Dagur - 25.11.1995, Blaðsíða 7

Laugardagur 25.nóvember 1995 - DAGUR - 7
Akureyrarkirkja:
Orgelið vígt í annað sinn
Á morgun klukkan tvö verður
orgel Akureyrarkirkju endurvígt í
sérstakri hátíðarmessu en viða-
mikil endurbygging hefur staðið
yfir á orgelinu í sumar. Tónlistin
skipar stóran sess í hátíðarmess-
unni og verður orgelið að sjálf-
sögðu í aðalhlutverki. Hluti nýs
verks eftir Hafliða Hallgrímsson
verður frumflutt og einnig tveir
nýir sálnraforleikir eftir Hróðmar
I. Sigurbjörnsson og Jón Hlöðver
Áskelsson. Kór Akureyrarkirkju
kemur fram og Bama- og ung-
lingakór Akureyrarkirkju mun
einnig syngja við messuna. Vígslu
orgelsins annast herra Pétur Sigur-
geirsson, biskup. Annað kvöld
klukkan 20:30 verða síðan sér-
stakir vígslutónleikar þar sem
Björn Steinar Sólbergsson, organ-
isti Akureyrarkirkju, leikur á hið
nývígða orgel.
Bjöm Steinar, organisti, er
ánægður með endursmíðina á org-
elinu og segir framkvæmdina hafa
tekist frábærlega vel. „Fallegu
raddirnar og allt það góða sem var
í gamla orgelinu er ennþá til stað-
ar og einnig hafa nýir hlutir bæst
við. Þannig að þetta er talsverð
breyting. En menn eru mjög
ánægðir með hvemig hefur til tek-
ist.“
Bjöm Steinar segir það mikla
kúnst að bæta við nýjum röddum
þannig að þær blandist vel við þær
sem fyrir voru og ein aðal ástæðan
fyrir að orgelsmiðir frá P. Bruhn
og Spn Orgelbyggeri í Danmörku
voru valdir til verksins var sú að
sóknamefnd treysti þeim til að
framkvæma þetta. Dönsku orgel-
smiðimir hafa ekki valdið von-
brigðum því að sögn Björns Stein-
ars tókst þeim mjög vel til.
3290 pípur og 49 raddir
Orgel Akureyrarkirkju er annað
stærsta kirkjuorgel á landinu næst
á eftir orgelinu í Hallgrímskirkju.
Pípumar í orgelinu eru nú 3290 og
raddirnar 49 en áður voru þær 45.
Orgelið var upphaflega keypt frá
Þýskalandi og var vígt þann 26.
nóvember 1961. Tilkoma hljóð-
færisins gjörbreytti allri aðstöðu
til tónlistariðkunar við kirkjuna og
þeir sem hafa leikið á orgelið hafa
lofað það fyrir góðan hljóm.
Ástæða þess að farið varið út í
jafn viðamikla og kostnaðarsama
endursmíði er sú að orgelið var
orðið óþétt og illa farið eftir þrjá-
tíu ára notkun. Ásláttur orgelsins
var rafknúinn en á þeirn tfma sem
hljóðfærið var smíðað voru flest
orgel smíðuð á þann hátt. Þetta
var ný tækni sem orgelsmiðir
höfðu trú á og bjuggust við að
orgelin myndu endast von úr viti.
Síðar kom á daginn að orgel sem
þessi hafa stuttan líftíma eins og
flestir rafmagnshlutir og því var
hætt að smíða orgelin með þessum
hætti og gamlar aðferðir hafa ver-
ið teknar upp aftur þó notast sé
við nútímatækni. Árið 1989 kom í
ljós að ekki var lengur hægt að fá
varahluti í orgelið í Akureyrar-
kirkju og í framhaldi á því var
ákveðið að ráðast í þessar fram-
kvæmdir.
Endist í 150-200 ár
Kostnaður vegna endurbyggingar
orgelsins er um 35 milljónir
króna. Nýtt orgel myndi hins veg-
ar hafa kostað um 50 milljónir
króna. Talið er að með reglulegu
viðhaldi geti endurbyggða orgelið
enst í 150 til 200 ár og því þótti
það mun betri kostur en að fjár-
festa í nýju orgeli. Kostnaðurinn
er engu að síður mikill og var
stofnaður sérstakur orgelsjóður til
að standa straurn af honuin.
