Dagur - 28.12.1993, Síða 7

Þriðjudagur 28. desember 1993 - DAGUR - 7
Opið bréf til stjórnar Kaupfélags Eyfirðinga:
Er KEA að knésetja eigið iðnfyrirtæki?
Þetta er spurning sem viö, starfs-
fólk Efnaverksmiðjunnar Sjafnar,
veltum fyrir okkur þessa dagana.
Astæðan er sú aö nýverið hefur
Byggingavörudeild KEA að Lóns-
bakka sett upp stóran og mikinn
bás mcð innfluttri danskri máln-
ingu. Þetta finnst okkur skjóta í
meira lagi skökku við þar sem
KEA á og rekur Efnaverksmiðj-
una Sjöfn sem framleiðir fyllilega
sambærilega málningu. Það er al-
kunna að Sjöfn er þekkt meðal
fagmanna og almennings fyrir há-
gæóa vöru sem stendur innfluttri
málningu síst að baki og að sögn
starfsmanna Byggingavörudeildar
er eini munurinn að hver lítri af
dönsku málningunni er rúmlega
100 kr. dýrari en málningin frá
Sjöfn.
Sem stendur á KEA í samstarfi
við önnur fyrirtæki um átakið „Is-
lenskt, já takk“. Okkur starfsfólki
Sjafnar er spurn hvort þátttaka
KEA í þessu átaki hafi verið eitt-
hvert grín. Akvöróunin um að
selja þessa málningu er köld
kveðja til okkar starfsmanna
Sjafnar og annarra sem reyna að
efla verðmætasköpun í landinu og
í raun er hún óskiljanleg þar sem
með þessu er KEA beinlínis að
höggva stoóir undan eigin
atvinnurckstri.
Akureyringar hafa ekki farió
varhluta af þeim þrengingum sem
steója að íslenskum iðnaði. Akur-
eyri var áður blómlegur iðnaðar-
bær með öflugum vefnaðar-, hús-
gagna- og skóiðnaði svo eitthvað
sé nefnt. Efnaverksmiójan Sjöfn
hefur fram að þessu staðið af sér
allar þessar þrengingar. Það er því
von að við spyrjum: er nú komið
að okkur?
Við, starfsfólk Sjafnar skorum
á Akureyringa og aóra viðskipta-
vini Byggingavörudeildar KEA að
sýna samstöðu með því að
snióganga þessa innfluttu máln-
ingu og stuðla þannig að aukinni
atvinnu og hagsæld í bænum okk-
ar.
íslenskt, já takk.
Starfsfólk Sjafnar.
Kvikmyndarýni:
Ágæt fjölskylduskemmtun
Borgarbíó á Akureyri sýnir:
„Krummarnir (The Crumb)
Leikstjóri: Sven Methling
Handrit: John Stefan Olsen,
byggt á sögu Thöger Birkeland
Framleiðandi: Regner Grasten
Aðalhlutverk: Laus Höjbye,
Dick Kaysöe, Karen Lise
Mynster, Line Kruse og Lukas
Forchhammer
Framleiðsluland: Danmörk
1992
Islenskt tal: Jóhann Ari Lárus-
son, Sólveig Arnardóttir, Edda
Heiðrún Backmann, Jóhann
Sigurðsson, Sigurður Skúlason,
Ari Matthíasson, Gísli Halldórs-
son, Róbert Arnfinnsson o.fl.
Stjórn tæknivinnu við hljóðsetn-
ingu: Þorbjörn Erlingsson.
Borgarbíó á Akurcyri sýnir
þessa dagana dönsku fjölskyldu-
myndina „Krummarnir". Mikill
meirihluti þeirra mynda sem sýnd-
ur cr í bíóhúsunum er bandarískrar
ættar og næststærsti hópurinn er
ástralskrar, enskrar eóa nýsjá-
lenskrar ættar. I öllum þessum
myndum er mælt á cnska tungu.
