Dagur - 14.11.1992, Blaðsíða 5

Laugardagur 14. nóvember 1992 - DAGUR - 5
Fréttir
Landssamband smábátaeigenda:
Útfærsla fisk-
veiðilögsögunnar
- fyrirhuguðum niðurskurði
til Landhelgisgæslu mótmælt
Nýverið skoraði Landssam-
band smábátaeigenda á Ríkis-
stjórn íslands að nú þegar
verði hafíst handa við að
kanna til hlítar þann mögu-
leika að færa út fískveiðilög-
söguna og jafnframt er fyrir-
huguðum niðurskurði til Land-
helgisgæslunnar mótmælt.
í greinargerð um útfærslu fisk-
veiðilögsögunnar stendur: „Eng-
inn vafi er á að eigi að koma til
frekari útfærslu fiskveiðilögsög-
unnar er ekki seinna vænna að
hefjast nú þegar handa. Raunar
getur Hafréttarsamningur Sam-
einuðu þjóðanna um réttindi
strandríkja yfir landgrunninu allt
út í 350 mílur, sem og annarra
réttinda strandríkja yfir fram-
lengingum á landgrunninu enn
utar.
Margar af þeim þjóðum, sem
talist hafa til þeirra „siðmennt-
aðri“ hafa hagað sér með þeim
eindæmum á fiskislóðum sem
ganga út úr efnahagslögsögu ann-
arra ríkja að sterk rök hníga að
því að strandríki sem eiga allt
undir auðlindum hafsins verða að
grípa til allra þeirra aðgerða sem
þurfa þykja. Slíkar aðgerðir eru
raunar studdar í Hafréttarsamn-
ingnum.“
í framhaldi greinargerðarinnar
um útfærslu fiskveiðilögsögunnar
mótmælir Landssamband smá-
bátaeigenda fyrirhuguðum niður-
skurði til Landhelgisgæslunnar
og skorar á stjórnvöld að efla
Landhelgisgæsluna með því að
færa henni aukin verkefni á hin-
um ýmsu sviðum sem liggja vel
við starfsvettvangi hennar. Nefnt
er eftirlit og viðhald með vitum
og baujum, mengunarvarnir, fisk-
veiðieftirlit og fleira. ój
Tryggingastofnun ríkisins:
Aðgerðir til að tor-
velda misnotkun á
almannatryggingabótmn
Aö undanförnu hefur nefnd
verið að störfum á vegum ríkis-
stjórnarinnar til að athuga
hvort stuðningskerfí fyrir ein-
stæða foreldra væri markvisst
misnotað. Nú er verið að
senda öllum þeim, sem fá
greidd frá Tryggingastofnun
ríkisins mæðra- og feðralaun,
bréf þar sem tilgreindar eru
ráðstafanir til að stemma stigu
við meintri misnotkun á
almannatryggingabótum.
í bréfinu er tilkynnt eftirfar-
andi:
1. Tryggingastofnun veitir
þeim sem fá greidd mæðra- og
feðralaun vegna rangrar skrán-
ingar sambúðar, frest til áramóta
til að leiðrétta sambúðarskrán-
inguna, án frekari eftirmála af
hálfu stofnunarinnar.
Eftir þann tíma mun Trygg-
ingastofnun beita viðurlögum
gagnvart þeim bótaþegum, sem
uppvísir verða að vísvitandi
rangri sambúðarskráningu til að
öðlast rétt til bóta. Viðurlög fel-
ast í því að viðkomandi verður
krafinn um tvöfalda þá bóta-
Vísitala fram-
færslukostnaðar:
Óbreytt síðustu
þijá mánuði
Kauplagsnefnd hefur reiknað
vísitölu framfærslukostnaðar
miðað við verðlag í nóvember-
byrjun 1992. Vísitalan í
nóvember reyndist vera 161,4
stig og var óbreytt frá október.
Síðastliðna tólf mánuði hefur
vísitala framfærslukostnaðar
hækkað um 0,9%. Vísitalan
undanfarna þrjá mánuði er
óbreytt.
greiðslu sem ranglega var fengin
frá Tryggingastofnun.
