Dagur - 27.04.1996, Blaðsíða 15

Laugardagur 27. apríl 1996 - DAGUR - 15
íslenski hópurinn sem tók þátt í fyrra mótinu á Flórída. Standandi frá vinstri: Finnbogi Gíslason, Þórhallur Pálsson, Aöalsteinn Jónsson, Ragnar Sigurös-
son, Friðrik Sigþórsson, Þór Árnason, Kjartan Bragason, Þórarinn Jónsson, Hulda Vilhjálmsdóttir, Þórunn Kolbeinsdóttir, Gunnar Jakobsson, Patricia
Jónsson, Gísli Jónsson, Guörún Kristjánsdóttir, Gunnar Örn Rúnarsson, Hilmar Gíslason og Ingibjörg Þorvaldsdóttir, kona Hilmars. Neðri röö frá vinstri:
Ólafur Tómasson, Haraldur Sigurðsson, Kristján Jóhannesson, Þorvaldur Snæbjörnsson, Guöjón Jónsson, Siguröur Jónsson og Haukur Jónsson.
Brynleifur Hallsson:
Horfðum á bestu
kylfinga heims
„Það var búið að blunda í mér að
fara í golfferð. Ég ætlaði mér að
fara í fyrra en það varð ekkert af
því þá. Svo þegar boðið var upp á
þessa ferð lét ég slag standa og
dreif mig með, því menn sem
höfðu verið þama áður, voru búnir
að lýsa þessu fyrir mér. Ég varð
ekki fyrir neinum vonbrigðum, því
þetta var frábær ferð að öllu leyti.
Við áttum þess kost að horfa á
bestu kylfinga heims leika golf á
atvinnumannamóti og það var sér-
stakt upplifelsi að komast nálægt
þessum stórsnillingum. Þá voru
vellirnir sérlega skemmtilegir, sér-
staklega tveir af þeim dýrari, Hunt-
ers Creek og Eastwood," sagði
Brynleifur Hallsson, mjólkurfræð-
ingur, einn þeirra Akureyringa sem
fóru í golfferðina til Orlando.
Guðrún Kristjánsdóttir:
Góð aðstaða
„Þetta er fyrsta skipulagða golf-
ferðin sem við hjónin fömm í en
við höfum oft leikið golf í Eng-
landi, þar sem dóttir okkar býr,“
sagði Guðrún Kristjánsdóttir, hús-
móðir, sem var í golfferðinni ásamt
eiginmanni sínum Þorvaldi Snæ-
bjömssyni.
„Það má segja að þetta hafi ver-
ið lúxustúr og aðstaðan var mjög
góð í sumarhúsunum. Veðrið var
ágætt, nema þessa þrjá daga sem að
kólnaði aðeins, en það var nú ekki
verra en svo að maður þurfti að
klæða sig í peysu, líkt og á sumrin
hér heima. Okkur konunum tókst
að spila nokkuð undir forgjöfmni
og ég reikna með að ferðin hafi
verið ágætist undirbúningur fyrir
sumarið," sagði Guðrún.
Þórhallur Pálsson:
í þriöja sinn i
golf til Rórída
„Þetta var mjög góð ferð, sérstak-
lega að því leyti að tíminn var vel
nýttur og hópurinn gerði mun
meira heldur en að spila golf og
eftirmiðdagamir og kvöldin vom
vel nýtt líka. Samt sem áður finnst
mér þessi ferð í styttra lagi, svona
ferðir þurfa helst að vera í að
minnsta kosti þrjár vikur,“ sagði
Þórhallur Pálsson, rafvirki, sem var
í sinni sjöundu golfferð til útlanda.
Þetta var þriðja ferð Þórhallar til
Flórída en hann hefur einnig leikið
golf á*Spáni og í Hollandi.
Gunnar Örn Rúnarsson (t.v.) og Guðjón Jónsson, taka því rólega á 18. flötinni á Buena Ventura golfvcllinum.
Stutt ágrip af ferðasögu
Um þrjátíu Akureyringar
brugðu undir sig betri fætinum í
síðasta mánuði og héidu til Flór-
ída, nánar tiltekið til Orlando.
Megintilgangur ferðarinnar var
fyrst og ffemst að leika golf
enda var stærsti hluti ferðalang-
anna félagar í Golfklúbbi Akur-
eyrar.
Strax eftir golfvertíðina hér á
landi sl. haust fóru einstaka menn
að kanna það, hvort ekki væri
áhugi á að fara í golfferð í vetur.
Engar skipulagðar hópferðir
höfðu verið hjá kylfingum í tvö
ár, en í sjö eða átta ár þar á undan
hafði fastur kjami innan klúbbsins
farið árlega í ferðir erlendis, oftast
til Evrópu. Það sem gerði útslagið
að Bandaríkin urðu fyrir valinu
var framtak Gísla Jónssonar, um-
boðsmanns Happdrættis H.í. hér á
Akureyri, sem átti í samningavið-
ræðum um að fá góð kjör á ferð-
um til Bandaríkjanna. Það tókst
og boðið var upp á rúm tuttugu
sæti með Flugleiðavél þann 11.
mars. Nokkrir fóru út viku á und-
an og hópur kylfinga frá Akureyri
var því nálægt þrjátíu talsins.
Líklega hefur mörgum norðan-
manninum brugðið í brún þegar
komið var til Orlando eftir 400
mínútna flug. Lofthitinn var ekki
meiri en hann hafði verið í Kefla-
vík þegar lagt var af stað og kalsa-
gjóla. Ekki bætti úr skák þegar
ferðalangamir fengu þær fréttir að
mikið hefði rignt undanfama daga
og flestum golfvöllum hefði því
verið lokað. En það má segja að
þessi ferðaglaði hópur hafi haft
heppnina með sér, því veðrið var
eins og best var á kosið þá fimm-
tán daga sem hópurinn var ytra.