Það cr því kærkomin tilbreyting
að fá að sjá hvað einhverjar aðrar
þjóðir en þær enskumælandi eru
að fást við á kvikmyndasviðinu.
Danir eru annálaðir fyrir góðan
„húmor“ og hann er vissulega til
staóar á köfium í „Krummunum-1.
Myndin fjallar um ellefu ára
gamlan strák og fjölskyldu hans.
Pabbinn er léttgeggjaður og kæru-
Iaus handavinnukennari, móðirin
er aó reyna að ná sér í námsgráðu
til að standa bctur aó vígi á vinnu-
markaðinum, stóra systir er á við-
kvæmum aldri; sem sé táningur
mcð „unglingaveiki“ eins og
gengur og gerist og litli bróðir er
pínulítill en uppátækjasamur. Að-
alsöguhetjan, sem hlotió hefur
nafnið Hrafn Borg í íslcnskri þýó-
ingu en er jafnan kallaður
Krummi eins og reyndar öll fjöl-
skyldan, sver sig í ættina. Hann á í
sífelldum vandræðum í skólanum
en er þrátt fyrir það besti drengur
og duglegur heima fyrir. I mynd-
inni fáum við að fylgjast með'æv-
intýrum hans og vina hans, fjöl-
skyldunnar og nágrannanna í
nokkrar vikur og bcr rnargt til tíð-
inda.
Myndin er á köfium farsakennd
og persónurnar ýktar og gcngur
það „plott" ágætlega upp. Hús-
vörðurinn cr t.a.m. skemmtileg
rola og bankaræningjarnir ótrú-
lega heimskir og seinheppnir og
sömu sögu er að segja af þcim ná-
granna sem mest líður fyrir nábýl-
iö við Krummafjölskylduna. At-
burðarásin er eðlilcg og framvinda
hennar jöfn og má segja það sé
næststærsti kostur myndarinnar.
Einnig má nefna að Laus Höjbye
fer ntjög vel með hlutverk aðal-
persónunnar, Krumma litla.
Stærsti kostur myndarinnar er þó
tvímælalaust íslenska talió. Þetta
er einungis önnur leikna erlenda
bíómyndin frá upphafi, sem ráóist
er í aó talsetja á íslensku. Tiltækið
hefur lukkast vel og eykur gildi
myndarinnar mjög. Þýðingin er
hnökralaus og taliö nokkuð skýrt.
Einna helst eru yngri lcikendurnir
óskýrmæltir en það er svo sem
eins og gengur og gcrist í raun og
veru.
Það er hægt að mæla með
Krummunum scm prýóilegri af-
þreyingu fyrir alla fjölskylduna.
Mesta skcmmtun hljóta börn lrá
8-9 ára aldri að hafa af myndinni
svo og unglingar og foreldrar
barna á öllum aldri. Yngstu börn-
unum leiddist þó ekki á þrjú-sýn-
ingunni á 2. dag jóla og ekki
spillti ánægjunni að jólasveinn
kom í heimsókn í hléinu og færði
öllunt börnunum gosdrykki.
Aö endingu llnnst mér ástæða
til að hrósa forráðamönnum Borg-
arbíós fyrir að bjóða Norðlending-
unt upp á danska mynd sem aðra
af jólamyndunum í ár, því eins og
fyrr segir er slík mynd kærkomin
undantekning frá ensku reglunni.
Bragi V. Bergmann.
Fulltruafundur Landssambandsins gegn áfengisbölinu:
Varar við einkavæðingu áfengissölu
- áfengisauglýsingum og fjölgun vínveitingastaða
„FuIItrúafundur Landssam-
bandsins gegn áfengisbölinu
haldinn 6. des. 1993 varar ein-
dregið við eftirtöldum atriðum:
1. Einkavæðingu áfengissölu.
- Hvergi hefur neysla minnkað
þar sem sú leió hefur verið farin -
heldur þvert á móti aukist og sums
staðar svo aö í óefni er komið,
m.a. vegna heilsutjóns og félags-
legra vandkvæða scm margfaldast
þegar neysla eykst.
