Dagur - 21.03.1995, Blaðsíða 6

6 - DAGUR - Þriðjudagur 21. mars 1995
Kjósendur eiga valið
Nú fer sá tími í hönd þegar fólkið
í landinu verður allt í einu óskap-
lega mikils virði hjá stjómmála-
mönnum. Allir reyna að sannfæra
fólk um eigið ágæti og afrek síns
flokks á sviði stjómmálanna.
Þessi lota gylliboða og fagurgala
mun nú standa yfir allt fram aó 8.
apríl. Nú er ég þátttakandi í þess-
um leik og mun gera mitt besta til
þess að hafa áhrif á skoðanir þín-
ar. Mitt takmark er að gefa ástæð-
ur til þess að kjósa þann flokk
sem hvað mest hefur orðið fyrir
barðinu á spillingarumræðunni,
hann hefur verió sakaður um að
vera óvinur bænda, aó ætla að af-
sala Islandi yfirráðum yfir sjávar-
auðlindum og ótalmargt fleira
höfum við flokksfólkið fengió að
heyra á kjörtímabilinu. Formaður
þessa flokks hefur sett met í því
að viðhalda titlinum óvinsælasti
stjómmálaforinginn og þurfti
hann aö sitja undir ámælum um
landráó vegna ótrúlegraar baráttu
hans fyrir framgangi EES samn-
ingsins sem í dag er óumdeilan-
lega eitt stærsta hagsmunamál Is:
lendinga sem náðst hefur fram. I
staó þess að gefast upp hefur
flokksfólk nú snúið bökum saman
og saman ætlum við að berjast
fyrir réttlátri og sanngjamri um-
ræóu um flokkinn okkar sem sýnt
hefur þor, framsýni og þrautseigju
í baráttu fyrir brýnum málefnum
jafnt innanlands sem á alþjóóa
vettvangi. Slíkur flokkur á tví-
mælalaust að vera áfram í forystu
íslenskra stjómmála. Aldrei hefur
verið eins mikil þörf fyrir róttæk-
an nútímalegan umbótaflokk á ís-
landi og einmitt í dag.
Það er mín skoðun að aldrei
eigi að vinna sæti á vinsældarlista
með því að skorast undan í erfið-
um málum. Það er sannfæring mín
aó þaó sé ekki vænleg leið til ár-
angurs aó sitja hjá þegar mikil-
vægar ákvaróanir eru teknar í hin-
um ýmsu málum. Stjómmál snú-
ast um ábyrgð. Það er ábyrgðar-
starf að vera valinn af þjóðinni til
forystu í landsmálum. Þess vegna
lít ég á stjómmálamenn sem
starfsmenn þjóðarinnar, starfs-
menn sem eiga að sinna sínu starfi
af einurð og samviskusemi með
hagsmuni allrar þjóóarinnar að
leiðarljósi. Þar mega engar skoð-
anakannanir eða vinsældalistar
hafa áhrif á þau verk sem unnin
eru. Það er mín sannfæring að
framtíðarhagsmunir þjóðarinnar
séu best tryggðir hjá þeim flokki
sem baróist hetjulega fyrir einu
mesta hagsmunamáli Islands í
dag, EES samningnum. Þrátt fyrir
mikla andstöóu margra ágætra
stjómmálamanna tókst að ná fram
þessu mikilvæga máli. Lækkaðir
tollar á fullunnum sjávarafuróum
hafa m.a. leitt til stóraukinna
möguleika fullvinnslu sjávaraf-
urða hjá fiskvinnlufyrirtækjum á
landsbyggðinni.
Akvæði í EES samningnum er
nú það haldreipi sem stuðst er vió
í hliðarsamningi Islands við ESB
varðandi samstarfsverkefni aðild-
arlanda ESB í félags- og mennta-
málum. Það hefur ekki síst þýð-
ingu fyrir fólk í framhaldsnámi og
fatlaó fólk á íslandi.
