Dagur - 03.12.1994, Blaðsíða 19

MAGNÚS GEIR GUÐMUNDSSON
Laugardagur 3. desember 1994 - DAGUR - 19
POPP
Evrópsku MTV verðlaunin voru í
fyrsta skipti afhent í síðustu viku
í Berlín og heppnaðist athöfnin
bara vel. Var ekki hvað síst um
spennandi viðburð fyrir okkur ís-
lendinga að ræða, því stjarnan
„okkar" Björk Guðmundsdóttir
var tilnefnd til tvennra verðlauna,
sem besti kventónlistarmaóurinn
og fyrir besta lagið, Big time
sensuality. Hún hlaut því miður
hvorug verólaunanna eins og
sjálfsagt flestir vita, en fyrir þá
sem hvorki heyrðu né sáu og
hina líka er rétt aó fara yfir verð-
launahafana. í tilnefningaflokk-
um Bjarkar var það annars vegar
Mariah Carey sem valin var tón-
listarkona ársins, en hins vegar
lagið 7 seconds með Youssou N’
Dour og Neneh Cherry. Fyrir
bestan flutning á lagi eftir aðra
var skoska rokksveitin Gun veró-
launuó fyrir lagið Word up og
Aerosmith var útnefnd rokk-
hljómsveit ársins. Kanadísku
„kráarraulararnir" í Crash test
Aerosmith voru áberandi á fyrstu
MTV verölaunaafhendingunni.
Þeir félagar hlutu verölaun, af-
hentu önnur slík og komu líka fram
og spiluöu.
dummies hlutu nafnbótina bestu
nýliðarnir og landi þeirra Bryan
Adams var valin besti karltónlist-
armaðurinn. Breska spútnikið
The prodigy var valin besta
danshljómsveitin, en hljómsveit
ársins var einnig bresk, popp-
sveitin Take that. Höfundar
myndbands með rapprokkurun-
um í Beastie boys fengu viður-
kenningu sem bestu leikstjórar
og loks fengu mannréttindasam-
tökin Amnesty international sér-
stök verðlaun fyrir frelsisbaráttu
sína. Þó hún Björk blessunin hafi
ekki fengið verðlaun, þá gátu
landsmenn verið vel stoltir af
framgöngu hennar á sviðinu í
Berlín. Söng hún þar Big time
sensuality með miklum myndar-
brag, í einhverjum skemmtileg-
asta kjól sem sést hefur lengi.
Aðrir, Aerosmith, „sá nafnlausi”,
eða Prince, Roxette, Therapy?
og George greyið Michael, sem
lítið hefur heyrst í undanfarið
vegna dómerja við útgáfu sína
Sony m.a. voru einnig ósviknir
gleðigjafar á þessari velheppn-
uóu fyrstu verðlaunahátíð MTV
tónlistarstöóvarinnar í Evrópu.
Þau tíðindi berast nú frá Bretlandi,
að ein af vinsælli blúsrokksveitum
landsins í lok sjöunda áratugarins og
byrjun þess áttunda, Free, sé að öll-
um líkindum aó lifna við á ný eftir að
hafa legið í gröf sinni í meira en tutt-
ugu ár. Hljómsveitin, sem öðlaðist
reyndar nokkra endurnýjun lífdaga
fyrir ekki löngu síðan þegar þeirra
frægasta lag, All right now, varð vin-
sælt að nýju vegna notkunar í aug-
lýsingu, átti mjög góðu gengi aó
fagna í þau um fimm ár sem hún
starfaði, en 1973 slitnaói upp úr
samstarfinu. Eru það þrír af upphaf-
legu meðlimunum fjórum, sem sagð-
ir eru nú ætla að endurreisa Free,
þeir Paul Rodgers söngvari, Simon
Kirke trommuleikari og Andy Fraser
bassaleikari. Spurningin um hvort
þessi endurkoma verði endanlega
að veruleika, er hins vegar varóandi
gítarleikarahlutverkió, en uppruna-
Free á sínum fyrri dögum. Sveitin
viröist nú aftur vera aö vakna til
lífsins.
legi gítarleikari Free, Paul Kossoff,
lést í flugslysi árið 1976. Það er sem
sagt ekki vitað hver eigi að fylla
skarð Kossoffs, en gert er ráð fyrir
að það muni upplýsast innan
skamms og þ.a.l. að af endurkom-
unni verði. Hafa reyndar ótrúlegar
sögusagnir heyrst um að Slash gít-
arleikari Guns n’ roses kæmi til
greina, en það veróur að teljast helst
til langsótt. Aftur á móti er Ijóst aó
mikill áhugi er hjá stórum plötuútgef-
endum að gera samning vió Free ef
dæmið gengur upp og víst er að
margur rokkaódáandinn er spenntur
líka. Því má svo bæta við hér að Bas
company, hljómsveitin sem þeir
Rodgers og Kirke stofnuðu á rústum
Free ásamt fyrrum gítarleikara Mott
the Hoople, Mick Ralphs og sem
Kirke og Ralphs endurreistu fyrir
nokkrum árum með góóum árangri,
er byrjuó að vinna nýja plötu sem
koma á út á fyrri hluta næsta árs.