2. Áfengisauglýsingum, bein-
um og óbeinum.
- Landssambandið hvetur lög-
regluyfirvöld til að stemma stigu
vió brotum á banni við áfengis-
auglýsingum og bendir á að þeir
sem græða á framleiðslu og sölu
áfengis víða um heim sjáist ekki
fyrir í þessum efnum, brjóta lög
með beinum auglýsingum og
greiða fyrir þær óbeinu með fé
eóa í fríðu.
3. Fjölgun áfengisveitinga-
staða.
- Miðbær Reykjavíkur drcgur
nú þegar dám af aumustu hverfum
erlendra borga og ofbeldisverk eru
tíð á áfengisveitingastöðum og í
nágrenni þeirra. Mál er að linni
fjölgun slíkra staða, bæði þar og
annars staóar.
Áhrifaríkasti ógæfuvaldurinn
Fulltrúafundurinn hvetur Islend-
inga til vakandi vitundar um þann
voða sem vímuefnaneyslu fylgir
og er áfengi þar áhrifaríkast
ógæluvalda.
- Heilbrigði og hollir lífshættir
geyma þau gildi scm gullvæg
reynast í siðmenntuðu samfélagi.
Fulltrúafundurinn heitir á Islend-
inga að hefja virka sókn gegn öll-
um vímuefnum meö hag og heill
þjóðarinnar að leiðarljósi.“
(Fréttatilkynning.)
a .. i
íslandsbankamót
í bridds
íslandsbanki og Briddsfélag Akureyrar gangast
fyrir opnu briddsmóti sunnudaginn 2. janúar.
Spilað verður í Skipagötu 14, 4. hæð og hefst spila-
mennskan kl. 10.00.
Skráningu lýkur kl. 9.40 á spilastað.
Pör geta tilkynnt þátttöku til Páls Jónssonar í síma
21695 eða Hermanns Tómassonar í síma 26196.
Auglýsing
frá menntamálaráðuneytinu
Stöðupróf í
framhaldsskólum
Stöðupróf í framhaldsskólum í byrjun vorannar 1994
verða sem hér segir:
Enska þriðjudaginn 4. janúar kl. 18.00.
Þýska, spænska, ítalska miðvikudaginn 5. janúar kl.
18.00.
Norska, sænska fimmtudaginn 6. janúar kl. 18.00.
Franska, stærðfræði föstudaginn 7. janúar kl. 18.00.
Innritun fer fram á skrifstofu Menntaskólans við
Hamrahlíð, sími: 685155.
Síðasti innritunardagur er 3. janúar. Milli jóla og ný-
árs er skrifstofan opin frá kl. 10.00-14.00.

BJORN SIGURÐSSON
HÚSAVÍK
HÚSAVÍK - AKUREYRI - HÚSAVÍK
JÓLAÁÆTLUN 1993 - 1994
FRÁ HÚSAVÍK FRÁ AKUREYRI
ÞRIÐJUDAGUR ....28/12 16:45 7:30
MIÐVIKUDAGUR.... 29/12 8:00 & 16:45 7:30 & 15:30
1-IMMTUDAGUR 30/12 16:45 7:30
FÖSTUDAGUR 31/12 ENGIN FERÐ ENGIN FERÐ
LAUGARDAGUR 1/1'94 ENGIN FERÐ ENGIN FERÐ
SUNNUDAGUR 2/T94 17:00 ENGIN FERÐ
MÁNUDAGUR 3/1'94 8:00 & 16:45 7:30 & 15:30
ÞRIÐJUDAGUR 4/1'94 8:00 & 16:45 7:30 & 15:30
AFGREIÐSLUR:
Húsavík: Shell-Nesti Héðinsbraut 6, (farþegar) s:41260
BSH hf. Garðarsbraut 7, (pakkar) s:42200
Akureyri: Umferðarmiðstöðin Hafnarstraeti 82, s:24442
GÓÐA FERÐ