Dagur - 13.12.1995, Page 4
4 - DAGUR - Miðvikudagur 13. desember 1995
LEIPARi —-—---------------
Sókn að marki
ÚTGEFANDI: DAGSPRENT HF.
SKRIFSTOFUR: STRANDGATA 31,
PÓSTHÓLF 60, AKUREYRI,
SÍMI: 462 4222
ÁSKRIFT KR. M. VSK. 1500 Á MÁNUÐI
LAUSASÖLUVERÐ M. VSK. KR. 125
RITSTJÓRAR: JÓHANN ÓLAFUR HALLDÓRSSON, (ÁBM.),
ÓSKAR ÞÓR HALLDÓRSSON, (ÁBM.)
AÐRIR BLAÐAMENN:
AUÐUR INGÓLFSDÓTTIR, GEIR A. GUÐSTEINSSON,
HALLDÓR ARINBJARNARSON,
SIGURÐUR BOGI SÆVARSSON, FROSTI EIÐSSON (Iþróttir),
INGIBJÖRG MAGNÚSDÓTTIR (Húsavfk vs. 464 1585, fax 464 2285).
LJÓSMYNDARI: BJÖRN GÍSLASON
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
HAFDI'S FREYJA RÖGNVALDSDÓTTIR, HEIMASÍMI 462 5165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
SÍMFAX: 462 7639
SÍMFAX AUGLÝSINGADEILDAR: 462 2087
Við lifum í heimi þar sem breytingarnar eru örar
og tæknin seilist inn á ný og ný svið. Valkostimir
em tveir, annað hvort að líta á þróunina þannig
að hún komi landi eins og íslandi ekkert við eða
hitt að fylgja henni eftir og sjá út sóknarfærin.
Ríkisstjórn íslands hefur nú valið síðari kostinn
og samþykkti á fundi í fyrri viku að skipuð verði
nefnd til að gera tillögur til ríkisstjórnarinnar um
mótun stefnu fyrir íslenska upplýsingaþjóðfélag-
ið næsta áratug. Þessi stefnumótun hafi að
markmiði að ný upplýsinga- og fjarskiptatækni
verði á sem bestan hátt nýtt í þágu efnahags-
legra framfara og uppbyggingar í atvinnulífinu,
vísindarannsókna, lista og hvers kyns menning-
armála. Með slíkri stefnumótun verði unnt að
vinna markvisst að hagnýtingu nýrrar upplýs-
inga- og fjarskiptatækni til að bera uppi vöxt
efnahagslífsins á komandi árum og tryggja öllum
landsmönnum fullan og jafnan aðgang að gæð-
um hins nýja þjóðfélags.
Það er óvarlegt að tala um óþrjótandi auðlind-
ir þjóða. íslendingar búa yfir auðlindum í hafi og
á landi sem eru vissulega gjöfular en viðkvæmar
og þess vegna þarf að horfa út um framrúðuna
eftir nýjum stoðum. Tæknibreytingar á upplýs-
inga- og fjarskiptasviðinu munu spila þarna stórt
hlutverk enda gera þær að verkum að fjarlægðir
sem áður virtust óyfirstíganlegar hindranir eru
nú úr vegi og aðgangurinn að þekkingarbrunn-
um gjörbreyta atvinnuháttum og samskiptum
manna á meðal. Landfræðileg lega íslands er á
vissan hátt kostur en í viðskiptalegu tilliti er hún
ókostur. Greiðari leíðir fyrir upplýsingar og sam-
skipti breyta þessu og gera minni fyrirtækjum
kleift að seilast inn á markaði sem þau hefðu ella
ekki ráðið við. Ef tekst að nýta þessar tækni-
breytingar í þágu efnahagslegra framfara og
uppbyggingar í atvinnulífinu, til vísindarann-
sókna, mennta, lista og menningarmála almennt
hafa sóknartækifærin verið vel nýtt. Lögmálin
eru ekki önnur en í íþróttunum; mörkin koma
ekki nema sótt sé að marki.
Sáttín náðist?
„Jörðin er ekki stór í alheiminum, Húsavík er ekki stór á íslandi og tann-
læknastofan á Húsavík er lítil miðað við Húsavík alla,“ segir Helgi í grein
sinni.