Verður þetta fimmta plata þeirra
tveggja í félagi við söngvarann Brian
Howe.
Margir íslenskir tónlistarmenn
hafa löngum þótt sérstakir og átt
sér sérstaka sögu sumir hverjir.
Einn sem örugglega fellur inn i
þann flokk er fyrrverandi frysti-
hússtarfsmaðurinn, meðhjálpar-
inn, veitingamaðurinn, útvarps-
stjórinn og ég veit ekki hvað og
hvað, Hallbjörn Hjartarson frá
Skagaströnd, hinn eini og sanni
kúreki norðursins. Hallbjörn, sem
fyrst sendi frá sér plötuna Kántrý
árið 1981, náði hér á íslandi að
skapa sér einstakan sveita-
söngvarastíl, sem vart verður
leikið eftir. Naut kappinn á tíma-
bili gríðarlegra vinsælda og eru
plötur hans hingaó til orðnar sex.
Þar sem nær allar þessar plötur
hafa einungis verið gefnar út á
gamla vinilnum eða snældum,
hefur nú verið gefin út vegleg
safnplata með heilum 23 lögum
Hallbjarnar og nefnist hún Það
besta - Kántrý 7. Geymir hún
eins og nafnið gefur til kynna öll
vinsælustu lög kántrýkóngsins
s.s. Lukku Láki, Kúreki norðurs-
ins, Kántrýbær, Hann er vinsæll
og veit af því, Komdu út í kvöld
og Bænin.
7^ jass ber ekki svo oft á
I góma á þessum vett-
1 .J vangi, en það er ekki úr
vegi að minnast á eina nýútkomna
djassplötu nú. Er hún með hinu
skemmtilega djasstríói Ólafs
Stephensens og kallast Pianó,
bassi og trommur. Geymir platan
samtals 18 lög og mun vera sú
fyrsta sem tríóió sendir frá sér á
sínum um tveagja ára starfsferli.
Skipa það auk Olafs þeir Tómas R.
Einarsson bassaleikari og Guð-
mundur R. Einarsson trommuleik-
ari.
Skid row, bandaríska
rokksveitin, sem heldur
betur varð fræg af því
að fara með aðra plötuna sína,
Slave to the grind, beint á toppinn í
Bandaríkjunum í júlí 1991 og kom-
ið hefur hingaó til lands, er nú í
óóa önn við að vinna sína þriðju
hljóðversplötu. Vonast er til að hún
komi út snemma á nýju ári.
Vertu með okkur
allan sólarhringinn:
Tónlist - leikir - góð tónlist - viðtöl
frábær tónlist - íþróttir - langbesta tónlistin.
Kaffihlaðborð
cdla sunnudaga
Lindin við Leiruveg
sími 21440.
^---------------—_________________r
HESTAMENN
Dómaranámskeið
í hestaíþróttum
fyrir nýliða verður haldið fljótlega hér á Akureyri.
Þeir sem vilja fá dómararéttindi geta skráð sig hjá
Áslaugu í síma 22015 eða hjá Guðlaugu í síma
27778 eftir kl. 20.00 til 10. desember.
Stjórn Í.D.L.
Forráöamenn
fyrirtækja og
almenningur!
Vinsamlega athugið að samkvæmt mengun-
arvarnareglugerð er skylt að skila úrgangi
sem inniheldur spilliefni til móttökustöðva.
Dæmi um spilliefni sem falla til hjá fyrirtækjum og
almenningi:
Málningar,- fúavarnar,- lakk- og límafgangar.
% Leysiefni og þynnir, t.d. terpentína (white spirit) og aceton.
Úrgangsolla, olíusíur, bensín, díeselolía og olíusori.
Rafhlööur og rafgeymar.
Kvikasilfurshitamælar og kvikasilfursperur.
Framköllunarvökvar og festiböð (fixer).
Sterk hreinsiefni og blettaeyöar.
Ætandi efni, þ.e. sýrur, lútar (t.d. vítissódi) og oxandi efni.
Skordýra,- meindýra- og plöntueitur (útrýmingarefni).
ib Klórflúorkolefni (freon) af kælikerfum.
Frystikistur og kæliskápar.
Lyfjaafgangar.
Nánari upplýsingar veita spilliefnamóttaka Endur-
vinnslunnar h.f. Réttarhvammi 3, Akureyri, sími
12838 og Heilbrigöiseftirlit Eyjafjarðar, Gránufélags-
götu 6, Akureyri, sími 24431.
Athugið að Endurvinnslan h.f. er opin á laugardögum
i desember frá kl. 13-16, lokað milli jóla og nýárs.
tNOURMHSUHHF
Rettarhvammí 3, sími 12838.