Dagur - 22.11.1995, Blaðsíða 14

íHXMiMliMWF
14 - DAGUR - Miðvikudagur 22. nóvember 1995
NVJAR RÆKUR MINNINC
Mávahlátur
- eftir Kristínu Marju
Baldursdóttur
Mál og menning hefur sent frá sér
skáldsöguna Mávahlátur eftir
Kristínu Marju Baldursdóttur.
Mávahlátur er uppvaxtarsaga
sem gerist í sjávarplássi á sjötta
áratugnum. Allt fer á annan end-
ann í friðsælli þorpsveröldinni
þegar Freyja birtist skyndilega
einn góðan veðurdag, komin alla
leið frá Ameríku. Og ekki er að
undra þótt þorpsbúum verði hverft
við: Freyja er með þykkt og svar-
brúnt hár niður á mjaðmir, ísblá
augu og rauðan munn - hún er
löng og í laginu eins og kókflaska,
borðar ekki kjöt, á sjö koffort af
flíkum og er kaldari í viðmóti en
Ifk Ur þessum efniviði smíðar
höfundurinn áleitna sögu um ver-
aldarvafstur þorpsbúanna, vafstur
sem þeir taka alvarlega mávum
staðarins til nokkurrar skemmtun-
ar. Mávahlátur er þannig í senn
spennusaga og ástarróman, þorps-
saga og trúverðug aldarfarslýsing.
Kristín Marja Baldursdóttir er
þekkt fyrir skrif sín í Morgunblað-
ið, en Mávahlátur er fyrsta skáld-
saga hennar.
Mávahlátur er 246 bls., unnin
í G.Ben.-Edda prentstofa h.f. Káp-
una gerði Guðjón Ketilsson.
Verð kr. 3.840.
Hjartastaður
- eftir Steinunni
Sigurðardóttur
Mál og menning hefur sent frá sér
skáldsöguna Hjartastaður eftir
Steinunni Sigurðardóttur, en þetta
er fyrsta bók höfundar sem kemur
út hjá Máli og menningu.
Að bjarga barninu sínu: Getur
nokkur móðir lagt í erfiðari ferð?
Harpa Eir verður að takast hana á
hendur með unglingsdóttur sína,
Eddu Sólveigu, sem komin er í
bland við hæpið lið í Reykjavík.
Hún fær vinkonu sína, þekktan
flautuleikara, til að aka þeim
mæðgum á ættaróðalið austur á
fjörðum þar sem þær ætla að hafa
vetursetu. En leiðangurinn sem
upphaflega var lagt í til að bjarga
baminu verður öðrum þræði að
leit móðurinnar að sjálfri sér...
Hjartastaður er ævintýraleg
ferð um ytri heima og innri. í ytri
ferðinni ber fyrir augu stórbrotna
náttúru landsins, víðáttur sanda og
jökla, og sérkennilegt og ógleym-
anlegt fólk sem landið hefur
fóstrað. Innri ferðin er eins og frá-
sagnarháttur Steinunnar bæði
glettin og sársaukafull, þrungin
nagandi spurningum sem fá óvænt
svör í bókarlok. Þetta er lang viða-
mesta skáldverk Steinunnar til
þessa.
Vegur Steinunnar Sigurðardótt-
ur fer nú ört vaxandi á erlendri
grund. Bókmenntaunnendur á
Norðurlöndunum taka hverri þýð-
ingu fagnandi og þann 3. þessa
mánaðar birti franska stórblaðið
Le Monde langan og lofsamlegan
dóm um skáldsögu Steinunnar,
Tímaþjófinn, sem er nýkomin út
í franskri þýðingu Régis Boyer. I
ritdómnum segir m.a.: „Maður er
strax heltekinn af þessu ferðalagi
á fjarlægar slóðir og losnar ekki
við það tak fyrr en að lestri lokn-
um... Alda kann þá list að þjást
næstum kæruleysislega, þjást án
þess að íþyngja öðrum... Sérstök
bók. Sérstök skáldkona. Það er vel
þess virði að staldra við þ'ennan
íslenska ástríðuhita."
Hjartastaður er 370 bls., unn-
in í Prentsmiðjunni Odda h.f.
Kápumynd gerði Robert Guille-
mette.
Verð kr. 3.880.
*
I auga
óreiðunnar
- eftir Einar Má
Guðmundsson
Mál og menning hefur sent frá sér
ljóðabókina I auga óreiðunnar
eftir Einar Má Guðmundsson, en
þetta er fyrsta bók Einars sem
kemur út hjá Máli og menningu.
í þessari nýju ljóðabók tekur
Einar upp þráðinn frá hinum
ógleymanlegu fyrstu ljóðabókum
sínum, Er nokkur í kórónafötum
hér inni og Sendisveinninn er
einmana sem komu út árið 1980.