Eg vona að Norðlendingar allir
séu sammála mér í því að ekkert
mál er svo flókið að ekki eigi að
eyða tíma í að kynna sér það ef
þaö getur skipt máli fyrir framtíð-
arhagsmuni okkar hér úti á Iandi
og fyrir Islendinga sem þjóð. For-
maóur okkar berst nú fyrir því
meó aðstoó flokksfélaga sinna, að
ég og þú fáum að kynna okkur
mál sem allar lýðræðisþjóðir Evr-
ópu hafa fengið að kynna sér,
nema Island. Þetta er Evrópusam-
bandsmálið. Málið sem mér og
þér kemur víst ekkert við!
Þrátt fyrir staðfasta stefnu Al-
þýðuflokksins um að ekki muni
koma til greina að semja um ESB
aðild nema full yfírráð Islands yfir
KA-heimilið
v/Dalsbraut, sími 23482
Nýjar perur • Nýjar perur
Komið í nýja og
betrumbætta Ijósastofu
KA-heimiIið, sími 23482
sjávarauðlindinni séu tryggð hafa
ýmsir stjómmálamenn reynt að
rangtúlka þessa einföldu stað-
reynd og gera þetta mál tortryggi-
legt í augum almennings. Hvers
vegna gera þeir það?
Um hvað snýst málið?
Það snýst einfaldlega um þaó
að fólk fái þær upplýsingar um
þetta mikilvæga mál sem nauó-
synlegt er aó hafa til þess að geta
síóan myndað sér skoðun og tekið
afstöðu um kosti og galla aðildar
að Evrópusambandinu. Það verður
ekki Alþýðuflokkurinn eða Jón
Baldvin sem mun ráða lokaniður-
stöðu í þessu máli þó einhverjir
reyni að setja það þannig fram.
Þjóðin mun eiga síðasta oróió í
þjóðaratkvæðagreiðslu ef sótt
verður um aðild. Hvað er þá að
óttast?
Ég fékk ábendingu frá ónefnd-
um þingmanni Framsóknarflokks-
ins um að þetta mál þýddi ekki að
gera að kosningamáli hér fyrir
norðan. Ég spyr: Hvers vegna eru
Norðlendingar ekki löngu búnir
að fá upplýsingar um þetta mál
svo að þeir geti í dag tekið þátt í
umræðunni af þeim krafti sem
venja er þegar hagsmunamál
Anna Karólína Vilhjálmsdóttir.
þeirra eru tekin fyrir? Það er
vegna þess að ákveðnir þingmenn
sem kjömir hafa verið til forystu í
landsmálum okkar ákveða að
þetta mál sé ekki á dagskrá. Samt
er lífió á Islandi, framtíð okkar
allra, á dagskrá í dag, eða hvað?
Ég fæ ekki skilið hvers vegna
það er tímaeyðsla að ræða mál
sem varðar framtíðarhagsmuni
þjóðarinnar og er þar Norðurland
ekki undanskilió. Ég treysti full-
komlega dómgreind Norðlendinga
í þessu máli sem og öðmm og tel
fulla ástæðu til þess aó þeir fái að
segja sitt álit á því hvort þetta
kemur þeim við eöa ekki. Flestir
vita ekkert af þeim samstarfsverk-
efnum sem í boði em á vegum
ESB á sviði menntamála, málefna
fatlaðra, jafnréttismála, atvinnu-
mála, umhverfismála, ferðamála,
neytendamála o.s.frv. Ykkur kem-
ur þetta víst alls ekkert við Norð-
lendingar. Þið kusuð stjómmála-
mennina og þeim er treystandi til
að ákveða þetta fyrir ykkur eða
hvað?
Ef ekki, hvers vegna spyrjið
þið þá ekki spuminga um þetta
mál og fáið svör við jæim sem þið
sættið ykkur við. Ég sætti mig
ekki við svar sem byggist á tilgát-
um eða spámennsku. Eina raun-
hæfa leiðin til þess að fá stað-
reyndir á borðið er að kanna málið
með aóildarviðræðum. Það er það
eina sem ég veit með vissu í þessu
leynilega máli sem kemur mér
ekki við að mati flestra þing-
manna kjördæmisins. Svona er
lýðræðið á Islandi í dag!