Jörðin er ekki stór í alheiminum,
Húsavík er ekki slór á íslandi og
tannlæknastofan á Húsavík er lítil
miðað við Húsavík alla. Átök og
valdabarátta eru víða og meðal
annars hér á Húsavík, ekki síst á
tannlæknastofunum. Maður getur
samglaðst öllum þeim sem ná sátt-
um í deilum og það er gleðilegt ef
sáttir hafa náðst í valdabaráttu
tannlæknanna og þeir geti nú skipt
með sér verkum, deilt og drottnað
á Húsavík í fullri sátt. Sáttin náð-
ist um það, hjá þessum tveimur
pólitísku oddvitum sinna flokka,
að láta ekki fara fram nauðsynlega
og ítarlega úttekt á tveimur burð-
arásum í húsvísku atvinnulífí, út-
gerð og fiskvinnslu áður en end-
anleg ákvörðun er tekin um sam-
einingu fyrirtækjanna. Þeir hafa
báðir gengið með þessa hugmynd
í maganum frá því fyrir síðustu
bæjarstjómarkosningar, sett sér
það sem stefnu og markmið á
þessu kjörtímabili. Það virðist
einu gilda hvot slík sameining er
skynsamleg fyrir Húsvíkinga eða
ekki, það þarf ekki einu sinni að
skoða það hvort slík sameining er
skynsamleg. í tillögu þeirri sem
meirihluti G-lista og B-lista hafði
náð samkomulagi um voru þrjú
ákvæði sem settu brestinn í meiri-
hlutasamstarfíð. Við nánari athug-
un B-listans á tillögunni gátu þeir
ekki sætt sig við hana og skáru úr
henni ákvæði um úttekt og skoðun
á fyrirtækjunum áður en endanleg
ákvörðun er tekin um sameiningu
félaganna.
Pau ákvæði eru:
a) Að mat fari fram á arðsemi
hlutafjáreignar í framtíðinni hjá
hvoru fyrirtæki um sig og sam-
einuðu fyrirtæki.
b) Að áhættumat verði gert, þar
sem sérstök skoðun fari fram á
tapþoli fyrirtækjanna hvors fyr-
ir sig og sameinuðu.
d) Að veðhæfni fyrirtækjanna
verði metin.
„Maður getur
samglaðst öllum
þeim sem ná sátt-
um í deilum og
það er gleðilegt ef
sáttir hafa náðst í
valdabaráttu tann-
læknanna og þeir
geti nú skipt með
sér verkum, deilt
og drottnað á
Húsavík í fullri
sátt.“
Tilgangur með mati á arðsemi
er sá, að verði hlutabréf sett á al-
mennan markað er nauðsynlegt
bæði fyrir þá sem eru að selja
bréfin, svo og þá sem ætla að
kaupa, að fá sem bestar upplýs-
ingar um væntanlega arðsemi
bréfanna. Eftir því sem arðsvonin
er meiri, þeim mun líklegra er að
bréfin seljist á viðunandi verði.
Þess vegna er bæði rétt og skyn-
samlegt að láta fara fram mat á
væntanlegri arðsemi fyrirtækj-
anna.
Eins og allir vita þá eru sjávar-
útvegur og fiskvinnsla sveiflu-
kenndar atvinnugreinar. I þeim
verðsveiflum sem eiga sér stað á
mörkuðum er oft stutt milli hagn-
aðar og taps og áhættan meiri en
þar sem stöðugleiki ríkir. Þess
vegna ættu allir að geta verið sam-
mála um það að áhættumat verði
gert áður en til sameiningar kem-
ur.
Skoðun á veðhæfni fyrirtækj-
anna er nauðsynleg. Bæði fyrir-
tækin hafa staðið í miklum fjár-
festingum á þessu hausti og ljóst
að greiðslustaða getur orðið erfíð í
næstu framtíð. Komi til þess að
fyrirtækin tapi á rekstri sínum þarf
að brúa það bil með lántökum.
Slík lántaka er ekki fyrir hendi
nema veð séu fyrir þeim lánum
sem þarf til að brúa rekstrartapið.
Ef niðurstaða slíkrar skoðunar
er jákvæð, þannig að nýir fjárfest-
ar og núverandi eigendur geti
vænst þess að fá arð af hlutabréf-
um sínum í framtíðinni og áhættan
ekki þess eðlis að menn geti átt
von á að tapa því sem þeir eiga
eða kaupa í félaginu, þá er enginn
á móti sameiningu fyrirtækjanna.