Fyrir honum rúmar ljóðformið allt
milli himins og jarðar, hann yrkir
um brennandi mál í samtíðinni,
um Iandið og þjóðernið, verkföll
og refarækt, vindinn og tímann,
skáldskapinn og ástina.
Fyrr á þessu ári hlaut Einar
Már Guðmundsson Bókmennta-
verðlaun Norðurlandaráðs fyrir
síðustu bók sína, skáldsöguna
Englar alheimsins, en sagan sú
fer víða um þessar mundir því bú-
ið er að semja um útgáfu á henni í
níu löndum og fleiri samningar
eru á döfinni.
í auga óreiðunnar er 95 bls.,
unnin í G.Ben.-Eddu prentstofu
h.f. Málverk á kápusíðu er eftir
Tolla.
Verð kr. 2.680.
KIPULAG RÍKISINS
Hringvegur, Fljótsheiði
Mat á umhverfisáhrifum - frumathugun
Skipulag ríkisins kynnir fyrirhugaöa lagningu
hringvegar frá Fosshóli við Skjálfandafljót, yfir
Fljótsheiði að vegamótum við Aðaldalsveg nr. 845
við Jaðar.
Tillaga að ofangreindri framkvæmd og skýrsla um mat
á umhverfisáhrifum hennar liggur frammi til kynningar
frá 22. nóvember til 28. desember 1995 á Skipulagi
ríkisins, Reykjavík, á skrifstofu Reykdælahrepps,
Kjarna og hjá oddvita Ljósavatnshrepps, Landamóts-
seli, eftir samkomulagi.
Allir hafa rétt til að kynna sér framkvæmdina og leggja
fram athugasemdir. Athugasemdir skulu vera skriflegar
og berast eigi síðar en 28. desember 1995 til Skipu-
lags ríkisins, Laugavegi 166, 150 Reykjavík. Þar fást
ennfremur nánari upplýsingar um mat á umhverfis-
áhrifum.
Birt samkvæmt lögum um mat á umhverfisáhrifum, nr. 63/1993.
Skipulagsstjóri ríkisins.
Fanney Halldórsdóttir
IJj Fædd 19. janúar 1973 - Dáin 7. nóvember 1995
Það voru hræðilegar fréttir sem við
fengum að heyra þriðjudaginn 7.
nóvember, Fanney frænka var látin.
Þú fórst alltof fljótt, áttir eftir að
gera svo mikið.
Þú varst alltaf í góðu skapi og
það skein af þér gleðin. Þú gast allt-
af komið fólki til að hlæja ef eitt-
hvað var að, enda áttir þú fullt af
góðurn vinum.
Við vorum oft mikið sarnan, sér-
staklega eftir að þú fluttir í sömu
götu og ég, Kringlumýrina. Þá fórst
þú að korna oft í heimsókn til að
spjalla. Svo þegar þú eignaðist bíl-
inn fórum við að fara út að keyra,
um bæinn og út um allt. Það var svo
gaman þegar þú komst keyrandi á
gráa bílnunt þínum, lagðir honurn
fyrir framan húsið okkar og komst
hlaupandi upp tröppumar með fal-
lega brosið þitt.
Þú varst ntikið fyrir kvikmyndir
og það var alltaf hægt að spyrja þig
út í hinar og þessar bíómyndir, þú
vissir allt. Enda þegar ég fékk bréfin
sem þú skrifaðir mér frá Bandaríkj-
unum voru alltaf nokkrar línur um
þær myndir sem þú varst búin að sjá
úti. Stuttu áður en þú fórst lil
Bandaríkjanna bauðst þú mér heim
til þín til að horfa á bíómynd. Eg
þáði það og svo sátum við uppi í
sófa með fulla skál af nammi, einn
flögupoka og heilan helling af gosi
og létum fara vel um okkur.
Þó að þú hafir verið sex árum
eldri en ég varstu alltaf tilbúin að
gera eitthvað með mér, hvort sem
það var að spila eða fara eitthvað út.
Til dæmis þegar þú varst að vinna á
útvarpsstöð hér í bæ, fyrr í vor,
langaði mig að fara með þér og
hjálpa. Eg þurfti bara að nefna það,
þér fannst það alveg sjálfsagt að ég
kæmi með.
Ég gat alltaf sagt þér allt, þú
varst alltaf tilbúinn að hlusta á það
sem ég hafði að segja.
Þetta var bar? smá hluti af þeim
yndislegu minningum sem ég á urn
þig, elsku frænka, þú verður alltaf í
hjarta mínu og ég bið góðan Guð að
gæta þín. Ég kveð þig elsku frænka
og vinkona.