Ég mun reyna að leggja mig
fram í starfi fyrir þann flokk sem
ég treysti best fyrir minni framtíð.
Ég veit ekki hvað þú ætlar að gera
varðandi þína framtíð og þinnar
fjölskyldu en bið þig um að kynna
þér málið vel og vandlega með
opnum huga áður en þú setur þitt
lóð á vogarskálamar á kjördag. Það
velur enginn framtíðina fyrir þig.
Anna Karólína Vilhjálmsdóttir.
Höfundur skipar 2. sæti lista Alþýðuflokksins á
Noróurlandi eystra fyrir komandi Alþingis-
kosningar.
Hljóðbókaklúbburinn - nýr bókaklúbbur:
Geftir út vandaðar og eigulegar
hljóðbækur af ýmsum toga
Hljóðbókaklúbburinn heitir nýr
bókaklúbbur, sem eins og nafnið
bendir til gefur út svonefndar
hljóðbækur, þ.e. bækur sem lesnar
eru inn á hljóðsnældur. Blindrafé-
lagið er stofnandi og eigandi
Hljóðbókaklúbbsins en það hefur
einmitt um árabil gefið út hljóð-
bækur fyrir almennan markað. Þar
á meðal Islendingasögur, bama-
bækur, spennusögur og bækur al-
menns efnis.
Hljóðbókaklúbburinn mun gefa
út vandaðar og eigulegar bækur af
ýmsum toga og mióað er við að út
komi 6 bækur á ári, með 6-8 vikna
millibili. Bækumar veröa ekki til
sölu samtímis á almennum mark-
aði og eru mun ódýrari en sam-
bærilegar bækur í bókaverslunum.
Þeir sem gerast félagar em ekki
skuldbundnir til að kaupa allar út-
gáfubækur klúbbsins og þær má
afþakka með góðum fyrirvara.
Hljóðbókaklúbburinn sendir út
fréttasnældu til félaga sinna með
kynningu á hverri útgáfubók og
upplýsingum um aðra starfsemi
klúbbsins.
Hin kunna skáldsaga, Góði dátinn
Svejk, er fyrsta útgáfubók Hljóð-
bókaklúbbsins og það er Gísli Hall-
dórsson sem ies.
Hin kunna skáldsaga, Góði dát-
inn Svejk, eftir Jaroslav Hazek í
íslenskri þýðingu Karls Isfelds er
fyrsta útgáfubók Hljóðbóka-
klúbbsins. Það er Gísli Halldórs-
son, leikari, sem les söguna en
mörgum er eflaust í fersku minni
útvarpslestur hans á þessari bráó-
skemmtilegu sögu. Hljóðbóka-
klúbburinn hefur samið við Gísla
og Ríkisútvarpið um útgáfu lest-
ursins á hljóðbók, sem kemur út í
tveimur bindum. Seinna bindið
kemur út síðar á árinu. Einnig fá
stofnfélagar litla hljóóbók með
lestri Davíós Stefánssonar frá
Fagraskógi, úr eigin verkum.
Hljóðbækur er ekki eitthvert
sérstakt fyrirbæri sem ætlað er
blindum og sjónskertum. Þær
henta hverjum sem er. Þeir sem
hafa komist í tæri við hljóðsnæld-
ur eru yfirleitt sammála um aö
þær geri þeim kleift að njóta
góðra bóka í auknum mæli og við
ýmsar aðstæður þar sem prentaðar
útgáfur eru óhentugar. Allt sem
þarf til er snældutæki og þau eru
til á flestum heimilum.
Þeir sem hafa áhuga á að gerast
félagar í Hljóðbókaklúbbnum geta
haft samband í síma 568-7333.
Úr fréttatilkynningu
Verð miðað við staðgreiðslu
er 1300* krónur
fyrsta birting
og hver endurtekning
400 krónur
AUGLYSINGAR ■ RITSTJORN ■ DREIFING
jjfj Á AKUREYRI 96-24222
mmF ÁHÚSAVÍK 96-41585