2. Lífeyrisdeild Trygginga-
stofnunar tekur ekki til afgreiðslu
umsóknir um mæðra- og feðra-
laun, nema þeim fylgi formlegur
meðlagsúrskurður, umsókn um
meðlagsgreiðslu og vottorð um
lögheimili beggja foreldra.
Samkvæmt þessu er ekki unnt
að láta nægja upplýsingu
umsækjanda um mæðra- eða
feðralaun, þess efnis að meðlags-
greiðandi greiði beint til þess
aðila sem heldur heimili með
barni sínu. ój
Hótel Reynihlíð í Mývatnssveit.
Mynd: Robyn
Hótel Reynihlíð:
Sumarið var með lélegra móti
- minni umferð íslendinga á stærstan þátt í minni veitingasölu
Arnþór Björnsson, hótelstjóri
Hótels Reynihlíðar í Mývatns-
sveit, segir að síðastliðið sumar
hafí verið með lélegri sumrum
hvað varðar tekjur af þjónustu
við ferðamenn. Mikið minna
hafí verið af íslensku ferðafólki
en oft áður og það hafí komið
fram í minni veitingasölu og
tekjum af þjónustu. Hins veg-
ar hafí gistisala verið svipuð og
áður.
Arnþór segir að veðrið í sumar
og fleiri mikilvægir þættir hafi
spilað inní að minna sást af
íslensku ferðafólki en oft áður.
Veðurguðirnir voru Mývetning-
um ekki hagstæðir og þeir
íslensku ferðamenn sem heim-
sóttu svæðið dvöldu skemur en
að jafnaði áður. Arnþór segir að
einnig spili inní að tvær nýjar
veitingasölur hafi verið opnaðar í
Mývatnssveit í sumar og það
kunni að draga úr hjá þeim sem
fyrir voru.
Aðspurður segir Arnþór ekki
vandamál að selja erlendum
ferðamönnum gistingu. Nú þegar
sé búið að bóka mjög mikið fyrir
næsta sumar og jafnvel komnir
biðlistar. Ekki þurfi því að kvarta
yfir gistinýtingunni yfir sumar-
mánuðina. Nýtingin yfir vetrar-
mánuðina er hins vegar minni en
í þessar viku komu fyrstu hóp-
arnir í skólabúðir en aðstaðan á
Hótel Reynihlíð er nýtt undir
þessa hópa. Ætlunin er að þessi
starfsemi verði fram að áramót-
um og senda skólar víðs vegar að
af landinu hópa í skólabúðir í
Mývatnssveit en hóparnir eru
viku í senn. JÓH
Akureyri:
Tvö kratafélög lögð niður
og eitt stofnao í staðinn
Alþýðuflokksfélag Akureyrar
og Kvenfélag Alþýðuflokksins
verða lögð niður í núverandi
mynd og eitt félag stofnað í
staðinn. Þetta var niðurstaða
fundar á Akureyri: vikunni. í
þeirra stað verður stofnað eitt
jafnaðarmannaféiag fyrir allt
Eyjafjarðarsvæðið, sem enn
sem komið er hefur ekki feng-
ið nafn.
Á fundinum var kjörin bráða-
birgðastjórn til að fylgja form-
legri stofnun félagsins úr hlaði og
eru í henni Unnur Björnsdóttir,
Akureyri, Finnur Birgisson,
Akureyri, Jónína Óskarsdóttir,
Ólafsfirði, Margrét Jónsdóttir,
Akureyri og Haukur Torfason,
Akureyri. í varastjóm em Hannes
Örn Blandon, Eyjafjarðarsveit
og Svava Rögnvaldsdóttir, Akur-
eyri. Þá voru þau Hreinn
Pálsson, Akureyri, Áslaug
Einarsdóttir, Akureyri og Finnur
Birgisson kjörin í laganefnd, en
þeirra hlutverk verður að ganga
frá lögum félagsins. Gert er ráð
fyrir að félagið verði formlega
stofnað eftir áramót.
