Dagur - 25.11.1995, Blaðsíða 4

4 - DAGUR - Laugardagur 25. nóvember 1995
ÚTGEFANDI: ÐAGSPRENT HF.
SKRIFSTOFUR: STRANDGATA 31, PÓSTHÓLF 60, AKUREYRI,
SÍMI: 462 4222 • SÍMFAX: 462 7639
ÁSKRIFT M. VSK. KR. 1500 Á MÁNUÐI • LAUSASÖLUVERÐ M. VSK. KR. 125
RITSTJÓRAR: JÓHANN ÓLAFUR HALLDÓRSSON, (ÁBM.),
ÓSKAR ÞÓR HALLDÓRSSON, (ÁBM.)
AÐRIR BLAÐAMENN: AUÐUR INGÓLFSDÓTTIR,
GEIR A. GUÐSTEINSSON, HALLDÓR ARINBJARNARSON,
SIGURÐUR BOGI SÆVARSSON, FROSTI EIÐSSON, (íþróttir),
INGIBJÖRG MAGNÚSDÓTTIR (Húsavfk vs. 464 1585, fax 464 2285),
LJÓSMYNDARI: BJÖRN GÍSLASON
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI: HAFDÍS FREYJA RÖGNVALDSDÓTTIR, HEIMASÍMI 462 5165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
Afengislaus dagur
Bindindisdagur fjölskyldunnar er í dag, 25.
nóvember, og hafa félagasamtök í landinu
tekið sig saman um að hvetja landsmenn til
að láta áfengi lönd og leið í dag. Með þessu er
undirstrikað það takmark að draga úr áfengis-
neyslu og minna um leið á þau vandamál, slys
og dauðsföll sem orðið hafa vegna áfengis-
neyslu. Þeim íslendingum fjölgar sífellt sem
missa tök á áfengisneyslu sinni og oft á tíðum
hrynur lífsmynstur þessa fólks eins og spila-
borg á stuttum tíma. Annað, og ekki síður
mikið vandamál, er sú mikla drykkja sem er á
unglingum og aldur þeirra sem neyta áfengis
fer sífellt lækkandi. Bindindisdeginum er ekki
síður ætlað að minna á baráttuna fyrir minni
unglingadrykkju eða eins og segir í ávarpi
Bindindisdags fjölskyldunnar 1995: „Áfengis-
laus dagur fjölskyldunnar á að sýna í verki að
heill hennar og hamingja skipar fyrirrúmið.
Við leggjum áherslu á breytta lífshætti, betra
umhverfi og bættan hag fjölskyldunnar. Það
gerum við með því að draga úr áfengisdrykkju
og forða þannig ýmsum frá því að verða fórn-
arlömb á altari Bakkusar. “
Þarna er einmitt komið að kjarna málsins,
fórnarlömbum Bakkusar. Það vill alltof oft
gleymast að fórnarlömbin eru í raun fleiri en
þeir sem ánetjast áfenginu því aðstandendur
áfengissjúklinga verða oft hastarlega úti. Ekki
síst þau börn sem búa við áfengisneyslu for-
eldra sinna. í verstu tilfellunum er allt sem
heitir eðlilegt fjölskyldulíf hrunið til grunna
með tilheyrandi ofbeldi og þar með finna
börnin ekki það öryggi sem heimili eiga að
búa þeim í uppvextinum. Ofbeldi getur jafn-
vel verið fylgifiskur áfengisneyslunnar og
aldrei fer hjá því að börn sem horfa upp á slíkt
verði merkt á sálinni alla sína ævi. Afengis-
neyslan er þannig ekkert einkamál þeirra sem
drekka og ávinningur í baráttunni gegn
áfengisneyslu er ávinningur alls þjóðfélags-
ins.
í UPPÁHALDI
Langar mest í bflskúr
Gestur Einar Jónasson er
landskunnur fyrir út-
varpsþœtti sína, Hvíta
máfa og Með grátt i
vöngum á Rás 2. Auk
þess stjórnar hann sjónvarps-
þœttinum Þeytingi. Einnig hef-
ur hann leikið í nokkrum kvik-
mynduni og tekið þátt í upp-
fœrslum á leikritum hjá Leik-
félagi Akureyrar. Við fórum og
grennsluðumst fyrir um hvað
vœri í uppáhaldi hjá Gesti.