Hiti var á bilinu 18 til 25 stig yfir
daginn og sólríkt og því einni af-
sökun færra fyrir lélegu skori á
golfvellinum.
íslenski hópurinn bjó í sumar-
húsum með öllum þægindum.
Ódýr vallargjöld buðust á tveimur
völlum í nágrenni húsanna og var
þeim tekið fegins hendi. Yfirleitt
var sá háttur hafður á að leikið var
á morgnana, oft farið út á völl
klukkan 8 að morgni og eftir átján
holumar gátu menn síðan hellt sér
út í aðrar tómstundir, hvort sem
það voru heimsóknir í skemmti-
garðana, sem Orlando er svo fræg
fyrir, verslunarferðir, snætt á góð-
um veitingahúsum eða tíminn not-
aður til að slappa af við sundlaug-
ina.
Akureyringar stóðu jafnframt
fyrir tveimur golfmótum ytra.
Leikin var punktakeppni og for-
gjöf höfð til hliðsjónar. Þórarinn
Jónsson stóð uppi sem sigurvegari
á fyrra mótinu með 38 punkta, en
í því síðara röðuðu þrjár konur sér
í efstu sætin. Sigurvegari varð
Patricia Jónsson með 42 punkta
og miðað við árangur þeirra í síð-
ara mótinu kæmi ekki á óvart þó
konumar létu mikið að sér kveða
næsta sumar.
Óhætt er að segja að menn hafi
verið í misjöfnu formi og því gekk
kylfingunum misvel að finna golf-
sveifluna frá síðasta hausti, en
kannski vom menn einungis óvan-
ir því að leika í stuttbuxum. Flestir
fundu þó sveifluna þegar líða tók
á ferðina og víst er að þessi
galvaski hópur sem ferðaðist yfir í
aðra heimsálfu til þess eins að
leika golf, mætir vel undirbúinn á
Jaðarsvöllinn í sumar.
Knattspyrna:
Leiftur í tólf
liða úrslitin
Leiftur er eina liðið af Norður-
landi sem á sæti í 12-liða úr-
slitum í Deildarbikarkeppnini
KSÍ, en fjölmargir leikir voru
háðir í keppninni á miðviku-
dagskvöld og á flmmtudag.
Leiftur sigraði Þrótt Reykja-
vík 3:1 á miðvikudagskvöldið.
Þróttarar skoruðu fyrsta markið
en Sigurbjöm Jakobsson jafnaði
leikinn fyrir hlé. í síðari hálf-
leiknum skoruðu Gunnar Odds-
son og Matthías Sigvaldason
fyrir Leiftur sent mætir ÍA í 12-
liða úrslitum.
Stórsigur Þórs
Þórsarar unnu stórsigur, 5:1 á
liði KS þegar liðin mættust á
Þórsvellinum í Deildarbikar-
keppni KSÍ á fimmtudaginn.
Það dugði liðinu þó ekki til að
komast í 12- liða úrslit keppn-
innar, Þórsarar hefðu þurft að
sigra með sex marka mun til að
komast uppfyrir Keflavík og ná
2. sætinu í riðlinum. Hreinn
Hringsson skoraði tvö af mörk-
um Þórs gegn KS, en þeir Birgir
Þór Karlsson, Páll Gíslason og
Davíð Garðarsson eitt hver.
Steingrímur Öm Eiðsson skor-
aði mark gestanna.
Heiðmar með tvö
Heiðmar Felixson, sem nýlega
gekk frá félagaskiptum frá Þór
og yfir til Dalvíkur, var á skot-
skónum þegar Dalvíkingar tóku
á móti Völsungi. Heiðmar skor-
aði tvö af mörkum Dalvíkinga
sem sigmðu í leiknum 4:2.
Jón Örvar Eiríksson skoraði
eina markið í fyrri hálfleiknum
fyrir Dalvík en Völsungamir
Amgrímur Amarsson og Magn-
ús Eggertsson breyttu stöðunni í
1:2. Tvö mörk frá Heiðmari og
eitt frá Jóhanni Jónssyni innsigl-
uðu síðan sigur heimamanna.
Síðari leikur liðanna og jafn-
framt eini leikurinn sem eftir er í
riðlakeppninni, fer fram á morg-
un, sunnudag klukkan 12 á Þórs-
vellinum á Akureyri.
Tvö mörk í lokin
KA náði tvívegis forystunni
gegn Tindastóli á Sauðárkróki
en það dugði ekki til sigurs.
Steinn Viðar Gunnarsson, fyrr-
um leikmaður Leifturs, skoraði
fyrsta mark leiksins fyrir KA en
Sveinn Sverrisson jafnaði fyrir
heimamenn rétt fyrir leikhlé.
Þorvaldur Makan Sigbjömsson
skoraði síðari mark KA þremur
mínútum fyrir leikslok en
Tindastóll fékk vítaspymu í
næstu sókn á eftir og úr henni
skoraði Sveinn annað mark sitt.
Tindastóll hafnaði í 4. sæti C-
riðilsins með 5 stig en KA varð í
6. og neðsta sætinu með fjögur
stig.
1 1 11°°°°°°
Hamar
félagsheimili Þórs:
Líkamsrækt og tækjasalur
Ljósabekkir
Vatnsgufubað
Nuddpottur
Salir til leigu
Beinar útsendingar
Getraunaþjónusta
Hamar
sími 461 2080
STÓR HÓPUR AKUREYRIMCA í COLFFERÐ Á FLÓRDÍDA