Þegar hafa safnast urn fjórar
milljónir í orgelsjóð og hafa marg-
ir lagt hönd á plóginn við söfnun-
ina. Kór Akureyrarkirkju og
Bamakór Akureyrarkirkju héldu
fjáröflunartónleika, Björn Steinar
Sólbergsson var með maraþontón-
leika til styrktar orgelsjóðnum,
kvenfélagið lét ágóða af basar og
kaffisölu renna í sjóðinn og „Saga
Akureyrarkirkju" eftir Sverri Páls-
son var seld til styrktar endur-
byggingunni svo eitthvað sé nefnt.
Að sögn Unnars Þórs Lárus-
sonar í sóknarnefnd er sjóðurinn
nú koininn í rúmar fjórar milljónir
en í upphafi var aldrei reiknað
með að tækist að safna fyrir allri
upphæðinni. „Við erum búin að
taka lán fyrir þessu til tuttugu ára
og komum til með að þurfa að
taka af sóknargjöldum til ein-
hverra ára. Auðvitað hjálpar hver
króna sem kemur inn í söfnun en
svona stór og viðamikil fram-
kvæmd verður aldrei gerð öðm-
vísi en að taka eitthvað af sóknar-
gjöldumsegir Unnar Þór.
Aðgangurinn á vígslutónleik-
ana í Akureyrarkirkju er ókeypis
en tekið verður á móti frjálsum
framlögum í orgelsjóð. Fólki, sem
vill styrkja sjóðinn, er einnig bent
á að sóknamefnd er með sérstakan
reikning í Landsbankanum fyrir
orgelsjóð, sem hver sem er getur
lagt inn á. AI
Deildarfundir KEA
haustið 1995
Strandardeild
Mánudagur 27. nóv. kl. 13.30, Ráð-
húsinu.
Höfðhverfingadeild
Mánudagur 27. nóv. kl. 20, Gamla skól-
anum.
Kaupfélag Eyfirðinga.
Húsafriðunarsjóður
Húsafriðunarnefnd ríkisins auglýsir eftir umsókn-
um til Húsafriðunarsjóðs, sbr. ákvæði í þjóðminja-
lögum nr. 88/1989 sbr. lög nr. 43/1991 og 98/1994
og reglugerð um Húsafriðunarsjóð nr. 479/1993.
Veittir eru styrkir til að greiða hluta kostnaðar vegna:
- undirbúnings framkvæmda, áætlanagerðar og tækni-
legrar ráðgjafar og til framkvæmda vegna viðhalds
og endurbóta á friðuðum húsum og húsum sem hafa
menningarsögulegt og listrænt gildi.
- byggingarsögulegra rannsókna og útgáfu þeirra.
Að gefnu tilefni er hlutaðeigendum bent á að leita eftir
áliti Húsafriðunarnefndar ríkisins og sækja um styrk
áður en framkvæmdir hefjast.
Umsóknir skulu berast eigi síðar en 1. febrúar 1996 til
Húsafriðunarnefndar ríkisins, Þjóðminjasafni íslands,
Suðurgötu 41, 101 Reykjavík, á umsóknareyðublöðum
sem þar fást.
Frekari upplýsingar eru veittar í síma 562 2475 milli kl.
10.30 og 12 virka daga.
Húsafriðunarnefnd ríkisins.
MEISTARAFELAG
BYGGINGAMANNA
NORÐURLANDI
Málarar - Málarameistarar
Námskeið
Notkun lasurefna
Námskeið um notkun lasurefna verður haldið 1.
og 2. desember nk.
Á námskeiðinu verður m.a. farið í:
♦ Efniseiginleikar áferöarbreytandi efna.
♦ Notkunarmöguleikar áferöarbreytandi efna.
♦ Akrýlefni.
♦ Lasurtækni t.d. svampáferð og vaskaskinnsáferö.
♦ Námskeiöið er aö mestu leyti verklegt.
♦ Námskeiðiö verður haldiö í Verkmenntaskólanum á
Akureyri (smíöadeild).
Námskeiösgjald er kr. 3.000,00.
Skráning hjá F.B.E. í síma 462 2890 og M.B.N. í síma
461 1222.
Skráning stendur til miövikudags 29. nóvember.