Hvaða matur er í mestu uppáhaldi
hjá þér?
Rjúpur sem ég veiði sjálfur, eng-
in spuming.
Uppálialdsdrykkur?
Léttmjólk, vatn og bjór, í þessari
röð.
Hvaða heimilisstörffmnst þér
skemmtilegustlleiðinlegust?
Skemmtilegast er uppvaskið
vegna þess að þar sér maður ein-
hvem árangur, en leiðinlegast
fmnst mér að ryksuga.
Stundar þá einlmrja markvissa
lireyfingu eða líkamsrœkt?
Aðallega göngutúra en ég fer
mikið á skíði á vetuma.
Ert þú í einhverjum klúbb eða fé-
lagasamtökum?
Ég er í KA, Vélflugfélagi Akur-
eyrar og mörgum fleiri félögum.
Hvaða blöð og tímarit kaupir þú?
Dag, Moggann, DV, Alþýðu-
Gestur Einar Jónasson.
blaðið, Tíntann og National Geo-
graphic. Svo kaupi ég nokkur
flugblöð, sem að konunni tinnst
alltof mörg.
Hvaða bók er á náttborðinu lijá þér?
Fyrirheitna landið eftir Einar
Kárason og svo er þar bók um
Évrópumál.
/ hvaða stjörnumerki ert þú?
Ég á afmæli í maí og held að ég
sé naut, annars hef lítið vit á
þessu.
Hvaða hljómsveit/tónlistarmaður er
ímestu uppáhaldi hjá þér?
Bítlarnir hafa alltaf verið í uppá-
haldi.
Uppáhaldsíþróttamaður?
Alfrcð Gíslason, annars eru svo
margir góðir.
Uppáhaldsleikari?
Katarine Hepburn
Hvað horfir þú mest á í sjónvarpi?
Fréttir og fræðsluefni.
Hvar skemmtir þú þér best?
Ég skemmti mér best heima, með
góðu fólki eða fljúgandi á flug-
vélinni minni.
Á hvaða stjórnmálamanni hefurðu
mest álit?
Ég hef alltaf haft álit á Halldóri
Ásgrímssyni en annars eru marg-
ir mjög skemmtilegir.
Hver er að þínu mati fegursti staður
á íslandi?
Borgarfjörður er mjög fallegur
en það er mjög erfitt að gera upp
á milli staða því að ísland er í
heild sinni mjög fallegt land.
Hvar vildirðu helst búa ef þú þyrftir
að flytja búferlum nú?
Ég myndi vilja búa í Austurríki.
Hvaða hlut eða fasteign langar þig
mest til að eignast um þessar mund-
ir?
Bflskúr.
Hvernig vilt þú lielst verja frístund-
um þinum?
Á ferðalögum með góðu fóiki.
Hvað œtlarðu að gera um helgina?
Ég ætla kannski í rjúpur og ef að
veðrið verður gott ætla ég að
fljúga. EGÞ/JEV
CAUTABORÓARBRÉF
INGIMAR GUÐMUNDSSON
Sporvagnamir siluðust af stað
hver á fætur öðrum, fullir af
fólki. Ekki bara hvítu fólki, nei,
hér finnst manni vera saman-
komnir flestir litarhættir heims.
Ég hef heyrt að stór hluti inn-
flytjenda í borginni komi frá
Júgóslavíu, sem var og hét, en
einnig koma víst margir frá
Afríku. En það er oft erfitt að
átta sig á upprunanum. Sumir
hafa sagt við mig að þeir væru
Júgóslavar. Aðrir vilja ekki
kannast við það lengur og segj-
ast vera Serbar eða Bosníumenn
og hvað það nú heitir allt sam-
an. Mér finnst þeir allir líta eins
út. Það minnti mig á konuna
sem ég vann með í Noregi eitt
sinn. Henni fannst skrítið að ég
skyldi ekki sjá að hún væri gyð-
ingur. Fyrir mér var hún bara
Norðmaður.