Elsku Halldór, Ólína, Ómar,
Elfar, Torfi Rafn, Unnur, amma, afi,
Jón og Snjólaug og aðrir ættingjar,
megi góður Guð styrkja ykkur í
þessari miklu sorg.
Dagný frænka.

Garðar Pálsson
Fæddur 10. janúar 1942 - Dáinn 11. nóvember 1995
Elskulegi frændi okkar Garðar
Pálsson, eða Gæi eins og við
krakkamir kölluðunt hann, lést á
Fjórðungssjúkrahúsinu á Akureyri
aðfaranótt 12. nóvember sl.
Okkur langar að minnast þín í
fáeinum línum.
Það verður ekki hægt að tjá hér
allar þær minningar sem við geym-
um í hjörtunt okkar. Þær voru ófáar
stundimar sem við áttum með þér,
þrátt fyrir búsetu þína víða um
land. Það vakti kátínu hjá okkur
krökkunum að koma heim og finna
þig í eldhúsinu hjá mömmu.
Elsku frændi, þú hafðir sérstakt
lag á börnum og hændust þau að
þér, við vorum engin undantekning
enda trúðum við í blindni því sem
þú sagðir okkur og það gleymist
seint. Við eigum öll okkar sérstöku
minningu urn þig, Gæi, og þótt
samverustundunum hafi farið
fækkandi með árunum og við farið
okkar leiðir og stofnað fjölskyldur,
sýndir þú þeim jafn mikla hlýju og
þú sendir okkur.
Góði Guð, geymdu frænda okk-
ar og blessaðu alla aðstandendur
hans.
Far þú í friði
friður Guðs þig blessi,
hafðu þökk fyrir alll og allt.
Stefán Stefánsson,
Brynja Ósk Stefánsdóttir,
Alda Stefánsdóttir,
Ósk Stefánsdóttir.
Til Garðars
Dagssporin eru gengin
og það húmar að kveldi
lífs þíns.
Þú sem óttalaust
gekkst þennan erfiða veg
og œðraðist ekki.
I sál okkar beggja
er sól hnigin til viðar
og hugsunin hljóð.
Far þú í friði vinur.
Katla og Elva Rakel.
Tvær nýjar bækur frá Birgittu
Birgitta Halldórsdóttir, rithöfundur
á Syðri-Löngumýri í Blöndudal,
sendir tvær bækur frá sér fyrir þessi
jól. Annars vegar er það bókin Við
eigum valið - ef við viljum, sem er
ævisaga Guðrúnar Ólafsdóttur
reikimeistara. Hin bókin er skáld-
sagan Andlit öfundar, sem er
„spennandi saga urn afbrot og ást-
ir,“ eins og segir á bókarkápu.
Skjaldborg gefur báðar þessar bæk-
ur út.
„Ég er mjög þakklát því að hafa
fengið að skrifa ævisögu Guðrúnar
Ólafsdóttur reikimeistara. Saga
hennar og reynsla tel ég að geti
orðið mörgunt góð lesning. Sjálf er
ég reikimeistari og þekki viðfangs-
efnið því nokkuð,“ segir Birgitta. Á
bókarkápu segir að í bókinni, Við
eigum valið - ef við viljum, segi
jafnframt frá lífi Guðrúnar sjálfrar;
hvernig hún vann bug á erfiðum
veikindum með jákvæðu hugarfari,
erfiðu hjónabandi og eins frá því
hvernig hún þróaði hæfileika sína
sem reikimeistari. Bókin er 188 bls.
Skáldsöguna Andlit öfundar
skrifaði Birgitta á þessu og síðasta
ári. Þetta er tjórtánda skáldsaga
hennar. Um söguþráðinn segir svo
á bókarkápu: „Jóhanna er ung
stúlka, sem er búsett í Reykjavík.
Hún er gædd dulrænum hæfileik-
um, fjarskyggni, sem hafa gert
henni lífið leitt, en hún telur sig
hafa losnað við. - Dag einn sér hún
sýn sem kemur blóðinu til að frjósa
Bækurnar sent Birgitta scndir frá sér í ár.
í æðum hennar. Hún bjargar litlu
bami frá drukknun og fyrr en varir
er hún flækt í ótrúlega atburðarás,
þar sem hún fær engu ráðið. Lífi
hennar er stefnt í hætlu. - Jóhanna
kynnist nýju fólki og um leið kem-
ur ástin inn í líf hennar. Er hægt að
vera hrifin af tveimur mönnum?
Getur hún treyst þeint. Ógnvænleg-
ir atburðir gerast og Jóhönnu er
Ijóst að um skipulagða glæpi er að
ræða. Ef til vill getur hún komið í
veg fyrir þá, en á um leið í hættu að
fórna eigin lífi,“ segir þar. Bók
þessi er 200 bls. -sbs.
Birgitta Halldórsdóttir er orðin
næsta afkastamikil.