finnast. Þeir vita sem er að hér er
allra veðra von og hafa fyrir löngu lært að laga líf
sitt að þeirri staðreynd. Veðrið er þeim ávallt jafn-
kærkomið umræðuefni og vegna síbreytileikans
verður það aldrei leiðigjarnt.
Vinabæjamót á Akureyri
Þessa viku stendur yfir á Akureyri stærsta vina-
bæjamót sem haldið hefur verið í bænum til þessa.
Um 220 manns frá Akureyri og vinabæjunum í
Danmörku, Finnlandi, Noregi og Svíþjóð taka þátt
í mótinu og leggja sitt að mörkum til að dagskráin
verði sem fjölbreytilegust.
Óhætt er að fullyrða að gildi slíks vinabæja-
samstarfs frændþjóðanna á Norðurlöndum er
mikið. Gagnkvæmar heimsóknir víkka sjóndeildar-
hringinn og treysta vináttuböndin. Þá fá þátttak-
endurnir innsýn í daglegt líf fólks á hinum Norður-
löndunum og kynnast viðhorfum þess. Vinabæja-
samstarf er því í raun afar ákjósanleg leið til að
kynna land og þjóð.
Af framansögðu er ljóst að þótt þátttaka Akur-
eyrar í norrænu vinabæjasamstarfi sé talsvert
kostnaðarsöm, má fullyrða að þeir fjármunir skila
sér margfaldir til baka. Þess vegna er óskandi að
áfram verði haldið á sömu braut. Það er ekki síst
mikilvægt í ljósi þess að norrænt samstarf á vett-
vangi Norðurlandaráðs er í talsverðri óvissu sem
stendur. BB.
Fréttir
Víkurskarð reyndist mörgum ökumanninum torsótt leið í gærmorgun og þessi vöruflutningabílstjóri setti keðjur
undir bílinn áður en hann lagði á skarðið. Myndir: GT
Vetrarveður á miðju sumri
- vegfarendur í basli
í Ólafsfirði vöknuðu bæjarbúar upp við vondan draum í Bændur í Fljótum og Ólafsfirði leituðu að kindum á
gærmorgun. Ryðja þurfti snjó af götum og gangstéttum. Lágheiði í fyrrakvöld og í gær. Óttast var að fé fennti í
kaf í giljum enda djúpur snjór.
Þessi fólksbifrcið fór út af veginum við bæinn Bakka í Ólafsfirði um miðjan dag í gær. Lágheiði var ekki talin fær
nema jeppum í gærmorgun en síðdegis bárust fregnir af því að lögreglubíllinn í Olafsfirði hafi setið fastur á heiðinni
á leið sinni yfir.