Stjórnmálaályktun aðalfundar kjördæmisráðs Sjálfstæðisflokksins á Norðurl. eystra:
Megináhersla lögð á samstöðu ríkisstjómar og
aðila vinnumarkaðarms um bætta stöðu atvinnulífs
Aðalfundur kjördæmisráðs
Sjálfstæðisflokksins í Norður-
landskjördæmi eystra var hald-
inn fyrir skömmu. Eftirfarandi
stjómmálaályktun var samþykkt
á fundinum.
„Aðalfundur kjördæmisráðs
Sjálfstæðisfélaganna í Norður-
landi eystra lýsir yfir eindregnum
stuðningi við stefnu ríkisstjórnar
Davíðs Oddssonar og fagnar því
að tekist hefur að stöðva vöxt
rekstrarútgjalda ríkissjóðs og
stemma stigu við erlendri skulda-
söfnun. Þetta er forsenda efna-
hagslegs stöðugleika og leggur
grunn að lækkun vaxta. Meðal
mikilvægra áfanga sem náðst
hafa í stjórn efnahagsmála er
lægri verðbólga en hefur þekkst í
áratugi og lækkandi viðskipta-
halli. Breytt vinnubrögð ríkis-
stjórnar í ríkisfjármálum hafa
leitt í ljós að háu atvinnustigi,
einkum í þjónustugreinum, hefur
verið haldið uppi hér á landi með
hallarekstri ríkissjóðs og erlend-
um lántökum en sú þróun undan-
farinna ára og áratuga hefur ver-
ið landsbyggðinni mjög óhag-
stæð. Aðhald í ríkisfjármálum
hefur því dregið fram í dagsljósið
mikilvægi framleiðslugreina og
atvinnulífs landsbyggðarinnar.
Á sama tíma og samdráttur
hefur orðið í efnahagslífi helstu
viðskiptalanda, hafa sviptingar í
gengismálum skaðað íslenskar
útflutnings- og samkeppnisgrein-
ar. Mikill aflasamdráttur mun
leiða til þess að sjávarútvegur og
fiskvinnsla verða að öllu óbreyttu
rekin með miklum halla. Aðal-
fundur kjördæmisráðs leggur
megináherslu á að ríkisstjórnin
og aðilar vinnumarkaðarins leiti
hið fyrsta eftir víðtækri samstöðu
um að bæta stöðu atvinnulífsins.
Aðalfundur kjördæmisráðs
Sjálfstæðisfélaganna í Norður-
landskjördæmi eystra styður
aðild íslendinga að hinu Evr-
ópska efnahagssvæði og leggur
áherslu á þá möguleika sem
atvinnu-, mennta- og menningar-
lífi landsmanna bjóðast. Jafn-
framt bendir fundurinn á að
brýnt er að bæta samkeppnis-
stöðu íslenskra atvinnugreina og
efla rannsókna- og þróunarstarf
innanlands.
Fundurinn styður hugmyndir
um sameiningu og samvinnu
sveitarfélaga. Jafnframt samein-
ingu ber að færa fleiri verkefni til
sveitarfélaga og tryggja þeim
tekjustofna til að mæta þeim.
Aðalfundur kjördæmisráðs lýs-
ir áhyggjum sínum af því ástandi
sem nú ríkir í atvinnumálum
þjóðarinnar. Mikilvægt er að
landsmenn leggi ekki árar í bát á
þessum erfiðleikatíma og leggi
sitt af mörkum til nýrrar atvinnu-
sköpunar. Fundurinn fagnar hug-
myndum ríkisstjórnarinnar um
fjárstuðning við markaðssetningu
og þróun nýrra atvinnutækifæra.
Hvetur fundurinn til sérstaks
átaks í þróun íslensks iðnaðar og
bendir jafnframt á nauðsyn þess
að tryggja hagsmuni íslenskra
iðnfyrirtækja gagnvart niður-
greiddum iðnaðarvörum“ JÓH