Þá er bæði rétt og skynsamlegt að
sameina fyrirtækin og að því gætu
allir staðið.
Má þessi athugun á fyrirtækj-
unum ekki fara fram áður en
gengið er til sameiningar félag-
anna? Eru menn hræddir við að
niðurstaða framangreindrar
skoðunar á fyrirtækjunum geti
leitt það í ljós að markmið með
sameiningu náist ekki? Að staða
þeirra sé einfaldlega ekki nógu
góð og traust?
Það er oft sem menn stefna að
því að gera eitthvað ákveðið á
ákveðnum tíma og oft þurfa menn
einnig að víkja frá þeirri stefnu.
Til dæmis ákveða sjómenn að
kveldi dags að fara á sjó daginn
eftir. Þeir hlusta á veðurspána og
fara ef veður reynist nógu gott.
Þeir fara ekki ef veður er tvísýnt
þannig að menn og skip séu í
hættu. Ef þeir færu nú samt á sjó-
inn með illum afleiðingum, gæt-
um við Húsvískir borgarar verið
sammála um það að betra hefði
verið fyrir þá að hlusta betur á
veðurspána.
Það er nauðsynlegt að ofan-
greind úttekt á fyrirtækjunum
verði gerð. Við skulum vona að
niðurstöður þeirrar úttektar leiði
það í ljós, að sameining fyrirtækj-
anna geti leitt til öflugs almenn-
ingshlutafélags, þar sem hlutabréf
ganga kaupum og sölum á hluta-
bréfamörkuðum og þannig komi
nýtt fjármagn inn í sameinað fé-
lag. Ef slík úttekt er neikvæð, þá
verður að bíða enn um sinn meðan
verið er að styrkja rekstur og
stöðu félaganna og gera þau hæf á
hlutabréfamarkaði.
Helgi Krist jánsson.
Höfundur er starfsmaður Höfða hf. á Húsavík.
■* 9B
m ■■ || 1ty
Ný snyrtivöruverslun Akureyri
Snyrtivöruverslunin Ilmur hefur hafið rekstur í göngugötunni á Akureyri, Hafnarstræti 98. Verslunin var opnuð 1.
desember sl. Eigandi verslunarinnar er Áslaug Borg, snyrti- og förðunarfræðingur. Hún er á meðfylgjandi mynd
sem tekin var í versluninni. Ilmur býður m.a. upp á þekkt merki úr snyrtivöruhciminum eins og Dior, Clarins, Orl-
ane, No 7 og No Name. Mynd: bg
Skákfélag Akureyrar:
Góð þátttaka í hraðskák-
inni hjá þeim yngstu
- mót fyrir 45 ára og eldri annað kvöld
Jón Björgvinsson varð bikarmeist-
ari Skákfélags Akureyrar á dögun-
um en næstir á eftir honum í mót-
inu komu Þór Valtýsson og Sig-
urður Ingason. Öðru stóru móti
hjá Skákfélagi Akureyrar er ný-
lokið en þar voru á ferðinni
yngstu skákmennimir í hausthrað-
skákmóti bama og unglinga. Þátt-
takendur voru 24 og tefldu saman
í einum flokki, 7 umferðir eftir
monradkerfi.
Eftirfarandi eru úrslit úr mót-
inu:
13-15 ára
1. Bjöm Finnbogason 13 vinn. af 14
2. Loftur Baldvinsson 13 vinn. af 14
3. Jón Áki Jensson 8,5 vinn af 14
10-12 ára
1. Egill Öm Jónsson 10 vinn.
2. Valgarður Reynisson 8 vinn.
3. Sigfús Arason 7,5 vinn.
4. Gísli Grétarsson 7,5 vinn.
Stúlknaflokkur
1. Stella Christensen 8 vinn.
2. Anna Kristín Þórhallsdóttir 7 vinn.
3. Inga Kristín Jónsdóttir 5,5 vinn.
Magnea Finnbogadóttir fékk verð-
laun í yngri flokki stúlkna.
9 ára og yngri
1. Hjálmar Freyr Valdimarss. 5,5 vinn.
2. Ragnar Sigtryggsson 3,5 vinn.
Næsta mót hjá Skákfélagi Ak-
ureyrar verður annað kvöld þegar
flautað verður til leiks í 10 mín-
útna móti fyrir 45 ára og eldri.
Mótið hefst kl. 20.