Dagur - 27.04.1996, Blaðsíða 9

Laugardagur 27. apríl 1996 - DAGUR - 9
Það var ekki síst lítilli, Ijós-
hœrðri, norðlenskri hnátu
að þakka að tónleikar
hljómsveitarinnar Boney M
á Akureyri tókust jafnvel og
raun bar vitni. Þó áhorf-
endabekkirnir í KA-heimil-
inu væru þétt setnir var
hljómsveitin fræga nefnilega
svolítið einmana á sviðinu í
byrjun þar sem heill hand-
boltavöllur skildi að áhorf-
endur og tónlistarmennina.
Börnin létu hins vegar ekki
fjarlœgðina á sigfá, hlupu
fram á gólfið og dilluðu sér í
takt. í barnaskaranum var
litla stúlkan sem áður var
nefnd og heillaði hún svo
hljómsveitarmeðlimi með
fjöri sínu og einlœgni að þeir
kipptu henni upp á svið og
þar dansaði sú stutta og
trallaði með það sem eftir
lifði tónleikanna.
Tónleikarnir voru fremur daufir í byrjun en í lokin voru aliir komnir í mikið stuð, tóniistarfólk sem og tónleikagestir.
Á tónleikum með Boney M
„Þú ert yndisleg, þú hefur gefið
okkur innblástur í kvöld,“ sagði
Liz Mitchell, aðalstjarna Boney
M, við litlu stúlkuna (sem skildi
auðvitað ekki orð í ensku og sagði
bara ,já“ þegar hún var spurð að
nafni!). Og það var eins og við
manninn mælt að um leið og sú
litla var komin á sviðið tvíefldist
tónlistarfólkið og gömlu góðu lög-
in fóru að hljóma af meiri krafti,
Smám saman tókst þeim að hnfa
fleiri með sér en börnin og að síð-
ustu voru áhorfendabekkirnir hér
um bil tómir því ungir jafnt sem
aldnir höfðu fært sig nær sviðinu
þar sem allir dönsuðu, klöppuðu
og sungu með í lögunum Brown
girl in the ring, Rivers of Babylon
og fleiri lögum sem hljómsveitin
hefur gert vinsæl.
Góðar og slæmar stundir
Hljómsveitin Boney M var stofn-
uð í Þýskalandi árið 1975 og náði
á tímabili mjög miklum vinsæld-
um. Nokkuð hefur verið um
mannaskiptingar í hljómsveitinni í
gegn um árin en aðal söngkonan,
Liz Mitchell, hefur þó verið með
frá upphafi. í spjalli við blaða-
mann Dags, stuttu fyrir tónleikana
í KA-heimilinu, sagði Liz að hún
myndi lýsa þessum tíma með
hljómsveitinni sem góðum tíma
og hún hafi verið heppin. „Ég hef
átt góðar stundir og einnig slæm-
ar. En jafnvel þær slæmu hafa ver-
ið lærdómsríkar og því jákvæð
reynsla.“
f stuttu ágripi sem dreift var til
tónlistargesta kemur fram að Liz
Mitchell fæddist í Jamaica, sem er
eyríki í Karíbahafi, þann 12. júlí
(fæðingarárið er ekki gefið upp!).
Allt frá barnæsku var Liz ákveðin
í því að verða annað tveggja:
söngkona eða leikkona. Hún var
enn í barnaskóla þegar hún stofn-
aði sína fyrstu hljómsveit sem
söng og dansaði í fnmínútum í
skólanum. Áður en ferillinn með
Boney M hófst hafði Liz þegar
öðlast margvíslega reynslu í
söngnum. Hún söng um tíma með
gospel hljómsveit og tók þátt í
söngleiknum Hárinu í Þýskalandi,
svo eitthvað sé nefnt. Það var svo
árið 1975 sem Boney M var stofn-
uð og Liz fékk stóra tækifærið.
Eiginmaðurinn fram-
kvæmdastjóri
Þó Liz sé fædd og uppalin í Jama-
Liz Mitcheil hefur vcrið aðal
söngkona Boney M frá upp-
hafi. Hún er mikill Islandsvinur og
segist sérstakiega vera hrifin af
fjöllunum og sjónum.
ica er hún nú breskur ríkisborgari.
Sömu sögu er að segja af öðrum í
Boney M. Söngkonurnar Carol
Grey og Patricia Foster, og dans-
arinn Tony búa öll í London en
Liz býr ásamt eiginmanni sínum,
Thomas, aðeins utan við borgina.
Eiginmaðurinn er jafnframt fram-
kvæmdastjóri fyrir Liz. „Við
kynntumst árið 1983 þegar hann
Dansarinn Tony náði góðum tengsl-
um við ungu kynslóðina. Hér hefur
hann með fengið til liðs við pilt úr
röðum tónleikagesta og stóð sá sig
með mikilli prýði í dansinum. Því
miður náðist ekki mynd af litlu ^
stúlkunni sem síðar kom upp á
sviðið.
sá um samninga fyrir mig eftir
mannabreytingar í Boney M. Þá
þurfti að gera nýja samninga og
Thomas sá um það. Síðan hefur
hann séð um alla samninga fyrir
mig.“
Flest laga Boney M sem vin-
sældum hafa náð eru nokkurra ára
gömul og þó hljómsveitin sé enn
að flytja ný lög hafa þau ekki náð
verulegum vinsældum. „Ég verð
að viðurkenna að ég hef ekki verið
nógu dugleg að einbeita mér að
nýrra efni. Við höfum verið svo
upptekin við að ferðast og spila á
tónleikum að við höfum ekki gefið
okkur tíma til að taka upp ný lög.
En ég er ekki hætt að semja tónlist
og reyndar er ég að vinna efni um
þessar mundir. Kannski ætti ég
ekki að vera segja frá því vegna
þess að oft gerist það að þó búið sé
að taka upp í hljóðveri er ekkert
gefið út. Það er því svolítið vand-
ræðalegt að segjast vera að vinna
að plötu og tveimur árum seinna er
ekkert komið út. En ég vonast til
að eitthvað verði úr því sem ég er
nú að vinna," segir Liz og hlær.
Hrifin af íslandi
„Upp á síðkastið höfum við ferð-
ast mikið,“ segir Liz. „Jafnvel á
þeim árum sem Boney M var
mjög vinsæl ferðuðumst við ekki
svona mikið. Við vorum kannski
þrjá mánuði í hljóðveri og tókum í
kjölfarið tvo mánuði í kynningu.
Kynningin fólst í því að koma
fram í útvarpi, sjónvarpi og öðrum
fjölmiðlum en ekki í að ferðast og
spila á tónleikum eins og við ger-
um nú.“
Boney M hefur komið til ís-
lands fjórum sinnum aður en tón-
leikamir á fimmtudaginn voru þó
þeir fyrstu á Akureyri. Þrátt fyrir
mikil ferðalög verður að teljast
óvenjulegt að jafnþekkt hljóm-
sveit komi svo oft til landsins en
Liz kann skýringu á því. „Mér
finnst landið ykkar yndislegt og
ég held að allir í hljómsveitinni
séu sama sinnis. Ef fáir tónlistar-
menn koma hingað held ég að þeir
hafi einfaldlega ekki uppgötvað
landið því ef þeir kærnu hingað er
ég viss um að þeir myndu líka
falla fyrir landinu," segir hún. „Og
þó...,“ bætir hún við eftir stutta
umhugsun. „Kannski er það bara
ákveðið fólk sem hrífst af þessu
landi. Sumum gæti þótt landið of
hreint, ferskt og ómengað." AI