Ég tróð mér inn í yfirfullan
vagn, það var nóg komið af rölti
í miðbænum að þessu sinni. Ég
lenti að sjálfsögðu í fanginu á
einum góðglöðum. Eftir útlitinu
og lyktinni að dæma var hann
búinn að vera góðglaður ansi
lengi. „Má ekki bjóða þér að
kaupa rettur?“ drafaði hann og
dró einn Kent upp úr plastpoka
sem hann hélt á. Ég sá fram á
að ef hann myndi anda lengi
svona framan í mig gæti ég
sleppt því að fá mér í glas um
kvöldið. Það var þó ekki eftir-
sóknarvert svo ég reyndi að
troða mér framar í vagninn. Eft-
ir margar tilraunir hafði náung-
inn ekki fundið neinn góðan
kúnna í þessum vagni og hvarf
því á braut á næstu stöð.
Loks fékk ég sæti. Einhver
hafði skilið eftir dagblað og ég
greip það feginshendi. Það var
þetta venjulega aðalfréttaefni
síðustu vikna, varaforsætisráð-
herrann Mona Sahlin. Daman
var nú loksins búin að segja af
sér öllum störfum sem tjáir að
nefna í ríkisstjóminni. Eftir að
hafa safnað stöðumælasektum
eins og frímerkjum, beðið
margsinnis með að greiða þessa
föstu reikninga (sem við flest
fáum) þar til þeir voru komnir í
innheimtu og notað greiðslukort
ríkisstjómarinnar til að kaupa
sér föt og utanlandsferðir var nú
mælirinn fullur.
Ég fletti áfram. Skrambinn,
hann hafði tekið íþróttablaðið
innan úr. Ég ætlaði að leggja
blaðið frá mér en rak þá augun í
ljósmynd sem krassað hafði ver-
ið á. Hún var af ungum, svört-
um innflytjanda sem hafði orðið
fyrir barðinu á „sköllunum“
svokölluðu. Á milli augna hans
hafði verið teiknuð skotskífa og
fyrir ofan orðið „BLAM!“ Ná-
ungakærleikurinn ríður ekki við
einteyming hjá lesendum
Gautaborgarpóstsins. Annars
hafði einn „skalli“ verið í vagn-
inum en hann hafði ekki setið
þarna. Dæmigerður; í her-
mannastígvélum, (helst Doc
Martenboots, sagði einn
,,skallafræðingurinn“) gallabux-
um, grænum mittisjakka og svo
auðvitað krúnurakaður. Hann
leit nú samt sakleysislega út,
greyið. Þeir verða náttúrulega
ekki hugaðir fyrr en þeir koma
fleiri saman. Bæjarfélag eitt
fann upp á því snjallræði að
bjóða skallahópi bæjarins leigu-
laust húsnæði til samkoma. Lík-
lega gert til að koma þeim af
götunni eða plata þá yfir í önnur
betur viðeigandi félagasamtök
sem voru í sama húsi. Einn bæj-
arstjómarmaðurinn sagði að
þetta væri einnig tækifæri fyrir
þá að vaxa sem manneskjur. Éft-
ir myndum að dæma höfðu
skallamir tekið skilaboðin held-
ur bókstaflega. Þeir höfðu jú
vaxið en fyrst og fremst á þver-
veginn. Húsnæði til að þjóra
bjór og „hita upp“ fyrir ólæti á
knattspyrnuleikjum er að sjálf-
sögðu frábær þjónusta frá bæjar-
félaginu.
„Næsta stöð er Geimtorgið“,
gall í vagnstjóranum. Þá var
maður kominn á áfangastað,
„geimhverfið" Bergsjön, þar
sem flest götuheiti eru fengin úr
stjömukerfinu. Hér býr fólk frá
öllum heimshomum. Fróð kona
á bæjarhlutaskrifstofunni sagði
mér að í hverfinu væru töluð
u.þ.b. 60 tungumál og meira en
helmingur íbúa hverfisins væri
af erlendum uppruna eða um
sex þúsund manns. Og það hef-
ur ekki gerst á löngum tíma.
Ég heilsaði gömlu tailensku
ömmunni Nguyen þar sem hún
stóð í dyragættinni á blokkinni
og reykti sitt daunilla tóbak.
Þefurinn fyllti allan stigagang-
inn. Tóbakið fær hún sérsent
frá heimalandinu. Amma Nguy-
en býr með stórfjölskyldu sinni
á hæðinni fyrir neðan okkur.
Hún neyðist alltaf til að fara út
þegar hún fær sér smók.